يا أخي الكُبر دآ حاجة ثقيلة بشكل

[بابكر مخير]

https://www.youtube.com/watch?v=1zc_eDkaq3E

[بابكر مخير]

كتير من المرات تتراوى ليك كلمة أو إسم..
أها تقوم تقول تعرف عنها... أمسك مثلن..
الزول السُفسطائي..
ذي الإنسان يظهر أنهو في بعض المسميات بتغير حالها مع مرور الزمن...
الشخصية دي زمان لمن كان للفلاسفة قيمة ولحدي حسي الناس بتتخذ منهم المراجع والتفاسير. زمن ناس أرسطو كان الوحيدين البيجادلوهم المنطق هم السفسطائيين..
مرآ الزمن وذي ما إحنا الكلام ببقى عندنا لعثمه وتقل نطق كمان الجماعة ديل إنقلب حالهم وبقوا هم ناس بيوصفوا بالغلاط والملاججة..
وإنقلب الحال من النبوغ لي الجهل....
أنا شوفي أنهو السفسطائية دي مقدرة وملَكة ما عند كل زول..
حال الزول بيغالط ويلاجج بسند في أمر الشئ الهو متبنيهو يبقى ينطبق عليهو المسمى زمن حقبة فلاسفة الإغريق..
كما أنه الزول دآ أكيد بيتمتع بي ذاكرة تساعده وتسندهو عند الحاجة..
السفسطائية الفلسفة يساء إستعمالها اليوم من قبل ناس العمل العام، من قادة دول وساسة ومن رجال الدين.
https://ar.wikipedia.org/wiki/%D8%B3%D9%81%D8%B3%D8%B7%D8%A9
https://haltaalam.info/article/%D8%A7%D9%84%D8%B4%D8%AE%D8%B5%D9%8A%D8%A9-%D8%A7%D9%84%D8%B3%D9%8F%D9%81%D8%B3%D8%B7%D8%A7%D 8%A6%D9%8A%D8%A9-%D9%87%D9%88-%D9%86%D9%88%D8%B9-%D9%85%D9%86-%D8%A7%D9%84%D8%A8%D8%B4%D8%B1-%D9%8A%D8%B9/

[بابكر مخير]

فلان زاهد
وهي حسب الفهم العام أنهو زول دين حق فهو زهد الدنيا عشان الأخرة..
فهل زهد الدنيا بس مربوط بالأخرة والوعود بالجنان والحور العين وأنهر من خمر..
البيزهد الدنيا دآ زول فلسفتهو في الدنيا أنهو جابوهو ليها لهدف ولمن شعر بأنهو هدفهو دآ إنقضاء وهو لساتهو ما قضاء يبقى يعيش لين يمشي زاهد في حياته ويهبا لغيره، إن كان صاحب علم فليعممه وإن كان صاحب مال فلينفقه على المحتاجين وإن كان صاحب سلطة فيسعد بها من هم تحت سلطانه..
الزهد هو الترفع عن أمور حياتية كتيرة وهو كذلك التمتع بأمور حياتية كتيرة.
تترفع عن الكُره والبغض وعن الشماتة والحسد. تترفع عن الهرولة وراء الثراء والجاه والسلطة وتتمتع بالإستمتاع بأنك أنجزت الجابوك ليهو إن صغر أو كبُر، أنك تعيش بتراضي، صافي النفس نضيف السريرة، حسن السيرة وصادق بقدر أن تكون للجميع صديق.
الزهاد المرتبطون بالدين والعياذ بالله في حقهم ولكن في شوفي أنهم أنانيون فهم ما موضوع زهد في الدنيا شعورا بأن مهمتهم فيها إنتهت وعليه كمان يبتدوا يزيدوا في كمهم عشان يصيبوا هناك مكانة مرموقة..
في سورة الحشر "وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ" فهل ازهاد من أهل الأديان بيعملوا كدآ وهم الزهد عندهم الإنعزال عن البشر والبعد عنهم فكيف إتا تؤثر التانيين على ما تملك يدك عشان تديهم..
ودي ذي قولة الحديث النبوي: (لا يؤمن أحدكم حتى يحب لأخيه ما يحب لنفسه) هل النفس البشرية العادية ممكن تكون كذلك..
في رأيي لو الزول زهد الدنيا متجردا بيكون أقرب واقعا لي كدآ..
الزهد هو قيمة سامية تترقى لها النفس البشرية الي مكانة مقاربة للملائكة بس في حال أنها ما طمع في الأخرة...
والله يغفر لينا لو تجاوزنا أو دخلنا في المحظور. فل القصد هو بس البوح بالدواخل بكل براءة وحسن نية:)

[بابكر مخير]

https://www.facebook.com/babiker.mukhayer.1/posts/2985547278227607

[بابكر مخير]

الحاجة لمن تغلب الزول؟؟
يديها الف إسم وإسم مثلن ذي البعاتي، ود أم بعلو، السحار
أها حسي، قال ليك: التاجية، كونفيد 19، جائحة ولسة أديها صنة ولمن تغور دآك وتشوف ليها أسامي بالهبل...
حسي بالجد كدي يعني شنهو قصتها، حتستمر تروع البشر كدي دون ما تدي من طرف عيونها غمزة تتفسر أنها خلاص رايحة فايتانا ولا بي طرف أيديها تأشر قاصدة تقول "بآي"..
يعني معقول تقعد كدي في وشينا الشينة وتحدر فينا
لا تقول نفكهم القالوا الروب يا المِنك إكتفينا
ولا تقول نخف عليهم. اليهم أذينا....
يعني قدر ما الواحد ترامب دآ كارهو لكن كمان موافقهو أنهو الصين سبب البلية ما بس عشان إبتدى الوباء عندها لكن لأنها أدت الأوربين فرصة يملطشونا وينظروا كالعادة فينا..
أقفل، ما تسافر، ما تشيش، ما تسلم تصافح، شئ بالكوع وشئ بالقدم..
ومرة، أفتح بس ما تقرب ومرة أقفل تلت وأفتح تلتين ومرة خلاص دواء الملاريا هو البلسم ومرة الكرتزون هو العلاج..
غايتهو ياهو بس إلا نقعد نباريهم..
شمال ونمشي معاهم، يمين ونميل حداهم...
لكن خليهم.
ما هو في القادر الذي بيده ملكوت كل شئ وهو الذي:
"إن أراد شئ أن يقول له كن فيكون" صدق الله العظيم

[بابكر مخير]

أين أنت يا أخي
كانت أيام وكنت معانا
غيابك واحشنا

https://www.youtube.com/watch?v=FaJjxnvOtZk

[بابكر مخير]

كان عمك تنقو وكان حاج كركوب وحسي بابكر
ما هو الحكاية كدآ
مع الثقيل الأثقل من الكرونة. بديهي أثقل من الكرونة لأنهو لو ما هو كان بتكون تعيش وسط البشر عادي ومقاومتك قوية وعزيمة قوية كمان ما تنسى ؟؟ قدرتك قوية..
هميم وعازم وكمان منجز..
لكن حسي بقيت تختا.. المول ما تدخل بي سبب الثقيل، مطاعم لا تقارب لا إجتماعات لا ومخالطة لا ولا لا لا..
آآآآآآآآآآآآآآآآخ
زمن الزمن دآ


http://sudanyat.org/vb/uploaded/851_1592726814.jpg

[بابكر مخير]

http://www.sudanyat.org/vb/uploaded/851_1592728618.jpg

[بابكر مخير]

أمونة "كرميلا" محمد مخير بت عزيزة شقيقتي..
كتر خيرها أنجزت ليا مهمة وعلى قولها (هي عايزة تساعدني في التوثيق)..
قصة حكيتها قبل كدآ وهي عن الصيدليات الشعبية..
لمن كنت في الشرطة في السودان في الأدلة الجنائية كان أخي وصديقي اله يرحمه صلاح الدين محمد حمد ساتي يعمل صيدلي في القوات المسلحة. وكتها الشرطة ما كان عندها حتى شفخانة.. طبعن ماني طبيب عشان أفكر في مشروع مستشفى للبوليس وعلى قدر لحافي مديت رجلي وقدمت تصور لسعادة وكتها العميد حسن عطية مساعد مدير البوليس عن صيدلية تكون تعاونية ذي الكناتين التعاونية المعمول بها في إدارات البوليس..
يعني ذي ما نقول، نحتا دماغي ومن هنا لي هنا (الزمن دآك ما كان عم قوقل بغطي بي علمهو الوفير في كل الأمور) وبحبيت وشوية معلومات عن فكرة التعاونيات وأضفت من درايتي في قرايتي وصيدلتي بعض اللمسات في كيف تنشاء الصيدلية التعاونية.
سعادتهو إستلم الدراسة وأنه سيناقش أمرها مع ناس الحل والنهي (الحكمة ما ربط، يا أيوة يا لا)..
إستنيت قول ذي كم شهر ولا حياة لمشروعي فإتحمحمتا وإدمدمتا ومشي ليهو في المكتب وهو طبعن عميد وأنا نقيب فطبيعي أمري ما بتلك الأهمية عشان ينشغل بيهو فهو مدير الإدارة وعندهو أمر أكثر أهمية ونسى ظاتهو أني جبتا ليهو حاجة..
بعد ما حكيت ليهو أني جيت وأديتهو مشروع صيدلية تعاونية..
قال ليا: هي ما محتجة لي دراسة ظاتها ما بدل بضاعة في دكان اليماني هو دواء..
رتبة أعلى وحسب الضبط والربط تسكت تنطم.. وبنفس هادئ قلت ليهو: تمام سعادتك بس بلقى الملف.
لحسن الحظ كان مركون قدامهو وأنا شكلهو ما غباني فقلت ليهو أهو دآ ممكن أشيلهو..
أخدتا الملف ورجعت بري للمعامل الجنائية ووراي خيوط إحباط مركب جاريها...
بعد الإنصراف وبما أني ساكن أمدرمان فشارع النيل بي أشجارهو الظليلة قبل ما يجوزها دكتور قلندر. همبريبو يهدئ النفس ويبعث في دواخل الإنسان الرحمة والطمائنينة. وقدام وزارة الصحة شفتا أخي العزيز مكاوي عوض المكاوي اللهو كان وكتها أمين إتحاد الشباب في الإتحاد الإشتراكي (أو كما كان يسمى) طالع من وزارة الصحة وسبحان الله كيييييييف في لحظتها تفتقت في ذهني (حلوة دي مش كدآ) فكرة أغلب بيها إحساس خيبتي وأبعثها من جديد بصورة أكثر عمومية بمنفعة أشمل..
تيت تيت وقف عربيتهو ونزلنا وإتقالدنا (ما كان في كرونة) وقلتا ليهو يا أخي عندي فكرة بي بساطة أننا نرخص بيها سعر الأدوية عشان الناس الغلابة يقدروا يشتروها..
كان على قدر توقعاتي بل أكبر وقال ليا: تعال معاي نمشي المكتب وهناك نتكلم.. وكان مكتبهو في مبنى الإتحاد الإشتراكي بشارع النيل.....
نواصل مع الصيدليات الشعبية الفكرة


http://www.sudanyat.org/vb/uploaded/851_1592844914.jpg

[بابكر مخير]

الفكرة هي أنهو الأدوية كلها مستوردة يعني شراية بالعملة الأجنبية ما وكتها ما كانت هي صعبة لأنهو الجنيه قبل نميري كان ليهو قيمة وحتى أيام نميري والهزات برضهو كان بيساوي شئ وكان في تصدير ومدخلات تشترى مقابله..
سعر الدواء الذيادات غير فرق العملة النسب المئوية البتتحصل عليها شركات ومخازن الأدوية عند بيعها لي الصيدليات االخاصة يعني ذي تاجر العملة البيبيع لدكان القطاعي .. قول مثلن الشركة 20% للصيدلية والصيدلية 15% للمشتري...
فالفكرة أننا نوفر النسب المئوية دي..
كيف بقآ يا شطور؟؟؟
الطريقة واااااااااحدة أنه تدخل الحكومة لتشارك في سوق بيع الدواء كمنافس ما محتكر...
أها!!
الأدوية البتجيبها الحكومة عشان تبيعها في السوق ما بتكون بالأسماء التجارية المتعارفة ولا بالعبوءات المنمقة الزاهية الشكل وهي بتتباع بالإسم الصناعي وما التجاري يعني قول: البنتركسيل البتبيعهو شركة بريستول حيتعامل معاهو بإسمهو الجنريك كا أمبسلين، البنادول بإسمهو باراستمول وكدى يعني..
هنا بقآ المريض العايز البهرجة أهو قدامهو إجزخانة أمدرمان يشتري منها الغالي والمريض العايز دواء حسب قدرتهو بيلقاهو في الصيليات الشعبية..
قلنا الحكومة تدخل في السوق كيييييف؟؟
الحكومة بتشتري الدواء وما بالإسم التجاري ولكن بالإسم الصناعي ومباشرة من الخارج لمخازن الأدوية التابعة لوزارة الصحة وتوزيعها على المستشفيات حيث العلاج مجان (المستشفيات طبعن طاقتها ما بتكفي لكل الشعب فعليه بعض المرضى لا يتوفر لهم العلاج والدواء في المستشفيات فعليهم شرايتها من السوق)
فالفكرة أنهو الصيليات الشعبية تشتري الدواء إما من الحكومة دون النسب المئوية بتاعت الشركات أو أنهو يفتح ليها طريق لتشتري الدواء من الخارج من خلال بنك السودان ووزارة المالية تحت رقابة إدارة الصيدلة بوزراة الصحة...
طيب الصيدليات دي عايزة محلات وليها منصرفات كهرباء وموية وصيادلة ومساعدين وبياعين وعمال..
هنا بقآ الصيدليات دي تكون على شكل (Boots) فيها غير الأدوية من كل الفي الصيدليات الخاصة من مستحضرات تجميل وأجهزة وخلافهو معجون أسنان وصابون
وكدآ وتباع بنفس السعر البرآ وتكون النسبة المئوية بتاعت ربح القطاع الخاص أكيد بتغطي كل المنصرفات القلناها..
لييه التوقع بأن بيع الحاجات دي بيكفي؟؟
السبب وجيه وأكيد.. زبائن الصيدليات الشعبية حيكونوا أكثر وبعض الحاجات دي ضرورية للحياة اليومية.
أخي مكاوي تحمس جدا وناغم الأخ العزيز مختار مكي وهوكان ذي نائب لهو ومبالغة حماستهو لي درجة أنهو طوالي إتصل بالسيد اللواء خالد حسن عباس الكان وزير الصحة وقتها وطلب منهو موعد وإتفقنا علىى الغد...
ونواصل مع حكاية الصيدليات الشعبية

[بابكر مخير]

كنا في الأدلة الجنائية كالأسرة في بيت واحد عشنا متناغميين في ظل رب البيت الدكتور العظيم حاكم عبد الرحمن رغم ما كان يعتري هذه الأسرة من إختلافات ودي بتحصل بين الأشقاء في البيت الواحد وبيوصفهوا بي قولة: ما هي المصارين في البطن بتتشاكل ويصدر صوت الكركبة..
من هذا المنطلق فما فينا زول عندهو فكرة ولا مشكلة وإلا بيكون دكتور حاكم عارفها أو عارف بيها وأنا خوفتن من الملامة كنت من الأول كلمتهو بي فكرة الصيدلية التعاونية اللي البوليس ولمن (حدث ما حدث) ولغاية لقائي من مولانا مكاوي كلمتهو بيهو من صباحية الله وأننا ما شين نقابل اللواء خالد حسن عباس ونشرح ليهو فكرة الصيدليات الشعبية وباركها في نفس الوكت دكتور حاكم وتمنى لي التوفيق..
طيب حسي الأمور كدآ بدت تاخد شكل عملي وحسب الطموحات الكنتا بانيها...
كنا في مكتب اللواء خالد الساعة عشرة وشرحت ليهو الفكرة ورحب بيها ووعد بأنهو سيعمل على إنجاحها..
نسبة لمشاغل مكاوي فقد أوكل الحبيب المهندس مختار التوم (لا حول ولا قوة إلا بالله يأخي الكُبر ومتلازمتهو النسيان دآ حاجة بطالة.. نسيت إسم الاشمهندس مختار وقلتا مختار مكي وهو ظنيتها أكيد مختار التوم ومن سكان حي الموردة وأسرتهم غنية عن التعريف فعذري له وللقراء "لو هناك من يقراء;)") أنهو يكون سند ليا ديمة وقد كان الي أن نجحنا في إفتتاح أول صدلية شعبية فله مني الشكر وله إن شاء الله كتاب حسناته الكثيرة..
..... صيدلية عوض حسين الشعبية...
هذا الإسم له قصتهو.
زملاء دراستي في المرحلة الوسطى والثانوية كانا الأحباء إسماعيل وحسين عوض حسين وكان لقائي بالحبيب إسماعيل يكاد يكون دائم فهو كان يعمل في كلية الصيدلة بجامعة الخرطوم وكنت كثير التردد على الوالد هناك والذي كان في تلك الفترة رئيس قسم الصيدلانيات قبل أن يكون عميد للكلية (طبعن الوالد إبراهيم قاسم مخير كان صاحب أول إجزخانة يملكها صيدلي سودني في أمدرمان وسميت بي إجزخانة أمدرمان ومكانها كان في الناصية الجنوبية الغربية في وقف المسجد الكبير وتقاصدها قهو يوس ود الآغا الشهيرة ووشرقها نادي الخريجين. فكانت ملتقى للعديد من أهل أمدرمان وبتذكر على وجه الخصوص السيد إسماعيل الأزهري الذي كان نادرا ما يمشي لدكتور للعلاج إن حسى بعلة فهو كان طوالي يجي لزميله السابق في الجامعة الأمريكية ببيروت حيث كن الوالد يدرس في الجامعة كطالب صيدلة وكان الزعيم الأزهري مبعوثا من وزراة المعارف للدراسة هناك)...
أتذكر قاسم أخوي كتير من الأوكات كان بيقول ليا..
إستعين على قضاء حوائجك بالسر والكتمان ودآ لأني وما عارف هل هي نغمة أو نعمة أني بباشر بكل مما هو حاصل معايا أو ليا من أمر حسن أو شئ صادم "لو سمحتوا أسميها فلسفة في الحياة" وبفتكر أنك كدآ لو ناقص ليك شئ صغر أو عظم ممكن يكون متوفر عند زول تاني. فكيف ممكن تصل لهذه الحقيقة لو هو لم يعلم..
أها قمتا أتونستا مع إسماعيل عن فكرة الصيدليات الشعبية وربنا لمن يتأكد أنك بتعمل في شئ لوجهه تعالي بيسخر ليك الناس..
بعد كم يوم وأنا في كلية الصيدلة ومع إسماعيل قا ليا:
أنا إتكلمت مع الوالد (المحسن الذي بإذنه تعالى لخير أعماله يكون في رفقة الصالحين والشهداء في روض الجنان) وهو قال أنهو لو عايزين تعملوها في إمدرمان ففي مساحة في الناصية الشمالية الغربية من مدرسة عوض حسين الإبتدائية في العرضة..

[بابكر مخير]

لمن تفرح، شعرت جلدك تكلب وكدآ ذي ما تعرف داير تعمل شنهو..
دي كانت حالتي لمن أخي الحبيب (أبو السباع) زفا ليا الخبر السعيد دآ وزادني في تلك البهجة والفرحة أطنان أخرى لمن قال: الوالد عليه الرحمة مستعد يعمل ليكم التخشيبة من مصنع الأثاث بتاعهو في المنطقة الصناعية أمدرمان..
يا أخونا في بشر هم الأهل الكنيس بيقولوا ليهم قديسين (العم عوض حسين عليه الرحمة كان أحدهم)...
طبعن طرفت للحبيب مختار وهناك لقيت عندهو برضك خبرية وتمامتها عند مكاوي. هم في إتحاد الشباب حيهتموا بأمر المساعد في الصيدلية ليشرف على المشتريات غير الدوائية ومساعدة الصيدلي الحيكون مسئول من الصيدلية في مشيي امورها وحيخصصوا عربية (بوكس) بإسم الصيدلية والتمامة أنهو مكاوي مع السيد اللواء خالد وافق على إنداب أحد الصيادلة ليكون المسئول عن أول صيدلية وحتى أنهو أفتكر وكتها كان أخي عبد الرحمن الرشيد قد ندب الصيدلي والله كما أخاف الكضب إسمهو خوفو (فليعذرني أخي إن كنت نسيت إسمهو وعامل الكُبر قطع شك بيقيف ليا شافع)...
للوكت دآ كان دكتور حاكم عامل ليا تغطية جليلة في أني بتغيب في ملاحقة هذا الأمر وبموافقته حصلت على فترة تفرغ من وزير الداخلية حينها بفتكر كان السد عبد الوهاب إبراهيم بطلب من اللواء خالد حسن عباس..
مشت ألأمور على أحسن وجه الي أني إنتقلت للعمل في دولة الإمارات في 1978 بعد أن كنت حضرت إفتتاح أول صيدلية شعبية...

[imported_عبدالله الشقليني]

الله ذكريات الوالد ربنا يتقبله في رياض الصالحين ..

يا الحبيب بمناسبة دكتور حاكم ، كيف أحوال أب حراز البيمارس تنويم مغناطيسي وكان ضابط شرطة كبير؟
يا أخوي إت وين من الخرف .. بينك وبينو:
بيد بعدها بيد
والله إنت نصيح وشديّد
جمع الحاجات دي تعمل كتب زي قريبك شوقي..
ولا أقولك زي جدك الكبير عمل 5 كراسات وكتب فيها حياتو

[بابكر مخير]

.

يا الحبيب بمناسبة دكتور حاكم ، كيف أحوال أب حراز البيمارس تنويم مغناطيسي


جدك الكبير عمل 5 كراسات وكتب فيها حياتو

الحبيب
دكتور حاكم في السودان من زمن
راجل نوعه نادر..
سعادتو أحمد(المرتضى) أبو حراز صوفي جميل...
ويابا
جدي في عديلهو البيت بيشيلهو..
إلهامو في العملهو كانت ذاتهو وهو كان تواضعا بينسبها لي أمهو "مدينة" ولا يمكن تطرفا لأنها كانت أنصارية وهو كذلك..
دحن شوف إنجازهو الكل سنة كم الف من بنياتنا في شمالهن الشهادة وفي عقولهن العلم وفي قلبوهن حب الوطن والأحفاد. أمهات متسلحات بكل متطلبات الحياة القادمة كان شغل ولا إنشغالة بالزوج والعيال

[بابكر مخير]

بتذكر أيام الدراسة في أسلوفاكيا الصيدليات حكومية وعليه الأدوية كانت بالإسم العام ما في حكاية بنتركسيل للأمبسلين ولا الترمايسين للتراسيكلين وأدوية الكحة ياها شراب كحة وبس ينكتب في الورقة التوضيحية أنهو لي ياتو نوع من الكحة، ناشفة بي بلغم بدون برغم. وكانت الأدوية والعلاج بالمجان. ما بلد شيوعي عات.
المهم عايز أصل لي حقيقة أنهو وبراتسلافا أيامنا ديك هي عاصمة الإقليم الجنوبي لجمهورية تشكوسلوفاكيا الإشتراكية..
يبقى أنهو فكرة الصيدليات الشعبية دي هي أقرب للحس الإشتراكي منها لي الرأسمالية البغيضة..
الصيدليات الشعبية وما كان بيصلني من أخبار في بلاد الغربة أنهو الشيوعيين كانوا رافضينها ومحاربينها عديل..
ممكن نفسر الأمر أنهو كل ما هو مايوي بعد إنقلاب هاشم العطا يجب أن يحارب ويسقط. لكن يا أخوانا حتى لو فيها منفعة للطبقات الكادحة (وصفهم) برضها نعاديها.. ياهم ديل الشيوعيين وحالتهم. أيتها شئ ما منهم هم ضدهو. بتذكر لمن هندستا سفرة وفد التجمع لتشكوسلوفاكيا الله يرحمهو أخونا الكبير التجاني الطيب زعل جدن في أنهو كييف ما هم النظموا الحكاية دي وأتذكر أنهو كيف هاج في صلاح جلال وكان ذلك في مكتب سيد مبارك الفاضل المهدي في مصر..
العداوة للصيدليات الشعبية بتذكر أنها جمعت الكيزان والشيوعيين في جبهة متوحدة لأنهم شعروا بأنها تهدد تجارتهم في الدواء (للمهمشين وقليلي الدخل)..
بتذكر بعد الأنتفاضة عقد إجتماع للصيادلة لإختيار نقابة غير تلك بتاعت مايو وبتذكر واحد من الشيوعيين وقف وهاجم الصيدليات الشعبية ووصفها بأنها نبت شيطاني ما معروف منهو الزرعهو. وأتذكر أني رديت عليهو في وكتها بأن الذي زرع هو أنا وأني زرعت غابة وافرة الخير ينعم من خيرها من تتدعون بأنكم كثر الناس حرصا على مصالحهم وكأنهم هم عاجزون عن الدفاع عن حقهم ونيلهم متى ما سلب منهم...

[بابكر مخير]

قبل كم يوم كان معاي أخي الصغير حاتم محمد العوض ومن ضمن ما تعرضنا له في الونسة أزمات الدواء وأنهو زمان كان في الصيدليات الشعبية وكيف أنهو مشى مرة يشتري دواء بي وصفة وهناك الصيدلي خيرهو بين أن يصرف الروشتة بالإسم التجاري كما هو مكتوب ولا يديهو نفس العلاج بس ما بي إسم تجاري وهو نفس الدواء ونفس الجرعة حسب وصف الطبيب..
حاتم قال ليا: لاحظت أن الفرق في السعر كبير فسألت الصيدلي وشرح له (ما عرضت له أنا سابقا وموضوع النسب المئوية البتتوفر حال شرايت الدواء بالإسم الصناعي "جنرك نيم")
فقال: قلت للصيدلي الحمد لله أنا مغترب وقادر وأكيد في زول أحق بهذا السعر الرمزي لشراء الدواء.. وكتها حاتم ما كان عارف قصة أني صاحب المشروع وبيني وبين نفسي عمببتا وفرحتا وراسي ظتها كبرت.. يبقى فعلن لم يكن الأمر فشوش..
العايز أقولهو..
نجاح الصيدليات الشعبية شجع حرامية الإنقاذ في أنهم عملوا تسعيرة خاصة لإصدار رخص الصيدليات الشعبية بأكثر من رخص الصيدليات الأخرى لأنه مسمى شعبية كان جاذب للناس ولكن كمان ما كانت هي حقيقتن صيدليات شعبية بالمفهوم الإتختا ليها ولكنه كان إسم وفيها أسعار الدواء كما في كل الصيدليات الأخر..
والله يا أكرم حقو تقننوها وحاولو إعادت فتحها بصورة علمية وبالتنسيق مع وليدي مدني ود سعادتهو عباس مدني والمسئولين عن الخدمات الإجتماعية والتعاونيات...

[بابكر مخير]

https://www.youtube.com/watch?v=pmpps5dL6tc

https://www.youtube.com/watch?v=p3Un_eyuyOI

[بابكر مخير]

وعشان تغير الكراسي، تعتر عشر مرات
لعن الله الكُبر

https://www.youtube.com/watch?v=jDR5CEaEKvA

[imported_عبدالله الشقليني]

شكرا للحبيب بابكر
إن مداخلتك عن الصيدليات الشعبية قصة مثيرة يجب إلقاء الضو عليها

[عكــود]

قبل كم يوم كان معاي أخي الصغير حاتم محمد العوض ومن ضمن ما تعرضنا له في الونسة أزمات الدواء وأنهو زمان كان في الصيدليات الشعبية وكيف أنهو مشى مرة يشتري دواء بي وصفة وهناك الصيدلي خيرهو بين أن يصرف الروشتة بالإسم التجاري كما هو مكتوب ولا يديهو نفس العلاج بس ما بي إسم تجاري وهو نفس الدواء ونفس الجرعة حسب وصف الطبيب..
حاتم قال ليا: لاحظت أن الفرق في السعر كبير فسألت الصيدلي وشرح له (ما عرضت له أنا سابقا وموضوع النسب المئوية البتتوفر حال شرايت الدواء بالإسم الصناعي "جنرك نيم")
فقال: قلت للصيدلي الحمد لله أنا مغترب وقادر وأكيد في زول أحق بهذا السعر الرمزي لشراء الدواء.. وكتها حاتم ما كان عارف قصة أني صاحب المشروع وبيني وبين نفسي عمببتا وفرحتا وراسي ظتها كبرت.. يبقى فعلن لم يكن الأمر فشوش..
العايز أقولهو..
نجاح الصيدليات الشعبية شجع حرامية الإنقاذ في أنهم عملوا تسعيرة خاصة لإصدار رخص الصيدليات الشعبية بأكثر من رخص الصيدليات الأخرى لأنه مسمى شعبية كان جاذب للناس ولكن كمان ما كانت هي حقيقتن صيدليات شعبية بالمفهوم الإتختا ليها ولكنه كان إسم وفيها أسعار الدواء كما في كل الصيدليات الأخر..
والله يا أكرم حقو تقننوها وحاولو إعادت فتحها بصورة علمية وبالتنسيق مع وليدي مدني ود سعادتهو عباس مدني والمسئولين عن الخدمات الإجتماعية والتعاونيات...

سلام يا دكتور،
ليت الفكرة وجدت طريقها للتعميم، وأظنك قادر على توصيلها للمسؤولين.

تحياتي

[بابكر مخير]

سلام يا دكتور،
ليت الفكرة وجدت طريقها للتعميم، وأظنك قادر على توصيلها للمسؤولين.
تحياتي

كوكي حبيبو
القرد في عين أمه غزال..
وين يابا القدرة. هو مش كتر خيريي الإتذكرت الأحداث دي لي حسي..
أحمد أخوي (ملقب بي كوريا) مرة التقى عمنا المرحوم وأفتكر الإسم إن ما خانتني الذاكرة هو أحمد حسن مطر (يقال أنه كان ملقب بي السندباد السودان) وكان ساكن في بيت مجاور لي الفندق الكبير وحديقة الحيوانات زمن ما قبل الإنقاذ ووقبلها كان عمنا هو القنصل الفخري جامعن للعديد من دول أمريكا الجنوبية. أها أحمد أخوي (ما حسي الإتنين بقوا حمدو فعبدو فنبقى على كوريا لمن أنتهي من القصة... ) سأل عمك مطر عن حاجة كدآ وهل هي حقيقة كما يرويها الناس.. عمك مطر ذي كان أكبر كمان من عمرنا دآ ويمكن أكيد كان.

فردا على كوريا: شوف يا إبني مش كتر خيريي الأنا عايش اغايت دلوكتي...


عكود يابا الكلام عن الصيدليات ورخصة الدواء ومجانية العلاج بيجيب الهوآ... ما شفتا الحصل لي وليدي أكرم :mad::mad:

https://www.aajill.com/?p=42173

[بابكر مخير]

حياة الإنسان ذي كتاب مؤلف على أكمل وجه، مبوب بنظام، لكل صفحة بداية في في شكلها مفردة لأحداث فيها إختلاف يبتدي من لمسات صغيرة متغايرة قليلة ليين تجي الأكبر، حروفهو مرصوص فتجعل الكلمة مفهومة سهلت القراية بس بعض الأحيان الحروف تتداخل وتصعب القراية خاصة لو كان القارئ غير ملم بقواعد اللغة وبنحوها وجرها وجزمها..
صفحات الكتاب بعضها مزركش؛ "الكلمة دي في شكلها تسوقك لي مراكش وإن بين الإتنين فارق، فواحدة فعل ومشتقها إسم زركشة (ما بتشبه الركشة على أيتها حال طبعن :)) والتانية إسم إلا أن بين الإتين جامع وهو التطريز والتزيين وبي إختصار هي الحلاوة برضك جامعة بيناتهم.."
تلقى صفحة لونها وردي فرايحي ومن أول سطر خيوطهو منمقة ومنسوجة وفيها رسمة لي لوحة لونها كانهو متدرج من الغامق بإنسيابية لي أكتر وضاح ليين يصل نص الصفحة وتبقى الصفحة تقراء بالعين المجردة واضحة الحروف وبنفس الوتيرة التي كونت بها الصفحة من تدرج يبدا اللون في الميل للدكانة الي أن تكون أخر الصفحة سوداء بالكامل لتهدء العيون بعد المعاينة الطويلة في كل الوقت في الصفحة دي والإستعداد لي الصفحة القادمة..
لا ننسى أن كل كتاب له إسم وإسمه دوما إسم علم وينسب لست للمؤلف ولكن لأول شخصين تمنيا وعملا لتملكه ويوم يستحيزانه يفرحا بهو ويدعون الأهل والأحباب والأصدقاء مشاركتهم الأحتفاء بأول كتاب أو واحد أخر من مجموعة كتب عملوا لإمتلاكها وتملكوها..
هذا الكتاب وللعلم صمم على (أحسن تقويم) وكما يجب، مبوب حسب الفهرس كل صفحة فيه معروفة عند مؤلفه ومرصودا سطورها ومحسبوبة حروفها وهنا القصة لو في غلط يبقى الكتاب وقع بين أيدي سيئة أهملته فبلا ومصيبته أنهو إبتلى بيهم ولم يحسنوا صيانتهو وإن كان إستحسان فيبقى الكتاب وقع في أيادي عظيمة وكريمة فحافظت عليه وأحسنت الإهتمام به فبقى درة وسط الكتب..
هذا الكتاب سواء إهتم به مالكيه أو لم يحسناو حفظه فله (أجل مكتوب) مع العمر يهرئ ومع الزمن بيقدم ومع كترت التصفح يتمزق الي أن يدوب وينعدم..
ولست من عودة من تاني عشان يصان ويتداول ويتملك أخر كما كانت سيرته الأولى..
ولا يا ربي بيتدور(recycle) في كتاب أخر في مكان أخر عند مالك أخر وتستمر الدورة كدآ ولا خلااااااااااااااص بيهلك لمن يرجع في للمؤلف وترفا في واحدة من المكتبات الخضراء ولا الحمراء

[بابكر مخير]

ليلة الأمس كانت واحدة من تلك الليالي المشهودة..
وأنا في المندولا وغمامة الهم لافاني، قاعد سرحان أعاين في ولا شئ. (وطبيعة البشر لمن يكون سرحان، تشوفهو بيعاين ويتهيأ ليك أنهو مركز في شئ. من باب الفضول تقوم تعاين في نفس الإتجاه ونفس البقعة تلقا مافي شيتن يستحوز ذلك الإهتمام وتعرف أنهو عايش لحظة فراغ وقتي وجسدي).
وأنا في لحظة فراغي دآ، وكأن الغمامة إنزاحت ومن خلفها أطل وجه مشرق، باسم وفرح ملا الكفتريا بكم هائل من الإشعاع فهو لشخص له طاقة جبارة في إستحواذ الإنتباه حيثما ما كان وأين ما وجد.
بطريقته الخاصة به في الحديث شحني بكم هائل من الأسئلة وبلطفه دوما ما يريحك من الإجابة لأنهو يقوم بذلك..
هاشم حبيب الله، أخي وحبيبي الشقيق ولمن لا يعرفه، فهو فنان يحب الغناء ويعشق الكلمة ويهوى الأدب. يعيش دنياه طربا ويهيم بها معزوفة ويمتع الخلق بها لحنا، عازف ومغني في خاصته ولي خاصته وللعامة هو مرجع في الغنا القديم ناس حقيبة وحتى صداقاتهو ذات هذا الرابط من ناس البنا..
من مدة ما إتلاقينا وطبعن مع الجائحة كل ما هو قبل شهر شهر تلاتة يعتبر زمان..
(قال ليك: واحد اتصل لناس الجامعة قال ليهم انا كنت بقرأ شنوو عندكم قبل الحظر؟؟
‏قالوا ليه : انت كنت صاحب الكفتيريا)
ومن دون إلتزام بقوانين ولوائح محاربة الكرونة، بعد المطايبة والمقالدة.
وإبتدينا الونسة وكعادة السودانيين بالسياسة كمقبلات وعملنا على إختصاره يعني بس ذي شرفة ملعقة منها تفاديا من أن تمتلى البطون ولا نحتاج للوجبة الرئيسية ونختمها بي الحلو..
مرور الكرآم لي الإستقالات والإقالة وحمدوك وحميدتي (قافية مقلوبة لأنهو القافية العادية الأبيات بتنتهي بالحروف نفسها وديل قافيتهم في الحرف الأول وهو حرف الحاء :() بعدها الوجبة كانت أمدرمان وقهوة يوسف الفكي وقهوة ود الآغا حسن صالح خضر وأرونتي وجورج مشرقي وسينما برمبل.
جرت الونسة وأنا بقيت ما الياني الزول القبيل دآك، المهموم والمنغم..
ضحك وفرحة وراحة مزاج وإندماج من تاني في الحياة والدنيا الجميلة من خلال الذكريات..
في النهاية الحلو..
بيقول الفراق حار ومسيخ المذاق، لكن مع دآ كلهو هاشم حلاهو ليا بكلمتين بس وحأجتراهم بي تلذذ.
وهن:
بجيك تاني :cool::cool:

[imported_عبدالله الشقليني]

الحبيب دكتور بابكر
قضيت أربع سنوات برفقة هاشم حبيب الله في المرحلة الوسطى
ثم التقينا وقد قضى سنة الكوالفاين أونر في السبعينات من القرن الماضي.وكان صديقه ابن البنا . قدم لنا في منتدى الفكري محاضرة عن الحقيبة قبل 10 سنوات . وهي مسجلة صوت. أحتفظ بصورة لفصل ثالثة ج بتاريخ 15 يناير 1965
يا له من صديق

[imported_عبدالله الشقليني]

الملف هنا (https://sudaneseonline.com/cgi-bin/sdb/2bb.cgi?seq=msg&board=240&msg=1250360313&func=flatview)


فيليب بانايوتي مماكس

[بابكر مخير]

الحبيب دكتور بابكر
قضيت أربع سنوات برفقة هاشم حبيب الله في المرحلة الوسطى
ثم التقينا وقد قضى سنة الكوالفاين أونر في السبعينات من القرن الماضي.وكان صديقه ابن البنا . قدم لنا في منتدى الفكري محاضرة عن الحقيبة قبل 10 سنوات . وهي مسجلة صوت. أحتفظ بصورة لفصل ثالثة ج بتاريخ 15 يناير 1965
يا له من صديق

الملف هنا (https://sudaneseonline.com/cgi-bin/sdb/2bb.cgi?seq=msg&board=240&msg=1250360313&func=flatview)


فيليب بانايوتي مماكس

سعيد هو من زاملك، صادقك وأخاك أيام الصبا وأيام الشباب..
أريتني لو كنتا أصغر من كدي، كان ممكن أكون زاملتك أو صادقتك زمن الصُغر الجميل في واحدة من مراحل الحياة وكان يابا ذكرتا ليا الجميل وكان كنت بفرح بأنهو الفنان، الجميل، الأديب إتا.
تطراني وتذكرني في مقاماتك دي شية اللحن وحلوة اللحن، ومتزامنة في التوزيع. كاملة اللازمة الموسيقية...

[imported_عبدالله الشقليني]

الحبيب دكتور بابكر
تحياتي
ولك عذوبة التعبير الحلو
فأنت أكبر مني في التعبير
هاشم يتوسط فيليب والرشيد
وصورته سوف تعرفها ، لكن صورتي لن تتمكن من معرفتها

[imported_عبدالله الشقليني]

صديقه الفرجوني ، وكان يحضر معه للجامعة ويحضر العود ويغني لنا من رمضان حسن وعثمان حسين
كانت لنا أيام

https://www.youtube.com/watch?v=XVsslucYwzo

[بابكر مخير]

بتذكر كنا مشينا أسلوفاكيا في إجازة مع يوسف أخوي ووليداتهو..
وليدات يوسف طبعن هجين بالدم الأيرلندي وتربية في لندن وشبعانيين حقوق طفل وحماية وسطوة الرعاية الإجتماعية..
كدي بس أنهر جناك في الشارع وزولن مسلط يبلغ عليك.. غايتهو لو خلااااااااص قدروا ظروفك يكتبوك تعهد بأنك ما حتكررها وإلا اهو بينقلع منك ذي قلب سيدنا حمزة رضي الله عنه..
مشينا هناك وقاعدين لينا في منتزه ووليدات يوسف ما شاء الله ينططوا ويلعبوا وصياح وضحك ومرح. يوسف قال ليا: ما ملاحظ أنهو إبراهيم ومدينة هم الأطفال الوحيدين المنسمع ليهم صوت، شفع الأسلوفاك ديل بكم ولا شنهو...;)..
قلتا ليهو: يا أبو الجوبس، الناس ديل لسة خلعة الشيوعية قارصاهم وتربيتهم ياها الدقة القديمة ذي بتاعتنا في السودان..
لسة لمن يشموا صناحهم بعد دآك تشوف لو ينقدروا ولا يتمسكوا... (في حي في أديس أبابا إسمهو أسكو دآ البنيات البيمرقن منهو لي العالم بس تقول خريجات هارلم، فمرة كان في واحدة منهن إشتغلت في المندولا وخلقت ليها (باعت تلج) ولكنها ما صبرت وإختفت، فسألني أحدهم وينها بت فريق أسكو، قلتا ليهو: إتا عارف بنات أسكو ما بيتمسكو)...
أتذكر زمان أبقى كدي بالجد راجل وأفتح خشمك قدام أهلك وتذكر إسم زول كبير (إن شاء الله بس كبر عمر وممكن يكون السوء بي معانهو برضك ما بيفرق) ما بيستنوك تتم قولك، مدح ولا ذم ولا حتى عايز تقول شفتهو ساكت، إن ما إتلفختا بالعجوز سدت بيتا عشان تنطم أقلا شئ نهرة كدآ بس تقول ضربت ماس..
حقنا ما كان تسلط حكم ذي شرق اوربا، لكن كان ياهو، نبع الذكورية الراوينا لمن ضربنا الإستسقاء.
وترجمتهو الأدب كان ظلم الأدب يجمع ولا يفرق، كل ضعيف محتقر كان إنسان "المرأة، الطفل، الفقير، المريض" ولا الحيوان.. يا أخي حتى الشجر برضك مطلوب منهو يتأدب للرجل فيظله بظله ويديهو الحطب يولع بيهو نارهو للطبخ وفي الأمسيات الباردة يتدفا بي نارهو...
هل حكاية التأدب دآك كانت كويسة والله ما تعرف لكن الحاجة الواحدة العارفها..
أننا إتخمينا، كم غسلنا للكبار أياديهم وكم مشينا تسلطهم نهاديهم..
أها حسي الزول الكبير سعر سوق
تبقى سبعين تبقى ضحكة ، تبقى تسعين تبقى ليك مسبة..
ما عليك الدنيا دوارآ..
يوم ليك ويوم عليك..
باكر شباب الثورة بيكبروا ذينا كدي (ما كنا شباب أكتوبر) وبيجلكنوا وحقهم بيكون أمر من حقنا..
ظنيتهم جناهم يدقوهم في جلدهم..
لجان شعبية ولجان مقاومة وناس إحنا وصديق يوسف

[بابكر مخير]

https://www.youtube.com/watch?v=kQdm75763fU

[بابكر مخير]

من الصدمة تقيف وتشوف تلقى شعبً بين الشعوب. كان ماضيهو سمح، مضئ مالي الدنيا إشعاع. فيهو من مكارم الأخلاق بيمدحهو بيها كل شعوب العالم.. شعب كله نخوة ومليان ولفة. شعب عزيزة نفسهو عليهو ما بيرخصها ولا بحطها. إن إحتاج ما بيشحت وإن تملك فاض كرم.
مالهو إتغير؟؟
ياها هي الإنقاذ ولا شيتن غلط صابهو في مقتل..
بقى الكبير عندهو ما ليهو قيمة وكت زمان كان الكبير حتى إن أعوج مكانتهو محفوظة...
كان ناسهو بيناتهم الترابط حسي الفرقة...
كانت المحبة حل محلها البغض والكره..
كان ما بِتلوم لا في كبيرة ولا صغيرة، حسي الخوف في أنه اللوم لابسه جبة....
كان ديمة وقفة رجال عند الحاجة والنفرة لي منادة ما محتاجة. بس حسي الشعور خاتنهو في تلاجة....
كان جامع جبل من الصفات السمحة ويومنا دآ صغرت بقت قمحة....
كان مستور وأخو أخوان. ما تعرف لييييه جار به الزمان وإتغير ولا دي متطلبات العصر..
ولا لأنهو الدنيا حالها إتغير ويوم باكر يمكن معاهو كل الأمور تتغير..
خلت بقى لسان الحال؛ أبقى علي العندك عشرة وإن لقيت مباصرة، أبقآ عليها عشرة..
ومني زول عاش الزمن دآك وشبع من نعيمه..... بوصيكم. إن درتوا تحسنوا الحال؟
أرجعوا للقديم الكان

[imported_عبدالله الشقليني]

ذكريات جميلة ونبيلة
الحبيب دكتور بابكر
ربنا يديك العافية

[بابكر مخير]

لكن صورتي لن تتمكن من معرفتها


الرباطاب
فيهم صفات تانية غير العين الحارة..
سرعة البديهة ويحسنوا التشبيه والشبه ما بروح ليهم..
موضوع مساخة ديك، إشاعة مقرضة حسي لومني ;);)
ظنيتك تكون..
في الدايرة الحمرآ وكان ما راضي بيها..
نطلعك ونشوف ليك قدمن أخضر ومبارك ذي العلي يمين الأحمر :cool::cool:

http://sudanyat.net/vb/attachment.php?attachmentid=1320&stc=1&d=1595267749

[بابكر مخير]

في جدودنا الكُبار، كأن حلاة الكُبر
نضميهم درر
قولهم جمر
يدينهم خُضر
عيونهم حمر
بشرتهم سمُر
درر؛ ما بقولوا إلا قولن سمح
قولهم؛ دغري لي اللما بدروهو بيحرق
خُضر؛ عطاء وعمل (أرض مزروعة وممرة)
عيونهم؛ حمرآ وشرارة
سمُر؛ Africa Mother Land

[imported_عبدالله الشقليني]

حبيبنا دكتور بابكر
عاين الصورة كاملة
أنا واقف في الصف الأول وراء الأساتذة ، تالث زول لابس جلابية بلدية !

[imported_عبدالله الشقليني]

الصف من جهة اليمين

[بابكر مخير]

تالث زول لابس جلابية بلدية !

الحبيب
قلتا ليا جلابية بلدية والله يا ناس أمدضرمان علا إنكو قول::
وإن كان ليك حق يابا..
ما هو الجلابية أنواع...
جلابية السادة المرغنية وجلابية الغبش جناح أم جكو وجلابية أم زرار وجلابية ذي الخليجية والخليجية ظاتها أنواع، أهلنا ناس الإمارات والأقرب ليها من الرقبة العمانية وفي الوسط الكويتية وفي الأكمام السعودية وفي جلابيات أنصار السنة اللاها عراقي ولاها تامة جلابية..
قال: جلابية أنصار السنة ذي الحمام البلدي بابها ما واصل الواطآ...
طبعن زولن ذيي "ليمان" بسيط بفتكر أنها تهوية طبيعية لكن دي ما صاح لأنهو الروائح أخف من الهواء العادي وخاصة السلفيد هيدروجين فتمشي فوق، يعني مفروض القصا تكون فوق وتحت تكون الجلابية جارآ..
معليش يا هندسة لكن لو عندك فكرة لييييييييييه باب بيت الأدب كان يقصوهو من تحت..
طبعن أخي الحبيب بروف هاشم الخليفة محجوب مهتم وشغال في حكاية العمران وربطه بالتراث فلو ما لقيت عندك إجابة، طوالي بحول ليهو السؤال وبحول ليك الرد إن تكرم بإفادة

[بابكر مخير]

لو ختينا الحزن والفرح في كفتين ميزان..
نلقى الحزن ترجح كفتهو...
فالحزن غالب على حياة البشر، يتملك المشاعر أسرع، يجد تجاوب من البشر بصورة أكبر، ساهل الوصول ليهو والعيش فيهو. أبسط الأسباب يمكن أن تقود لي الحزن.
الدراما متعددة الضروب ولكن تلقى من بين أبوابها الغلبة للحزن، الميلودراما مثلن الهي التلاعب بالأحاسيس، أسهل الطرق البتصل بيها لغايتها من خلال حبك محزن، الدراما المأساوية ودي الإسم بيكفي وحتى تشوف في الدراما الكوميدية، تلقى الكاتب في كتير من الأحيان يستعين بالحزن بعض الأفلام تلقا فيها واحد فقير يتنمر عليهو البعض وبعض المشاهدين يضحك بفرح..
في الحياة المعايشة كم من أحداث محزنة تلقاها وجدت تجاوب غير محدود وكت المفرحة محدودة القبول..
عايز تستدر عطف إنسان، أدخل عليه مدخل حزن، إتمسكن وإنقرض وأبن الضعف والوهن وحلاتها لو ختيت ليك دمعات من فايض بكاء ما تم أو لم يكن..
غير أنك أكيد الفشل في تعاطفهو معك لو رسمت إبتسامة (حتى لو بتاعت مضيفات الطيران، وقتية ولثوان معدودات)..
الحزن، الحسد، العجز، الوهن والضعف. ربنا يغطينا.
وديل منهم العياذ بالله..
لا حول ولا قوة إلا بالله ...........

[بابكر مخير]

https://www.youtube.com/watch?v=EMoJpyRc_Ok

https://www.youtube.com/watch?v=cLZaV5Aa5rI&t=158s

[بابكر مخير]

https://www.youtube.com/watch?v=cLZaV5Aa5rI&t=158s

[بابكر مخير]

https://www.youtube.com/watch?v=_-ULDjPlkC0

[بابكر مخير]

https://www.youtube.com/watch?v=f2vSbZWvyl0

[بابكر مخير]

https://www.youtube.com/watch?v=-v14eI2lc6A

[بابكر مخير]

العشق، الريدة والحب..
التلاتة ديل أصدقهم العشق لأنهو ما بدعة من الشخص بل هو نتاج لإفراز هرموني (الاوكسيتوسين) في الإنسان. ودآ الياهو بيخلي الزول يكون تايه وشايم.
الريدة وهي تجي في المرتبة التانية بعد العشق، لأنها تعبير صادق عن مكنون نفس البريد للمريود. رغبة في الإستحواز وقتي أو طويل المدى لشخص أو شئ بسبب الإعجاب.. بريدك عشان عيونك تناديني وشفاك عايزا من نداها تروني... أها شفتهو بريدهو عشان كدي..
الحب إحساس فيهو العشق والشوق والريدة والمحنة الشديدة وهو إحساس نبيل لكن بنو البشر تلاعبوا بيهو لغاية ما ضمر مضمونة وهزل في قوة معناهو..
بحبك أكتر من حياتي، هل دي أصلها ممكنة..
القول: لا يؤمن أحدكم حتى يحب لأخيه ما يحب لنفسه.. القولة دي تأكيد لصوعبة الإيمان وما ياهو بس ذي ما ناس كتيرة تفسرهو أو تصورهو..
القرآن عن يوم الحساب العظيم ذكر كيف هول الواقعة، يوم الزول يتنكر لي أمهو وأبهو ويفر من أخوهو.. يبقى حقيقتن حب الأخ أكثر من النفس، مبالغة ذي قولة: عشقت القبر يا ليلى لأن القبر ضماك... دي كيييييف والزول إن ساكت عطس، خاف تكون من علامات الكرونة ويتوهم ويعيش في حالة!!
لا فيها حب ولا ريدة ولا عشق.. بس مخارجة ويتعافى ويطيب بي سرعة

[بابكر مخير]

في يوليو وذكرى مدينة لمن سابتنا..

مدينة بابكر بدري: "العميد" مُشترك

د. صديق أمبدة

"وحات بابكر نعمة حياتي "اتغديتو؟". كان هذا استفسارها المعتاد عندما يأتي معي الي منزلها العامر "رقم عشرة شارع الجمهورية" زملاء أو زميلات من الجامعة، وهو دأبها مع الكثيرين. كان ذلك في نهاية الستينات وبداية السبعينات من القرن الماضي ، عندما كنت طالبا في جامعة الخرطوم ، وحتي نهاية السبعينات وبداية الثمانينات بعد أن أصبحت استاذا بها. كان منزلهما ،وزوجها العم ابراهيم قاسم مخير، مفتوحا والباب الخارجي علي مصراعية لا يغلق "خالص". يا لذلك الزمن ويالهما من مثال. هذه السيدة أفضالها عليَّ وعلي غيري لاتُعد. "من شِدَّة " معاملتها لي وحنوِّها ، كنت ، ولا زلت، اعتبر نفسي مثل أبنائها (بابكر واحمد كوريا وعلي ويوسف وعزيزة وقاسم-عليه الرحمة). وربما لست وحدي من يعتقد ذلك، فقد قالت لي آمنة محمد بدري -زوجة كوريا- ذات مرة (كنت قايلاك أخو ناس كوريا)، وعند زواجي وقبل سفري مليط والفاشر لإكمال مراسيم الزواج فوجئت بالخالة مدينة "تعمل" لي حفل زواج في منزلها قبل سفري.
أتيت من بادية "الزَيَّادية" من شمال دارفور إلي جامعة الخرطوم ( إعرابي في المدينة ، كما جاء في احد كتب الاطفال في المدرسة الاولية أيامها) وكان منزلها ملاذا، وقد كنت الألصق به من بين أهل زوجها من شمال دارفور، لكنني لم اكن وحدي ، فقد عرف المنزل قبلي الاخوة الدكتور ادريس احمد الحاج والعميد شرطة ابراهيم احمد الحاج والاستاذ ابراهيم محمد عيسي رحمه الله ، وقد أسبغت عليهم جميعا من ترحابها وحسن معاملتها الكثير، إذ كان ذلك طبعها.
عندما "خربت" المهدية قيل أن الناظر جمعة ود جادين وكان ناظر "الزيادية " حينها ، قال لمن بقي منهم بعد كرري "يا عرب غرِّبو" ، فاستجاب الكثيرون ، وكانوا يبكون شوقا لديارهم ، وبقي البعض مع الخليفة حتي موقعة "أم دبيكرات". والمعلوم أن قبائل الغرب قد تم تهجيرهم قسرا لامدرمان ، وعند مقاومتهم مات منهم في دارفور"خلق كتير" علي يد عثمان أدم "عثمان جانو" الذي ارسله الخليفة ليهجِّر القبائل لامدرمان (لحماية حكمه) وكان شابا حدثا في العشرينات من عمره وذو قساوة بالغة. بعد "الكَسرة" بقي مع الخليفة نوابه ومستشاروه ومنهم "ابراهيم ود مخيَّر" جد العم ابراهيم قاسم مخير، عميد كلية الصيدلة الأسبق بجامعة الخرطوم. وكان "ود مخير" من ضمن كبار قادة المهدية الذين تم نفيهم الي مصر، ثم سمح لهم بالعودة بعد حين، فكان من حظ أبنائه وأحفاده التعليم عن معرفة بقيمته ، ومن حسن حظ أمثالي أن لحقهم التعليم المجاني وبالصدفة قبل فوات الاوان. "كان ذلك في الأعصر البائدة" ، كما قال صلاح احمد ابراهيم في قصيدته التي يقول فيها "يحج مرار وللمسلم الحج في العمر مرة".
كان ابراهيم قاسم –حفيد ودمخير- زميلا وصديقا ليوسف بدري "العميد يوسف بدري لاحقا –عميد آل بدري وعميد الاحفاد" من أيام المدرسة الإبتدائية وحتي الدراسة الجامعية في بيروت. تلك العلاقة والصداقة التي ربطت بينهما سمحت لهما بتبادل الزيارات المنزلية. وقد نتج عنها وعن تلك الزيارات أن تزوج ابراهيم بشقيقة صديقه يوسف بعد تخرجهما وشغل ابراهيم قاسم في صيدليته. ويجدر بالذكر أن العم ابراهيم قاسم كان صاحب أول صيدلية في السودان "إجزخانة أمدرمان" بالقرب من الجامع الكبير في ام درمان-السوق، في الثلاثينيات من القرن الماضي، لكنه عندما عيُّن "كبير الصيادلة" فيما تبقي من "السودنة" في العام 1958 اوقف عمله الخاص وأحضر كل الدفاتر للبيت و" تم رشها بالجازو حرقها" ، لتضارب المصالح (كما كان الحال حينها وحتي وقت قريب).
مدينة هي اصغر بنات نفيسة بت الريف (من اصول مصرية) وقيل أن والدتها كانت رافضة الزواج من أحد أبناء الانصار لأنها شاهدت مقتل بعض أهلها علي يد الانصار عند فتح الخرطوم. ولكن بعد أن تعرفت علي صهرها عن قرب بعد زواج إبنتها كانت علاقتها معه في غاية الود. مدينة خريجة كلية المعلمات لكنها لم تعمل بالتدريس الا قليلا ثم تزوجت صغيرة. كان منزلهما المنزل رقم عشرة شارع الجمهورية (هو مكان كلية العلوم الادارية -جامعة الخرطوم حاليا) ويقابل مقر الاتحاد الاوربي حاليا (والذي كان مقرا لدار الثقافة السوفيتية وقتها). وكان المنزل "منتدي" أو "نادي" في الحقيقة ، وقد كان عامرا بالرواد –طيلة أيام الاسبوع- وغالبيتهم من آل بدري.و كانت مدينة بشهادة الكثيرين من اكثر شخصيات اسرة (آل بدري وآل مخير) تواصلا وعلاقات اجتماعية. ومن رواد النادي الذين اذكرهم في "عشرة شارع الجمهورية" ( صديق مخير-مساعد مدير البوليس الاسبق وزوجته زينب يحي الفضلي (وهو عم ابراهيم قاسم مخير)، محمد بدري وفاطمة بت العم (فاطمة عبدالكريم بدري) ، صالحة بدري وزوجها الاستاذ خالد موسي، عزيزة بدري و فاروق و الطيب شكاك (ابنيها) (واسرتيهما) ، احمد بدري وزوجته سلافة خالدموسي ، د. سلمان بدري وزوجته انيسة ، العميد يوسف بدري واسرته (ولكنه لم يكن مداوما). ومن الشباب وقتها قاسم بدري وامنة ونفيسة الصادق بدري وحسب سيده بدري والشباب الاصغروالاصغر جدا الطيب فاروق (رحمه الله) وعثمان فاروق وابراهيم وعثمان (اولاد العم) واشرف وامنة وعديلة وايمن محمد بدري وبعض الذين كانوا صغارا أصبحوا الان جدودا . ومن خارج الاسرة (احيانا) الدكتوراحمدعبد العزير وزوجته الدكتورة سيدة الدرديري واخرين كثر(ما بنعد كتير الديش) ، رحم الله من غادر هذه الدنيا الفانية و اطال الله في اعمار الباقين .
ربما لأنها الاصغرفقد حظيت بحرية اكثر، وقد تعلمت "السواقة" في حوالي عام 1960 وقد كان زوجها من اوائل من امتلك عربة من السودانيين (في اوائل الاربعينات). وقد كانت تقوم بشئون الصرف علي المنزل بتفويض كامل من عمك ابراهيم قاسم وتقوم بالتحويل لابنائها الذين يتلقون تعليمهم بالخارج. كانت تملأ المنزل بالمرح وتشعرك أنك في بيتك و تلعب الطاولة والويست مع ابنائها والضيوف من الاسرة. وتسبقها دائما ابتسامتها في الترحيب بالضيوف أيا كانوا.
يقول فاروق الطيب (الذي توفي الاسبوع قبل الماضي -رحمه الله ) إن مدينة هي مثل اخته الكبيرة إذ أنه تربي معها وعزيزة والدته هي أختها الكبري وكانت تحبها كثيرا وحزنت حقيقة عندما سبقتها في الوفاة وكانت تتمني لو كانت هي الاسبق للدار الاخرة. فاروق (الذي كان مديرا للبريد والبرق عند انقلاب هاشم العطا وقيل انه كان مرشحا للوزارة (كان صديقا لعبد الخالق ، كما أكد ذلك مؤخرا محمد محجوب في مقاله عن عبد الخالق) يتذكر أنها كانت تقوم باستضافة ضيوفه من الخواجات مثل المديرالعام لشركة فيليب عند حضوره للسودان وكانت هي التي تقول له "جيبهم أعزمهم عندي".و يستدرك فارق قائلا "لم تكن لتستطيع ذلك لو لم يكن ابراهيم قاسم نفسه كريما" وقد صدق فاروق فالبقارة أيضا يقولون "الكريم بأم عيالة"-أي لو لم يكن هنالك توافق في الكرم من الزوجة أيضا لما ظهر كرم الرجل في منزله مهما كانت رغبته في ذلك وبذله لماله. كانت من الكرم بحيث يصدق فيها قول الشاعر طه ود الشلهمة في أحد شيوخ البطاحين (الجود من فضايلك يستلف ويديَّن " الياء الاولي لاتنطق ") . ورغم علاقاتها ومعارفها الواسعة فقد كان لها شعار وهو أنه إذا اصبح أحد أصدقاء الاسرة ومعارفها وزيرا فإنها لاتزوره حتي يترك الوزارة.
أصيبت مدينة بسرطان الثدي في عام 1977 وهي في تشيكوسلوفاكيا، وهو الذي تسبب في وفاتها بعد نحو عشرة سنوات ، وكانت قد رفضت العلاج هناك وانتظرت حتي تاتي للسودان ليقوم بالعملية الدكتور احمدعبد العزيز(كبير الجراحين حينها وصديق العائلة). وقد كانت في غاية الشجاعة إذ تحملت المرض في جلد وصبر شديدين. وهي علي فراش الموت استدعت أختها عزيزة و ستنا بدري (التشكيلية المعروفة) والدة بابي (بابكر محمد عبد الكريم بدري) والذي كان موعد زواجه علي الابواب وقالت لهما "ماعافية ليكم لو اخرتوا العرس حتي لو مت والعرس في نفس اليوم". كانت عزيزة بدري شقيقتها الكبري وكما ذكر فاروق فقد كانت تحبها وتعتبرها مثل بنتها وقد كانت زعلانة/حزينة لوفاة مدينة قبلها.وعندما بتروا يدها (نتيجة مضاعفات سرطان الثدي) أثر عن عزيزة أنها قالت "ماطبعا يا شاطرة سايقة العربية ومطلعة إيدك ما لازم يسحروك".
في يوليو1971 وفي يوم فشل الانقلاب كنا في البيت ونسمع صوت الدانات وفجأة ،والباب الخارجي فاتح علي مصراعيه كالعادة، دخلت عربة مسرعة المنزل(توش) ونزل منها صاحبها وكان قادما من جهة شارع القصر بشارع الجمهورية (الشارع كان مسارين)، وكنا جميعا تحت الشجرة، اتت العربة مندفعة حتي كادت أن تصطدم بالجالسين ونزل السائق. كان رجلا في حوالي الخمسين فنزل من العربة وجلس وتنفس بعمق (دون أن يلقي بالتحية حتي) ثم بدأ يحكي أن الدانات قد هدت القصر ولم يبقي فيه شئ وذلك من ضمن اشياء اخري كثيرة. كان ذلك حوالي الرابعة أو الخامسة مساء فيما اذكروبعد فترة و"جَمَّة نَفَس" غادر الرجل الي وجهته .مكثنا تلك الليلة في المنزل وفي الصباح الباكرعندما هدأت الاحوال اقترحت الخالة مدينة ان نذهب ونشوف الحاصل. فاعتلينا عربة البيت ال"كورسير" وكانت هي السائق. ذهبنا بشارع الجمهورية ولدهشتي شخصيا وجدنا القصر في حالو الا من "ترمات" في الجنبتين (أو الناحية الشرقية) إن لم تخني الذاكرة. ومن يومها قررت الا أصدق "قول قالو". إذ يمكنك ،قبل ان تستوثق أن تنشر كلاما من نسج الخيال او فيه من المبالغة اكثر مما فيه من الواقع. وقد قيل قديما " الكضب من قِلَّة الأكيدة".
في يوم مظاهرة التأييد لانقلاب هاشم العطا كانت مع ابنها احمد "كوريا" في الميدان الذي كان أمام مبني وزارة التجارة-مكان الحديقة الحالي- ورأت عبدالخالق محجوب فقالت لاحمد: "داك عبد الخالق وديني اسلم عليه" –هي خالة نعمات مالك زوجة عبدالخالق- وبعد التحية قالت له " قلبتوها حمرا خلاص" فاجاب عبد الخالق بكلمة واحدة " "أغبياء"، وذلك كما يتذكر كوريا بوضوح.
ككل النساء كانت لها قصص في السنوات الاولي للزواج. فقد كتب بابكر مخير- في "سودانيات" في اغطس 2008 عن والدته أنها روت لهم "حماقات" الزوجية في الايام الاولي للزواج فقالت (أبوكم من أول أيام دلَّعني شديد ودا ما كنت عايشاهو في بيت أبوي، مإ نحنا عشرين . وأنا أستمرأت الحكاية دي وزوًّدتها حبتين. مرة كنا زعلانيين مع بعض وأقول لي أبوكم، وديني بيت أبويا. وهو وحاتكم، سادي دي بي طينة ودي بعجينة، لمًّن سمعت السيدة بتول (بنت الامير يعقوب وجدتي من أبوي) جات تطيِّب في الإمور، لكن دون فايدة،. آها أبوكم إستنَّى لمن وصلني بيت أبويا كالعادة وهو في طريقو للإجزخانة بدون ما يقول أي حاجة. وأنا كلمت أمي بأني زعلانة وما راجع بيتي. المساء مفروض يرجع أبوكم يسوقني نمشي البيت كالعادة. ما جاء.....وييييييييييييييين على الساعة تقريبا 11 جا يوسف أخوي وسأل: وين أبو خليل لسة ما جا؟؟
ردت أمي: لا يا شاطر، ما هي زعلانة وما راجعا بيتها.
يوسف: يعني طلَّقوها
وأنا أريتني ما رديت: لا بس أنا ماعاوزة أرجع .......................
المهم من حي الشيخ دفع الله لحدي حي الأمراء، يوسف قدَّامي وأنا أجري وراهو عشان ألحقو لمَّن وصلنا خشم الباب... أبوكم فتح الباب وقال ليوسف: أدخل
يوسف: لا أنا جيت أجيب ليك أمانتك راجعة. إحنا سرايرنا في الحوش عددنا، لو عاوز ترجعها لينا، جيبا ومعاها سرير... الإتنين ضحكو وأنا دخلت حزينة في وكتها لكني حمدت الله أنو أهلي رجعوني وعشت لمن جيتو إنتو).
حتي الايام الاخيرة واليد مبتورة وريحة الموت حايمة ، لم تفقد روحها المرحة والضحكة المجلجلة وكانت تكرر أمامنا وعمك ابراهيم قاسم موجود " انشالله يا بوقاسم اموت قبَّالك وتدفِنِّي. (صمت ثم تواصل) وتجي راجع تطُّقك عربية تدشدشك حِتَّة حِتَّة". نم تطلق ضحكة عالية. توفيت الخالة مدينة-رحمها الله- في نهاية يوليو 1985 وهذه ذكراها الثانية والثلاين تمر، وقد ظل هذا المقال معلقا علي انشوطة رغبتي في كتابته طيلة هذه المدة ، وها هو يخرج أخيرا دون أن يوفيها حقها ، فقد كانت "أنثي ولا دستة رجال" ، كما قال شاعر الشعب محجوب شريف. رحم الله مدينة بابكر بدري رحمة واسعة وأحسن إليها بقدر ما احسنت اليَّ والي أمثالي وبقدر ما أحبَّت وأكرمت واشاعت البهجة في أهلها وضيوفها الكثر، وحقَّ لها أن أقول عنها "العميد مشترك"، دون غمط لحق العميد يوسف بدري ، رحمهما لله رحمة واسعة.
سبتمبر 2017

[بابكر مخير]

شقيقتي العزيزة "عزيزة"
بعد مرات من شدة إعجابها وثقتها فيني..
تشعرني بضعفي تجاه نفسي..
إحنا بعض السودانيين ممكن نقول ينطبق عليهم قولة: نعف عند المغنم ونؤمن إيمان تام بي "شكار نفسهو إبليس". بعض دي قلتها لأنهو البعض من يمدح نفسهو لي درجة الألوهية وهو في حقيقتهو ولا شئ..
ما علينا ديك وديل نرجع لي قصة (قزقاز اللي البنات غياظ) علي قولة من سميت عليها الخالة عزيزة بدري والإسم دآ أختصرتهو أمها مدينة كان "قوزقوزة". أنا ما عارف الرابط بين العين والقاف وبين قزقزا وعزيزة ولكنهو من باب الدلع ذي ما كانت أم قاسم (مدينة) مسميا إبنها يوسف ب"القمروي" وإن كان هناك رابط بينةالتسمية واللقب فهو جميل ووسيم وكالقمر يضئ عندما يهل ويفرح ويسر حين يطل..
ضربت قزقاز اللي البنات غياظ وكعادتها ديمن سباقة، تعيد عليا وبعد المعايدة والمطابية والحال والأحوال، تطرقنا لما هو أطعم من الفول لي الفطور والكسرة بملاح الويكاب في الغداء وكباية شاي باللبن في العصرية وهو تناول أمر البلد وشئون السياسة..
فيما تناولنا من حديث، حرقتها على البلد وعلي الشباب وأنهو كما رأيها ورأي الناس الغيورة على أمتها.
ضعف إستثمار العنصر البشري (توافق مع المعز مالك في مبادرة الرفاة وتوافق مع رؤية المرحوم القائم ومديم في قلوب محبيه بالعالم الشيخ زايد بن سلطان وقولته؛ الإستثمار الحقيقي لست في البترول ولكن في ناس الإمارات وها نحن نرى كيف كل يوم والدولة في عجلة الي الأمام تسير).
وتناولنا أيضا شحذها لهمتي، رافعة من قيمتي وأني واحد من البعض الذي عمل لبلده في حدود ضيقة يعني في مجال الصحة بفكرة الصيدليات الشعبية والمجلس الأهلي ضد المخدرات ونوع من التجديد في فترة مسئوليتي عن شباب حزب الأمة القصيرة..
لست حسد ولا غيرة بغيضة ولكن من باب الحقيقة، تنقبض روحي لمن تشوف زولن لا عمل ولا بيعمل وعندهو القدر يعملوشوف بقا تلميع من زولن ولا أتنين ليقوا ليهم هتافا ويبقى كأنه، في مقام سيدي الإمام المهدي ولا بابكر بدري ولا عبد المنعم محمد ولا حتى المعونة الإمريكية والمعهد الفني الألماني ولا معهد جوتة ولا حتى منصور خالد..
أمسك عندك من باب المثل ولا الحصر، قلمن نبذ وأساء ولأنهو بوافق أهواء منهم يقوموا يلمعهو ويهتفوا بيه، ولا زولن رابطه بالبلد قطعة أرض إشتراها وإستثمرها في الدروشاب ويبقآ زولن مشهور ويتقلد بعض الأمور ولا زولن مسحور ومغمور قشر بي بدلة موهير وقال أنهو حامل الشهادات وتلقا صورته منجعص في كتير من الأسافير..
المهم ونرجع لي قصة قزقاز وهي بتشوف أنهو؛ الناس تفكر في طريقة لي إشراك الشباب كمكون رئيسي في دفع عجلة التنمية والرخاء بما ينعكس عليهم أولن برفع مستواهم المعيشي ودعم إقتصاد البلد..
الخواجات (طبعن المقصود الإنجليز) بيقولو:
WISHFUL THINKING

[بابكر مخير]

ملف فتحتهو بين أهلي من آل بدري في قنوات تواصلن تانية..
وما في مدسة عليكم. ما إتو أهلي وأكتر..:cool::cool::cool:

العميد (بابكر بدري) وإلتصق اللقب بإسمه حتىى صار الأكثر تعارفا عند كل من ذكره وورث اللقب من بعده العميد (يوسف بدري). الست (عديلة بابكر بدري) وينسب ذلك لشخصيتها وكيف كانت معاملتها من والدها وزوجها (مجذوب مالك) ولها إثنان من أبنائها الثلاثة (أبراهيم ومختار وسعيد) إثنان منهم كان له لقب تميز به عند أبناء جيلهم، البيه (لإبراهيم) وكاكوم (لمختار) وبين الخاصة من خالاتهو ومحبيه (كيكي). إيية (فاطمة بابكر بدري) واللقب غالبا ما يكون بالقدم الذي لم نتطلع عليه ممكن أيام الطفولة وناتج عن نطق طفل لإسمها "بتذكر عزيزة مخير، كان بيصعب عليها قولة بابكر بتقوم تقول بيبش) أبو الكل (محمد بابكر بدري) وكان قد أطلق عليه من شقيقته عزيزة والتي كانت مشرفة على "الحوش" بيت بابكر بدري حيث كان هناك أخريين من الأبناء والأحفاد وحتى الأصدقاء يسكنوا.

العم (عبد الكريم بدري) مشى عليهو الإسم وسط العايلة فهو واحد من الثلاثة إخوان (يوسف وخضر) لجد العايلة بابكر بدري "يعني عم الأسرة".. وإنتشر لمن بقآ كانهو الإسم الأول وللتعريف أكثر يقال؛ جدي العم، يابا العم، العم عبد الكريم بدري.. أم الأبطال (أمنة ميرغني شكاك). كما هو الحال أن تلقب زوجة رئيس الدولة بالسيدة الأولى فهي "عمة العايلة" وفي بيت جدي العم نلقا الكتاوت (أحمد ود العم) والعميد ود العم (بابكر عبد الكريم بدري) وطلق النار (عثمان عبد الكريم بدري.

البرنجي (خضر بدري) وهذا اللقب على إطار محدود ويقال أنه أطلق عليه لتميزه في الدراسة فكان دوما الأول والحاجة (زينب ميرغني).

من الطرائف أنهو بيت خالتي أم سلمة، كاد اللقب أن يطغي على الأسماء وكان صاحب اللقب الأصلي وأول من أطلق عليه هو محمد عبد المجيد على طه حيث إكتسب اللقب من أشقائه في الحوش واللقب هو "كوارع" إلتصق أكثر بي عمر عبد المجيد ولفترة عثمان عبد المجيد تحلل نسبيا منه العَرَنَدس (بابكر عبد المجيد) وغالبا ما يكون أطلق عليه لشدته في العسكرية كما إكتسب جيمس (عثمان المجيد) هذا اللقب إضافة لكوارع..

[بابكر مخير]

قلتا ليكم قبال كدي مراااات ومرااااااااات
في عمرنا دآ؟
قولة لسانك حصانك دي غير قابلة التطبيق،، فيبقى لا عذر لمن أُنذِر وكل العذر لمن أنذَّر.
الإنسان ما تقول ليا إحساس وبحس وعندهو الحواس الخمسة وعندهو العقل بيفرقهوا من غيرهو مما هو من غير خلق المولى عز وجل، لأنهو برضك الحيوان بحس والكلب أكثر إخلاصا من بعض البشر والنبات يستجيب للضوء وبالأشعة فمنها يعيش ومنها طبخ ليخرج غازات بها الغير يعيش وبذلك إحساسه بالمسئولية نحو الأخر أعظم من كثير من الناس. والسمك دآك حامد شاكر، ولمن يجوع كُبارهو بياكلوا الصغار ذيهم وذي بنو آدم من بشر وحتى شوية شوية شغاليين يستنسخوا البشر وبي دي تكون كملت فلا فرق بين عربي وعجمي، إلا بالنطق الصحيح للأحرف، يعني زلمي يستنسخ في إنجلترا لي يوم يبعثون ما حيقدر ينطق حرف الP ما B..
المهم الأنا قصدي هو التقنية بتاعت الروبت في أنهو ما عندهو من الصفات الخمس المتشاركة بين جميع المخلوقات حتى الذباب بي إحساسهو الحضاري بيعوف القرب من السفة (الصعود) حين هناك من البشر يتطعمه ويمص حنتنهو ذي العنكبوت لي الحشرات البتقع في نسيجها..
الروبت والإنسان غير أنهو الإنسان هو الصنعه وذاهو بالبرامج حسب ما يريد. إلا أن بين الإتنين تشابه..
إحنا ربنا خلقنا وسوانا ورزقنا بالعقل لنفكر ونقدر، لكننا برضك ذي الروبت. ما يزرع فيك من معلومة تستمر ملازماك ودي سلبية عكس الروبت الإيجابية البتميز بيها؟؟
أنك تقدر تغير برنامجهو..
بتذكر وإحنا أطفال، في بعض أيام الإسبوع ونهايات الإسبوع بنمشي "الحوش" وهو بيت جدي بابكر مع الوالدة والعصر بيأخدنا أبوي معاهو مع أمي، لمن يجي ماشي الإجزخانة على أنه لمن يخلص المساء يمر ونرجع معاهو البيت..
كان علينا أن نتجهز لهذه الزيارة على النحو التالي؛ قاسم وأنا يعني شفع وأربعة سنين، قبل ما يحمونا. نأكل ونملى بطننا وبعد ساعة زمان يفرض علينا الجلوس في الPOT "القصرية" لإفراغ ما أكلناهو قسراً (هو أصلهو القسر تناول الأكل وإخرجهو).. والمقصود من ذلك؛
لمن نمشي ما نأكل برآ البيت يمكن خوف من التسمم ولا ما تعرف حكمة أم قاسم الله يرحمها كانت شنهو، أما القسر في القصريية في أننا ما نستعمل حمامات الغير...
البرنامج دآ وأنا حسي بي عمري دآ فوق السبعين، ما شي بيهو، أكيد لو كنت روبت كنتا غيرتهو بي واحد مستحدث، يخليني أرمرم وين ما كان وشنهو ما بقا وأرمي البايظ حتى لو جوكر دون خوفة..
طبعن الحكاية دي أنا طورتا نظرية الوالدة فبقيت بستعين في كتير من الأحيان بالقهوة المرة والشكولاتا فتقبض على كل واردة وتمنعها لتكون شاردة من الإمعاء وبما أني صيدلي فهناك أدوية ماسكة ولا الجبس..
المهم مرة تعبتا خالص والباول (الإمعاء) بداء يثور على هيمنتي الشديد عليه وسطوتي الغلظة فمشيت لي الدكتور في لندن..
سألتني وكأن هناك من حكى لها عن ماضيي..
فسرت الأمر في النهاية بأنهو؟؟
متلازمة القصرية :mad::mad:

[بابكر مخير]

زمان جدودنا في عمرنا دآ، هداياهم حتى لو البسيط ما بيبخلوا بيها..
فإستعدادا لمفاجاءات تلقى جيوبهم ما بتخلوا من!
تمر، سكاكر "حاجة كدآ سكينة" أو لكوم وبعض مرات رقم إنتها إحتفالات المولد من شهور، ممكن تكون حلاوة سمسمية (سمسمية بتاعت السمسم، مش ديك... يا أخوانا عمكم فتحي مسعد ليهو شووووووووق)..
حسي دحن متل جدودنا زمان
هاكم دي...


https://www.youtube.com/watch?v=q8y7WcnL-so

[بابكر مخير]

قلناها؛
القلب ما بيشيخ ويمكن بالعكس كل ما تكبر العاطفة بتزيد والمحبة بتكتر والشوق بثور ويعم كل جميل وحبيب..
شوف يعني ذي المنظر دآ.. بالله عليك لمن شعرت جلد الواحد تكلب...
مقرن النيلين وآ جمالهو..
سبحان الله شوف الأزرق بيماشي الأبيض بي هداوة..
يعني مرحلة تجكيس لمن يتقرنوا وزواج لا فكاك منهو الي أن يأخذ المولى أمانته...

http://sudanyat.net/vb/attachment.php?attachmentid=1321&stc=1&d=1597163699

[بابكر مخير]

يقال أنهو واحد مليان معاناة وعذاب، شقاء وتعاسة والدنيا ملطشاهو. ما بي يدهو شيتن يتعمل وإلا دافر فيهو، عيال وأمهم وغلاء وقحط (مش قحت، دآ حاجة أسوء) حاول وحاول بس الغريبة أنهو ما فكر أبدن يقول ينتحر ويضع حد نهائي لهذه المعاناة.
مرآ في الشارع قدام صيوان عزاء، دلف داخل وشال الفاتحة.
وعادة البشر الغالبة حتى لو curiosity kill the cat لازم من فروض العزاء أن تسأل؛ سبب موته شنهو ولو بقيت خلاص مستعربة صرف بتقول: الكتلهو شنهو..
(قال ليك واحد ذي دآ دلف في صيوان عزاء وسأل: هو الكتلهو شنهو؟ قالوا ليهو القدر ودون تردد سأل؛ وقبضوا)..
صاحبنا الأساسي في القصة سأل السؤال البديهي وكانت الإجابة: والله بعد رجع من الشغل دخل أوضتهو ولمن مشوا يناغموا للغداء لقهو ميت..
هتف صاحبنا: والله دي الميتة المشتهيها أنا...
الله يرحمكن يا أمي ويا سعيدة بدري..
الوالدة كانت ديمة تردد: "إن شاء الله بس، من القوة للهوة" وبنت أخيها لمن كبرت وياهو بقت في عمرنا الحسي دآ وخوفا على أحبائها من التعب والمعاناة من رعاية وإهتمام. كانت تقول: إن شاء الله يا ربي لا أتعِّب ولا أتعب..

[imported_عبدالله الشقليني]

المجد عند الشيخ بابكر بدري

حُسامُك من سقراطَ في الخطبِ أَخْطَبُ .. وعودك من عود المنابر أصلبُ
ملكتَ سَبِيلَيْهِمْ: ففي الشرق مَضْرِبٌ .. لجيشك ممدودٌ، وفي الغرب مضربُ
وعزمك من هومير أمضى بديهة .. وأجلى بياناً في القلوب ، وأعذبُ
أحمد شوقي

(1)

حُسامك مجليٌ وناصع، وتاريخك يزدهي بأنك كنت بطول عُمرك وتاريخك، مجداً تطاول به بنوك وحفدتك عن استحقاق. كانت سيرتك في بذر بذرة التعليم للمرأة رائدة منذ بدايات القرن العشرين، وقاومت تشويه أعضاء المرأة التناسلية بدعوة الختان والعفة، وقاومت دعاوى التخلف والعادات تارة، ودعاة من حملة راية التديّن المدسوس في بنية التخلف تارة أخرى، فغمروا البحر بمجازر فتواهم، و ضيق أفقهم العلمي. فنبتَّ رائداً وللتعليم مُثابراً. وحين تشكك المُتشككون في نيّتك، قمت بتعيين مجلس أمناء لمدارس الأحفاد عام 1930، سائرة لمجدها مع كل سانحة من تاريخ وطن افترسته الذئاب الجائعة في كل سانحة له أن يتقدم. انقبضتْ الحياة حين صعد القتلة سُلم السلطة، فمرق بنوك وحفدتك مروق السهم من قوسه، لا تلحقه الردّة الثقافية ولا سلطة الجهالة،التي ترغب وقف صيرورة التقدم بالعلم. أرسيت مراسي التقدم، وحفتْ أقدامك تُكرم العلم والعلماء الذين يقولون الحق ولو على أنفسهم . فاستحققت المجد عن جدارة.

(2)

كتب الأستاذ " خضر حمد " عضو مجلس السيادة الأول، وخريج غردون التذكارية، في سفر مذكراته، يحاول أن يثبط همتكَ ويشوه تاريخك حين كتب:
{كما أن الأستاذ الكبير الشيخ " بابكر بدري" عندما نقل مدرسة الأحفاد من رفاعة إلى أمدرمانى ، أصدر تذاكر ذات قرشين لمساعدة مدرسته التي لم تكن في حاجة إلى مساعدة لأنها كانت لا تقبل إلا أولاد الأغنياء وأبناء البيوتات كأولاد السادة آل المهدي وبعض الأثرياء وأولاد أسرة بابكر بدري.
وقد حصل صدام كلامي أو صحفي بيني وبين الشيخ " بابكر بدري" في هذا الموضوع، فكتبت في جريدة "ملتقى النهرين " أهاجم هذه العملية وأبدي دهشتي من أن يتبرع الفقراء لتعليم أبناء الأغنياء. وقلت إن المدرسة ملك خاص للشيخ " بابكر بدري" وأنه لا يجوز التبرع لها كمدرسة عامة لأنها غداً سيرثها أولاده، ولن يكون للشعب حق فيها. وعلى أثر هذه الحملة فكّر الأستاذ في أن يجعل لمدرسة الأحفاد مجلس أمناء، ولكن الغريب أنه هو الذي اختارهم واختارهم ممن يستطيع أن يملي عليهم إرادته ويسير في طريقه دون أن يعترضوه أو يوجهوه.
وقد ذكر الأستاذ في مذكراته أو كتابه الذي سب فيه كل الناس، ولم يمجد إلا نفسه، ذكر أنه تحدث معي وأنني كففت عن الكتابة.
والحقيقة أنني لم أكن معروفاً لدى الشيخ " بابكر بدري" وكنا في زيارة للمستشفى ومعي الشيخ " عبدالرحمن النور" وكان الشيخ " بابكر اسحاق " مريضاً بمستشفى أمدرمان. وعند خروجنا قابلنا الشيخ " بابكر بدري"، فوقف معه " عبدالرحمن"، وسرت أنا في طريقي فناداني " عبد الرحمن" باسمي لكي أنتظره، فسمع الشيخ " بابكر" الاسم فناداني وأخذ يبحث معي هجومي عليه وعلى مدرسته والطريقة التي سلكها في جمع المال، ومنافسته للملجأ. وبنفس الأسلوب وقال أثناء النقاش أنه يريد أن يبني مجده، فقلت للشيخ إذا كان هذا عزمك، فليست هذه الوسيلة لبناء المجد وستعرف رأيي غداً في الجريدة.
وكتبت فعلاً مقالاً في الجريدة، أشرت فيه إلى المقابلة وذكرت مسألة بناء المجد، ونقدتها وقلت إن كان المجد يبنى بالتبرعات التي تُجمع من الفقراء لتأسيس المدارس الخاصة، فما أهون المجد وما أسهله على كل مخلوق.
وتقابلنا مرة ثانية، وفي منزل الشيخ " بابكر إسحاق" ، يوم احتفل أهله بسلامته. ودخلنا أيضاً أنا و" عبدالرحمن" إلى المنزل لنجد الشيخ " بابكر بدري". وأول ما رآنا ناداني و " عبد الرحمن". وأراد أن يستشهد بعبد الرحمن، على أنه لم يقل أنه يريد أن يبني مجده، وقال له الشيخ " عبدالرحمن" لا تسألني يا مولاي فإنك إما أحرجتني أو أحرجتك. ولكن الشيخ ألحّ في السؤال. فأجاب" عبدالرحمن" عليه بأنه فعلاً قال أنه يريد أن يبني مجده، وانتهى النقاش بالصمت من الجميع.
ولمسألة القرشين هذه دوافع، وهي أن خلاف النادي الذي قام بين الخريجين وقسّمهم إلى مجموعتين، مجموعة على رأسها " شوقي" والأخرى الشيخ "الفيل" - كان قسم الشيخ " الفيل" في يدهم الملجأ، ففكر الشيخ " بابكر بدري" من الاستفادة من جماعة " شوقي" بجمع القرشين لمدرسته، وبذلك استغل نشاطهم وأصحابهم في توزيع تذاكر القرشين.}

(3)

وكتب "الشيخ بابكر بدري " في صفحة 94 من كتاب ( حياتي ) الجزء الثالث:
{ صرت أفكر كيف أبني للمدرسة داراً وقد ظهر لها أعداء كثيرون متنوعون. بعضهم يكتبون ضدها في الجرائد المقالات المنفرة لولاة الأمور عنها، وبعضهم ينشر عنها شفوياً في المجالس أن التلاميذ الذين يتخرجون من مدرسة الأحفاد من رابعة وسطى لا يُقبلون في الثانوي. فيجيئني بعض المستائين لهذه التقولات ويطلبون مني أن أكتب في الجرائد رداً على هذه التقولات التي ليس لها أساس تقوم عليه. فأرد عليهم باننا شرعنا في عمل فإن نحن نجحنا فيه فيكف بنجاحنا رداً واضحاً مبرهناً على كذبهم. وإذا - لا سمح الله - وفشلنا، فلا داعي لكتابتنا في الصحف. وأقول لبعضهم هؤلاء الذين يكتبون ضدنا، هم من أولادنا، فلندعهم يتعلمون فينا الكتابة والانتقاد . وربما يأتي وقت نحتاج فيه لأقلامهم تذب عنا.
ومن أشد ما كانوا يكتبون ضد المدرسة هو " خضر أفندي حمد ". وما كنت أعرف شخصه، حتى زرت مريضاً بالاسبتالية الملكية يوماً، فاجتمعت بمن أعرفه فوقف معي، وتقدم عنه منْ كان معه، فلما أبطأ الواقف معي، تحرك صاحبه وناداه ( أصبر يا خضر حمد ). قلت هذا خضر حمد ؟ قال : نعم .قلت : تعال يا خضر أفندي حمد. وكان مؤدباً ، فلما وصلني سلّمت عليه. وبعد التحية قلت له: مالك تزعجني بكتاباتك في " ملتقى النهرين". وكانت الجريدة الثانية بالبلاد، الأولى جريدة الحضارة التي أسستها الحكومة. وكان يكتب بإمضاء اسم مستعار " طُبجي" تحت عنوان ( في الهدف) . قال لي: أنت يا عم بابكر تريد أن تبني مجدك على أكتاف الناس؟. قلت له : يا ولدي اخرج الأنبياء والمرسلين من جميع منْ اكتسبوا مجداً، هل تجد بينهم منْ لم يبنِ مجده على أكتاف غيره ؟. وكان خضر نبيهاً عاقلاً. أطرق قليلاً ثم قال: والله صدقت ياعم بابكر وأنا من هذه الساعة كسرت قلمي لا يكتب ضدك حتى ولو كلمة واحدة. فشكرته وافترقنا.}
(4)
سفر مذكرات " الشيخ بابكر بدري (تاريخ حياتي ) دون فيه صاحبه :يكتب الحوادث منه العاديّة للفكاهة وغير العادية من الحقائق للاقتداء بها حسناً وقبيحاً.
*
وقد تم تدوين الإهداء في مقدمة السفر الثالث:
إلى مجلس أمناء مدرسة الأحفاد المؤسسين، منْ لحق منهم بالرفيق الأعلى ومنْ لا يزال منهم يواصل الجهاد في خدمة المجتمع. وإلى مدرسي مدرسة الأحفاد منذ عام 1930 وإلى موظفيها وعمالها وإلى خريجيها، وإلى أولئك النفر من المواطنين في شرق السودان وغربه وجنوبه وشماله، الذين جادوا بالقرشين والألفين من الجنيهات لتقوم مدرسة الأحفاد شاهداً على صدق وطنيتهم ...إلى كل هؤلاء نهدي هذا السفر الذي يزخر بما لهم جميعاً من فضل وجهود بُذلت لكي تقوم مؤسسة الأحفاد في أحلك الأوقات وأصعبها وأشدها امتحاناً لصدق الوطنية ومر الجهاد فتكون دليلاً ينطق بفضلهم وتبقى أثراً بخلد ذكرهم، راجين أن يتقبلوا منا نحن الذين ننوب عنهم اليوم في هذه المؤسسة اعترافاً بفضلهم وتمجيدأ منا لعملهم.
من مجلس أمناء ومعلمي وتلاميذ كلية الأحفاد
*
تلك ذرة في ثمرة من ثمرات شجرة "بابكر بدري" الوارفة الظلال، تعمرُ منذ بداية القرن العشرين ، ويستمر ثمرها حلواً، رغم ضيق الحياة. فغلب إصرار الأبناء والحفدة ومجلس الأمناء على كافة أنواع القهر والاستهداف، وبلغوا المجد، ثمرة حلوة للذائقين.

عبدالله الشقليني
5 نوفمبر 2018
**
الحبيب دكتور بابكر

سموك الوهج الجايي من البروق و الرعد
وغتوك بالهديمات تحميك من قنيص الفهد

[بابكر مخير]

أخي الحبيب..
ربما نأخذ على أنه الي الأن لم يتم توثيق قيام الأحفاد بواسطة الشيخ بابكر بدري. إلا البعض والذي مرجعه الشيخ نفسه وإبنه العميد يوسف (ممكن يكون في الكتير ولكني لم أطلع عليه، ربما لضعف متابعاتي) وذلك يفسح المجال لمن يريد أن يتناول قيام الأحفاد كما تشتهي نفسه..
ذكرت أخي (وقد ذكر الأستاذ في مذكراته أو كتابه الذي سب فيه كل الناس، ولم يمجد إلا نفسه).
ولكني أضيف صفة أخرى لذلك؛ وهي إرث الكُره الأعمي الذي كثير من متعلمينا (صعب تقول مثقفينا، لأنهو المثقف يتباهى بثقافته ويعمل على أن تكون هي الأعظم، فلا يلوثها بأحأسيس تبعده عن حقيقة واقعه) يعيشنه.. في ما يبدو لي أن السيد خضر حمد واحد من أولائك المتعلمين، فهو في كُرهه لبيت المهدي شمل أيضا كل ممن له علاقة به فكان بابكر بدري هدفا لمرمى سهامه.. وأظنه كان ذو ميل وحدوي (وادي النيل) وطموح في صعود سلم السياسة سريعا في محاولة للوصل للقمة ولإثبات قدراته توجب عليه إظهار العداء لجناح الإستقلالين وكان بدائها في حملته على الشوقيين وثانيها وهو الأهم إرضاء الطرف الأساسي من مكون وحدة وادي النيل فيشهر العداء لبريطانيا المكون الأساسي في الحكم الثنائي..
كان علي، قبل هذا أن أشكرك أولا بإجلاء الحقائق وهو الأهم ومن ثم كلماتك الجميلة التي تشير الي..
المهم حاولت أن ألقى في الويكيبديا وفي قوقل عن السيد خضر حمد لكني لقيت الراكوبة..

(4)
ثمّة أمران التبسا عليَّ وأنا أسطر مقالي هذا ، وظنّي أن البحث والتدقيق والتوثيق حولهما، ضروري لاستجلاء طبيعة دور السيد خضر حمد، حين التحق بالجامعة العربية في عام تأسيسها.
أول الأمرين: أن السيد خضر حمد لم يقل لنا كيف أفلت من نظرات التشكيك، ثم تمكن من فكّ ارتباطه الوظيفي بحكومة السودان ، وهو الموظف في دوائرها المالية الرسمية، ويشرف على عمله السكرتير المالي البريطاني مساعد الحاكم العام.
ثاني الأمرين يتصل بما قدرت أنه تجاهل من طرف الحكومة المصرية لالتحاق مواطن سوداني بإدارة الجامعة العربية في مقرها بالقاهرة، دون أن تبدي رأياً، خاصة وأن توجّهات كل الحكومات المصرية المتعاقبة، قبل 1952م – عام إنهاء الحكم الملكي في مصر- كانت تميل لمعاملة السودان وكأنه جزء من مصر..؟

https://www.alrakoba.net/609672/%D8%AE%D8%B6%D8%B1-%D8%AD%D9%85%D8%AF-%D8%AF%D8%A8%D9%84%D9%88%D9%85%D8%A7%D8%B3%D9%8A-%D8%B7%D9%84%D9%8A%D8%B9%D9%8A-%D9%81%D9%8A-%D9%85%D9%86%D8%B8%D9%85%D8%A9-%D8%A5%D9%82%D9%84%D9%8A%D9%85%D9%8A/

[بابكر مخير]

الجينات والحامض النووي
في الشكل ممكن التشابه واحد من النتاج، الكلاب ياها شبه بعض والحمير، البنية تشبه أمها وزولك دآ أبوهو الخالق الناطق..
الطباع ..
في قصيدة إيليا أبو ماضي.. أنا ... تحليل علمي جميل لطباع الإنسان المتميزة وإن كان هناك تجاوزات وعلى قولة الكلمة الموضة المتداولة "تفلتات"..
حُرٌّ وَمَذهَبُ كُلِّ حُرٍّ مَذهَبي ما كُنتُ بِالغاوي وَلا المُتَعَصِّبِ
إِنّي لَأَغضَبُ لِلكَريمِ يَنوشُهُ مَن دونَهُ وَأَلومُ مَن لَم يَغضَبِ
وَأُحِبُّ كُلَّ مُهَذَّبٍ وَلَو اَنَّهُ خَصمي وَأَرحَمُ كُلَّ غَيرِ مُهَذَّبِ
يَأبى فُؤادي أَن يَميلَ إِلى الأَذى حُبُّ الأَذِيَّةِ مِن طِباعِ العَقرَبِ...
يبقى المفروض ذي ما في الإنسان طباع منذ بدء الخليقة والحمض النووي ياهو ظاتهو والجينات حايمة في دائرة مغلقة قدر ما تحاول تنفر، تلقآ أنها لافة في نفس الأوربيت، يعني ذي الدائرة الشمسية.. ودآ هو حقيقة المعايش لي يومنا دآ..
نمسك قصة أبونا آدم بكل كرم أخلاقه هل كان واحد من جيناتهوا يحمل العدوانية، لكن أكيد من سماعهو لأمنا حواء في أنهو أكل من الشجرة كان قمة في حب الأخر ونبل الأخلاق في مسايرة رغبة شريكه كلها أمور مغايرة للعدوانية. لكن لي قدام نشوف...
البعض يتكلم عن شجرة التفاح ولكنها ذكرت "شجرة"، وهنا بقآ عن هذه الشجرة قصص تحكى وتروى؛ منع آدم من أن يتطعم ن الشجرة لسبب مع أننا كلنا نعرف أنهو المولى عز وجل ما خلق شئ وإلا لقصد هو يعرفه ومشاركنا في المعرفة وأفادنا (سورة الأنعام، مثلن).. بعضهم بيقول الشجرة كان أكلها يذهب بالعقل مش مرحلة الجنون لكن ذي المخدرات كدآ وقصدت بالتحديد شجرة القنب الهندي التي منها "البنقو، الحشيش، الماريهوانا وكدآ يعني" طيب دي كانت في الجنة ومعصيت آدم لتعاليم ربه أُنزل للأرض.. معليش سؤال والحمد لله على ديني بالتمام والكمال.. هل الجنة هي نفسها الأرض ولكن بُدل حالها من نعيم دائم لي الحالة الإحنا حسي فيها. أهو الشجرة دي سيك سيك معلقا فيك..
طبعن الحصل بين الأخوان وهم إتنينتهم من ضهر أبونا آدم ورحم أمنا حواء شئ نادر أنه يحدث بين إخوة إلا يكونوا في الوكت دآك في حالة سُكر ولا نشوة منشط والإتنين ديل مجتمعات في في القنب ...
وفيها لمعان ليس في الخمر مثلها فلا تستمع فيها مقال مفند
نرجع لي الجينات والشبه في الشكل وبرضك في كتير من الأحيان تلقى البت ذي أمها وتلقى أولاد ذي أبواتهم. ممكن يغلب عليهم التشابه في الكرم وحب العلم وخفة الروح وممكن تلقاهم نوع ديك البيجيبوا الإساءاة بالتوارث لأبائهم نوع اليتقال ليهم؛ تربية سيئة لما حفظتهم لهم الجينات من طباع عدائية وكُره وحسد وحقد...
والما بيتنسي.. الأمراض، أجاركم الله وإيانا منها وهي بكثرة شعر رأس البنية الهندية العايشة في بلدها وما في الغرب وبقت موضة وحلقة وقصت وكمان شيبت والباقي تصلع ذي كامالا هاريس ;)


http://www.ancaan.org/Arabic/ar-babikerlibrary.htm

[imported_عبدالله الشقليني]

الالحبيب بابكر
وما ضير المعلم بابكر بدري أن يكون المجد طلبه ؟
ما نقلناه عن خضر حمد مسجل في مذكراته
ولا ينقض من تاريخ المعلم الأكبر مقدار خردلة .
فقد كون المعلم بابكر بدري مجلس أمناء في ثلاثينات القرن العشرين ،
في وقت لا يدرك الناس ما هو مجلس الأمناء

[بابكر مخير]

الالحبيب بابكر
وما ضير المعلم بابكر بدري أن يكون المجد طلبه ؟


عمنا خضر حمد الله يرحمه، ممكن لم يوفق في قولتهو دي لشيخ بابكر..
المولى عز وجل وعلى شأنه وعظمة قدرته..
لست المجد كان بغيته بل أكثر وهو من لا يحتاج فهو مالك الملك..
"وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ غ– وَلَئِن كَفَرْتُمْ إِنَّ عَذَابِي لَشَدِيدٌ"
يابا كل ما جاء في الكتاب هو شرع وفرض وهنا سبحانه وتعالى يأمرنا أن نشكره ونمجده دوما والمسيحية إنجيل لوقآ يقول: «الْمَجْدُ للهِ فِي الأَعَالِي، وَعَلَى الأَرْضِ السَّلاَمُ، وَبِالنَّاسِ الْمَسَرَّةُ» ...
قالوا: الما بتريدهو في الضلمآ بتحدر ليهو..
يمكن دآ كان إحساس العم للجد. عليهما الرحمة ولهم المغفرة

[بابكر مخير]

الميديا ودنيا التواصل الإسفيري، بقت حقت ناس المعاشات. يومتها لمن العميد عبد الله الشيخ شرفني، لاحظت "ما أنا كنت شرطي وأنف الشرطي فضولية ولماحة، تقول تكوينها ربطابية الأنسجة والأوعية الدموية" تلفونه ما ذكي وأكيد أذكياء الإتنين ما بتعايشو مع بعض (إلا كان بشر حلويين ذيه وعزيزة زوجه ) وسألتهو سؤال غبي وبليد وحق ناسن ضريهم الزمهرير "الزهايمر" وبقوا كل على كله في كله؟ بس في لحظتهو،، يعني تشوف وبرضك تنطرش وتسأل سؤال زولن مغبي وما بشوف.. إتصور شايف التلفون قدامي وحاجة كدآ قلة ليهو، برسلها ليك واتساب (دحن ما غباء مني) مسكين وبي أدبهو ولطفه المعروفين فيهو وبي بسمة هي جميلة مضوية في وشيهو، لكنها حزينة على الحال الوصلت ليهو.. وقال: أنا في الحقيقة الشباب عملوا ليا حيطة الفيسبوك والتقنية الحديثة دي ما ليها فيها، فما عندي لا واتس ولا إنستقرام ولا ولا ولا..
وهنا تراهو بيت القصد من البوست دآ..
ناس المعاشات ملوا الميديا وبرامج التواصل الإجتماعي لي ال تيك توك كمان.
طبعن كواحد من الملايين (ما العدد لكن من ملأَ، يَملأ وإن كان في التواصل كوتار لمن تقول بقوا مليون، يعني خاتي بورس جونسون أكان عمل كل جهد ليتخلص منهم وينسب الأمر للجائحة، ما هم بقوا كّتَرا وعالة)..
ناس المعاشات (طبعن أنا واحد وعلى قول الشوعيين "أكبر مثال لمحالولات <الجلاكيين> في السيطرة على العالم الحقيقي وما الإفتراضي ولا الإسفيري بعمل نقد ذاتي) بأفكارنا الهرئة وجهلنا عن الحديث والحادثة وتشبثنا بحال الأمس، من حسد وإستبداد وإنغلاق وإنكفاء وكره للجمال وإحتقارنا للفاهمين والمحدثين، عنصريتنا البغيضة وقبيليتنا الضارة.. مصريين أن ننقل هذه العدوى لهذه الأجيال الجميلة، المتعايشة، المتحابة..
تلقى واحد ثقيل من ناس إحنا يحرض ويتفلسف ويعمل أنهو وصي على البلد، حين أنهو شال منها وما أدها التكتحة، قرتهو مجان وأكلتهو في السفر أيام المدارس والجامعات، بعثته وقرتهو. منهم العمبب برآ لمن عمل قروش وجا بي جاه وما هو داري أنهو أيام قدمهو المفارق، الناس صبرت وصابرت، وفيهم القعد ودخل السوق وإسترزق من رزق التعبانيين وبقآ رقم وأفتكر دآ بيديهو حق، ومنهم النفسهو مريضة وحقدهو دفين وعنصريتهو مؤأدلجة بين القومية والإقليمية الزائفتين، بين ناصرية وعربية وبعث ولجان ثورية، إسلاموية وشيوعية...
تدخل الأسافير تلقى بابكر مخير وعثمان حمور وحسن فرح وشوقي بدري وأحمد كورية وحتى النص الكان لطيف، بقى عدائي وذكوري الحديث والوصف والطباع.
والميديا لست بأحسن حال بل مصيبتها أشد وهولها أكبر، لأنك بتشوف وبيملى العين ولا يرحمها حتى وإن أدمعت..
رسالتي ورجائي مة القائميين على أمر الفيسبوك وكل سبل التواصل الإسفيري أن يمنعوا كل ممن هو فوق الستين من الولوج وسحب الباسوردات أو أقلهو أن يطلب كل مرة يدخل في الميديا أن يضع الباسورد لأنه أكيييييييد ما بيكون متذكرها وبذلك يكون كفانا الله الإقتتال ولا لوم ولا مذمة..
إضافة بسيطة "خلو ليهم الواتس عشان يتبالوا بي بعضهم البعض لأنهو كل عاقل من دون الستين أكيد بحظرنا :cool::cool:

[عبدالحكيم]

الميديا ودنيا التواصل الإسفيري، بقت حقت ناس المعاشات. يومتها لمن العميد عبد الله الشيخ شرفني، لاحظت "ما أنا كنت شرطي وأنف الشرطي فضولية ولماحة، تقول تكوينها ربطابية الأنسجة والأوعية الدموية" تلفونه ما ذكي وأكيد أذكياء الإتنين ما بتعايشو مع بعض (إلا كان بشر حلويين ذيه وعزيزة زوجه ) وسألتهو سؤال غبي وبليد وحق ناسن ضريهم الزمهرير "الزهايمر" وبقوا كل على كله في كله؟ بس في لحظتهو،، يعني تشوف وبرضك تنطرش وتسأل سؤال زولن مغبي وما بشوف.. إتصور شايف التلفون قدامي وحاجة كدآ قلة ليهو، برسلها ليك واتساب (دحن ما غباء مني) مسكين وبي أدبهو ولطفه المعروفين فيهو وبي بسمة هي جميلة مضوية في وشيهو، لكنها حزينة على الحال الوصلت ليهو.. وقال: أنا في الحقيقة الشباب عملوا ليا حيطة الفيسبوك والتقنية الحديثة دي ما ليها فيها، فما عندي لا واتس ولا إنستقرام ولا ولا ولا..
وهنا تراهو بيت القصد من البوست دآ..
ناس المعاشات ملوا الميديا وبرامج التواصل الإجتماعي لي ال تيك توك كمان.
طبعن كواحد من الملايين (ما العدد لكن من ملأَ، يَملأ وإن كان في التواصل كوتار لمن تقول بقوا مليون، يعني خاتي بورس جونسون أكان عمل كل جهد ليتخلص منهم وينسب الأمر للجائحة، ما هم بقوا كّتَرا وعالة)..
ناس المعاشات (طبعن أنا واحد وعلى قول الشوعيين "أكبر مثال لمحالولات <الجلاكيين> في السيطرة على العالم الحقيقي وما الإفتراضي ولا الإسفيري بعمل نقد ذاتي) بأفكارنا الهرئة وجهلنا عن الحديث والحادثة وتشبثنا بحال الأمس، من حسد وإستبداد وإنغلاق وإنكفاء وكره للجمال وإحتقارنا للفاهمين والمحدثين، عنصريتنا البغيضة وقبيليتنا الضارة.. مصريين أن ننقل هذه العدوى لهذه الأجيال الجميلة، المتعايشة، المتحابة..
تلقى واحد ثقيل من ناس إحنا يحرض ويتفلسف ويعمل أنهو وصي على البلد، حين أنهو شال منها وما أدها التكتحة، قرتهو مجان وأكلتهو في السفر أيام المدارس والجامعات، بعثته وقرتهو. منهم العمبب برآ لمن عمل قروش وجا بي جاه وما هو داري أنهو أيام قدمهو المفارق، الناس صبرت وصابرت، وفيهم القعد ودخل السوق وإسترزق من رزق التعبانيين وبقآ رقم وأفتكر دآ بيديهو حق، ومنهم النفسهو مريضة وحقدهو دفين وعنصريتهو مؤأدلجة بين القومية والإقليمية الزائفتين، بين ناصرية وعربية وبعث ولجان ثورية، إسلاموية وشيوعية...
تدخل الأسافير تلقى بابكر مخير وعثمان حمور وحسن فرح وشوقي بدري وأحمد كورية وحتى النص الكان لطيف، بقى عدائي وذكوري الحديث والوصف والطباع.
والميديا لست بأحسن حال بل مصيبتها أشد وهولها أكبر، لأنك بتشوف وبيملى العين ولا يرحمها حتى وإن أدمعت..
رسالتي ورجائي مة القائميين على أمر الفيسبوك وكل سبل التواصل الإسفيري أن يمنعوا كل ممن هو فوق الستين من الولوج وسحب الباسوردات أو أقلهو أن يطلب كل مرة يدخل في الميديا أن يضع الباسورد لأنه أكيييييييد ما بيكون متذكرها وبذلك يكون كفانا الله الإقتتال ولا لوم ولا مذمة..
إضافة بسيطة "خلو ليهم الواتس عشان يتبالوا بي بعضهم البعض لأنهو كل عاقل من دون الستين أكيد بحظرنا :cool::cool:

حبيبنا د. باباكر ..
لماذا هذا الإطباق علينا ومن كل الجوانب والإتجاهات ؟ ما بين الستين والسبعين وانتظار الموت والمنع والحرمان وحجب الباسوردات ... لمن فوق الستين ..
كله بسبب هذا الثقيل ...وهلم جرا
بس ليه كده ... ورحمة الله واسعة ...
لا للحرمان ...
:cool:
https://www.youtube.com/watch?v=4zopxkp_PYY

[بابكر مخير]

حبيبنا د. باباكر ..
لماذا هذا الإطباق علينا ومن كل الجوانب والإتجاهات ؟ ما بين الستين والسبعين وانتظار الموت والمنع والحرمان وحجب الباسوردات ... لمن فوق الستين ..
كله بسبب هذا الثقيل ...وهلم جرا
بس ليه كده ... ورحمة الله واسعة ...
لا للحرمان ...
:cool:


أخي الحبيب عابد الحكيم
تب ما قصدتا الناس الفي حكمتك
لأنهو الذيك هم طعم الكُبر حشمة وعلو ذي لبستك والحلآ هي جبتك
إتا يابا الكريم وعطاي والرّوِيّ بي فهمك، علمك والغزيرة درايتك

[عبدالحكيم]

أخي الحبيب عابد الحكيم
تب ما قصدتا الناس الفي حكمتك
لأنهو الذيك هم طعم الكُبر حشمة وعلو ذي لبستك والحلآ هي جبتك
إتا يابا الكريم وعطاي والرّوِيّ بي فهمك، علمك والغزيرة درايتك


رجعت لك مرة تانية .. فاعذرني

الكلام الكتبته ده كتير على شخصي الضعيف .
بل انت من استفدنا من كل ما كتبته . ونتابع حروفك وكل اضافة منك اضافة لنا ...
عـلم ...
حكم ...
تجارب ..
خبرات ..
...
الحكمه ضالة المؤمن
وبنو الاسلام بها أولى
حيث تجدها فعليك بها
عنــها ابـدا لا تتــخلى
في القلب خواطر عن
امم بواقعها قيم مثـلى

وبمناسبة لبس الجبة ... عجبني البيت :

وَهَجْرِي الْغَانِيَاتِ وَشُرْبَ كَأْسٍ
وَلُبْــسِي جُـبَّة ً لاَتُسْتَــعَارُ

[بابكر مخير]

مفهوم الكُبر ممكن بينقلب رأس على عقب لو مرة واحدة بسمة تترسم على الجه. لكن هيهات وين دآ أصلن ممكن يكون بين أخاديد الخدود البتشبه سهل تاه طريقهو وسط جبال الإنديز ولا حفر شارع الأمراء في العباسية شرق. (الله يرحمها ميمونة أحمد مالك "ميمي"، قالت المشي في شارع الأمراء ذي لعب الحجلة. كذلك هناك من قال: المشي في الشارع دآ، ذي لمن الأمير منزول يحاور في دفاع الفريق الخصم)
بسمة مزنوقة بين واقع الحياة وما فرضه الكُبر من إستياء وإحباط وجميع متلازمات الكٌبر العديدات وبين تمنيات أرزل العمر والعشم في مستقبل نضر وجميل.
بسمة تحارب وتناضل وتحاول لتثبت ذاتها وتفرض نفسها. تجتهد بكل قواها أن ترفع أطراف الشفايف لي فوق لترسم صورتها المفرحة وبرغم عوامل الجاذبية القاهرة مما يدفع لترهل أطراف الشفاة الي أسفل وهي مطئطة رأسها بخنوع وإنكسار لحكم العمر المتراكم..
بسمة أريتها لو تعرف لي طريقها (دربها)
وأنا عارف أنهو لو عليها ما بضيقها
بس!؟ الظروف ونيرانها العدائية وصديقة
أكيد قبل تترسم في مقتل تصيبها

[بابكر مخير]

لمن تكبر قمة السعادة تشعر بأنها في إيدك..
تشعر بحلاوة النصر في أنك وبحمد الله ونعمته عليك وصلتا للعمر دآ وتتلذذ بمتعة الإنجاز في أنك عملتا حاجات أرضيت بيها نفسك في المقام الأول وإن كنت عملتا شيتن شمل وعما الحوالينك بيبقى السعادة تفوق حد الوصف..
وتفرح أنك عشتا أزمان بي سنينها وشهورا وأيامها...
بي ساعاتها حسب تشكيلها ودقايقها المرات تمر اسرع من لمحة بصر ومرات تقول متين تخلص..
تتذكر آناس وأماكن وأحداث. أطعمة وأشربة...
علاقات وصداقات منها الإتوجت بي ما هو أعظم وأجمل مما كنت تتوقع ومنها الأخفقت، لكنها تظل خالدة في دواخلك..
ودي عظمة الكُبر، أنهو حلو ومر..
ثقيل بشكل في معاناته، لكنهو عظيم الشأن...
فهنيئاً لمن هم أكبر وبخت القدرنا ولي الأصغر جيتن لي االجاييكم

[بابكر مخير]

ياما مع الكُبر ياما بنصبح ضُعاف
ما إعتلال صحة. القصد طبقات القلب ببقن رهاف
إن قالوا فلان عشان زعلة ساب
تقول: أكون أنا السبب وينهشك العذاب
حسي وليا كم يوم؟؟
أتذكر أيامنا الخوالي
وكت سودانيات
شباب من الجنسين وشياب
باشمهندس أصلن ما بيغيب ولي البنفلق دآك هو البطيب
والطيب جنابهو وكم من جناباتهم الشعراء
والدكاترا الأطباء الحكماء وأصحاب الشهادات البي الفكر حكماء
البنيات والواليدات وحتى كان فينا من الأحفادالجامعة ذي ما كان الفي العمر أحفاد
بحس وبشعر كأني أنا السبب في الهجرة
وأنه الطير بي سببي ما عاد ولساتهو في الهجرة والهجران..
لي كل واحد أنا السب في إبتعادهو ....
سامحني غلطان بعتذر
ما كنت قايل من عتاب
تحكم على بالوحدة الشوق و العذاب... ( من أغنية صلاح مصطفى)
أقدم اعتذاري
عن الكتابات التي كتبتها
عن الحماقات التي ارتكبتها
عن كل ما أحدثته (من أُقدِم إعتذاري لنزار قباني)

https://www.youtube.com/watch?v=210ADVFdW9o

[بابكر مخير]

كتير اليقول ليك؛
يا حليل أيام زمان.. يا أخي الدنيا كانت أحلى... زمان جنس دآ ما كان بيحصل... وكلام من النوع دآ. يمجد الإنسان فيه إيام خواي وشهور مضت وسنين راحت وإندثرت بما فيها من حلو..
لكن هل حقيقة كانت كلها أيام وشهور وسنين حلوة بس، ما كان فيها البنقص والبيحزن والمر بدون حلو...
أنا بفتكر القياس البتتبني عليهو قصة حليل أيام زمان مبني علي أشياء محددة تعلق بالعقل وتبقى عشعشة فيها صعب تنمحي مهما طال عليها الدهر، الجميل هو ومشكور والقبيح أصلن ديمة مقبور..
زمان البنقول جميل فيهو ناسن عزاز راحو، فيهو الصيف نوع حرهو كان براهو إن كان في رمضان ياهو إلا الضل والعنقريب الهبابي والتوب يترشا بي موية محروم منها الريق، حسي المروحة وتطور الأمر بقآ المبرد دآك بتاع القش من سركيس وبي زمنا كان فوق المية جنيه وكت الماهية كانت تلاتة وعشرين جنيه وخمسة وأربعين قرش وستة ملالين وبعد العلاوة ووااا الفرحة ديك التمت ذي المولد البكر وبقت الماهية ستة وعشرين جنيه وملالين القروش راحت في جبر التلاتة وعشرين جنيه.. حسي قال ليك مكيف، مركزي وإسبليت إتنين طن هادئ الصوت دآ الكان نسبياً زمان طراز الشباك البيهز ويرز وما بتركب إلا في حيطة كصبوبة صبة خرسانة لأنهو الطن براهو قوة كمين حصان يعني ذي صوتهو ذي مضمار سباق الخيل في ندى الشبآ..
زمان كان الجواب بالبوستة وفيها يصل وممكن ما يصل، ما الطريق مقطوع والدنيا خريف وسكة القطر، شالها السيل ومن بعد التلغراف وبقى التلكس (على قول العميد قاسم بدري بشبه زولن رقيهو كتير؛ ذي التلكس، طق طق طق ويسكت تقول إنتهاء من جديد يطق طق ليك تاني) وبقى الفاكس وحسي يا البقول حليل أيام زمان، تتكلم وتشوف وأكيد بعد شوية حتلمس..
الله يرحمهو الشيخ فرح ود تكتوك.. كان حالم بالمستقبل وذول قدام ما زول يا حليل أيام زمان وعليهو قال..
بيجي اليوم السفر فيهو يبقى بالبيوت والكلام بالخيوت...
وتقول ليا زمان..
دي نسق قولة: تقولي منهو وتقولي شنهو :eek::eek:

[imported_عبدالله الشقليني]

حبيبنا دكتور بابكر
ياكا سلمت للوقع .. وزي ما بقول الراحل حميد الشاعر
ارضا سلاح
ياخي إنت شباب داير عروسا تنفض فيها شيبك!

https://www.youtube.com/watch?v=OIk_BeleERU

[imported_عبدالله الشقليني]

يا دكتور بابكر
ما تعاين للكيزان في الفيديو بتاع الكابلي

[بابكر مخير]

وبمناسبة لبس الجبة ... عجبني البيت :
وَهَجْرِي الْغَانِيَاتِ وَشُرْبَ كَأْسٍ وَلُبْــسِي جُـبَّة ً لاَتُسْتَــعَارُ


ياخي إنت شباب داير عروسا تنفض فيها شيبك!



الهجر والتوبة، مربوطين بجنزير وسلاسل حتى شمسون لا يقدر أن يكسرها ما بي سبيبة فيها تنشاف وفيها لأ.. الربط بالسبيبة ما هو شئ واقعي فهو موضوع بتاع تورية في شأن تبين أن الفاصل بيناتهم شيتن ضعيف ورقيق وولا ؟؟
قال الله تعالى في كتابه العزيز: (فَالآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ وَكُلُوا وَاشْرَبُوا حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ ثُمَّ أَتِمُّوا الصِّيَامَ إِلَى اللَّيْلِ) [البقرة:187]
التورية في أنهو ما في هناك خيط بين الليل والصباح أو حتى علامة ضوئية واضحة على عكس حقيقة الشفق بلونه الأحمر والأقرب الي البرتقالي وطبعا هو في الأصل نتيجة تبعثر ضوء الشمس "ناس الفيزياء والمساق العلمي ومن حصص العلوم أكيد بنتذكر الPrism (غايتهو الفكر في ترجمة العلوم دآ تب ما عمل في العالم خير، إتصور بالعربي إسمهو نشور زجاجي) في الطبقة العليا من الغلاف الجوي الي أن يغيب بعد فترة، ويأتي بعده الغسق أول ظلمة الليل..
القصد أنهو لي كل شئ حد.. يعني ممكن تسكنو عليهن لمن وقت الإمساك..
نرجع لي قصة الهجر والتوبة..
قالوا:
المعصية حين تهجر ملازمها، يتكبرا كثيرا فيدعي بأنها توبة.. وهو حال من كبر في العمر وضمر حشائه فلا ضهر ليهو يبذر ولا قدرتن تواسيهو..
عليه فهو يدعي بأنهو نسك وإعتزل الحياة بكل نواحيها...
فيا الحبيب عابد الحكيم.
تهلهلنا في الملابس، شئ تشارلستون وشئ القميص من جزر هاوي، رقصنا السمبة والتانغو والبمبز بالجنبات وتلاصقنا بالمكتنزات... لكن جبة إبن ربيعة دي تأريخها براهو. زمن الشراب "بالزير" ما "كيزان" ;)
ويا بيكاسو ديمة بتتمنا ليا الخير لكن يابا! فات الفوات ولا شفق ولا غسق، بس شفقانن علي حالنا البقآ الألوان فيهو ما بتحوق حتى الأزرق الألماني.. هي الشركة ظنيتها إسمها فايزر :eek:

[imported_عبدالله الشقليني]

https://www.youtube.com/watch?v=AXXz_AuZ27c

نقطف مما كتبه دكتور بابكر:
تهلهلنا في الملابس، شئ تشارلستون وشئ القميص من جزر هاوي، رقصنا السمبة والتانغو والبمبز بالجنبات وتلاصقنا بالمكتنزات... لكن جبة إبن ربيعة دي تأريخها براهو. زمن الشراب "بالزير" ما "كيزان"
ويا بيكاسو ديمة بتتمنا ليا الخير لكن يابا! فات الفوات ولا شفق ولا غسق، بس شفقانن علي حالنا البقآ الألوان فيهو ما بتحوق حتى الأزرق الألماني.. هي الشركة ظنيتها إسمها فايزر
*

[بابكر مخير]

عديّ بن ربيعة بن الحارث التغلبي، (توفي 94 ق.هـ/531 م)، من بني جشم، من تغلب.من ربيعة.أبو ليلى، المهلهل هو شاعر من أبطال العرب في الجاهلية. من أهل نجد. وهو خال امرؤ القيس. قيل: لقب مهلهلا، لأنه أول من هلهل نسج الشعر، أي رققه.
أعجبني..
فيما وصف عنه من جمال
وما حفظ عنه من شعر
وفطنة وذكاء..
كان زير وهو بذلك أكرم عطاء من الكوز وأوسع معاون..


https://ar.wikipedia.org/wiki/%D8%B9%D8%AF%D9%8A_%D8%A8%D9%86_%D8%B1%D8%A8%D9%8A %D8%B9%D8%A9

[imported_عبدالله الشقليني]

حبيبنا دكتور بابكر
بقيت لي إنت فقير وفقيه وراجل تقي
كل كتابتك توبة وآيات
خلاص نسيتنا


https://www.youtube.com/watch?v=ayI7B8TmJE4

[بابكر مخير]

حبيبنا دكتور بابكر
بقيت لي إنت فقير وفقيه وراجل تقي
كل كتابتك توبة وآيات
خلاص نسيتنا

يابا
إتا نسيت أنهو إمعانن في (تصغير) الكبير في السودان بيقولوا شنهو؟؟
ساكت ترفع عينك تعاينها وهي قدامك تتمواج ذي النسمة في هجير النهارية ومن بعد تتنسم الهمبريب البيهب بعد ما مطر الخريف يكون صابي هناك بعيد ويقوم زول يظبطك ويقول ليك!!
الفي عمرك دآ مفروض تكون سبحتهو طولهو وتبروقتهو إنطبعت فيها أثار ركبتهو..
هو شوف التوبة. بنطلبها من صاحب القدرة..
وقولتن لي الآيات؟
مرة في البوست دآ ذكرتها، أنهو مع الكُبر القبل شوية بنمحي ويفضل حق زمان..:(
فدحن ياهو الحفظ للقرآن بتاع الكتاب شوية من عم وبعدآك حق الإبتدائي.. بدآ حسي يظهر على السطح بعد غرقان فوق الخمسين أو ستين سنة..


خلاص نسيتنا

https://www.youtube.com/watch?v=ilmnAvW6B_0

[بابكر مخير]

قامة أمدرمانية
المرحوم الهادي نصر الدين...
جمعني معاهو كل الجميل البيجمع..
السودان الوطن الواحد، الأمة الشعوب السودانية والحزب التليد، الأنصارية عقيدة قوية، أمدرمان العشق وكانت الدم النازف في كل عرق، أبراهيم عوض الفنان الذري.
ربما لست وحدي ولكن كل ذرة من تراب أمدر لأنهو كان كالعسس كل أحيائها تحت نظره، عنده الخبر الأكيد. ناس فلان إتوفا ليهم فلان وناس فلان عرس بتهم لي ود ناس فلان. كان في ود نوباوي ولا القلعة، العباسية ولا الموردة، حي الضباط ولا الملازمين وحتى الأحياء الجديدة التي لم يكن يرتاح بتسمياتها..
ذي قصة عباس أحمد عبيد. إلتقيقته من أحبائي من ناس حلتهو وواحد فيهم سألهو.. بتعرف دآ منهو (ليا أنا) وبطريقة حديثة الممتعة بألحانها الشجية وتقسيماتها التي أنعم الله بها عليه عشان تكون ماركة مسجلة وخاصة بيهو قال. بتأتأته المعروفة.. ك ك كيفففن ما بعرفهو حفييييد العميد ناس الأأأأحفاد...
عملنا معا في لجنة كان قد شكلها السيد مبارك المهدي حين كان وزيرا للشئون الدينية والأوقاف لتعمل في رصد الأوقاف ومراجعة مدخولاتها والعمل على تعديل الإيجارات للتناسب وقيم العقارات في الجوار..
الهادي الله يرحمه لا أكذب لو قلتا أنهو عارف كل أوقاف العاصمة القومية، من دكان لي عمارة، من بيت لي زريبة، كما أنه يكاد تقريبا يعرف كل مستفيدي تلك الأوقاف بأسمائهم وحتى من تجاوز وأورث العقار المئجر لمن هم بعده وكان يعرف كل محصلي الأوقاف وأغلب العامليين فيها..
بتذكر إلتقيتهو بعد الإنقلاب في عزاء بأمدرمان وسألتهو عفويا..
لساتك في الأوقاف..
وييييين يا دكتور، ما سمعتا بي قصتي؟؟
عرفت لاحقا أنه قد قام بعمل جهادي متفرد أثناء إجتماع للعامليين بالوزراة...
رحم الله الأخ الحبيب الهادي نصر الدين
وليسكنه الله مع الأنبياء والصديقين وأحبابه الشهداء من الأنصار ...
Like

[بابكر مخير]

وقدر ما فيه الكُبر من مآسي
برضه فيهو الجميل، لمن تجيك "غفوة" صحيان..
ما هو الصحيان نادر الحدوث ويشبه الغفوة عن الشباب...
غفوة تتذكر فيها أشياء جميلة..
تتذكر أنه العالم عباس كان من الناشطين في سودانيات، يكتب بقلم حروفه لولوي وكلماته عقد جواهر..
ولا أقول تنط ليك صورة هاشم طه وشيتهو العجيب من أدب قول وأدب خلق
حليلها الأيام الخوالي
علي عبد الرحيم عمدة لندن
وأولاد البرير الفي لندن والفي أمريكا المهندس "بندر"
أيام من لبنان الحبيب تشاركنا حسناء ومن اليمن السعيد كمان حسناء.....
لمن جانا "عابر سبيل" وفات خلانا.....
....
يقال عن "الفاليم" أنه بيمسح الحدث الحديث ويخليك مع الذكريات....
وياهو العمر لمن يمشي ياها دي البتبقى...
.......................................
كسرة::::
الحكمة أنه:
كله على كله مع الزمن بيشيخ
إلا القلب مع الكُبر بكبر...
بيزيد في تحنانه يوسع
ولي البحبه أسمى مكانة بيرفع....
.....
شوفهو إتو كيفنكم
عند شيخن كِبر :cool::cool:


"فَذَكِّرْ إِنَّمَا أَنتَ مُذَكِّرٌ، لَّسْتَ عَلَيْهِم بِمُصَيْطِرٍ" صدق الله..
حتى تحلو أكتر
وتجمل زيادة
لو كان بيدي..
ولو عندي السيطرة والقدرة متوفرة..
كنت على البراق كل فرد أحضرتهو..
والباسط الأحمر لي كل الطول مننا فرشتهو..
كانت أيام زمان ذي سودان زمان (وأبقى قيس على كدآ)..
زيادة علي الحسي من أقوالن بهية
والحروف الجميلة ورخية
أدب وافر طعمه ذي معزوفة رخيمة
والقلوب بيناتها صافية ورحيمة..
ما شاء الله وعيني باردة..
بس برضك زيادة الخير أخير..
حبي لكم ولهم

https://www.youtube.com/watch?v=dTjPEMdX_kQ

[بابكر مخير]

بس برضك زيادة الخير أخير..
حبي لكم ولهم
[/CENTER]

جيلنا الجميل
يا أخوانا ما رآح بيهو الدليل..
لساتهو في الحوش البي غادي...

ادخل هنا (http://www.sudanyat.org/vb/showthread.php?t=32484)

https://www.youtube.com/watch?v=DDW9z7XpYG8

[بابكر مخير]

[QUOTE=بابكر مخير;552963]
جيلنا الجميل



وكمان أمآل :o:o:o:o:o
يا أخوانا علينا بي جآي كمان طلونا...


اتفضل اضغط هنا (http://www.sudanyat.org/vb/showthread.php?t=32485)

[بابكر مخير]

عمرهو الحزن ما شيتن بنطاق..
لكن ما بكضبكم ولو قلتا...
ليهو حلاوة؟
بيقرب الناس ويخليهم "يذكروا ديمة حسنات موتاهم"..
* الهادي نصر الدين..
زولن عااادي جدن، راس مالهو في الدنيا..
ذكراهو الجميلة..
يذكر عنه طرائفه وقشاته، حلو كلامهو وجميل تصويرهو ووصفه..
أديب، له أسلوبه الخاص..
يصيغ القول لحنا
وللحديث يبدعه عزفا
وللأخبار يرصها إبداعا
فينشرها عطرا
طعمها ريحان
وملمسها مخملا..
* السر دوليب
زولن فوق العادي
عالم، معلم
أديب وشاعر
هادئ في طباعهو
ثائر في شعرهو
صاخب في إظهار جوانب!
تكادُ تتشكك في أنها صفاتهو
وهو الحلم، الرزين كعوده، مستقيم
حين يحب تندثر الكلمات منه...
لتستقر في صدور الحالمات نياشين
وتتوهج في روؤس المحبين تيجان
كان لحنا شجى به محمد ميرغني
وموسيقى أبدع في تصويرها عثمان حسين
وقلما سطر به سيد خليفة دلالا..
زدني من دلك شوية....


https://www.youtube.com/watch?v=vxZHuC4d1aE

[imported_عبدالله الشقليني]

لسَ يا دكتور عندك رقشة
تتبارك .. بِسْمِ اللَّهِ الرَّحْمَنِ الرَّحِيمِ

قُلْ أَعُوذُ بِرَبِّ الْفَلَقِ (1) مِنْ شَرِّ مَا خَلَقَ (2) وَمِنْ شَرِّ غَاسِقٍ إِذَا وَقَبَ (3) وَمِنْ شَرِّ النَّفَّاثَاتِ فِي الْعُقَدِ (4) وَمِنْ شَرِّ حَاسِدٍ إِذَا حَسَدَ (5).

ما نسحرك

[بابكر مخير]

لسَ يا دكتور عندك رقشة
ما نسحرك
بيكاسو الحبيب
الرقشة؟؟
وبرضهو الركشة ودي تاريخها ظريف..

لو تتذكر زمان المواتر الفيسبا لكن عاملين ليهو صندوق وبيرحلوا بيهو أنابيب الغاز.. بتاع شركة أجيب.. بتذكر الفني السايق الموتر لابس أبرول وشايل شنطة العدة التقول داية ماشة تولد..
ديك كان ركشة برضهو وبتاعت اليابان العربية البيجروها الناس ذي ما في الصين برضهو ركشة..
الركشة كانت أكتر مربوطة بي ترحيل بنات الجيشآ في اليابان، لكن حسي بنات الهوآ ترحيلهن باللموزيين..
لكن يابا موضوع "الرقشة" دآ كان الماضي المغبور مع أنهو كان مفروض يكون محل السرور مع الحاصل حسي وخليهو مستور :cool:

[بابكر مخير]

الربيع
كلمة ليها وقع جميل في قلوب العجايز والغريبة في أمرها، مش لأنها مربوطة بأيام خوالي ولا هن أيام مضت..
لا أبدن بتديك إحساس ظاهريا، مشابه لنظرة الشباب لي الكلمة دي من إستشراق لما هو قادم وفرحة مليانة أمل بما هو أت أما باطنيا فهي لحظة تأمل على الكتير الرآح والقليل الباقي. وهنا المفترق بين الظاهري والباطني..
الربيع هو من أعياد أغلب الديانة وإمكن إلا الإسلام فهو يعتبر من أعياد المجوس والوثنيين (مع أنهو مسلمي آسيا الصغري وشمال غرب أسيا من قوقاز وأخوة "السودان بتجمعهم الحروف وتفرقهم السحنة والعزيمة :( "ناس لا جليد بيمنعهم عمل ولا صحراء بتمنعهم ترحال") من ناس كزخستان وإيران وحتى التركمان وحتى الأمم الفرعونية كان نوبة أو أقباط (وقبط هي مصر في زمن زماااااان قبال كتير زمان من بتاعتنا)..
الربيع هو ذي مرحلة إنتقالية (هههه) تفصل بين أعتى التغيرات الجوية،، الطقس البارد والجو الحار. بين الشتاء والصيف.. بيناتهم بيحضر الجسم للتقلبات من البرودة للسخانة عكس مصانع البيرة أنهو الغرف المتجاورة البتمر بيها مواسير المشروب الشعيري واحدة أبرد من تلاجة الموز والتانية ذي حلة الضغط "البرستو"..
الربيع غير أنهو للتوازن بين الظاهرتين العاتيتين ديل، كمان الجميل فيهو الزهور تفتح بعد برودة الجو وهبت نسمات الصيف.. بتذكر أيام الجامعة في براتسلافا.. يوم 21 مارس دآ.. لو البلد يوم عشرين مغطية كلها بالجليد.. تصحى في اليوم دآ ما تلقى ولا قطعة جليد حتى في حجم حبة فشار..
الربيع هو واحد من أربع فصول العام مرصوصة كدآ. شتاء، ربيع، صيف وخريف وإحنا في السودان ربيعنا لمن تصب بعيد ويجيك الدعاش ودي طبعن في حالات نادر لأنهو في الأغلب لمن تصب بعيد بتقوم التراب وتجيك الكتآحة كأتحآ..
الربيع بيتغنوا بيهو..
روح الشباب هي ربيع العمر
ربيع الدنيا هو المحبوب
وحتى الحب ظاتهو بي حلاتهو...
ليهو ربيع.........

https://www.youtube.com/watch?v=cU_5bkLBwVc

[بابكر مخير]

كنا قلنا الربيع..
بس ما وراهو الصيف....
"وَمِنكُم مَّن يُرَدُّ إِلَىظ° أَرْذَلِ الْعُمُرِ"
من المعروف في تسلسل فصول السنة أنهو الربيع من بعهدهو الصيف وهو حال الإنسان..
من بعد ربيع العمر "الشباب" يبتدي صيف العمر الي أن يبلغ أقصاه بقيظه الحارق وصيهد نهاره حتى يقارب سعار النار في عظمته والفيح الحارق في قسوته..
ويبقى ياهو دآ الأرزل.........
فتبدى الحالة تنهار والصحة تتدهور وشرها أن لا يدرك الإنسان هذه الأمور ويستمر في إمتاع النفس لهوا وصرف وإهدار ما تبقى له من رصيد في "كليندر الأيام" ويعيش كانهو الأيام لساتها ربيعها جاري ومتواصل وأنه لن ينقطع الي أن يفاجئ بقول الحديث (إذا غضب الله على قوم أمطرهم صيفا)..
فتمطر ويجيء من بعيد سمومها لا همبريبها وكتاحتها ما دعاشها...
وتنقلب نسايم الليل الربيعية!!
هجير نهار صيف حارق...
ياهو دآ الكُبر الثقييييييييييييل..
آفة علي البشر لافة بلوة لا بدن باقية مع طولة العمر..

[بابكر مخير]

االصخب أنا لو سئلت عنهو بقول: في تفسير العامة هو الجلبة وخلق أصوات عالية ومرتفعة عن حدود السمع المعتاد وهو بذلك يثير الإنتباه ويشحذ "غدد الفضول" عند البشر (ما هو الحكاية هن ياهن البتحكمن في جسم الإنسان ياهو مثلن نمسك الغدة النخامية والدرقية والكظرية).
المهم في القصة أنهو الصخب دآ أنواعه كتيرة. فيهو الفارغ وفيهو البي سببه وفيهو العفوي وفيهو نتاج الطبيعة والعوامل الخارجية، ذي صوت الطيارة الأسرع من الصوت والبركان وخرير السيول وصوت الساوند وقولت: واحد، واحد، واااااحد. إتنين، إتنين، إتنين، إتنين وممكن يقيف على الرقمين ديل لمدة نص ساعة.
الديسكو مترع وبيئة خصبة للصخب وكذلك حلقات الذكر
وهنا الصخب بيكون ليهو تأثير مباشر على مراكز في الدماغ مماثل لأنواع عديدة من العقاقير التي يساء إستعمالها بقصد التمتع واللذة الوقتية ...
فليكن الصخب كما شاء أن يكون فهو متباين التقبل عن البشر..
الشباب متعة والكُبار نغمة..
وهناك الهدوء ليكون هو المتعة عند الكُبار والممل عند الصغار :rolleyes::rolleyes:


https://www.youtube.com/watch?v=D3i22chiFp0

[imported_عبدالله الشقليني]

https://www.youtube.com/watch?v=4yhDyqmcZgU

حبيبنا دكتور بابكر
النُكتة بتاعة المدحة دي عندما نتقابل إن الله أذن

[بابكر مخير]

أمرنا كأمة عجيب يا أخوانا..
ساهل عندنا تذليل الصعاب وإنجاز المستحيل..
لكننا ضعفاء قدام المسلمات والبديهيات..
أكتوبر، أنجزناها ومايو أسقطانها والإسلامويين أزحناهم..
إنجازات عملناها بسلاسة متناهية ولم يستطع أي شعب أن يسبقنا اليها..
هاتريك خلال المبارة والقون الأول في المبارة. ما إتحسب لأنهو الحكم كان أصول أجنبية وحاقد علينا لأنهو قبل كدآ غلبنا فريقهو الأم غابت شمسهو في المليون ميل..
أمرنا عجيب لأننا ؟؟؟؟الرابط هنا ("][/URL]

[URL="https://www.facebook.com/babiker.muk...09137519201913)

[imported_عبدالله الشقليني]

نقطف مما كتب حبيبنا دكتور بابكر:

السر دوليب
زولن فوق العادي
عالم، معلم
أديب وشاعر
هادئ في طباعهو
ثائر في شعرهو
صاخب في إظهار جوانب!
تكادُ تتشكك في أنها صفاتهو
وهو الحلم، الرزين كعوده، مستقيم
حين يحب تندثر الكلمات منه...
لتستقر في صدور الحالمات نياشين
وتتوهج في روؤس المحبين تيجان
كان لحنا شجى به محمد ميرغني
وموسيقى أبدع في تصويرها عثمان حسين
وقلما سطر به سيد خليفة دلالا..
زدني من دلك شوية....
*
حبيبنا بابكر
لا أريد أن أضاعف أحزانك و أحزاننا بفقد البروفيسور السر دوليب الذي كان معلما في جامعة الأحفاد ...رب أرحمه برحمتك الواسعة

[بابكر مخير]

قالوا:
البهوِّن نفسهو. بيهون هوانهو، ينحقر في حياتهو وزمانهو
البيهين ناسهو. بيهِن روحهو، أهلهو وأوطانهو
...
نحنا منشغلين ديمة نشنف نفسنا، فلان دآك الفعلهو والتركهو، فلانة ديك شنهو وما تعرف شنهو.. دآ ود ناس منهو؟ هي ظاتها من وين.
أمسك عندك ...
غرابي وهو تصنيف لمديريتين بالقديم وظنيتهو تسعة بالجديد والتصنيف دآ ما بينطبق إلا عليهو وعلي الجنوب لمن كنا سوآ (جنوبي). بس الحكمة مديرية واحدة تصنيفاتها قبلية متعددة المذاهب والمشارب ومتوحدة الحكمة في النسب عدآ المجموعة الما بتتنسب للعربية، إن ما كلهم أغلبيتهم ماشين للعباس عم النبي (عليه الصلاة والتسليم) من جعل لي رباطاب وشوايقة وغيرهم من ناس المديرية الشمالية (زمان). إلا أهلنا المحس والنوبة والدناقلة الرطانة ديل تصنيف براهو وكوش راعيتهم وحامياهم ولا يمكن مانعاهم من "العباس". أمش شرق تلقى برضك تصنيف متنوع وما متوحد في الكوقع الجغرافي "الشرق"..
إلا بتجي وتبقى في الوسط وياها العاصمة المثلثة "برضك زمان" والقومية حاليا وإن كان برضها في المتنازع بين التصنيفات البالية وقديمة وحتى لو تصاهروا بين أنفسهم أو تجاوروا في مساكنهم. قومية مسمى ولكن ما فعل..
المهم والقصد؟؟
تأريخنا كتبهوا غرباء وأجانب إن كان قديم أو معاصر أو حاضر. كان ممالك كوش ياهم الأوربيين، القرن التاسع عشر ياهم الخوجات من أوربيين لي شوام وكانت ياها المراجع ونقلها من جاء بعدهم بي صمت خشمها، لا تحقيق ولا تأكد، (طبعن قولة تأريخ حاضر دي ظنيتني ما إتوفقت فيها، لأنهو ذي الإتنين ما بيجتعوا، إما تأريخ أو حاضر) أما عن الحاضر. فهو إجتهادات أكاديمية مراجعها برضك خارجية فمن يكتب عن فترات الإستعمار والإستقلال وما بعد ذلك فهو حاله حال ما بني عليه في تدوين تأريخنا في الحقبتين القديمة والمعاصرة. مراجع أجنبية، حروفها أجنبية أُعيد طبعها، فكرها أجنبي أُلبس ثوب سوداني، مذاقها أجنبي طُعم بالنكهة السودانية فكان يتوافق مع المزاج الأكاديمي ولكنه كان مسخ واقعي..
القصد أننا إرتمينا في مستنقع، لا فكاك من التلوث بأوساخه ولا خروج منه سالميين. يانا نشب نقول نمرق وما نقدر وكل ما طولنا قعدتنا فيهو كل ما إتوسخنا زيادة..
نحنا براااااااانا الإخترنا دآ..
شوف مثلن ومن إحنا صغار في المدارس المنهاج التعليمي..
منهو قول الأدب؛ من الجاهلية ومرورا بشكسبير ولغاية حافظ إبراهيم (وينهم ناسنا؟؟). التأريخ؛ مصر الفرعونية وما هببنا شيتن لي البجراوية، الفاتح صلاح الدين وبن زياد والأندلس (إسبانيا في أوربا) وصهينوا القبلنا لي تأريخ نيكانقو أكوار وقبيلته الشلك في أفريقيا.. الجغرافيا؛ الهملايا والإنديز وإلا إجتهادات خاصة التآكا وجبل مرة والنيل دآ ظاتهو إن ما مصر صاحبت المصلحة الحقيقة ما ظنيتهو كان لقا فرصة من الدانوب والتيمز..
يانا إحنا برااااااااااااانا الخلينا البسوى وما بيسوى يضحك ويتندر بينا..
زرعنا الجزيرة، حاربنا في فلسطين وفي ليبيا، حفرنا السواقي والدناكي، كنا مدرسين في اليمن وأطباء ومن أوائل محترفي الكورة في العالم العربي عمر النور والسد العالي وقرن شطة وماجد عبد الله وسانتو ودكتور كسلا وحتى من أنديتنا سموا الأتيام والهلال ولو ما شوية كان نصر دبي بقآ الهلال..
وينهو دآ..
هان علينا نذكر بيهو ديمة...
عشان كدآ هونا إحنا

[بابكر مخير]

وتاااااااااااااني نرجع لي ؟؟
المابتريدهو في الضلمة بتحدرهو..
وذي ما قلنا في بوستنا البهون نفسهو..
مباريت ناسن أنفسهم مريضة لكارهي السودان بتأريخهو التليد.. ختهم يغرقوا في مستنقعات الغلط والخطاء والمبادرة بيهو حتى ولو ضد بلدهم. طبعن قولة وطن كبيرة شوية...
إن رضينا وإن كان أبينا.. تاريخنا وغسبن علينا.. إثارة الموضوع المستديمة ما هي إلا ما بين أسباب غير حميدة.. كره، جهل، عمالة. هناك واقعة صورت أنها واحدة من قساوة المهدية "وبالتحديد سيدي خليفة المهدي" التي وصلت حتى الأموات. بأنه رحل رفاة المرحوم الصالح حمد النيل من مكان دفنه الي مكان أخر.. الحصل أنهو لو لم ينقل الرفاة من مكانه الأول لكان إختفت المعالم عن قبره وغرق في النيل جثمانه الطاهر... هل من بين هؤلاء الذين يتناولون إسم سيدي ود تور الشيل يعلم عن هذا أو ما جاء في الفيديو؟؟؟

https://www.youtube.com/watch?v=zjDGLR44_yU

[بابكر مخير]

الكمين سنة دي
ورتني..
ما بصورة الكمال لكن نقاط ومقتطفات عن الحياة..
قول مثلن: البتعملهو كريت بتلقآ في جلدها..
إن ظلمتا أبقى راجي للأكيدة والسأضدة رادآ وطبعن بينقال: السادة رادة.. لكني بفتكر أنها الساضدة وهي جاية من الضد. والضد هو مبادرة منك يعني طالع منك وهو الحينرد عليك..
طيب الظلم دآ هو ظاتهو شنهو.. بس ياهو ذي حق البشير لي شعبنا؟؟
بفتكر هو أشمل وأوسع مضمونا..
قصر في عملك تبقى ظالم.. ناكف وعارض عن جهل فأنت ظالم.. نافق ودسدس لمنفعة خاصة برضك ظالم.. تتدعي المعرفة وإتا ماسورة، ياكا ظالم.. تسرق، تنهب، تغتغت أنت ظالم بإمتياز... فدحن ما تظلموا فترتد عليكم..
ولا قولي دآ باقية عليهو يا ناس الحيكومة ذي..
"لقد أسمعت لو ناديت حيـًا.. ولكن لا حياة لمـن تنادي، ولو نارٌ نفخت بها أضاءت.. ولكن أنت تنفخ في الرماد "
أعمل شيتن كويس بينرد عليك أقلهو؟! ذكرن من زولن يمدحك ويذكر ليك العملتهو..

[بابكر مخير]

الزنزانة.. The Cell
دوما مساحتها صغيرة ومكانها قصي عن باقي المباني.. لها باب كالغرف ولكن أساسها محدود.. دخولها متنوع ومتعدد الأسباب ومختلف الأغراض..
تتميز بالهدوء. لمن يرغب يجد فيها "الراحة" وبين جدارها يتوفر له مقومات التركيز وصفاء التفكير.
فيها يمكنك أن تقضي حاجتك وبهدوء عقل وعدم الإنشغال إلا بالسبب الذي أتى بك للزنزانة إن كان أمر طبيعي أو جزائي (لتقضيه) يتم وينجزه ومن بعد للراحة التامة تنطلق من جديد لحياة أخف وأسهل ليس من ذكريات أليمة في نوع من الزنازين وذكريات حزينة، موجعلة وأليمة في الزنازين الأخر..
يقال أن وحد من الأغاني. كاتب كلماتها رصها وهو في واحدة من الزنازين حيث "الراحة"..
وهنا قفز الي ذهني طاري درستي الصيدلة في براتسلافا وكنت وكتها كويس في اللغة الاسلوفاكية، غير لزوم الدراسة كمان التعامل مع الناس في الحياة اليومية والعامة. أها إتذكرت والكلام عن الزنازين أنهم بيقولوا لل (bunka) cell ولي المكان مستو، فهل يا تراى زنزانة قضاء الحاجة إسمها خليط ما بين الإسلوفاكية واللغة العربية.. إلا أن نوع الزنازين دي مسمياتها كثيرة منها ليهو دلالة خاصة مثلن "بيت الأدب" وما القصد أنهو بتاع الشعر الذكرنا أنهو شاعر الف أغنية مرة هناك ولا الأدب البيفرضه عليك حارس الزنزانة المدجج بالسلاح بس الأدب بمفهوم الأتيكيت، ما هو لي لكل ممارسة بشرية هناك أتيكيت، الجلوس، الحديث، الأكل، الإستماع وفي الزنزانة دي الأوتكيت أنك ما تأكل وما تشرب لكن ممكن تقراء وتدخن. بيقولوا أنهو التمباك والتدخين بيساعد في تحريك البطن وعليهو ممكن أن تقتصر فترة البقاء في تلك الزنزانة وتعجل بالخروج.. من ثقافة البوبات ال(Pubs) أنهو يكون في كبريتة في الزنزانة دي وما القصد التشجيع عللى التدخين ولكن لمن تولع قشة الكبريت بينبعث دخان رائحة نفاذة فيغير من رائحة الزنزانة ليشغلها غيرك دون تأفف كما أيضا يلاحظ أن الزنزانة دي فها حوض غسيل يدين وصابونة ونسبة للغرض الأساسي من إشغال الزنزانة فبديهي فيها مقعد...
الزنزانة دي تبقى كما هي في حالها ولكن بتغير المستفيد منها تلقى أنهو فترة إنشغالها يتفاوت؟؟
كل ما زاد العمر؟ كثرت الزيارات لها وزادت فترة إشغالها وبدلن أن تكون إسترخاء وصفاء ذهن، بتبقى شدة وعناء وتفكير في كل لحظة هناك لتشخيص هذا وتقدير ذاك أنهو آي نوع من الأمراض..
كفاكم الله وإيانا شر حتى؟ تلك الزنازين بتاعت ناس عايد عبد الحفيظ وحتى بي شربوتها الكآرب..

[بابكر مخير]

"بيت الأدب"


قال:
الفاضي يعمل قاضي.. مع الإعتذار للسادة القضاة وأخص بيهو مولانا قاضي محاكمة البشير "وصحبهو".
هذا المكان الهام في حياة البشر والذي هو واحدة من دلالات إكتمال الصحة وفي بعض الأحيان إعتلال الجسد.
تسميتهو متباينة عند الأمم، منها من يضفي عليه نوع من الإحترام والتفخيم. ذي ما قلنا (بيت الأدب) وهي مرادفة الى (أدب خانة) ومكونات الإسم يدل أنه تركي الأصل يطلق على هذا المكان.. وهناك الإسم المركب من مستو القلنا تعني مكان وراح من الراحة التي يشر بها الجسم بعد خروج الخبائث..
بالإنجليزي تسمية هذا المكان فيها تسمية تقارب تسمياتنا العربية وهي عند الأمريكان الريست روم (restroom) لكن الإنجليز ذي تشبيهي ليهو في أنهو مكان صغير إذا ما قورن بي بقيت مكونات البيت. فهم بيقولوا ليهو "دبليو سي" والكلمة دي هي إختصار لي وبالترجمة الحرفية "خزانة الماء" (Water Closet) وبرضك في تسمية تانية وهي "لوو" (Loo) والتسمية دي أصلها أسكوتلندي وإختصار لكلمة (gardyloo) وكانوا بيقولوها لتنبيه المارة لمن يجوا يكشحوا حاجة في الشارع يعني ذي كشح موية البلاعة في الشارع (وأنا أقول العادة السيئة دي جات من وين.. أتريهم صف ضباط الجيش البريطاني "المعروف أنهو الضباط بيكونوا إنجليز وصف الضباط أسكوتلنديين والأنفار والطباخيين وساياس الخيل من الولزيين والايرلنديين" وبرضك من المسميات التويليت وهي من شكلها كدآ فرنسية الأصل وتطلق على غرفة اللبس والهندمة ولكنها بقت من المسميات المختلفة المستعملة للحتة دي..
والفاضي... يعمل شنهو؟؟

[بابكر مخير]

"بيت الأدب"


كما لا يفوتني واحد من أكثر التسميات شيوعا وهي تقارب في اللهجة قول خيلانا المصريين (كنيف) إلا أنها وحسب المعاجم عربية كما إسم "المرحاض"
فتشت حسب قدرة في الأسافير لكن ما لقيت عن هذا المكان شئ لا شعر ولا أدب معاصر ولا جاهلي لكن لقيت شيتن أشركم فيهو...

رابط ويكيبيديا (https://ar.wikipedia.org/wiki/%D8%A2%D8%AF%D8%A7%D8%A8_%D9%82%D8%B6%D8%A7%D8%A1_ %D8%A7%D9%84%D8%AD%D8%A7%D8%AC%D8%A9_%D9%81%D9%8A_ %D8%A7%D9%84%D8%A5%D8%B3%D9%84%D8%A7%D9%85#%D8%A7% D8%AC%D8%AA%D9%86%D8%A7%D8%A8%D9%8F_%D9%82%D8%B6%D 8%A7%D8%A1%D9%90_%D8%A7%D9%84%D8%AD%D8%A7%D8%AC%D8 %A9%D9%90_%D9%81%D9%8A_%D8%B7%D9%8F%D8%B1%D9%82%D9 %90_%D8%A7%D9%84%D9%86%D8%A7%D8%B3)

[بابكر مخير]

الإنسان في جغرافيتهو ذي الكرة الأرضية وقل ما تفوت عليا وأكون ما ذكرتها من عوامل الكُبر وما يحدث من تغيرات "تشويهات" نتيجة عوامل خارجية أو ذاتية.
الأخاديد؛ نتيجة جريان المياه لتترك أثارها على سطح الأرض وكما هو حال وجه الإنسان تشوف ليك كمية من الخطوط في مكان رطوبة الوجنات ورويان الجبهة..
الجفاف؛ يضرب الجلد في كل موقع ومكان ويتشقق الجلد الكان منتفخ ومليان
التأكل؛ يصيب المفاصل وتبقى ذي مفصلات باب السنط يسكسك ذي الفار ويطقطق ذي القش تضربهو نار
التعرية؛ تكون تستعمل المشط ولا الفرشة عشان تسرح شعرك. الرأس يبقآ ذي الأرض الجدباء ومن شدة لمعان جلدة الرأس لمن يتوارى ليك شوفت سارب. أكيد الهنود الحمر زمان لمن يأسروا (جلك) بيطلقوا سراحهو لأنهو جلدة رأسهو ذي عدمها ما فيها الشعرة التقول تتباع (باروكة) Human Hair..
الكُبر شبهو في الما بسر، كتير وما هو يسير..
الكلام تلتلة، السمع جهجهة، الشوف عمش واليد يدك لا بتهش ولا بتنش..
حذااااااااااااااااري لكم منهو :mad::mad::mad:

[بابكر مخير]

الشوق والريد
طال الغياب
وتنساب مع سهارى الحي
وتشوف النجوم عقد جواهر
تتوارى العودة لأمدرمان
ويوم دآك لمن هبت الخرطوم
بي عزة وحاة عازة سوداني أنا
وسودانيات هي دمي

[بابكر مخير]

بحتار وبتحير لي إتنين
واحد سكرآن والتاني زول تدخين..
الكُبر بيخلي الزول يضحك علي الإتنين ديل..
إن داروا ينسوا البيهم وعليهم ولا داروا كترت النوم ولا كايسين الترتحا في المشي والذهول والهذيان أو العديد من أنواع الذهان وهزآل الجسد السهيان..
أصبر وأبقى شاطر؟
حافظ علي صحتك وسلامتك
أكل أكلن زين وأشرب من القراح أقلهو في اليوم لترين
عيش حياة هادئة، لا زعل ولا غضب وحافظ على القولون..
كدآ إن شاء الله تحصل من العمر عتية وبعدها إستنا؟؟
دآ كلهو بيبقى وتكون لا ضريت الحواليك ولا خالفتا قانون ولا عرضتا نفسك للقيل والقال ومن هبا ودبآ يصفك بالسكرآن والمسطول..
مع الكُبر...
كله بيقآ..
تنسى ونومك يكتر وتعيش في دنياك وأحلامك إن كتر؟؟
عدم كمين صحية نص الليل
وإن قلتا تترتح هو أصلن الببقى في مشيكا بلا سبب تتعتر..
أقول قولي هذا ولا شكرا منكم ولا عفواً جزيلاُ..
قال علي بن أبي طالب كرم الله وجهه "لو كان الفقر رجلاً لقتلته"
ولكم أقول لعن الله الكُبر والكِبر والتكّبُر "إِنَّ ٱللَّهَ لَا يُحِبُّ كُلَّ مُخْتَالٍۢ فَخُورٍۢ" ...........

[بابكر مخير]

آآآآآآخ...
الكُبر مشاكلهو كتييييرة..
مع الأيام تشوف حاجات وتعيش أحداث وكل ما الأيام تستمر في التراكم، كما تتراكم الأحداث التي تعايشها..
طبع الأحداث أنواع؛ فييها الفرح وفيها الترح وفيها السمح والقبيح شين وفيها العجب والعجاب وفيها القول الظريف والقول درآب... في تلاقي ناس في أيام قرايتك، أيام عملك وفي شدتك وفي ضعفك، تلقآ الحنين واللئيم، والعادي والمتلولو، الدرغي ذي الخيط وتلاقي البنزل المحيط ويطلع ناشف...
من مشاكل الكُبر، أنك بتضعف وبتهون وتهون حتى الما بسوى ليك يهين (بي عمرنا دآ، يتحكم فينا "الهوبلي" (قولة شعير لمتولي عيد حين فصل من الإذاعة فقال: حكومة الهوبلي الرفدت متولي --- أو كما سمعتها من حاجة حنينة عليها الرحمة لمن عرفتني بي من هو يوسف عبد الفتاح). من أغاني البنات "وليد دارفور" لكن كرفان سمعنا عنها قولهم "الغرة أم خيرن برأ" ولكن مالها مع الأيام لفظت لينا ما هو غير خير ومر حنضل "نلوك". (ما يفوت على فطنة القارئ النغمة)..
كبرنا ومع الكُبر ذي ما الذاكرة تهتز ومنها الكتير ينمحي. كمان ظنيتهو راح كل الزرعهوا فينا من قيم وإنسانية... زمان جدودنا وقفوا مع الأمهرآ لمن بطشوا بيهم التقرآي فورثونا الوقوف مع المستضعف من جيرانا وأبواتنا وقفوا مع الليبيين ضد الطليان والفلسطنيين ضد الغزو البريطاني والمصريين في الإعتداء الثلاثي ضد المستعمر الوافد...
دحن حسي دفعتنا الفوق رأس الهرم والدفعة البعدنا النخنخوهو جابهو للحكم.. ما عيب منهم...
يخلونا بي عزتنا أيامنا الباقيات ديل نعيشهن في أمن وأمان، نجتر ذكرى الأباء والجدود وننعم في السودان..
حسبي الله ونعم الوكيل على كل غدار عميل...

[بابكر مخير]

ما وهن لكنهو قولن
صافي خالص ما فيهو طعن...
يقولوا: الإختلاف لا يفقد "للود" قضية...
والود، هو المودة البنعرفها كلنا دي وهو الحب بأسمى معانيهو (لا يؤمن إلا من يحب لأخيه ما يحب لنفسه "قمة الإحساس") ...
عندنا في السودان أيام أبواتنا زمان.. كان الود هو ديدن حياتهم ومتعة إختلاف أرائهم.. أمسك عندك السيدين والتواصل الدائم بينهم، الساسة والإحترام المتبادل بينهم، شيوخ القبائل والسعي الدائم لتقوية العلائق بينهم والتي تصل في كثير من الأحيان الي خلط الدماء ببعضهم البعض من خلال التزاوج، الفلاسفة بينهم الود متجسد في أن يختلفوا بين بعضهم البعض ليروا جروف جهلنا لتنمو معارفنا وتدهر إبداعا.
أمسك عندك درجة الدكتوارة لا تتحصل عليها إلا حين تأتي بشئ تضيف به لما هو معروف والإضافة هي الزيادة في الشئ والمتعارف عليهو أو حتى تغييره وهو الإختلاف الهادئ المفيد الذي يأتي بالجديد..
حسي في الزمن دآ اللا فيهو مودة ولا إختلاف مؤسس.
تلقى الشتائم لغة العصر، ودفن الحقائق سمة الدهر والكذب الأشر هو السائد في كل شارع أو ممر والموضة حسي "قنوات التواصل"..
تفش غلك وأفش غلي بالجد ولا الكضب ما عليّ...
أجرح ناس، أعادي ناس. ما يهم وما عليّ بس الأفش غلي
أهجم وأرجم ولا كمان أكضب. ما يهم وما عليّ بس الأفش غلي
ما عليا، ممكن أغتاب ولا أخاف من الضمير عتاب. بس الأفش غلي
إتصور أنك تكون بتكره زول في شخصه وأسباب الكُره عديدة وكتيرة. منها وأسوءها هو الحسد ودآ طبعن كتير من الناس سبب كرها مركب نقص تجاه شئ معين يكون متوفر في زول وهو ياهو البتكرهو..
تقوم تفش غلك فيهو وعشان تجرحهو تعمم الجرح ودون مراعاة لأناس أخريين.. فيهم وفيهم، فيهم الأحسن والأكرم والأفضل وفيهم الزول العادي الذي النسمة ترطب وشيك وهي بتعدي وفيهم الدمك وأخوك وود عمك..
لييييييييه بس ما تعالوا نبدى صفحة مودة بيناتنا ونرمي الكره بلا عودة ولا رجوع...

[بابكر مخير]

بين السياسة والصاخة
السياسة نعيشها واقعا في هذه الفانية
الصاخة لنيعشها في دنينا الدائمة
قدر ما إختلف الزمان والمكان، بين الأن وبعد الممات يوم الحساب الحق
نرى الإنسان محكوم بين خياريين. وهو أن يقع في ما بين، مسير أم مخير...
هو مسير من حيث خلقه في هذا المكان ومن أولائك الأبوين ووسط هؤلاء الإخوة والجنس بين ذكر وأنثى..
وهو المخير في ما إختار لحياته، فكرا وعملا وصحبة...
إلا أن السياسة والصاخة قد إجتمعن في قوله تعالى:
"فَإِذَا جَاءَتِ الصَّاخَّةُ* يَوْمَ يَفِرُّ الْمَرْءُ مِنْ أَخِيهِ* وَأُمِّهِ وَأَبِيهِ* وَصَاحِبَتِهِ وَبَنِيهِ" صدق الله العظيم...
(سورة عبس)

[بابكر مخير]

قال ليك؟؟
الفايق ......
الفاضي أو يعمل قاضي
متلازمات الكُبر الثقيل

https://www.facebook.com/babiker.mukhayer.1/posts/3456717641110566

[بابكر مخير]

يعني هم بي جدهم؟؟؟
ولا بس قلة شغلة وعدم دراية مننا...
إهتمام غير الأمريكان بالإنتخابات والمعركة بين ترمب وبولدين.. هل هي تدخل في شئون الغير....
أنا التمثيلية دي بتتشابه عندي بي، زول يقوم يتكلم عن شخصية معروفة ومشهورة في أيتوها نوع من ضروب الحياة ويقوم يتعرض ليهو بكلام فارغ، تسأل لييه. يقولوا ليك: شخصية عامة ودي كأنها مذمة وما محمدة... حسي لو كان أمريكي علق على الإنتخابات في أيتها بلد إسلامي ومع ندرتها أو عربي طواااالي يصنف على أنها الهيمنة والإستعمار الحديث والصهيونية العالمية وقول وام بتخلص قول.. طبعن بعضهم ممكن يقول ليك؛ الإنتخابات الأمريكية أهميتها في من سيحكم أمريكا ليكون على رأس أقوى دول العالم تأثيرا في كل أوجه الحياة على العريضة. قول أوكي.. هل إهتمامي أنا دآ الزول الما بأثر بأيتها صورة في من سيفوز ومن يخسر. ولا قول أضعف الإيمان التمني في أنهو يفوز دآ ولا دآك بتساعدني في شئ.. أمريكا في رأيي المتواضع أنها محكومة بي نظام أمني، إقتصادي، عسكري وعنصري بإمتياز.. خليهو يجي أزرق، أخضر، أصفر، أحمر أو برتقالي.. عندهو برنامج موضوع متمحور في النقاط الفوق دي.. نظامهم بلا إستراتيجية بكل بمحكومية.. ما فيهو حسابات ربح وخسارة، ربح بس، بلا تبادل منافع عليهو بي منفعتهو وما بتعامل بي التغيرات بل بشعر بأنهو هي البيفرضها.. حكومته البيت الأبيض ليها هو قلم التوقيع بس لكن القرار لا كونقرس ولا شيوخ. هو عند 1- سي أي ىء و2 - الئف بي آي والجهة المنفذة البنتاقون... 1 - السياسات الخارجية و2- السياسات الداخلية وجهة التنفيذ بقدراتها في إخضاع شعوب الأرض للسطوة الأمريكية.. يعني الإنتخابات الأمريكية في حد ظاتها.. ملاهات وشغل هولويود.. فما تنشغلوا بي شيتن أصلن 1 2 حاسمنهو.. إلا بس أللهم عشان شركات القمار تشتغل ومراهنات عائدها للخزينة المتسيطر عليها من 1 و 2 ولتجميل وجه أمريكا وإظهار أنها بلد الديمقراطية....
خلاصة القول..
الإهتمام بالإنتخابات من الغالبية أنها أمر بيهم دولة معروفة مشهورة وبس فضول بنتناول أمر الإنتخابات الصورية دي هناك...

[بابكر مخير]

ناس كل تكبر كل ما تتعتق



https://www.youtube.com/watch?v=fq_T_K8KM3E

[بابكر مخير]

[QUOTE=بابكر مخير;553369]ناس كل تكبر كل ما تتعتق..
العالم عباس خير مثال :L



https://www.youtube.com/watch?v=BgNP9Ze2g3U


https://www.youtube.com/watch?v=FaJjxnvOtZk

[بابكر مخير]

https://www.youtube.com/watch?v=FaJjxnvOtZk

[بابكر مخير]

أثيوبيا والسودان
تبادل بشري مستمر..
من قديم الزمان كانت الحركة بين البلدين عفوية، أعقبتها حركة مسببة..
لاجئيين من أثيوبيا نتاج الحروبات القبلية وقوات معارضة سودانية لأثيوبيا..
كنت الحركة بيتن البلدين غير التمازج وتخالط الأعراق "قبائل وشعوب لتعارفوا" كان في برضك تبادل إقتصادي وتجاري (بطرق شرعية أو غيرها).
كان أغلب المهاجريين الي السودان من العنصر النسوي وكن يعملن في أغلب الأحيان في المنازل وأغلب المهاجرين ال أثيوبيا من الرجال..
النساء الأثيوبيات وجدن ترحاب كبير بين الأسر وكذلك بين الشباب من العزاب وتوفقن البعض منهن بأن خلقن أسر من زيجة شرعية ونفس الحال للعديد من المهاجريين من السودان..
أيام منقستو شهدت حركة لجوء وأيام الحرب بين أريتريا وأثيوبيا كذلك وأيام نميري والإنقاذ أوائل السنينن كانت قمة الهجرة المعاكسة من السودان...
الأن وبما يدور في إقليم التقرآي بدأت المرحلة الجديدة من اللجوء الي السودان..
كيف حيكون الحال يا ترى؟؟؟؟
بالمناسبة الموضوع دآ ما بس بصورة عفوية أن ينظر اليه..
داير دراسة متكاملة.. عن ليييييييه إختيار الطرفيين بعضهم البعض من الأول ومن ثم ما هي النتائج السابقة والحالية والمستقبلية.. هل في مصالح مشتركة لتكتسب.. الإنعكاسات الموجبة والسلبية.. يعني عيييييييييك شغل كتير يستوجب أن يتم......... ولا شنهو يا ناس الإقتصاد والإجتماع

[بابكر مخير]

التشريعي واللغط..
رؤية للإنتساب له؟؟
فات على قحت وكل زول فكر في الموافقة على الحكومة والمجلس السيادي.. سؤال بسيط جدن... عملتا شنهو للبلد ؟؟؟ حتى لو في أصغر مستوى قول الحلة الإنتا ساكن فيها... بتذكر أيام الخريف أولا د جدي صديق بيمروا على ناس الحلة ويتفدوا معاهم السباليك لو مقفول يفتحوها وكمان شباب الحلة البيساعدو في فتيح الخيران.. مع إحترامي لمجهودات لجان المقاومة في مراقبة المخابز والترمباطات.. شوف حكومتنا من رئيسها لي أحدثهم سنا، أغلبهم قراء في السودان لغاية الجامعة وبُعث للدرجات الفوق جامعية عمل شنهو في حيهو خليك من مدينتهو ولا محافظتهو ولا ولايتهو الهو ساكن فيها من أعمال ملموسة أو شئ للبلد. طبعن حكاية قبيلتهو وعشيرتهو دي ما بذكرها لأنها إسترزاق وحنك بتاع معارضة مسلحة وديل كمان أسوء وأشر وأضل من القروء بقروش الشعب وما قدموا ليهو التكتحة وبعد دآ حاكمينهو وينظروا طبيز وبي عدم فهم، ناس المسلحة بي قضية ناسهم لبسوها بدل وقعاد في هوتيلات وحسي كمان عايزي من الكيكة الهاملة دي... ما هو لييه ما في حد أحسن من حد.. ما تقدم حبة وتاخد كيمان.. بيت حكومة وعربية حكومة ولسة ما كفاية إنجعاصة في مكتب مكندش وبعضهم العربية فيها علم يرفرف.. عمل شنهو للعلم دآ عشان يعمبب بيهو يرفرف ويفسح ليهو الطريق ويمكن كمان موتر بي ونان.. المهم قصدي ؟؟ أنهو في إستمارة الترشح لكرسي في المجلس التشريعي يكون فيها بند يوري الإنجازات الإتعملت ويكون ترتيبها داخل حساب الإنجازات بالمنفعة وشمولها، مثلن التعليم والصحة أعلى نقاط البيئة، ارفاة، الإهتمام بالروحانيات، الأسرة، المرأة، الشباب و و و و وأنها الإنجازات للمصلحة العامة مش الخاصة بالشخص أنهو بقآ طبيب ولا مهندس ولا شاعر ولا فنان ولا وزير ولا سياسي ولا شيخ طريقة ولا ولا ولا .. وأنه يكون نصيب صاحب أعلى نقاط هو صاحب الأفضلية في أنهو يكون في المجلس التشريعي وتقييم الإنجازات بالدرجات مثلن 30 نقطة نقاط للحي، 40 نقطة للمحلية، 60 نقطة للمحافظة، 80 نقطة للولاية أما صاحب الإنجاز اإستفاد منهو البلد فهذا عضو أكيد في المجلس

[بابكر مخير]

في دنيانا هذه العجب العجاب؟؟
كنت متابع ليا مسلسل فهو شفتا حكم الدنيا وعجائبها..
من المسلسلات ديك بتاع الجريمة والعصابات ومجرميين..
طبعن بين بعضهم بسموا العصابة العايلة..
تشوف كدآ تلقى أنهو العلاقات بيناتهم قوية وربما تتميز على تلك التي تربط العائلة البيولوجية والحياتية المعاصرة.
فيها ضوابط، فيها عقد شرف (طبعن إجرامي)، فيها إمتيازات دون تمييزات (المكافاءة حسب العطاء ما بمدى العاطفة)، الولاء للأسرة أولاً وللرأس طاعة عمياء، للعايلة الذود حتى بالروح، التستر وعدم إفشاء السر حتى تحت العقاب المؤدي للموت، نبذ الجهوية والعنصرية. هذا النوع من الخلطة من الناس والذين يحلوا تسمية أنفسهم بالعائلة أو الأسرة (الفامليا) فرقها الأساسي من الأسر التقليدية (عايلة فلان أو أسرة فرتكان). أنها مجموعة إرتضت بشخص واحد يقوم مقام الأب وكل الباقيين تحت إمرته.
لست مدحا ولكنها روح لم تتوفر أقوى منها، إلا عند المهاجرين والأنصار والحواريين والنصارى وأخوه هارون.. قال تعالى: (ووهبنا له من رحمتنا أخاه هارون نبياً)...

في هذه الحياة المعاصرة، تجد أن العاطفة هي اليد العليا التي تتحكم بي المجريات بين أفراد الأسرة الواحدة، فالأب والأم عندهم أبنائهم سواسية في الحقوق المعاشية من توفير مأكل ومشرب وتعليم وإبداء الرعاية والإهتمام بتعليمهم أنماط القيم والأدب (في هذا ولأغلب الأحيان يرجع للنزعة الشخصية في أن الأب والأم يعملا هذا من منطلق الحفاظ على وضعهما الأجتماعي) ولكن تطبيقها بينهم يتفاوت حسب تجاوب البنات والأبناء تجاه الوالدين ففي رأي بعض الباحثيين (أن العلاقة القوية للابن بوالدته والفتاة بأبيها) وهذا يبعث نوع من التفاضل بين أفراد الأسرة..
إن للأسرة بالمفهوم المتعارف هي: النواة وهي الأسرة الصغيرة الزوجة والزوج وأطفالهم؛ الأسرة الممتدة وهي أما بسيطة أي الجدود والحبوبات والأولاد وأطفالهم أو ممتدة مركبة ودي النسابة وأنواع عدة أخرى من الأسر..
أما العايلة في وكما ذكرت غير ك ذلك ولكنها ولاء للرابط الأخلاقي (رغم سوءه) والمنفع المشتركة وحماية كل فرد من الأسرة من أي مخاطر تحدق به والتكافل وحسن المعاشرة...
ودآ الفرق الكبييييييير بين الإتنين ديل؟ الأسر بالمفهوم العام والأسر (الفامليا)...

[بابكر مخير]

كتيريين من جيلنا والأجيال السبقتنا ربنا يطول في عمرهم ويديم ليهم الصحة والعافية. يقولوا ليك أيامنا كانت حلوة والحياة فيها سهلة والناس متحابة والإحترام كان بيناتهم متبادل دون فرض أو غسب.. على قول أمي السمعتاها من كبارهم: المحنة لا مشي مدارس، لا دق عصا، هي فرطة في القلب وكانت دي قلوبهم مليانة محبة لا درسوها ليهم في خلوة ولا مدرسة لكنها شيتن إتخلقوا بيهو.
لو قلنا نشوف المقاييس الإحنا والقبلنا بيقيسوا بيها الحياة في زمنهم ولييه أنها كانت، أسهل وأهون والأمور متيسرة والتفاهم أيسر.
بتذكر بروفسير عبد الله الطيب ولمن أطراهو معناها بتكلم عن قمة، رمز وأيقونة ترمز لي الكتير من المفاهيم، علم، معرفة، خلق وقيم. في دروسهو الكان بيقدمها في التلفزيون ما كان بيستعمل غير اللغة البسييطة البيفهما الناس عامة. الغنا اللي حسي كل زول بيطرب لي سماعهو كلماتهو كان بسييييييطة وداجرة وعامية. الأكل كان بسيط وطاعم ومن مواد متوفرة بي سهولة.
ما أطول عليكم في الكان زمان وناس زمان الكانوا..
زمان كان بيقولوا: زول إقليمي وبقصد أنهو ما من العاصمة المثلثة أو عواصم المديريات (الشمالية والشرق والغرب والجنوب) ودآ لي سبب بسيط جداً وهو مربوط بالتوزيع الجغرافيا وللعلم الزول دآ ممكن يكون ما أصلن جذوره من الحتة الهو جآي منها فممكن يكون ود مدرس شايقي لكنهو سكن وإستقر كل حيلتهو في دافور ولا حمري إشتغل في السكة حديد وبقآ ناظر محطة في ديار الرباطاب وذي ما بيتقال؛ هلما جرآ..
حسي المشكة بعدت مننا إحنا العلماء ياهم ناس عبد الله الطيب بالكلام الساهل ما حق المثقفاتيا والكلمات الصعبة الما بتتهضم لمعدة زولن ساهل وبسيط والساسة ياهم ناس أزهري ويا أهل طابت طبتم وطابت بكم طابت والحسي بقت حقوق ناس الهامش والتوزيع المتوازي للثروة الهي ياها غنمايتين وحمارن مجرب. زمنا كانت المليونية بنعرفها مسيرة. وما جمالها المساير في شعرهن وحلاة الشلوخ في الخدودهن الحسي بقن باروكات بلاستيك ومبيض قشير جلد ودآ الكان بكانهو الدلكة والدخان وملاية القرمصيص..
زمنا كانت العفوية وأبوسن بيسأل البوث؛ مركوبي ما وقع في عينك، زمان كان الغنآ بالمعرفة والحفلات بي حق العازفين، عشوة وترحيل وإن بقآ فيها جغمة كمان تكون زيادة وبركة، زمان كان دار الرياضة أمدرمان، اللعيبة لو واحد عندهو عجلة بيجوا متردفين من الحلة وممكن يكون في الفريقيين لاعبين ضد بعض، ما المحبة أقوى من العداوة ..
زمنا اليا حليلهو صحافتهو كان ناسها بيكتبوا لينا بير البنفهم عربي بالعربي، ما شيتن معوج ومكلوج..
والله زمنا كان زمان وزمنكم برضهو زمان. لكن زمنكم ما ذي زمنا وزمنا الكان زمان زمن الزمن الكان فيهو للسودن شنة ورنة، يقدر زمنكم يغلب زمنا الزمان؟؟؟

[بابكر مخير]

الدماغ ولا المخ، سمه ما شئت..
أمرهو عجيب، يبتدي معاك السفر، رفقة جميلة ومريحة.. يذكرك في طفولتك بالأمور الحياتية الهامة. من مساعادت طبيعية من أكل ومشرب، نوم وصحيان و، (وعلى قول صاحبن ليا عظيم عظمة) رميان البايظ الصادر الذي هو بنفس موازنة الوارد. إن لم يتم فالتضخم يسبب أذى كبير.
الدماغ هو جهاز بالنسبة للإنسان حاكم وللإنسان هو خادم ومع الإنسان دوما متعاون لكنهو عندهو حساباتهو براهو وحسب تقاسيمهو التشريحية والوظيفية وفوق هذا وذآك الهيكلية بمعنى من الأعلى قيمة الي أصغرها رتبة ذي ما تقول كدآ يعني المخيخ والقشرة.. وقصدي من تسميته بجهاز بأنه وجد له ما يمكن أن يسمى ببديل ينافسهو التحكم في الإنسان وربما أنه أقدر منه في عون الإنسان، إذ لا يشيخ بمرور الزمن إن وجد الإهتمام التقني والتحديثات فالكمبيوتر ممكن تزيد طاقته الإستيعابية بالقيقات عكس صاحبنا الدماغ فهو مع الزمن يفقد العديد من صلاحياتهو..
الذاكرة تلك المهمة الهشة في العقل البشري فهي أكثر المهام عرضة للخراب وبعوامل كتيرة وهي متعددة منها إنشغال حيز تلك المساحة بأمور خاصة وخارجية وكذلك بسبب الأمراض التي تصيب الجسم ويضاف الي ذلك أخطر عامل ينسف هذه المنطقة الهشة وهو العمر. فكل ما طال سفره تقطعت سبل وصوله الي هدف..
الذاكرة ذي الشجرة من بذرة زرعت يوم الإنسان إتولد وتبدى زقايتها مع مرور الزمن لمن تبقى شجرة تثمر أفكار وتجارب وخبرة ومن بعد ذلك تبدى ورقها يتساقط وساقها ينشف فلا أمويقا 3 بتلحقها ولا تدخل جراحي بينقذها فتسقط ويسقط معها الإنسان في غياهب النسيان والإنميزيا والخرف والزهايمر..
نخلي مقتطفات الرعب هذه ولنحلي هذه القصة بمسحة جمال يعني ذي الأفلام الهندية، بدايتهو كره و قتل وموت وأخرتهو فرح وزواج ورقص وحب..
بعد مرات الذاكرة تفسح مجال كبير للتفكير بالمسلمات من الجميل والمفرح، فمثلن؛ هل هي حقيقة أو هو مربوط بتلك المسلمات التي يمارسها البشر. بتذكر كيف أنهو السيدة بتول بت الأمير يعقوب طبعت قبلة حب في جبيني حين ولدت حفيدا لها وأنهو جدي بابكر بدري أخذني لحضنه يبارك مولدي. وكيف أنهو أبوي ترورقت عيونه فرحا بمقدمي وكيف لمن أم قاسم إبتسمت في وجهي لتشرق أمامي نورا وهي تتمنى لي بكلماتها "طبعن وكتها ما كنت عارفها شنهو" كل الحب ودعاء صادق بمستقبل جميل كوجهها الحلو. لي في حياتي.
ومن الذكريات الحلوة؛ أني ولدت في زمن كان فيها شوفت الزعيم أزهري متاحة وحضوري مع جمع في جنينة السيد عبد الرحمن المهدي في الخرطوم وفي القبة بأمدرمان بصحبة أخي الحبيب بروف قاسم بدري وجدي بابكر. رؤية نهرو بلحمه ودمه والإمبراطور هيلاسلاي بهيبته العسكرية وزكرشة نياشين لا حد ولا حصر لها. حلاوة أيام أمدرمان العباسية في حي الأمراء وجدي صديق مخير وأولاد السيد الطيب بن الأمير يعقوب وجدي عبد السلام الخليفة وعلي بدري وصادق بدري وعبيد عبد النور وحسن عوض الله وصحوبية الفاضل العات وحسن محمد أحمد ود عمنا الصول وإدريس الهادي صاحب المسلة الشهيرة في شارع العرضة مع الأربعين والأمير منزول وجاد الله في المكتبة مع أحمد ود بدري والتحدث مع أبراهيم عوض وصداقة أولاد مولى وناس جرجس ومصطفى محمد الأمين وصلاح حمد ويوسف ميرغني وتقبيل يد جدي الخضر والعم والقعدة في سرير جيد الطاهر مخير وزيارة جدي حسين وناس عاكف وكم شربت من عصير الليمون في القصر الجمهوري مع الخال عزالدين وسافرت بي الصالون لي عطبرة وعمي عبد الرحمن حسن ومع فاروق الطيب ميرغي وناس كوستي عشت معاهم كالإبن جدي أحمد وعمي عيسى وزيارة الجزيرة أبا ومن ليمون توتي أكلتا وطماطم جروف وادي سيدنا وناس شيخ العرب عمر النصري وأحمد بدر والسفير بكري..
مشحون الذاكرة بالجميل مما كان زمان.
بس الخوف والمشكلة بيقولوا أنها دي علامات الزهايمر؟؟
تتذكر الزمان والحسي يبقى في طي النسيان :(:(

[بابكر مخير]

https://www.facebook.com/babiker.mukhayer.1/posts/3530446277071035

[Imported_كباشي]

العزيز د. بابكر تحياتي
رحم الله القامة والزعيم السيد الصادق المهدي و ادخله فسيح جناته و انزله منها الفردوس الاعلى في جوار الحبيب المصطفى فقد ترجل و البلاد تختطفها هوجة الفتن و تذبح احلامها العنصرية البغيضة و تبدد وحدتها الجهوية المفرقة فما احوجنا اليوم لمثل سيد صادق احد اقطاب الربط بالماضي التليد و الحاضر المخيف و جبل من اوتداد التثبيت في بلاد تموج بها الفتن ترجل و هو يسدي الموقف الوطني و الديني و يتوعد ذل التطبيع البغيض و لكن سبق الأجل و يبقى الموقف .. و لا يسعنا من القول إلأ ما يرضي الله فالحمد لله و انا لله و انا إليه راجعون تقبله الله قبول حسن و احسن الله عزاءكم و عزاء حزب الامة و جماهير الانصار و عزاءنا جميع السودانيين
كباشي الحاج

[imported_عادل عسوم]

اللهم اغفر لعبدك الصادق المهدي واوجب له الجنة فانا نشهد له بأنه كان محبا لوطنه والناس، اللهم أفتح له في برزخه ومرقده بابا من الجنة لايسد وحين يلقاك اسألك ياربي أن تهبه لذة النظر إلى وجهك الكريم.
العزاء موصول لك كبيرنا بابكر.
انا لله وانا إليه راجعون

[بابكر مخير]

الحبيب كباشي
ظهرتا والحمد لله. مصداق لقولة: المصائب يجمعن المصابينا
نعم سيد صادق إفتقدانهو في لحظة نحن في أشد حوجة له..
العزيز عدولي
أحسنت له بجميل الدعاء وإن شاء الله ما تترد ليك في شينة........
اللون الأسود وشاح الحزن ولكني أحبكم فأختر هذا اللون الجميل كما أنتم

[imported_عادل عسوم]

آخر ما كتب الإمام الصادق المهدي :

أُصبت بداء كورونا منذ 27 أكتوبر 2020م، فاجعة مؤلمة وضعتني في ثياب أيوب (إِذْ نَادَىٰ رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِين) . من ظن أنه لا يخطئ فقد أمن مكر الله. وأنا منذ دهر أردد في صلاتي: اللهم إنك تتودد إلي بنعمك وأتبغض إليك بالمعاصي، ولكن الثقة بك حملتني على الجراءة عليك فعد بفضلك وإحسانك علي إنك انت التواب الرحيم.

إن ألم المرض خير فترة لمراجعة الحسابات الفردية والأخلاقية والاجتماعية، ومن تمر به الآلام دون مراجعات تفوته ثمرات العظات.

في كل مناحي الحياة فإن الألم خير واعظ لصاحبه. النقد الذاتي من أهم أدوات الإصلاح، والرضا عن الذات يقفل باب النفس اللوامة.

نعم المرض مؤلم ولكن بالإضافة لتدابير العلاج، وهي مطلوبة، فالله قد خلق الداء والدواء، ومن امتنع عن الأخذ بالأسباب فقد جفا سنن الكون.

ولكن أمرين هما بلسم الحياة: الإيمان بالله بما في سورة الجن (فَمَن يُؤْمِن بِرَبِّهِ فَلَا يَخَافُ بَخْسًا وَلَا رَهَقًا ) ...

والثاني حب الناس:
إن نفساً لم يشرق الحب فيها... هي نفس لم تدر ما معناها

صحيح بعضنا أحس نحوي في المرض بالشماتة ولكن والله ما غمرني من محبة لا يجارى، وقديماً قيل: ألسنة الخلق أقلام الحق.
5 نوفمبر 2020م.

إنا لله وإنا اليه راجعون، سبحان الله هذا آخر ما خطه الحبيب الامام الراحل ، الى جنات الخلد ، ابا المنصورة.

[حسين عبدالجليل]

اخونا العزيز بابكر:
التعازي لكم , و أسأل الله الرحمة و البركة و جنة عرضها السموات والارض لعبده : الصادق الصديق عبدالرحمن المهدي .

كان رحمه الله عف اللسان , رحب الصدر , حكيما وداعيا للسلم في زمن الهرج , الصعب هذا . بذل كل مافي وسعه لخدمة أمته و شعبه فارضي البعض و اسخط البعض وهكذا دوما مايكون العمالقة من البشر
يكونون بحيويتهم "مثيرين للجدل" أو controversial , كما يقال .

هو الآن عند رب رحيم لايظلم عنده أحد .
فالله ماأعطي و لله ماأخذ ولا حول ولا قوة الا بالله .

[بابكر مخير]

اخونا العزيز بابكر:
التعازي لكم , و أسأل الله الرحمة و البركة و جنة عرضها السموات والارض لعبده : الصادق الصديق عبدالرحمن المهدي .

كان رحمه الله عف اللسان , رحب الصدر , حكيما وداعيا للسلم في زمن الهرج , الصعب هذا . بذل كل مافي وسعه لخدمة أمته و شعبه فارضي البعض و اسخط البعض وهكذا دوما مايكون العمالقة من البشر
يكونون بحيويتهم "مثيرين للجدل" أو controversial , كما يقال .

هو الآن عند رب رحيم لايظلم عنده أحد .
فالله ماأعطي و لله ماأخذ ولا حول ولا قوة الا بالله .


نعم يا عزيزي حسين، صدقت القول.
الحمد لله وإنا لله وإنا اليه راجعون
أحببته فردا قريب مني..
أخ، صديق، معلم وقائد

[بابكر مخير]

الشنا في الخلقة والدشانة
كانت في زمنا وحتى أزمان بعدنا.
ضمان وحماية من أصحاب القلوب المريضة العاصيين لله وقانون الطبيعة في أننا إتخلقنا من ذكر وأنثى وأنهو النظرية العلمية في أمر الموجب يتقبله سالب والموجب والموجب بتنافرو ذي أقطاب المغنطيس + و+ ما بتلاصقوا..
دآ رأس موضوع عن المفاهيم الزمان.
حسي ما تعرف القصة شنهو.
دميم الخقلة وقبيح المنظر وتشوفهو في مشيتهو يتمايل، متشبه بالنساء ولكنهو بيبالغ فيزيد عليهن أنوثة ما هو لو في أنثى لابسة بنطلون ممكن ما تعيرها إنتباه لكنهو هو يتقصع ويتفنس وكأنه عارضة أزياء. إمكن أو ربما أنهو بيعرض نفسهو للأخرين من شاكلتهو السلبيين متلهو أو الإيجابيين المرضانين.
بعد قوانيين الشريعة 83 وقفيل البيوت المجاورة ل"بيت أحرار" حُرم الشباب من إطلاق طاقتهم فإتجه بعضهم الي جرائم قبيحة مثل إرتكاب الفاحشة عنوة أو بمراضاة وزادت حوادث الأعتداء الجنسي على الصغار من إناث وذكور وإنعكست أيضا على أنواع مختلفة من الجرائم خطف وقتل وهو كما كان الحال لظاهرة تفشي تعاطي المخدرات لما الناس بدلت شرب الخمور البلدية أو المصنعة محليا أو مستوردة بالبنقو والذي يعتبر البوابة الرئيسية للمواد مساءة الإستعمال من أدوية علاجية الي مخدرات تقليدية..
الشذوذ الجنسي بين الرجال "لواط" وبين النساء "سحاقيات"
هل هو نار مدفون وسط الرماد لأنهو مجتمعنا المنغلق دآ رافضها وتمارس خفية ولا هي منتشرة ويجب النظر اليها بواقعية؟؟

[بابكر مخير]

عندي كلام وقلتا أحسن أنزلهو في الخاص... سورييي يا شباب

[بابكر مخير]

حسنات الحُسن،
ضيائها حسن الأخلاق
أما حسن الخلقة نعمة من الله،
أحسنها حسنا عند النساء
لكن برضهو في الكريمات والملونات

[بابكر مخير]

أجمل شئ في الكُبر
الزهايمر :eek:
ما هي أصلها تمسح الذكريات الحديثة، يعني تلاتين سنة الإنقاذ بتكون بقت سهلة فاضي، لا زرع ولا بناء ومحلها برجع التأريخ للقديم ومن القديم. أتذكر أول لقاء لي كان مع ناس سودانيات في نادي الضباط في الخرطوم وفي أوائل القرن...


الساعة سبعة ونص بالظبط
الرحلة أخدت حوالي الربع ساعة
المكان في الخرطوم
السبب مفاجأة العصر
العصر مضى والمغرب تمت صلاته والعشاء أذن للصلاة وصليت
والغرفة فاضية
عدة الشاي مرصوصة
وقلبي سرعة نبضه سبق البراق سرعةً
اللهفة للمواجهة والترقب للعناق
وبالأحضان
مع علمي التام أن للسودانيين أيدي تفوق الفيل وزنً حين تقع علي ضهرك
ارتطامها تسمعه من بعد الأميال
وهي؟؟؟؟؟؟؟؟؟
كل ما زاد الشوق، زاد عدد الخبطات متبوعة بكلمات مكررة
إزيك، كيف الحال وكيف الحال، إزيك
وإزيك وكيف الحال .... وكيف الحال وإزيك
إزيك، كيف الحال وكيف الحال، إزيك
كل هذا دافعه الشوق

كنت أنتظر هذه العلقة الساخنة وقلبي قد قفز إلي الحلقوم
وأنتظر وأنتظر
وبطول الإنتظار نسيت أمر العلقة
...............
الساعة تمانية وشوية
أعود للغرفة التي كانت خاوية
فأجد فيها عدد من الناس
يالله !!!!!! العلقة حتكون أسخن مما كنت أنتظر
لأن كل واحد من الذين كانو هناك
جبل بحاله
الطول لست المقياس والوزن لست ما يقاس بالبكيلوجرامات
لكين بي تقل الشأن وعظمة الإنسان
إذن
لم يكن خوفي من علقة توجع الجسم
ولكن خوفي كان من رهبة اللقاء
سيكون اليوم
لقاء فرد من البشر
بالحوريات والملائكة
...............
وتم العناق
حرارة الشوق كانت تقاس على أن الوحدة الواحدة تساوي المليون فهرنهايت
فأي جسم تعمه تلك الحرارة أن يحس حتى ولو بجلد سوط عنج
والعناق كان مع عنصر الرجال
أما العنصر الأنثوي
كأن الجنان قد فتحت أبوابها للحور العين أن يخرجن ويجتمعن بالملائكة


يا ربي
حلم ولا علم
وبعدها تخدرت،،،، ورحت في غيبوبة
ومع ذلك
ولعجبي
أتذكر
كلمات الترحاب
وأبيات الشعر
والوجوه البشوشة الفرحة باللقاء
وأذكر العشاء والشاي وسلطة الفواكه ،،،، غير الفواكه التي كانت منثورة في الغرفة ،، تجلس على الكراسي
حلو يؤكل وحلو يعايش ،،،،
إنشاء الله دكتور سيد محضر لينا الرشته
ما الحلاوة كترت يومها
وياريت الليلة ديك ما كان ليها آخر
وتستمر
بالحب والسمر
ما إحنا ما كنا حاسين بالسهر
ولا كنا عايزيناها ساكت تمر

الحضرو محظوظين والما حضروا فاتتهم
ليلة غير كل الليالي

حبي لك الذين التقيتهم
والي لقاء.
إن كان اللقاء بيننا دائم

[بابكر مخير]

الكرونات كترن...
موهان، بريطانيا، جنوب أفريقيا وأخر واحد نيجريا
الأمصال إتعددن...
الصيني مع الإمارات، فايزر، أكسفورد وحسي كمان الهند، إيران ولسة
أها قبل شهر إلا شوية ومن فكرة "أملاها من التالاها" و "المجان كتر منهو ولو يضرك"..
وبما أنهو اللقاح الصيني هنا في دولة الإمارات بالمجان أخدتا الجرعة الأولى واليوم أخدتا التانية.. المهم بتونس مع قريبتن قريب ليا وهي شوية كدآ وتكون دفعة وبنيتها طبيبة. قالت بنتها خوفتها لأنهو ما معروف لي قدام المضعافات الممكن تنتج منهو شنهو. اللقاحات المعروفة في العالم تجاربها اخدت سنيين حتى أُعتمد إستعمالها لكن الحسي ديل؟ سلق بيض وحتى الملاحظ أهو يقولوا ليك أخد الموافقة الخاصة يعني مشي مشي..
قلتا ليها يما؛ المضاعفات البتتكلمي عنها دي يعني كمان كم سنة كدآ وحسي الواحد لمن أخد اللقاح شعر بأنهو جسمهو ورآ القدرة على المقاومة ودي شيتن ذي حالتنا كدآ بيسر البال وبفرح. يعني ذي مثلن يقولوا ليك الدواء الفلاني إستعمالهو بإستمرار لمدة طويلة بيعمل شنهو في الكبد وبيعمل شنهو في الشنهو ما عارف ولمن تسأل القصد شنهو يعني يقوموا يردوا ليك. كل يوم وتلاتا مرات في اليوم ولي مدة عشر سنين. طيب هو الزول لمن المدة دي كلها بستعملهوا؟ العايش ليها شنهو......
أنا غايتهو بفتكر أنهو أخدان اللقاح دآ أرخص من مشي الدكتور وتعمل فحوصات وأنهو ممكن يكون فعلن ولو حتى بنسبة مش كاملة بنفع ويمشي لغاية ما يلقوا العلاج..
أبقوا عافية وإتلقحوا

[بابكر مخير]

يا أبيض، يا أسود
كتير من الناس بتفكر أنهو الحكاية واحد من إتنين وما في شيتن في النص. يعني ياهو اللونيين ديل وما في رمادي..
الثقافة دي متغذية من تعاليم في الحياة نفسها مع تجاوز حقيقة ماهية الحياة..
ناخد مثلن حي وميت.. الحياة بتدينا فرص لما بين الإتنين.. مريض مرض مستعصي العلاج وعلى الإنسان أن يعيش بتوافق معاهو ذي ناس السكر، الشافع مثلن هو عضو في المجتمع بالحساب لكنهو في خانة الما في. فهو لا يعمل ولا ينتج ولا يشارك..
نعم يا أبيض ويا أسود شبعناها من تغذيتنا ليها بأكثر أمور الحياة حساسية وهو موضوع الدين. هناك إتنين ذمي وهؤلاء أهل الذمة وفقهيا هؤلاء هم اليهود والنصارى أو من يعيش في أراضي يحكمها المسلمون "طبعن الدواعش والإسلامويين خارج نظرة الفقه الإسلامي التي تحرم قتلهم كحال قتل المسلم". وهناك الاديني أو من يكفر بأن الله هو خالق الكون. ومافي تسامح أو مكانة مثلا للبوذيين وغيرهم من ديانات وضعية فإما أو. أيضا هناك الجنة وجهنم وما في شيتن في النص بيناتهم. أنا هنا إتذكرتا أيام دراستنا في براتسلافا والتصنيف بين الطلبة السودانيين إما تقدمي والمقصود تحديدا شيوعي أو رجعي وهذه ميزتها أنهو فيها براح لمنتمي حزب الأمة والإتحادي ووكتها طبعن كان في الإتحاد الإشتراكي وفي هذه المجموعة بما أنها ما أبيض (شيوعي) فاللون أسود حتى ولو كان إشتراكي ناصر أو قومي عربي أفتكر وكتنا دآك البعثيين ما كانو غلبة إن أصلن لهم وجود.
يوم الليلة دي وأغرب حاجة تلقى أنهو المتشددين في إعلاء هذه المعادلة الجائرة (أبيض، أسود) هم من صفوة القوم والمقصود الجماعات التي أطلقت على نفسها هذا المسمى وهم المتعلميين الأكاديميين ومثال لذلك دكتور المنهاج التعليمي دآ. بفتكر أنهو كلامهو هو الصاح والغيرهو غلطانيين (نظرية يا أبيض، يا أسود) والمضحك المبكي في الأمر أن كثيريين ممن يخالفه الرأي يشاركه نفس النظرية.
العالم اليوم هو عالم compromises والمصالح واللون الرمادي هو الغالب. فهل ممكن نرتقي ونعيش في هذه المساحة البرحة من اللون الرمادي بلا قطع وجزم وتصنيف؟؟؟

[بابكر مخير]

تشوف في الدنيا وتلقى أنهو ناسها لكل منهم خصال سمحة. في حياتهم وبالممارسة ما بتوضح تلك الخصال أو الصفات المميزة.
الكلام أنهو بعد ما يمشوا منك. وهنا مشيهم ما هو بمفهوم الغياب الهين ولين دآ، بتاع أنك تأهلت ورحلت من بيت الوالدين لي عشة الزوجية وبدل كل يوم تنعم بي شوفتهم ممكن يمر إسبوع وما تلاقيهم وتشتاق لي لقياهم أوغياب بتاع جناك سافر بعيد منك وغاب ليهو فترة. أيوة نعم بتفقدهو وبتشعر بأنهو في حاجات نقصت بي غيابهو لكن في البراح بتاع أنك تذكر شئ من سلبياتهو، صديقك من أيام الدراسة تستوحش غيابهو وتأمل نفسك أنك تلاقيهو وتكون ليك معاهو ذكريات بي حلوها ومرها.
المهم قصدي أنهو الغياب الوقتي والناس تتنسم الحياة وتستمع بالتلاقي القريب أو المحتمل البعيد ولكن بفترة زمنية محددة ..
هو غير الغياب الدون إياب. غياب موجع يعلمه الطرفين أن بعده لا لقاء (في هذه الدنيا) ولا يرجى ان صاحبه سيعود..
(بأحرفي وكلماتي) قالوا: أنه جات جنازة مارة قدام الرسول فترحم عليها لكن المعاهو لفتوا إنتباهه بأنها ما حقت مسلم وكان رده الشافي بما معناه أن للموت قدسيتهو.
هذا هو الحال الموت فأنه يرحم المتوفى ويمسح زلاتهو ويبقي على محاسنه وجميل خصاله مضيئة فينقشع ظلام الإخفاقات إن وجدت.
وهذه في رأيي أنها محمدة الموت.
فهو رحمة لمن يأخذه ويريحه من عناء مرض أو ضيق عيش الي عالم أخر ومن يدري عن خباياه إلا ما جائنا في قول المولى عز وجل وهو أصدق من قائل.
في الموت رحمة للمتوفي فقد أُوصينا بأن نترحم على موتانا وأن نذكر دوما محاسنهم..
‏اللهم إرحم تِلك النفوس الطيبه وأغفر لهم وأجعلهم من الضاحكين المستبشرين.
يارب أنت الكبير في عليائك ونحن الهباءة في كونك فكن أنت الصاحب لنا في سفرنا

[بابكر مخير]

فهو رحمة لمن يأخذه. ويريحه من عناء مرض أو ضيق عيش

أمس أخي الحبيب هاشم حبيب الله وأنا في جلسة وظلام الكرونة مخيم، كان نحاول أن نتجنبها ونستعيض بإجترار الذكريات لأيام خلت قضيناها في أبوظبي في التمنينات وبذكر بعض الأحباء ممن يربطنا بهم علائق مودة ومحبة وهناك الرابط الأساسي الذي هو الأول والأخير؟؟
سودانا الحبيب
الأيام دي قتامة الحال في السودان أشد حلكة في ظلامها من وقع الكرونة على سائر بلاد العالم وهي أيضا عامل يضاف للذي يوجع القلب..
تحدثنا ومدخلنا كان بابكر العبيد والذي كان دوما في مثل هذه الأيام يضئ لنا أبوظبي مع أهله في زيارة دفئها يخفف علينا شتاء ياناير وفبراير وتفرع الحديث الي ذكر عميدنا الراحل المقيم يوسف بدري وعن الإسم الذي كان يطلقه على بابكر وعن الأحفاد وعن محبيها مثل الأستاذ العالم الطيب محمد الطيب ومن خلال الحديث عنه تجولنا الي أحياء أمدرمان وشوارعها وحتى البادية كان لها نصيب وزيارات قامت بها وفود زمن الوزير علي شمو لدول الخليج والسعودية.
ونحن في تلك الحالة من الإسترخاء ودوح المعلومات من أخي الحبيب حبيب الله وإنجذابي التام بالتمتع في الإستماع حتى خلت نفسي ربوع الجنان.
الي أن أفاقني وأفقاه إبليس ولست بجواريه ولكن ببنوه متمثلين في سحابة ظلماء ..
"ومن يومئذ
ركبتني ،
مشاعرٌ
سوداء. .
وأحاطتني سحابة
ظلماء ،
كادت ان تُلقي بي،
في مهاوي
الشقاء..!" أحمد بن فارس العزاني
تحول بنا الحديث دون ملء إرادتنا ولكن بسببهم. من متعة صادقة صافية لا شوائب كره فيها ولا شهوات كما في روض النعيم الي صيوان عزاء ونواح على وطنٍ راح.
وكيف أن لبلد الصفاء والرخاء أضحى بلد الصفوفِ للرغيف وللغاز والبترول وأن الحال أسوء مما كان وكون أنه يعد الي ما مضى أصبح أشبه للمحال..
هجمتني قولة الطيب صالح يومتها عن جماعة الإنقاذ وأنا اليوم أعيدها لأنهو الناس حقهو أو حتما تسأل نفس السؤال..
من أين أتى هؤلاء
حسبي الله وقد فوضنا أمرنا اليه وهو نعم الوكيل

[بابكر مخير]

16 16 مرة إنتخابات في أمريكا لإنتخاب رئيس جديد منهم أفتكر ذي أربعة أعيد إنتخابهم. كرئيس لي بلد جنسياتها خليط وعلى قولهم أبيض، أصول أفريقية، هنود حمر، أسيويين بإختصار كل أجناس الكون هم هناك وبيجمعهم شئ واااحد هو جنسية الولايات المتحدة الأمريكية..
الستاشر مرة دي هي. من يوم ما السودان الهو بيتكون حسب الأنثروبيوليجي لي لأجناس تتعدآ في أصابع اليد من الهيلمانا بتاعت أمريكا دي..
فهموني كدآ.. كيف هم سلميا بيتداولوا الحكم وإحنا هناك الفترة دي إتحكمنا من ستة حكومات (الأنتقالات ما محسوبة). 3 ديمقراطيات ما تمت عليهن دورة كاملة وتلاتة حكام مجموع حكمهم الإمركان كان عندهم حوالي 9 رؤساء منهم طبعن منهم أفتكر 3 أخد دورتيين لأنهو أُعيد إنتخابهو..
عليكم الله إحنا أمة :mad: :mad:

[بابكر مخير]

أطول فترات عمري عشتها في بلد واحد. هي الهنا في الإمارات العربية المتحدة..
الفترة الأولى كانت من 1978 الي 1986.
الفترة التانية من 2008 لي يومنا دآ...
الحصيلة هي تشكيلة وبرضها إضافة.
متبلورة في الكتير من البعض دآ:
معرفة ناس زيادة من جنسيات مختلفة
تجارب شتى
خبرة أوسع
إلا أنها تراكمات متعة وأوجاع
بس الأكيدة؟؟
الإنتقال الي حقبة مبهمة
وحلقة مظلمة بسبب كترت السنيين..

للمتابعة لمن يرغب
بوست إضاءات... بابكر مخير

[بابكر مخير]

أتذكر وطبعا لمن أكون إتذكرتا دي معناها أنها الإتذكرتهو دآ يكون ليهو كمين سنة كدآ.. أصحاب الزهايمر والإنميزيا ومتعاطي "الراهبينول" قديما أو مستمرين.. الأمور القريبة تروح شمار في المرقة. أما القديم فهو وكما يقال: الشدر الكوبار فيهو الصمغ فيكون كالثمرة ولكنها وليدت معاناة وعصر سنين وصمود في وجه "الثقيل الكُبر دآ"..
هو أنا كنت عايز أكتب شنهو؟؟
خلاص إستنوا ليكم كدآ كميين سنة لغاية ما أتذكر..
بالله عليك الذاكرة تبقى ذي أرشيف الإستخبارات إلا بعد تلاتين سنة يسمح بنشرها وهي المدة التي ترجع بك لما حدث حينها وتستحضرها..
لا بالجد إتذكرتا أني قبل مدة كتبتا وإتكلمتا عن أنه؟
مع الكُبر القلب بيبقى شفاف ذي ورق البفرآ ولي من لا يعرف البفرآ هي الzigzag الهو ورق الrizla ولي من يعرفها فهو أكيد بيحترم كل من يعرفها ويعز كل من يتعامل معها. دآ ما موضوع تصور ولا إعتقاد أو نتائج بحث علمي. لا دي عن خبرة من مخالطة بعض منهم حسب الوظيفة والعمل لست المقارعة والمجالسة والمؤانسة.. فملاحظتي أنهو هؤلاء غير اولائك ناس تعاطي العنصر الأساسي في العطور من كلونيات وما بعد حلاقة الدقن.. هؤلاء إن إجتمعوا من السهل جدا أن يفترقوا نتيجة خلاف تعلوا فيه الأصوات أعلى من أزيز الطائرات بسرعة الصوت أو صراع جسدي الغالب مصاب والمغلوب مجروح ظاهريا وفي الأعماق لكن ديك ناس الشفاف. ففي جلستهم الولفة والهدوء، متعة بما يجري بين الأصابع وفرحة بالمتناول بعد إنتظار..
تذكرت أني قصدت في قولي. أنهو الزول الكبير قلبهو بيبقى النسيم يتعاصفهو ودون تهب عاصفة والعاطفة تولع في الأحاسيس نيران. تبكي وتفرح وتضحك وتجعر في كلهو على كلهو.. قالوا فلان جآي وتبقى تهاتي متلهفا لتلك اللحظة البتلاقيهو، علان حاسس شوية الدنيا قدامك تضلم وتحزن حد الحزن.. وياها دي الحالة متداولة بين فرح عارم وحزن مئلم يعني ذي العربية اللا فيها فرامل ولا بوري... وحسي بعد شفتا أسماء نضرة المواضيع وأخر المشاركات. إتلخبتت دموع الفرح بيهم ودموع الحزن على الفاتوا مني "رحمة الله عليهم"

[عكــود]

رحمه الله وغفر له وأحسن عزاءكم.

[imported_بدور التركي]

أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

ان شاء الله ما نضوقوا 😘

[بابكر مخير]

ان شاء الله ما نضوقوا 😘

يما الكُبر هو الأصل رغم مرارة طعمه وكثير معاناته وفتوة الشباب هي جسر عبور مهما طالت مدته وكما قيل: لا بد من صنعاء وإن طال السفر.... وضواقتهو أمر حتمي ما أنعم الله للإنسان بعمر مديد وإن شاء الله تكوني من الضايقنهو.. (تكبري وما تتكبري وديمة ياكي إتي البنية الطيبة وجميلة)..
في الضواقة قال (وغير متفق على من قائله من بين سيدنا الإمام علي بن أبي طالب والإمام الشافعي)
إياكا تجني سكرا من حنظل فالشئ يرجع في المذاق لأصله

[imported_بدور التركي]

يما الكُبر هو الأصل رغم مرارة طعمه وكثير معاناته وفتوة الشباب هي جسر عبور مهما طالت مدته وكما قيل: لا بد من صنعاء وإن طال السفر.... وضواقتهو أمر حتمي ما أنعم الله للإنسان بعمر مديد وإن شاء الله تكوني من الضايقنهو.. (تكبري وما تتكبري وديمة ياكي إتي البنية الطيبة وجميلة)..
في الضواقة قال (وغير متفق على من قائله من بين سيدنا الإمام علي بن أبي طالب والإمام الشافعي)
إياكا تجني سكرا من حنظل فالشئ يرجع في المذاق لأصله

انتوا الاصل وانتوا الروح والفن
مهما كبرنا ستظل ارواحنا وقلوبنا شابة غير شائكة

[بابكر مخير]

[QUOTE=بابكر مخير;554367]
فقد أصابني بوجع وألم كبيرين.
فقد فقدت جزء من حياتي بفقدي إبن أختي وأخي والذي كان دوما يناديني متباهين أمام الجميع.. يا خالهو وعمهو كمان...


وقبل أن أستفيق من هول هذا
غادر هذه الفانية أيضا خالي مالك بابكر بدري
فأنشطر القلب الي نصفين واحد للنور والتاني لي مالك
رحمة الله عليكم
https://www.youtube.com/watch?v=rfa8MglB5Bo

[بابكر مخير]

في بعض الطباع أو الصفات أو الخصائص التي يمتاز بيها الإمسان أو تنقص منه.
الحسد والغيرة
بين الاتنين ديل رابط وبينهم تباعُد، كما بينهم تجاذب وممكن تلقآ واحد جاري التاني..
بربطهم أنهو القلب هو البتحكم فيهم فالحسد هو الأخو لي الكُره. يعني ذي الأكيد كدآ أمهو ما في زول بيحسد زولن بيحبه وبيريدهو كذلك الغيرة هي من القلب لكن الفرق بينها وبين الحسد أنها ممكن تكون نحو الحبيب والقريب والصديق. تغير إن بعد منك ولا كلم زولن تاني لكن دون كره..
الحسد هو فعل غير يستنفز منك ويشغلك ويوهمك في التفكير ويعطلك من تحفيز نفسك لا يفيد. فتصور أنك تحسد ليك شاب مفتول العضلات وبي صحة جيدة وفكر متوقد وعمل كله رزق وللناس الرغبة في إستمالتهو وتفضيلهو ديمة على غيرهو، تحسدهو وإتا ياكا المركبع، المفلس، العاطل، عجوز ومجلكن.. شنهو الحيحصل وشنهو الممكن تغيرهو. أكيد ولا شئ غير تجلب لنفسك المزيد من الألم والمعاناة. ممكن تشوف ليك زول صدفة ربنا أداهو السلطة والقرش في الوكت الهو مش ما بستاهل لكن شترآ فيهو وما بيعرف ينجضها. ذي زول عاقل بيحسدهو ولا بيتأسف علي حالهو والشيتن الوقع فيهو دآ. يعني ذي حمدوك ما بنحسد لكن الزول بينغاظ من قلة فهم الجابوهو ويحبط على حال البلد المسكوهو ليهو..
الغيرة ربما هي لمستاها ياها قريبة من الحسد مع الفارق بيناتهم في من يخص بها وبه لكنها أخطر ومع أنها غير تجهج ليك حياتك بي كترت التفكير فهي ربما تقودك الي ما هو أكتر..
الحسد بهلك الحاسد وما بيهبش الزول المحسود إلا ياهو العين وعلاجها ("يا عين يا عنية يا كافرة يا نصارنية أمرقي";) مع أني ما شفتا وسط النصارى حساد كتيرين لكني سمعتا أنهو أحدهم وصفنا إحنا السودانيين بأننا حسدةٌ)
لكن الغيرة فهي تأكل العقل وممكن تملكهو للشيطان. فكم من قتيلة قتلت بسبب الغيرة..وربنا يستر ما زولن غيور على البلد يقوم يعملها في زولن تاني كدآ :eek:.

[imported_الجيلى أحمد]

البركة فيكم ياعم مخير.

البوست دا من أعظم وأجمل ما اتكتب في سودانيات

[عكــود]

أحسن الله عزاءكم في بروفيسور مالك بدري.
رحمه الله وأحسن إليه وجعل الجنة مستقره ومتقلبه

[بابكر مخير]

البركة فيكم ياعم مخير.

البوست دا من أعظم وأجمل ما اتكتب في سودانيات

أحسن الله عزاءكم في بروفيسور مالك بدري.
رحمه الله وأحسن إليه وجعل الجنة مستقره ومتقلبه

الأحباء جيليي الجميل وكوكي الحبيب
في كلة روضة فيها زهور متميزة، بلونها خلابة، رائحتها أخاذة وألوانها جذابة..
برحيل هؤلاء مالك والنور فقد آل بدري زهرتيين.
شكراً ليكم وإن شاء الله ما مردودة ليكم في شينة

[بابكر مخير]

البوست دا من أعظم وأجمل ما اتكتب في سودانيات

في الشعر قال: وَعَينُ الرِضا عَن كُلِّ عَيبٍ كَليلَةٌ
وضرب المثل: القرد في عين أمهو غزال
شكراً ليك يابا
شهادة غالية وعزيزة

[بابكر مخير]

ما غلطوا لمن قالوا للزول الكبير، عجوز
والعجز هو عدم القدرة وأنواعهو كتيييييييييرة
فيها الشين الببقيك ذي الناقص وسط الناس الكاملة وفيها الحار البخليك عايش دون رجى..
تشوف شئ يعجبك وتعجز منالهو، تسمع وتعجز تبينهو أقوالهو..
لو فتش الزول عن العجز. يلقى حقيقي أنهو شيتن فات حد الكُبر في ثقالتهو وبياختهو..
وبخليكم مع صفحة المعاني عشان تحكمو براكم ....

https://www.almaany.com/ar/dict/ar-ar/%D8%B9%D8%AC%D8%B2/

أها الأثقل دآ وعلى القولة، طقاني فاول في الأنكل ولمن وقعتا وقع فيني زيادة في الايجاع..
أفقدني حبيبة عشتها بكل روحي ووجداني السبع سنين الماضي، فاخرتا بيها وعزيتها. أنستني لمن كنت برآي وخاصتن لمن أكون خرمان.. شيشة وجبنة بالمجان.. لمن جوني ضيوف كانت هي المكان. براح وبراحة تعزم فيها بإطمئنان.
أها الأثقل. تقل حركتي وعجزني ولمن عجزتا..
بيني بينكم الكرونة برضك تحالفت معاهو وطيروا مني المندولا..

:(:(:(:(

[بابكر مخير]

الدنيا درب طويل ممدود، ممكن تمرق منهو لي مسافة لكنك برضك راجع ليهو ظاتهو. ماشي لي قدام فيهو الحفر وفيهو تمر ليك بمزرعة برسيم ريحته تملا خشاشيمك ولي قدام تمر ليك بي مرمى زبالة تزكم نخرينك. تبتديهو الطريق خايفين عليك تتعتر تقع فيقوموا يشيلوك ويونسوك عشان ما تزهج، بالحكاوي ناس فاطنة السمحة وود النمير ولي قدام تلقى الطريق حوالينهو لافتات صور مزكرشة تفرحك وتبسطك وكمان شيتن جديد بسموهو الحروف وتعرف في مشيك تلقط منهو وتعاين وتعلق. البناية دي لو ختوا فيها طابق تاني بتبقى أسمح والزول البيعرج دآ، نعالهو يكون عوق رجلهو وإنجرحت. (ناس هندسة وطب)
وإتا ماشي في الطريق تلقى جمبك سيدة وسايقا ليها جنيات. وفي الطريق قدام... نفسك من المشي الطويل يبتدي يقوم، رجلينك يواجعنك، شوفك يضعف وتتعتر. مرة تقع ومرة تقوم..
وتناتك ماشي بس تقول ترجع لأنهو الدرب إبتدى يكون وعر وما شيتن بسر تشوفهو قدام عينيك هناك. لكن وين ما الدرب ماشي بس لي قدام ما رجعة لزمن بداية المشوار..
أخرتها؟؟
ينقطع الدرب وتبقى لا هنا ولا هناك..
يا هو حال الدنيا بس؟!
درب تراب

[بابكر مخير]

ناس تتكلم عن الرجيم "التخسيس" وأنهو الضعفة صحية وفيها مسحة جمال وطبعن هي في النسوان إستايل أوربي أما الرجال فهي وسامة. والضعفة مقاييس ومواصفات. منها المسوسو (هي طبعن كلمة عامية تقال في حال التشبيه بالسوسيو "صغير الطير") أو العدمان العضمة وجلدهو ناشف فاقد نقطة الموية ولا بيكون ضعيييييف سيقانهو ذي عيدان الكبريت وهو البارجغل في بطنهو شغل. في ناس ضعفتهم طبيعية، يأكل أكل السوسة والعافية مدسوسة وهناك تفسير علمي مرة سمعت زول كان بيحكي عنهو. وهو نوع من الأنسجة في الجسم تعمل على عدم تراكم الشحم وتحمي من السمنة. الضعفة الشديد الشينة ديكي عند الرجال يعني أها لكن عند الإناث بعض مرات إنعكاساتها سالبة وخاصتن حسب ذوق الرجل من العالم بتاعنا، كان شرقيين أو أفارقة.. يحبونها مكتنزة وذكرت في أشعارهم والأفارقة بزيد إعتزازهم بيها قدر ما إتعزت بنِعم ومميزات وكفاءات..
إذا تمشي تأود جانباها وكاد الخصر ينخزل انخزالا
تنوء بها روادفها إذا ما وشاحها على المتنين جالا

دآ عن ضعفة الأجساد في شكلها وهيكلها لكن في الضعفة التانية وهي ديمة بذكرها بي خيرها وبي شرها..
الذاااااكرة ونعمت الكُبر في أنهو بيطفئ نارها.. إتصور إتا بالعمر دآ. كم من حدث وخبر ونباء تعيس ومحزن وقبيح مرآ عليك، عكنن حياتك ومسخ يومها ظاتهو..
إتصور كل دآ يكون طوالي معاك..
لكن الكويسة أنهو الذاكرة بتضعف وتسوسو ومشيلوا بما هو أضعف من عيدان الكبريت. فتنهار وتنمحي، تتكسر والجميل أنها الذاكرة ظاتها بتتنسي

https://www.youtube.com/watch?v=hl3srnfIgY4

[imported_سمراء]

اسع انخزالا دى جبتها من وين ياشاب يا انيق الطله

مشتاقووون والبوست حقكك دى بقراهو كل يوم بس ماقادره اشارك ...يلا اعتمدنى زبونه فيهو ...


وسؤال : شنو تصنيف العجوز ؟؟


وهل العمر ترادف ايام ...ولا لحظات حلوة ؟

[بابكر مخير]

وسؤال : شنو تصنيف العجوز ؟؟


قالوا: الثعلب شاف ليهو عصفورة راكة فوق في الشجرة
نطا وقدر ما نطط، يطير ويقع ولا في الحير ولا حتى حوب ليهو ريشة من الطير..
غلبتهو تب. قام عاين ليها.. وقال: ريحتك ذي ريحة الصقر، وقدومك من النقر علي الشجر إنبرى ظاتهو أكيد لحمك من كترت النطيط بين الفروح بقى قطعة عضل لا بتنساق ولا بتنهضم.
لم يعترف بالهزيمة وأنهو في مبتاغهو فشل ولي نيل المرام "عجِز".
أهو دآ الحال حال الثعلب مع العصفور وأكيد حال كل الثعالب مع العصافير الحلوة وجميلة..
وهذا القبيح "العُجز" ياهو ردم وأكواااام من فشل الثعالب والإنهزام المحتوم.
والرجل (عجُوز) والمرأة (عجُوزة) والبنية (عاجزة :confused:) والولد (عاجز) وكلاهم إن ما راعى الأمور صاح وأفلتها بينتقل وبي سرعة لمرحلة العُجز ويبقوا (عجوزة وعجوز). حماكم الله من العُجز والعجزة والإنعجاز إن جاز القول لكنهو ما تقال :eek::eek:

[بابكر مخير]

من متلازمات الكُبر،، الضيق وعدم الصبُر..
بحب أتفرج في التلفزيون وحصريا على النقل الرياضي الحي لي ناس كورة قدم كنت وباسكت لكني لمن جيت لندن بقيت من ناس الكركيت وبي الخمسة يوم الكاملات بتاعت التست السيرز ولا الكمين ساعة بتاعت الوندييي ودي أنا ما عارف كييف عملتها وعن نفسي أنا عارف من طبعي الملل والضيق من القعاد في حاجة لي مدة طويلة. السيدة حسب سيدها كانت بتقول: لمن تتفرجوا على رياضة رجالية، أبقوا شوفو الرقبي.. ما ظنها شافت كرة القدم الأمريكية...
بحب أتفرج على الأفلام الأمريكية الأكشن وبالأخص بتاعات الكاوبوي ودآ ظنيتهو لي حقيقة طبعي بتاع الملل لأنها ما بتحتاج تركيز ووين ما زهجتا بتقوم منها لأنهو أكيد إتا متأكد أنهو البطل ما حيموت..
أها قام دخل برنامج جديد عليا في هواية التلفزيون وقلب مزاجاتي "التفرجيية" في البيعرضهو في التلفزيون. وهو مشاهدة المسلسلات من خلال تطبيق ولا نقول محطة ولا سمها ما شئت الأربع وعشرين ساعة.
الأفلام الأكشن في والأفلام جرعات خفيفة من الدراما الممكن الزول القلق يتحملها برضها متوفرة لكن فيها حاجة أصلن ما كنت متوقع أني سأستهويها وبل كنت لمن أشوف ناس يتونسوا بما حدث في الحلقة الماضية وتلهفم وإنتظار على جمر للحلقة القادمة بستغرب وبندهش. معقول الناس دي فاضية كدي ويربطهو حياتهم في إنتظار باقي القصة والقصة أصلن دايمن بتجر أسابيع وشهور.
أها لقيت روحي في الجُب غريق ولقيت أني بقعد بالساعات ولقيت أنهو المسلسلات أمتع من الأفلام لكن بالطريقة دي. تسك المسلسل لمن تجيب أخره ودآ ممكن يأخدك إسبوع بدوان كامل لا يقل عن ساعات العمل الرسمية إضافة لساعات غير معلنة تمتد لي نص يوم بي حالهو وتتخللها دقايق الأكل والصلاة. بس طبعن عامل العمر بجرجرك كمين مرة فأحسن شئ أنهو لمن تعزم على الدفنة في الكرسي ويستحسن يكون وثير وليهو سنادات ما تتعاطى سوائل كتير تفرض عليك الجرجرة.
أفتكر أنهو الفارق دآ هو الخلاني أقع في مصيدة المسلسلات. لأنهو لو عندك عزيمة قوية وما بتشرب سوائل كتير ممكن ذي مسلسل قرين لييفز تخلصه في أيام معدودات..
أهااااا القصة في ما يقدم من مسلسلات في هذا التطبيق أو المحطة أو سمها كما شئت..
هناك نظرية مؤامرة بالجد خطيرة.
تناولتها مع أخي الصغير وصديق الودود حاتم العوض.
هل عن قصد المسلسلات دي محورها كلهو ممارسة مختلف عليها إجتماعيا وأدبيا وحتى دينيا وهو ترويج من قبل مجموعة أو تنظيم أو حركة نشطة.
أكيد كثير من متابعي هذا التطبيق أو المحطة أو سمها كما شئت لاحظوا ذلك.. أما عننا إحنا الإتنيين فا لينا رأيي متحفظين عليه.
فهل من أراء؟؟؟؟:(

أكيد ما فايت على القارئ عدم ذكر الجهة المقصودة. فالدنيا دي ما معروفة.. يقوموا يتبلوا عليا ومحاكم ومطالبات بتعويضات تصل للملايين الدورارااات. وهو أنا محقو ربع دولار

[بابكر مخير]

المغفرة والعفو والتسامح...
هي أمور باركتها الأديان..
في الإسلام، جاء قول المولى عز وجل "وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ"
إذا كان المولى عز وجل وضع لينا أُسس التحلى بالحكمة والرحمة بيننا فيخاطبنا بأن نحسن لبعضنا حتى ينعنم الله علينا بحبه. فهل لنا غير أن نكتم الغيظ ونتسامح فيما بيننا؟؟
في المسيحية، جاء في أنجيل لوقا "من ضربك على خدك فأعرض له الأخر ، ومن اخذ رداءك فلا تمنعه ثوبك ".
قمة في التسامح والعفو فحتى إن أعتدى عليك أخوك الإنسان، أعفو عنه وسامحه بل يوصي أن تحسن اليه..
في اليهودية، ورد في الوصايا " كل ما تكرهُ أن يفعلهُ غيرك بك فإياك أن تفعلهُ أنت بغيرك"
وهذا تذكير بأن نتجنب إيذاء الأخريين لأنهم مثلنا ومثلهم. نكره أن يعتدى علينا فخير أن لا تفعل أمر لغيرك لا تراضاه أن يفعل بك.
القصد أنهو؟؟
الأديان السماوية حين تأمر بالعفو والتسامح والمغفرة لنكون قريبيين من الله فيحبنا ويحبب الناس فينا.
فهي قطع شك خير..
كذلك الأعراف والتقاليد السمحة تقوي من التعايش بالعفو والتسامح والمغفرة بين البشر.
دحن النبقآ ليكم لقمان عشان نوصيكم.. أبقوا عشرة علي العفو والمسامحة والمغفرة .
"أغلطوا إنتو يا الحلوين نجيكم نحن بالأعذار"

https://www.youtube.com/watch?v=XjBw0FmybbQ

[بابكر مخير]

موضوع قبل كدي تناولته هنانا..
الخواجة إن فلس بفتش في ورقهو القديم...
الفلس والكُبر وفتيش الأوراق القديمة..
زمان ما كان في الكمبيوتر القدامنا دآ والكان زمان أوضة حدادي مدادي وبعدها بقآ شيتن ينختا في التربيزة وبعدها شيتن يتوهض في الورك وبعدها بقى حبة وتلفون منمق وجيه ومع دآ إحتفظ بالتسميات التقليدية ناس file و folder وياهن ديل هم المقصود بيهم الأوراق يعني الملفات والحزم والرزم..
البيحصل أنهو مع الكُبر والذي يرمز له بالخواجة لأنهو الخواجات ما بيفلوسوا إلا لمن خلاص يقعدوا ويبقى مراجعة أوراقهم عصية على القدرات الجسدية من مسك القلم بسبب الرجفة وشيل الفايلات لضعف البنية وكما أنهم يصابوا بمتلازمة الكُبر وضعف الذاكرة وأنهو فلان ما رجع السلفة وفرتكان ما سدد فاتورة الشهر وفات عليهو يعمل طلبية عشان تكون المواد متوفرة في الخازن وتشح وينفض الزبائن من حوله كما تعوف الفيران بيتن خالي من الجبن..
أها يقوم يفتش عسى ولعل أن يجد قصاصة تؤكد تملكه لأمر يعيد له قبل المال؟ الثقة في النفس وأنهو كان وكان..
يومتها وماني خواجة لكني زولن عادي وبسيط بس قولة جدي بابكر، خوفتني وقلتا ما تبقى عليا "قلة الشغلة، أكبر شغلة"..
قمتا وفتشتا في أوراقي وشكرن عزيزة مخير.. ساعدتني بأنها شجعتني أسترد بعضها..
لقيت بحث أو دراسة أهو حاجة عن تعاطي البنقو وسط شباب العاصمة القومية سنة 1977 وبمساعدة إتنين أحباء من الرعاية الإجتماعية لكن للأسف "الزهاايمر. أساميهم إتبخرت" وقدمتهو في المؤتمر العربي الثالث لمكافحة المخدرات بالخرطوم..
برضك لحقتني بي كلام أتذكر كنت كتبته قافيتهو كانت مبتدية من الألف ومنتهية بالياء عن الكيزآن وإنقلابهم الأسود بعد هجرتي للقاهرة .......


http://www.sudanyat.org/vb/uploaded/851_1613896964.pdf
http://www.sudanyat.org/vb/uploaded/851_1613897016.pdf

[بابكر مخير]

يا أخي الكُبر دآ نعمه وأجملها تعاطف الناس معاك..
طبعن في بعضهم بيتظاهر بالتعاطف ولكنهو جواهو يكون قاصد التريقة. وطبعن التريقة أمرها ما حلو يعني جارحة ومشكلتها أنها بتتقال لي الزول في وشيهو، حاجة كدآ مشابها للغيبة وبرضك تتنوع في المعنى حسب تشيكلها بي ناس ضمة وكسرة وفتحة وديك البتشبه حرف w "الشدة" وتخليك تشد في الحرف حسب التون وما تنسى العلامة البتشبه الخمسة بالحربي التخليك تنطق وما تتسمع فهي موصوفة بالسكون. غايتو وأنا بفتكر أنهو سيبويه ما أثراء اللغة العربية فهو أنقصها كلمات بحكاية التنوين والتشكيل دآ. أهي ولا وأهو ذي كلمة غيبة تدخل في المعاجم تلقى الحروف في رصاتها ظاتها بس ضمة تبقى المعنى كدآ، فتحة تغير المعنى ولو كسرة ياها بتبقى القاصدها أنا هنا وهي من الكبائر.. والتريقة في أصلها تتنوع وتتشكل حسب ما تورد في الحديث يعني موقع الكلمة؛ فالأصل "ريق" وبالضمة في الأوصل معنى وكسرة في الأول قول تاني والغريبة أنهن معاني وذي ما بقول المثل "حواء وآدم ما بلموهم" والمثل دآ بتقال لمن مثل شخصيين بيتشابهو ولكن لا يجمعهم لا قربى ولا دم. إتصور ريق هي أصل الريوق ويعني بلة الريق وهو الفطور وكما يقول أهل الخليج وهي جآية منها ترقية يعني ترفيع كان ملازم يبقى نقيب وكان مستشار يبقى رئيس وزراء وذلك عن جدارة ولا واسطة وكوسة ولا في غفوة زمان.إتصور لو ما كان في تنوين وتشكيل وإضافات لأصل الكلمة الديمة بتكون من تلاتة حروف.. كييييييف كانت اللغة العربية دي واسعة وعدد كلمات يتعدى المعقول والمقبول لي أن يصل الي اللا نهاية "طبعن دي قولة بليدة في أن يصل لي اللا نهاية وإلا ما تكون نهاية وكلامنا السودان يذخر بمثل هذا ومنهن ناس قاعد يمشي".
القصد بعد السرحة حقت الكُبر دي..
أنهو الناس الطيبة وظريفة بتتعاطف معاك بي صدق فيقوموا لو غلطتا يعذروك ولو إتساخفتا يسامحوك والجميلة أنهو في ذي حالتي دي؟؟
لو كررتا القول!!
بيلقوا ليك العذر؟؟
ما هو كِبر ويكون خرف :eek:

[بابكر مخير]

رغم الفقد الجلل
هو حزن وما حزن لأنهو بتتذكر وتحمد ربك على شيتن جميل..
جميل أنهو قاسم أخوك الأكبر منك وكيف كان مفخرة أمهو وأبوهو وأختهو وأخوانهو...


https://www.facebook.com/babiker.mukhayer.1/posts/3772715616177432?comment_id=3772838226165171&notif_id=1614157274596049&notif_t=feed_comment&ref=notif

[بابكر مخير]

في صغرنا..
علمونا كتيييير وكانت كلها حاجات جميلة..
وما بتذكر شيتن واحد كعب علمونا ليهو..
علمونا الشجاعة. ما ديك بتاعت المضاربة والتعدي على الناس الأضعف. كانت بتاعت عدم الخوف من قولة الحق الوقوف مع المظلوم ومساندتهو حتى لو إتعرضتا إتا للأذى.
إتعلمناها من أبواتنا وجدودنا.
ما نسرق، ما نكضب، ما نغش..
علمونا محبة الناس وحب الناس وتوزيع الحب قدر ما نقدر ولي أكبر عدد من الناس.
علمونا الإحترام لي غيرنا وقبله لي أنفسنا.
علمونا العلموهو ليهم أماتهم وأبواتهم وحبوباتهم وجدودهم..
علمونا نرضى بي قسمة المولى وكمان برضهو إضافتن ليها علمونا أن نعمل لي مرضاتهو.
دآ العلمونا ليهو.
والقصد الإحنا الإتعلمنا ديل. ياهم الملايين الكانوا عايشين في المليون ميل مربع، أهل شجر نمولي لي الكوشيين بتاع حلفا وغرابة الجنينة ليين أحفاد دقنة في شرقهم.
ولمن كِبرنا؟؟
أهو إفتكرنا برضك علمناهو لي جنانا من كل العلموهو لينا.
لكن ذي الإتوارآ ليا.. أنهو العلموهو لينا أهلنا دآ ولا دآك. كان بس لي زمن زمانهم وزمنا الزمان.
الدحنهو حسي بقت الشجاعة سك والغش سلك والكضب فرشهو في الدرب..
يتسيطروا بيهو لمن بقوا حكام والسرقة بقت لي تملك القرش والجاه عنوان وبيقو بيقولوا للحرامي شاطر..
أتذكر زمني الزمان..
لمن تشوف كومر إتا بتكون متأكد ياهو بتاع الديش وما تشاف في الشارع إلا بي سبب والعياز بالله معناها إنقلاب..
حسي تشوف الكومر "تاتشر" عاادي طالع ونازل ومليان في الشوارع دون عجب ولا إستغراب. بس إمكن تكون تتحير؟؟
دآ بتاع ياتهو من "الغزآة"..
أبان بريية أحمر ولا اللونهو تاني ولا عمامة خضراء ولا باللبس المدني ولافي شالهو كمامة..
حالة سعبة!! بين الكان زمان والحسي زمان

[imported_سمراء]

حضور بين دف الحروف ...وانفاس الكبر

احى ياكرعين جدو مخير

[بابكر مخير]

كرعين جدو مخير
الكرعيين عند ناطقي الضاد ياها الضلافيين ولا الكوارع
وعند البشر وهنا بتفرق كتيير في ياتهم من البشر.. فللبعض عيدان كبريت ترتآ عليهن من الشايلاتهنوا من شحم ولحم مكتنز في بقاع ومتردم في مناطق دون رؤية أو فكر أو إقناع وللبعض يوصف بداء الفيل لأنهو ما منظم ولكنهو متورم وبعض أخر looool
هي كما التحفة جلبت من ورشة النجار بعد أن أعمل فيها الفارة والمنشار بي حنية وإتقان وملسها بي ورق الصنفرة أم رمل ناعم وحنين ما بتجرح ولكنها تزيل الشوائب فتنعم "التحفة" وتبقى ذي الحرير لمسان ودي بسموها سيقان..
والبعض مع الكُبر بيبقن لاهن لامات لا في ديل ولا ديك. لا بتعدلن عشان يشيلين اللحم والشحم ولا بيكونن إنتاج ورشة النجار.. ممكن بعض مرات يتفيلن من الرطوبة وورم الرروماتيزم.
الكرعين في الكُبر بيفقدن مهام الشيل ويتركن المهمة للعصاية وتلقيهم مليانات كراضم والعروق من مجاريهم شاردات، نافرات ذي الهضاب والتلال من سطح الأرض مارقات. تلقي الكبير وهو ماشي. دون طربن يميل، مرة شمال ومرة يمين ذي السكرآن حاير الدليل..
ياهن ديل حقات الكٌبر والجدود :mad:

[imported_سمراء]

انت طبعا ماشاءالله وكت شفناك كان عندك كرعين اسع مامعروف بقن شنهو

كدى عشان مايسرح خيالنا التعبان ده وحتى نطمن عليك ادينا صورة من غير العضاية:D:D

[بابكر مخير]

زمان كان قالوا: لا يصلح العطار ما أفسدهو الدهر..
ما كان في فوتوشوب.. ولا مكياج ولا سكريت برايت ولا كلير وكلين.
لا أوميغآ ثري ولا حبوب أساسها مربوط باملاح الفوسفات..
كانت ياها دقة "الشلوفة" والشلوخ مطارق.
كان علامات الرجولة البينفخوا بيها الذكور. في مجموعها سوط وعكازة وسكين في الضراع، حسي بقآ "الجيم" وهرمونات والعضلات مفتولة.
في الأمارات كما الحال في السودان.. القهوة إن ما جبنة، أخير منها الناسكفي وحتى الجبنة لو ما بقت مقدمة من أيدي ملسآ وناعمة، مستمدية النعومة من "الحاضنة"..
طبعن كلمة حاضنة دي ظاتها من مستحدثات اللغة ذي ناس الفوتوشوب وبرضك أمنية زباين الجبنة ومحفزات البزينس..
الشاهد أنهو أربابات الأماكن المرغوبة لشراب القهوة من الأيادي الناعمة نعومية الحاضنات. دوما ما يستجلبن حاضنات مميزات من دآك الجنس الأسمر ويفضل لونهو خاتف كريمة ولبنها زيادة.
حصل مرة أن إنتشر حديث بأن القهوة (كفتريا) الفلانية عارضة صورة حاضنة جديدة وما شاء الله والحق يقال الصورة حتى الملائكة تندسا خجلا. شي مو شئ، الشعر خصل وكانهو شافها شاعر إبن البادية وقال: سال من شعرها... ولنها قمحي أنضر من لون الدهب ("ﻣﺎﺑﻴﻦ ﺗﺒﺮ ﺻﺎﻓﻲ".. لكنهو ما أخضراني اللون)، الشفايف لا غليظة ولا التقول ديك الذي مجرورة بي مشرط، شئ طبيعي وما محقونه بي أسيد الهيالورونيك، (في زمنا كان بسموها حلاوة لكوم وحسي "تيركيش ديليت Turkish delight") العيون!! عيون المها مقارنتن ليها تقول زرارة قميص حوالينها شيتن لا تعرفهو كحل ولا تقول قوس قزح. الرموش دييك يتوارآ ليك أنها نافر من الصورة. خلاصة القول أنها نوع الوصفها عمنا مسعد حنفي: وجه القمر سافِر يضوى شعاع ونور وافر..
المهم في ذآك اليوم المرتقب، يوم وصول الحاضنة الجديدة، الأعمى شايل المكسح والقادر موفور الحال جايب معهو المعدم خاوي الوفاض. شيتن بس ناقصهو البساط الأحمر. شئ جزم لامعة وعلى غير العادي دآك بتاع شبشب السفنجة والحكمة القميص محشي جوآ البنطلون وحزام جلد أكتر لمعان من الجزمة والشعر أسواااااد ومضروب جّل وريحة العطور متنوعة فكل واحد من المتسابقين للحظو برضائها والفوز بحضنة من الحاضنة حوله هالة من نوع عطر نافد قوي لمن يزكم.
كان الحضور أكتر من عدد الكراسي مما إتطر البعض ممن ما لقوا مقاعد وخوفا أنهم ما يسجلوا غياب في ذآك اليوم. إنتظروا خارج المقهى..
جات لحظة الحسم ووقفت سيارة الأربابة قدام المقهى وتشرائبت الأعناق للفوز بأول نظرة لها ومنها وحتى تكون شهادة بأنهو الأول في الإعدادية لحياة عشق جآيي..
بعد الصورة الإتشافت. الكل كان قايل أنهو سيطل إشعاع بلور "السيقان" والذي يعرف به أولائك القوم، لكنهن كانن كرعيين ولحظتها بدأ كأن الأمر كان في البلد. تحمل الجميع كفتت الإحباط دي والقول: الكمال لله وزادت حرارة الترقب عسى في الوجه تعويض عن الصدمة الأولى..
وطل الوشيش... :mad::mad::mad:
يلعن يوم الفوتوشوب ويوم فيسآب faceapp..
فالذي كان في الواقع..
تلميع والحقيقة غبشة، تصغير في العمر والواقع حبوبة معصعصة..
من يومها حُرم علي الجميع مقهى الأربابة دآك لأنهو فيهو غِش...

[بابكر مخير]

وحتى نطمن عليك ادينا صورة
حتى يطمئن قلبك
وبدون فوتوشوب (حتى لاحظي، السكاكات والشبط "مغبر")
;););)

http://www.sudanyat.org/vb/uploaded/851_1614566909.jpg

[بابكر مخير]

حكاوي النوم
الحبوبات كان حنينات ولمن تمشي تنعصر جمبها ولا تقوم أمك تنعم عليك بأنها وتهضتك ذآك الحضن الوثير وتنعم فيهو بي رائحة والدك لمن كان عمرك أو عبق أمك الذي ورثته من نفس هذا الزينب الوافرة..
تستمتع بترانيم هادئة في كلماتها وناعمة نغمتها وصعب فعلا أن تقيس مدى الوقت الذي إستمرت في غناءها لأنك بتكون نمتا وكما يقال ضمن تلك الترانيم. عشتا وعشعشتا ومليت العش طير.
من أشهر تلك الترانيم والتي تتمازج والأصول. فتدخل عليها أسماء من المناطق التي هي الأصل أو القبيلة التي منها الحبوبة فمثلا:
النوم النوم بكريك بالدوم
النوم النوم دومتين حلوات
دومتين مرات في البحر عايمات
ماشات مقرات
وفي رواية أخرى
النوم النوم بكريك بالدوم
النوم تعال سكت الجهال (وهنا ممكن يدخل عامل يوضح صلة الحبوبة بيك فيه تقدم أبنائها)
النوم تعال لي حبيب الخال أو النوم تعال لي حبيب العم البسند الحال.....
كما كان هناك ترانيم كمان كانن في حكاوي وقصص قصيرة تحكى للأطفال وتكون عامل يساعد في النوم وهذه في كتير من الأحيان وليدات اللحظة ومنها كذلك الشايعة ومتداولة ذي ناس فاطنة السمحة وود النمير.
طبعن ناس النفسيين والنفس والإجتماع لحد ما بيكونوا بينهم وبين نفسهم "طبعن من غير الخضوع للثقافات الغربية" عاشوا الحكاوي المرعبة العن البعاتي وود أم بعلو وأظنهو بيوافقوا على أن التخويف بعض مرات بيجيب نتائج جيدة وكتير من الناس بتستعملها في الأوكات المناسبة يعني مثل قولة: بوديك الدكتور يطعنك حقنة ولا بنادي البوليس فمثل هذه الحكاوي الشافع خوفتن من تمامة القصة ممكن أولن يتداعى النوم لمن يلقى روحهو شخر أو فعلن الجو دآ بيتوافق مع هوآ نفسهو يستمتع بيهو ويسرح لمن يشخر..
الغريبة الثقافة الغربية برضك فيها قصص مخيفة وهي ذي بتاعت الغول الشرب فاطنة السمحة لبنهو ونومها وخطفها وهي قصة ذات الرداء الأحمر وبيناتهم الترجمة تؤثر ياتا فييهم الأولى...
يا ربي كيف حال الحكاوي حسي؟؟
الحبوبات مسكينات في الشغل والوالدين كذلك..
الفلبينية والأثيوبية أكيييييد بيكون عندهن حكاويهن بتاعات النوم، بيكونن بيحكنها لي شفعكم؟؟؟
إحنا شفعنا ياهم إتو
:cool::cool:

[بابكر مخير]

المعاجم والعجم وكلمات عجمية
لمن تغلبك كلمة عربية وتدور تعرف معناها. تقوم تبحبت في المعجم وأظرف ما في الأمر أنك تفتش لي كلمة معجم في المعاجم حافظة أصول الكلمات العربية وتلقى المفاجاءة؟؟
العجم والهيا أوتامتيكي بتربطها بالإسم معاجم أو معجم معناها!!
كل من كان من غير العرب :eek:
يبقى أنهو القصة جايطة..
الخلاني أتعرض لي الحكاية دي أنهو حسب رأيي في كلمات وأسماء وصفات يحق لي الزول أنهو يفسرها دون الرجوع للمعاني في "المعاجم" وفي الحقيقة دآ لمن قريت في موضوع كدآ يحمل عنوان "نقد" في شنهو كدآ ما عارف.
أها بي إجتهادي الخاص "نقد" دي ممكن ودون الحاجة للرجوع للمعاجم أنها تعني مشاكسة بمعنى أنهو الزول البينقد دآ هو بيثير تساؤلات في شئ كتيريين "ما يفرق غالبة أو أقلية" متوافقين عليهو. قول ناقد مسرحي؟
تكون مسرحية أو فلم سينمائي الشباك جايب مبالغ طائلة والحضور مئات ويمكن الوف ولو فيلم مع السينمات والنتفليكس يكونوا ملايين. أها يعني ديل كلهم ما شافهو البشوف فيهو الناقد دآ ولا بس مشاكسة ولزوم نقة وإعتراض بقصد خالف تظهر وكتير من مثل هذه الكامت ذات الثلاثة أحرف وتوسعت لتكون فعل وإسم وصفة وكنية الي أخرهو..
وعن اللغة العربية - منقول...
اللغة العربيّة من أقدم اللغات تُعتبَر اللغة العربيّة من أقدم اللغات المعروفة، وعلى الرَّغم من قِدَمها، إلّا أنّها لا تزال تتمتَّع بخصائص تُميِّزها عن اللغات الأخرى، مثل: الألفاظ، والتراكيب، والصَّرف، والنَّحو، والأدب، والخيال، كما تمتلكُ اللغة العربيّة القُدرة على التعبير عن مجالات العِلم المُختلِفة، وتُعَدُّ اللغة العربيّة أمّاً لمجموعة اللغات المعروفة باللغات الإعرابيّة، التي نشأت في شبه الجزيرة العربيّة، أو العربيّات المُتمثِّلة بالبابليّة، والحِميَريّة، والآراميّة، والحبشيّة، والعِبريّة، وفي العصر الحديث أطلقَ علماء اللغة اسم اللغات السامية على السلالات اللغويّة التي يمكن إرجاعها إلى اللغة الأمّ، ويُعتبَرُ العالِم النمساويّ شلوتزر هو أوّل من أطلقَ هذه التسمية عام 1781م؛ حيث اقتبسها من أحد نصوص التوراة المكتوبة بأيدي الأحبار في العهد القديم، وذلك من خلال الاعتماد على التقسيم الوهميّ للأجناس البشريّة المُستمَدِّ من أبناء نوح، وهم سام، وحام، ويافث.

إقرأ المزيد على موضوع.كوم: https://mawdoo3.com/%D9%83%D9%8A%D9%81_%D9%86%D8%B4%D8%A3%D8%AA_%D8%A7 %D9%84%D9%84%D8%BA%D8%A9_%D8%A7%D9%84%D8%B9%D8%B1% D8%A8%D9%8A%D8%A9
يذكر أن القرآن أول ما نزل؟ ما كان منقط أو عليهو تنوين وغير كدآ بعد الهجرة وقالوا يمكن بعد سنتين حتى تم ذلك.
منقول...
أبو الأسود ظالم بن عمرو بن سفيان الدؤلي الكناني (16 ق.هـ/69 هـ)، من ساداتِ التابعين وأعيانِهم وفقهائهم وشعرائهم ومحدِّثيهم ومن الدهاة حاضرِي الجواب، وهو كذلك عالم نحوي وأول واضع لعلم النحو في اللغة العربية وشكّل أحرف المصحف، ووضع النقاط على الأحرف العربية بأمر من الإمام علي بن أبي طالب.

وِلد قبل بعثة النبي محمد وآمن به لكنه لم يره، فهو معدود في طبقات التابعين، وصَحِب أمير المؤمنين علي بن أبي طالب الذي ولاه إمارة البصرة في خلافته، وشهد معه وقعة صفين والجمل ومحاربة الخوارج. ويُلقب بِلقب ملك النحو لوضعه علم النحو، فهو أول من ضبط قواعد النحو، فوضع باب الفاعل، المفعول به، المضاف وحروف النصب والرفع والجر والجزم،

[بابكر مخير]

قبل مدة وبتكلم مع نعمات مالك بنت خالتي فاطمة بدري "إيية" وكيف الدنيا وعلى قول خالتي عزيزة بقت "حاجة بايخة"..
الكرونة قفلتنا قفلة ما منها فكآك إلا يجينا علاء الدين، يفرك ولا يكرش ولا حتى يخربش عشان نطلع ووننفكآ من الجُب الإحنا فيهو.. جيني ولا شيطان، حميدتي ولا السيسي كان التجاني ولا عبد الفتاح ولا البرهان أو حتى حمدوك..
المهم هي تحكي وأنا أشكي، هي تقول وأنا حوالين البيآ أدور وبليف وأقول..
من ناصايحها الثرة؛
تعرف يا بابكر ومع أنهو أغلب الأهل بيقول ليا بابكير تلطيف ولا محبة ولا مجاملة المهم نعمات دي ودآ ياهو طبعها رسمية في جنس دآ، إسمك سموك ليهو ياهو إنقال حسب التسمية. وهي شديدة عند المحن وثابتة ذي شجرة التبلدي وضعيفة عاطفيا كما فرع البان تهزه النسايم، قوية وكت الملمات والمحن والشدايد قلبها من حجر لمن القلوب تجزع وتولول. حين أعدم حبيب قلبها، شريك حياتها ومصطفاها كما هي كانت مصطفاتهو وأبو وليداتها، صارمة، مصادمة وبتذكر أيام كان معينين حرس من أمن نميري في بيتها، كيف كانت قدامهم تلعن مايو ولييهم قايمة بي أمور حياتهم عندها كضيوف من فطور لي شاي والي أخرهو.. مرة أعتقلت في المديرية وكتا في البوليس في وكتها وطباعنا السودانيين "أقلهو زمان" لو عندك زول إتمسك من قبل النظام، ما بتهتم بما قد يصيبك في شخصك أو وظيفتك.. بتمارس كل السبل المتاحة وغيرها عشان يتفكآ من الحبس. فمشيت المديرية وكان هناك عقيد وتربطنا به علاقة قوية شبه أسرية وقلتا ليهو عن قصدي للمديرية. قال ليا يا بابكر أنا بس مستنيها شوية تهداء وأصلي ناوي أوصلها البيت برآي.. لكنها نازلة شتيمة ولعن في مايو.. دخلتا عليها ولمن شافتني كتر خيرها هداءت وطلبتا منها أن تهداء شوية عشان نرجع البيت جدي أحمد منزعج شديد. وكان أن رجعنا وشكرتها أكتر في أنها خصتني وعزتني أن أتشرف بإستطحابها البيت..
من ناصيحها: عليك بالمرآيا؟؟
"كنت قبل كدآ كتبت بوست عن المرآيا وأنها العاكس الحقيقي لي صورتك" وسألتها كيف يعني؟؟
قالت ليا أنا بعاين في المرآيا وإتكلم معاها عن نفسي وروحي وبترد عليا..
تقول ليا: لييه يعني حسي إتي رادمآ هموم الدنيا فوق رأسك. ما حتغيري فيهي شئ.. قوم يما كدآ، أخدي ليك دش وألبسي وأمرقي، إن شاء لفي في الشارع سآكت ولا شغلي ليك غنآ وفرقي عن روحك...
سمعتا الكلام ويا مؤمن يا مصدق..
المرآيا وقبل ما أسمع منها شئ..
بشوف فيها نفسي وأتصوروا..
قال كيف؟؟
بشوف في نفسِّك أحلامي ......
يا أخي لآ...

https://www.youtube.com/watch?v=Bq1PD6UYvWc

[بابكر مخير]

أسمائنا السودانيين أغلبها ما خارجة من اللغة العربية، كان أسماء ولا صفات أو كنه وطبعن في بعض الأحيان أفعال..
الأسماء المقصودة هي تلك المسجلة في شهادات الميلاد (لي يومنا دآ، أغلب السودانيين عندهم شهادات ميلاد أصليية وما تسنيين).
أتذكر لمن السيدة حسب سيدها قدمت لوزارة التعليم بالإمارات. إتصل بيا الأخ علي وهو كان في لجنة إختيار المعلميين وما كنا بتعارف عن قرب ولكن بيناتنا القرابة بي لحمة "قندتو" الدسمة وشحمانة..
السلام عليكم أنا فلان إتا فلان. تمام..
إنفجر ضاحك وقال ليا. عرفت من طلب زوجتكم بت العم أنكم في البلد لكن قول ليا كيف؟؟
الحصل يا سادة أنهو واحد مصري معاهو في نفس اللجنة قال ليهو: دآ إتو السودانييين عندوكو أسماء عقيبة، في حد يسمي بنتهو حُب سيدها.. وليا قصة تانية برضهو مع هذه السيدة العزيزة.. صديقي بيرم صاحب اللكنة المصرية وفي عشاء تعارف بين الأسرتين الصغيرتين بعد ما إتلمينا في البوليس.. قال يقدم نفسهو وزوجته سهير لينا. أنا محمد عثمان عبد الحميد وذي بآبَكّرر مُخيار عائلتي بيرم وزوجتي سُهير وبخفة روحه الدايم أضاف ذي سهير الحطت الجاز في راسها "مسرحية مدرسة المشاغبين وسهير كانت الممثلة البابلي" وعرفني بي سهير الحطت الجاز على رأسها بالنطق الذي سبق وأننا بقينا زملاء في العمل وسأل.. المدام فقلنا ليهو إسمها وبداء يتللكلع في النطق وإحنا نصلح فيها وفي الأخير قال: لا دآ أنا حسيبها في حالها...
يحكى أنهو الدكتور العلامة في مجال أمراض النساء والتوليد أبو حسن أبو في مطار القاهرة رنا رماهو في مسئول جوازات نجضهو نضاج وهي قصة كثير من الناس سمعها.. كان مسئول الجوازات يسألهو... طبّ يا بييه فهمنا إسمك أبو حسن، بس أبو ميين إسم أبوك...
في الdictionary لمن تفتش معنى كلمة لزوم توضيح النطق الصاح مثلن كلمة treasure بتلقى ذي كدآ "trezh-er...
فنطق أمسئنا عند البعض من غيرنا مشكلة يعني مثلن الأوربيين صعبة عندهم نطق الخاء وبدل مخير قولة موكير مقبولة ما هو عجمي فالعب به..
لكن ناسنا ديل عجيبيين، يا اخي في إعطاء المعلومات عن الشخصية لزوم التأكد يدخل إسم الوالدة عنصرا أساسي.. فقلت ليهو مدينة، أئيش، مدينة... إن زين ليش ما تقول يثرب أصل إسم المدينة هو يثرب.. قلت ليهو كان في الجاهلية لكنها عند المسلمين عرفت بالمدينة..

[بابكر مخير]

خميرة العكننة..
الخميرة بتفور وين تتختا..
في التمر إن إتختتا شوية! بتعمل من العصير شربوت وإن زادت وإتقطر العصيرإلا ببقى عرقي. وحسب التقطير والإضافات يوصف. كآرب، سنيين، حار والي أخرهو..
وخميرة العكننة متنوعة الأصل. ممكن تكون من كلمة إتقالت ولا من نسمة أو كتاحة، ممكن تقول زول لي قولهو ولا تصرفهو ولا حتى شكلهو. يعني أنا شوفت حمدوك بتعكنني فإذن حمدوك هو خميرة عكننتي.
https://twitter.com/almajma3/status/1120440029413769221?lang=ar
وفي المعاجم..
قاموس عربي عربي
عكننة
جذر [عكن]
ومعنى عكننة في قاموس معاجم اللغة
المعجم الوسيط
الجاريةُ: صارت ذات عُكَن.( تَعَكَّنَ ) البطنُ: صار ذا عُكن. وـ الشيءُ: تجمَّع بعضه فوق بعض وانثنى.( العَكْنَاء ) من الجواري: ذات العكن.( العُكْنَة ): ما انطوى وتثنّى من لحم البطن سمناً.
يبقى من الفوق دآ أنهو في العكننة البنقصدها وبالمفهوم البتنقال بيهو. ما عندها وجود في اللغة العربية..
لكن للفاحص والزول المركز وعبد الفهمان ود السودان.. في أمر العكنن البتصيبني من شوفت حمدوك... بيلقى أنهو تجمعت عندي الرؤيتيين العكننة المقصود بيها فورة المزاج والعكننة المقصود بيها ردم شحم الكرش...

[بابكر مخير]

إلا بس الباقية علي الذينا ديل؟!
ياهو ظلم الحسن والحسين. والمثل دآ بيقال ديمة لمن زول يكون هادئ ومتواضع وما زول شدايد أو أنهو زول صاحب مبادئ ومقتنع بيها إلا العين بصيرة واليد قصيرة فسطوة الأشداء المتسلطين أقوى وأخبث..
الحسن والحسين هم أبناء علي إبن أبي طالب كرم الله وجهه وإتنيتهم بنشاف أنهم إتظلموا في حقهم بالعيش الذي كان أن يكون لهم.
فالحسن ظُلم كما يرى الناس لأنهو تنازل عن حقه له كحاكم للمسلمين لمعاوية بن أبي سفيان والناس شافوا أنهو خانهم وأذلاهم لي درجة أنهم سموهو "مذل المسلمين" وكتلهو بيتقال أنهو مرتهو هي الدست ليهو السم فالراجل طيبتهم وكرم أخلاقهو ورغبة في حقن دماء المسلمين..
أما الحسين دآ ياهو طبعن الإشتهر أكتر من إخيهو لأنهو صارح وعمل على إعادة الخلافة اليه بدل إبن أبي سفيان وحاربهو معاوية وقتله في كربلاء وهي الموقعة التي يمجدها شيعة سيدنا علي إبن أبي طالب والذين يقال أنهم بيفتكروا أن الخلافة محظورة على آل البيت من الائمة وأنهو علي بن أبي طالب هو 11 إما من أولادهو من فاطمة بنت النبي محمد وغالب ما يستشهد الشيعة في تأكيدهم على خلافة الحسين بحديث المنزلة وله قصة عن لحاق علي بالنبي في غزوة تبوك (أما ترضی أن تکون أخي وأنا أخوک، بمنزلة هارون من موسی، إلا أنّه لانبيّ بعدي)....
وأنه بعد واقعة الغدير وبعد صلاة الظهر خاطب الرسول عليه الصلاة واسلام المؤمنيين ..
فقال (ص): أيها الناس مَنْ أولى الناس بالمؤمنين من أنفسهم؟ قالوا : الله ورسوله أعلم، قال (ص): إن الله مولاي، وأنا مولى المؤمنين، وأنا أولى بهم من أنفسهم، فمن كنتُ مولاه فعلي مولاه. "يقولها ثلاث". ثم قال (ص): اللهم والِ من والاَهُ، وعادِ من عادَاهُ، وأحب من أحبه، وأبغض من أبغضه، وأنصر من نصره، وأخذل من خذله، وأدر الحق معه حيث دار. ألا فليبلّغ الشاهد الغايب...
وبعدها تنزلت عليه آية الأكمال ﴿الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا﴾....
غير ظلم الحسن والحسين كمان للذينا تعاين تشوف.
للمستطعفين والعاجزين من خلق الله تلقى؟؟
حقوق الطفل وحقوق المرأة، طب الأطفال وطب النساء والتوليد..
فأنا بطالب بي مراعاة حقوق الكوبار وإستحداث تخصص طبي لمن هم فوق عمر الشباب وعمر كمال النضوج والهو لغاية الخمسة وستين "حسب شوفي ومعايشتي للماضي" وجزآكم الله خير لدعمي.. محبة

[عبدالحكيم]

حتى يطمئن قلبك
وبدون فوتوشوب (حتى لاحظي، السكاكات والشبط "مغبر")
;););)

http://www.sudanyat.org/vb/uploaded/851_1614566909.jpg


التدخين يصيب كبار السن بالضعف البدني



رووداو - أربيل


حذّرت دراسة بريطانية حديثة، من أن التدخين يزيد من خطر إصابة كبار السن بالضعف البدني بالمقارنة بغير المدخنين أو من أقلعوا عن التدخين.

الدراسة أجراها باحثون بجامعة أوكسفورد البريطانية، ونشروا نتائجها بدورية (Age & Ageing) العلمية.

وأوضح الباحثون أن الضعف البدني يشمل فقدان الوزن، والإرهاق، والوهن، والمشي البطيئ، وانخفاض النشاط البدني.

وللوصول إلى نتائج الدراسة، تابع الباحثون 2542 مشاركاً، متوسط أعمارهم 60 عاماً، وقسّموهم إلى مجموعتين، مدخنون وغير مدخنين.

كما قسّم الفريق مجموعة غير المدخنين، إلى قسمين، الأول المدخنون السابقون، والثاني من لم يدخنوا مطلقاً.

وأظهرت الدراسة أن كبار السن المدخنين يزيد خطر إصابتهم بالضعف بنسبة 60٪، بالمقارنة مع من أقلعوا عن التدخين أو لم يدخنوا مطلقاً.

وذكر الباحثون أن هناك أخطاراً إضافية للتدخين، حيث أنه يرفع خطر الإصابة بعدد من الأمراض، مثل مرض الإنسداد الرئوي المزمن، ومرض القلب التاجي والسكتة الدماغية، كما يمكن أن يسبب آثاراً سلبية على صحة الأشخاص الجسدية والنفسية والاجتماعية.

وقال قائد فريق البحث الدكتور جوتارو كوجيما "أظهرت دراستنا أن التدخين يصيب الإنسان بالضعف".

وأضاف أن"التحليلات الإضافية كشفت أن التدخين يسبب مرض الانسداد الرئوي المزمن وأمراض القلب".

وكانت دراسة دولية حديثة أفادت بأن التدخين يقتل شخصاً من بين كل 10 أشخاص في العالم، وأن حالة وفاة تقع كل 8 ثوان بسببه.

وأضافت أن التدخين يعد المسبب الأكبر للعديد من الأمراض، إذ أن التبغ هو العامل الرئيسي في الإصابة بأمراض القلب والسكتة الدماغية وأمراض الكلى المزمنة، بالإضافة إلى تدهور العديد من الحالات، ووصولها إلى السرطان.

[بابكر مخير]

التدخين يصيب كبار السن بالضعف البدني


الحبيب حكوم عابد الحكيم
يا صاحب الحكمة..
أكيييييد عمك عارف البلوة دي لكن..
ما هو نوع من الإدمان وربنا يشفي..
أول سجارة كانت 1968 ونعم مرات أقيف وأرجع لكن من 1976 ما ظنيتني وقفت أكتر من ربع ساعة وبس لمن أكون نايم بطولة مدة الوقفان ;)
عمك بابكر في غابر الأزمان وفي غير المكان ؟
كان نشيط وحرك. أها عملتا ليا في لندن جمعية تطوعية وسميتها "انسان" وإشتغلت وإشتغلت معاها في مكافحة المخدرات من خلال التوعية بالمضار ودراسة عن بعد تعاطي المخدرات وسط الجالية العربية. أها بالمساعدة المقدرة من جانبي وجمعيتي قدمت لنا السيدة العزيزة أميرة قرني الدعم الكامل في تحريك إصدرا وريقة عن مضار التدخين.. كنت عملتا الأولى لكن بي ذوقنا الشرقي المزدحم الأشكال مما يفقد الأمر معناه ولكن إبني الحبيب الغالي سامر إبراهيم قام بالتعديل اللازم حتى تمت الموافقة من قبل خدمات الصحة بوستمنستر فتم تمويل الورقة..

ودي النسخة الصدرت بيها الوريقة
دعواتك يابا عمك بعد سنين الإدمان دي ينفكآ :cool:
http://www.sudanyat.org/vb/uploaded/851_1615723575.pdf

[بابكر مخير]

[QUOTE=بابكر مخير;555048]
ودي النسخة الصدرت بيها الوريقة

ودي يابا "العكة" الما إتوافق عليها..
لكن لو قدرتا تقراها هي متوسعة أكتر وكمان قال ليك ترجمة على الشريط :rolleyes::rolleyes:


http://www.sudanyat.org/vb/uploaded/851_1615725073.pdf

[بابكر مخير]

مع الكُبر بتتجاوز حد المعقول بحق الخرف أو العذر أنك ما مؤاخذ. فتباشر في الكلام دون إعتبار لي زمان وكت كان الحذر فرضً يضاهي الإتنزل في الكتب..
وكانت الرقابة هي صاحبة القرار في وضع تصنيفك..
ملحد، كآفر، ذنديق ولا مرتد ..
وكانت برضهو لو قلت شيتن يتوافق وأصحاب الرؤى البتشيطن عن غير حق..
تبقى الشيخ، العالم، الوقر والإمام..
عَينُ الرِضا عَن كُلِّ عَيبٍ كَليلَةٌ ............ وَلَكِنَّ عَينَ السُخطِ تُبدي المَساوِيا
معاهو تسمح لي نفسك تقول الفي خاطرك وتتكلم عن صادق أحاسيسك..
أنا في سودانيات دي..
لقيت إتنين؟؟
في العمر هن عمر الزهور وصحة وعافية..
واحدة بتكتب تنثر حروف والتانية تنشر بلااا خوف..
وحدآ سمرآ ولونها قمحي
والتانية ما ها حمرآ لكنها خاتفة..
من خضرة الجزيرة وجبال الأناضول..
يقولن القول مضاهاتن لي عمهن والعندهو الهوآ يحوشهو...
ليهن محبة في ذاتهن وعشق لي صفاتهن.
عفاف توب العفة وبدور سادة اللهفة
وللتوضيح اللغوي؛ سادة يعني ما يسد بِه رمقه ;)
الجزيرة ما بين جزيرة العرب والجزيرة حقتنا في السودان

[بابكر مخير]

من نعم الكُبر إنعدام الغيرة.
قول مثلن بتحب ليك واحدة ولا واحد ومربط أمرك لي أخرهو. إن هبت نسمة بتغير تقول لمست الخدود، إن مرت غيمة تقول غطت الجسم كلهو الإتا متمني تكوني أو تكون لامهو بي حنان وشفقة، إن إتشربت موية تغير من الكوباية تقول لمست الشفايف وإتي ولا إتا محروم.
وإن كانت هي ولا هو والطرف التاني هي ولا هو. المشي في الشارع يوقد النيران ما خوف يشوفنهو ولا يشوفوها..
واليوم أسود إن كان مدِح، نار لظى بتحرق جوآ القلب.
حسي ويييييين هو ظاتهو الحب؟؟
نعم الكُبر كمان دم الحسد..
والحسد في أغلب الأحيان ناتج عن عدم القدرة في المنافسة في أوجه الحياة المختلفة والحكمة كمان في الهبة البيديك ليها الله من محبة الناس ليك، من سماحة خلقة ومن حاجات كتيرة..
كان الزول بيحسد لمن يغلبهو الشئ يعملهو غيرهو، بعض يحسد في القرش، بعضهم يحسد في الشطارة والبعض بيحسد في حمرة "المؤخرة"
حسي ويييييين مع الكُبر ما هو الزول ما طامع في شيتن منها الزايلة..
الكُبر دآ السمح فيهو..
نقاء الروح :):)

[عبدالمنعم الطيب حسن]

سالت استاذي السر عن صاحبو ودفعتو المترجم عبدالله، ياخ صاحبك دا مالو بقى زهجان كدة
قال لي: ماعندو اي حاجة، الكُبُر بس
ياخ الكبر دا بزهج زهج شديد خلاص،
....
ياخ الموت اكان خلاك الكبر ما بخليك
...
لك العمر كله يا دكتور يا امير،

[بابكر مخير]

لك العمر كله

نعومي الحبيب
قولنا سمح وطعمه ينضاق حلاوة حتى لو سماعهو في الإضنين.
قولنا حق الحبوبات والجدود والإتوارثهن الآمات والأبوات، يقالدك بحضن داااافئ وحنين.
وخاصتن بعد دخول المحسنات اللغوية من حق خيلانا ولاد بمبا وأهل الشام أهل الأوردية والأمهرية..
ليك العمر واحدة منهن وهي تقال وكأن العمر ليهو مقاييس محددة وهو شئ خارج عن قدرة البشر وهو بيد العاطي المعطي..
أتذكر شيخي الحبيب دكتور حاكم مرة قال ليا:
تعرف يا بابكر مشكلة الموت من عدمهو دي عند صاحبها والقال عن نفسهو: الله أحد، لم يلد ولم يولد وذي ما بيقولوا ناسنا في السودان "يا الماك سر زول (يعني ما قريب زول)" فما في طريقة لي واسطة ولا بلصة، يومهو اليقول خلاص. يبقآ خلاص...
لا وكمان الأكثر إدهاشً، قولة: إن شاء الله أخر الأحزان.. وكأنهو القائل والمتلقي القول هم خالدين فيها أبدءا أو كأنها تمني بأن الإتقال ليهو الكلام دآ يموت قبل أن يسمع بموت شخص يحزنه موته..


لكن أكيد نعومي الحبيب
لك صادق المحبة وجزيل الشكر وربنا يحفظك ويغطيك ويمتعك بكمال الصحة وتمام العافية..
الكُبر الله يلعنهو..
تنطبق عليهو قولة الكرآر؛
"لو كان رجلا لقتلتهو"

[بابكر مخير]

زحزحة ... زح يزح

[SIZE="5"]وإحنا صغار كانن مفردات تستعمل في الكلام والواحد فاكر أنها ياها دي اللغة العربية كلها وأنهو دآ أخرها. مرت الأيام وكل يوم تجيك مفردة إما جديدة أو مرادفة أو ذات صلة ولكنها لا تكتب بالأحرف العربية (ممكن بالرسوم للغات أو احروف من لغات قديمة وحتى بعضها إنقرض ذي ناس الهيلغروفية ولا بعضها عاض بالنواجز للإستمرار ذي اللاتنية في الفتيكان أو الإغريقية أو الأمهرية)..
كانوا بيقولوا ليك. زح الحاجة دي وكان طوالي تقوم بفعل أنك "تقيم هذا الشئ من مكانه" ولا زح ليا كدي بمعنى أبعد عن طريقي أو أنهو راكز ذي الجبل وما بتزحزح بمعنى أنه في مكانهو ثابت..
جونا أهلنا من التعايشة والزيادية ليدخلوا علينا مفردة تحمل المعنى وهي كسكس وعرفنا أنها تعني زِح وبعدها كلمة توُّر وبنفس المعنى وإتضح أنه في كتير من بلاد ناطقي الضآد يقال: أبعِد أو قوم وبعضهم يقل ليك؛ إنقلع...
مع العمر تزيد المعلومة إتساع وغير التجارب من الأمور شيتن عجاب..
الكُبر سمح بديك فرصة تتعلم أكتر.
لكن؟؟
ما بتستمع بيهو لأنهو بقآ ماضي :(

[بابكر مخير]

الحبوبات يا حليلهن ليهن أكثر كبير في هز الشخصية السودانية. الله يرحمهن كانن هي مبعث أول كضبة الواحد يعيشها.
لمن وعييت وفتحتا والأمور قدامي بقن واضحات وبدت أخطائي تكتر ومصيرها ديمة كان عقاب. كانت الحبوبة هي الدرع الوارهو تتمركز عشان يصد عنك شديد التعنيف وكم من أنواع التعذيب المختلفة الواقعة تحت مسمى العقاب ومنها؛ الكف الساداتي والكف الصاموتي والفلقة والجلد بأدواته المتنوعة. بدء من الحبل المبروم ومجندل ضفاير مرورا بأفرع الشجر من نيم وأعواد البان من بسطونة لين العصاية وحتى دخلت الصناعة الحديثة لتضيف حبال مغلفة بالنايلون وبالوان زاهية في الأصل كانت بتتستعمل لجلادة الكراسي والسراير الحديد والتي تسودنت فصارت للعناقريب.
الجدود كانوا شوية متحفظين فكانوا بمُكر يحولوا شدة الموقف لي تخفيف ويصيغوا ذلك تحت بند الماضي وأيامهو. فيذكر ولي الأمر بأنه كان في غابر الزمان طفل ويخطئ وهذا كان سلاح ذو حدين. فلو كان ولي الأمر مشاغب ودائم يعاقب بشدة وطراوة. أكيد ما حيستجيب لي شفاعة الجد وسينزل العقاب بعنف ما كان يخضع له في ماضيه ولكن لو كان الجد من أولائك النفر الرحيم فهنا أنت تكون إستفدت من حماية الجد وهو أنقذ الموقف دون أن يكذب ذي الحبوبة..
يا أخي دي وإتا كرعينك مخرخرات بسبب التشطيف السريع من غبار الدافوري وهي ممكن تحلف أنك كنت معاها في بيتها المجاور بنفاج يربط الأسرة بالجيرة تقوية لرابط الدم وفي حينها ولي الأمر بيمشي الموضوع قدامها إحتراما لكن بعد كل صباح نسماتهو تفرح بيجي نهار شمسهو تسيح دماغ الضب وليلهو حالك دون كهرباء وإضاءة شارع وإن قلتا هم نسوا، فأنت واهم لأنهو الحصل بس. تأجل عمل اليوم للغد ليتم النجر والجزر وكانهو العقاب أضيفت ليهو خميرة بيرة ويزيد بدل كورية شوربة حتى قدح العصيدة ما بيوسعهو. ما هو القصة أنك في وكتها كان العقاب حيكون حسب المزاج في وقتها، ممكن كفين تلاتة وشلوت علي الماشي. لكن الحبوبة الله يرحمها غير أنها سمحت لولي الأمر أن يخطط بي رواقة ويفكر في أقسى أنواع العقاب أولن للخطاء الذي أُرتكب وثانيا أنهو ولي الأمر كرنر الحبوبة ووضعها في مأزق الكضب وأنهو العقاب بمثابة تضحية لمغفرة كضبة الحبوبة..
الكضب قصتهو مجتمعيا في السودان طوييييلة لكن فيها فجات راكزة وجميلة..
بين الجدود والحبوبات، الأباء والأمهات، جيلنا منهن ومننا ولي للناس الحسي..

[بابكر مخير]

الكضب قصتهو مجتمعية في السودان

الكضب لو إتعملت إحصائية عالميا. بيتخيل ليا نسبة الذكور حتكون أعلى وممكن دآ يرجع لي عامل قوي جدا، الا وهو أن الكون يغلب عليه عنصر الرجال.
هنا من التفاسير لمعنى الكلام دآ؟
الرجال بغلبتهم دي بيسمحوا لأنفسهم بكل مسموح مباح وحتى ممنوع ما بيصح.
عديل وبي حمرة عين يكذب ويكضب ويقول غير الصدق ويلوي عنق الحقيقة لمن يفطسها.
بكضب في علاقاتهو الخاصة والعامة والأسرية ولا بتلفت
بكضب بفكر ميكفليي
بكضب بمنهجية بغاية الرزق والإسترزاق والعيش برغد
بكضب من باب الفشخرة وبكضب دون خوف أو محاسبة لاحقا.
يقولوا أنه الكضب أنواع والوان..
كضبة بريئة وكضبة بيضاء..
الشخص الكذاب؟؟
أنا بيتخيل ليا أنهو بشوف روحهو صاحب ملكة فوق العادية. فهو أكثر من الممثل قدرة وأنبه من البشر العامة مع حقيقة الأمر أنهو بيلعب بي شخصتهو وبختها في محك الإنحطاط حين تكشف الكذبة فيهوي الي قاع بئر الإنحطاط ويصبح شخص تافه لا يثق في حديثه ولا يحترم في شخصه..
ما هو الكضب حبله صغير..
في بعض الحالات يكون الكذب لست بقصد السوء وتبقى عليهو قصة إما لإسترضاء مرغوب أو لعقاب مرهوب ومثل هذا الكذب غير ضآر ويمكن أن يضمن ككذب برئ و كذبة بقصد إصلاح وسماح وإرضاء وهذا الكذب الأبيض..
مشكلة الكضب غير قصر حبله إلا أنه يستوجب عند الكضاب قدرة عقلية جبارة وعلى هذا يقال: إن كنت كذوبا كن ذكورا..

[بابكر مخير]

الحبوبات يا حليلهن ليهن


الحبوبة
هذه الشخصية التي نعمنا في طفولتنا بوجودها
لمن تقالدك تتشمشم فيك بمحبة وحنية خالصة. حتى لو كنت مغبر ومكتح ولا حتى راجع من الزريبة جنوب سينما العرضة ولا سوق السمك في الموردة ولا الخزان بجبل أولياء أو مثلن من القماير فهذه الأماكن من على بعد وريحتها نافدة وقوية منها ما يزكم المناخير ومنها ما يدوش الرأس ومع دآ برضك تغمتكآ بقوة مبعثها المحبة الصادقة.
الحبوبة شخصية تجسد ليك قيمة التسامح، فهي إن غلطتا مغطياك وإن حزنت ياها الحتجر مفحضتها وغامتا ليك البفرحك وحتى في كتير من الأحيان لمن تكون مفكر ليك في مشروع هي أول زول تصارحها بيهو لأنها بحاسة ما فوق وما تحت الأمومة ( على وزن فوق البنفسجية وتحت الحمراء) وبرادارات إستشعاراتها الغير عادية تكون عارفة أنهو في شئ في داخلك. كيف لآ وهي الربت أبوك وأمك وخيلاتك وخيلانك وعماتك وأعمامك يعني خبرة من تجارب متعددة ومدعوة بحب يفوق قيس وليلى ووتاجوج والمحلق وخاصة لو في مشروع مستقبلي فهي.
أولن تبادي بتكون أول الشاعرين بأن هناك أحاسيس داخلك ومتكتم عليها وبحقها المكتسب في أن تكون الأجراء في مبادرتك حبوبتك وأكبر سلطة في البيت: مالك يابا ذي الشئ حاقص بيك في قلبك ، كدي تعال جمبي وقول ليا.
ثاني شئ هي الملمة بكل إخفاقاتك وإجرامك والديمة بتحميك فواجب عليك أن تشاركها الأمر فقد تحتاج لدعمها..
رغم أن الحبوبة هي الحبوبة لكن وذي ما بتقال: في خيار وفقوس..
الحبوبة من جهة الأب أم من جهت الأم؟؟
المعايش أنهو البت دايمن لي لأبوها والولد أقرب لي أمهو وهنا تجي حكاية الحبوبة أم ياتهو فيهم.
بتذكر وإحنا أطفال وظنيتني ذكرتها قبل كدآ. حبوبتنا نفيسة كانت ياهو ساكن الحوش بعد وفاة جدي بابكر وكان يكاد أننا كل مساء بنمشي ليها في الحوش وتعليقها كان لمن نجي "مدينة جابت الجهادية بتاعينها" هو طبعن ما كره لينا أكيد ولربما يرجع لأن عدد كبير من أسرتها إستشهدوا في فتح الخرطوم من قبل جيوش الأنصار لكن كما المعاملة المعاكسة كانت من السيدة بتول الأمير يعقوب لمن ندخل عليها في بيتها.
الحبوبة هي ياها الباقي ليا ديمة ظاتها ما بتتغر في طباعها حتى لو تغير المكان ولا الزمان (أذكر على سبيل المثال حبوبة أولاد يوسف أخوي وهي أيرلندية في القرن الحادي والعشرين. كم هي إمرأة جميلة وعطفوة على إبراهيم ومدينة من هنا لها التحايا)
رحم الله حبوباتنا كان من جهة الأم ولا من جهة الأب فقد كانن رحيمات، كريمات وطيبات...

[بابكر مخير]

العزيز حسين عبد الجليل..
توجع على الوطن وعلى الأحبة في مقابر فاروق وزاد وجعه تغيير محطة التعاون لي محطة بشدار..
وظنيتهو لو كان حالهو حالي
كان ما إتوجع. لأنهو الوجع لمن يكتر ويشد
البيحصل أنهو الزول بيتبلد وببقى لا بحس ولا بشوف ولا بيسمع.
والأحسن يبقى سادي دي بي طينة ودي بي عجينة..
الحصل أني سافرت مشيت قريت برآ ولمن رجعتا؟؟
كان مفروض أتوجع لمن جامع الخليفة إتغير والمولد بقى في فسحة بين البيوت شمال شرق أمدرمان, لكني ما إتوجعتا لأنهو البيحصل أنهو الوجعة المؤلمة بتغلب الوجعة وشارع النيل بقى أقرع دون شعر يغطيهو من هجير الشمس وشارع الجمهورية بقى صاااااااااني بعد المغيرب وضلمة.
وسافرت تاني وكت كتا ملاحظ في البوليس ولمن رجعتا ما إتوجعتا أنهو البوليس بقآ الشرطة الملاحظ بقآ نقيب والأسكلآ إتوزع بين متحف وقاعة..
رضيت بالنقيب وبي البوليس وجاء الوجع الأكبر. وسُفرتا.
أديتها صنة زيادة عن تلاتاشر سنة خوفن ما أتوجع بأني ألقى البوجع أكتر من الوجع دآك..
ورجعتا.
جنينة النزهة "حديقة الحيوان" بقت فندق خمسة نجوم وصينية الحركة بقت بلا حركة وإتجاه واحد..
وعفراء بقآ عندها تنل ومول وروتانا كمان في اللصق هوتيل.
لقيت المعهد الفني إتغير لي التقانة وقدام المطار في شارع أفريقيا صرح إسمه نادي ضباط القوات المسلحة والجامعات بالهبل وكافوري لا لبن ولا حليب ما هو بقآ سكن العسكر.
ما هو ذي ما قلتا ما في شئ وجعني في أمدرمان. لأنها حافظت على شكلها حتى مبني الإذاعة والتلفزيون والمسرح القومي ودار الرياضة ياهم ظاتهم وطبعن الفضل ما بيرجع لي الإنقاذ في أنهم عملوا حسب توصيات اليونسكو في أنه أمدرمان العاصمة القومية موقع تراث تأريخي. أبدن الفضل في أنهو ناس الإنقاذ ما شافوا فيها كجة ذي الحتت الإتقاسموها بيناتهم.
ومراعاة لكِبر سني وأكيد أنهو الوجع الجسدي الواقع فيني بيكفيني.
فما مشيت تاني اللهم إلا قبل كم سنة ولي يوم واحد ومن المطار لي بيت العزاء وبالعربية ظاتها الكانت مضللة..
بفتكر أيتها زول وهو برآ وممكن يتوجع. أخير ليهو؟
يقعد في حتتهو .......

[ود المامون]

.. اخي الحبيب وكبيرنا .. دكتور بابكر

.. السنوات الذهبيه .. هي هذه التداعيات .. والاشارات الذكيه .... للاجيال
.. لكي تتعلم من التاريخ و .. الخبرات التراكميه .. وفي هذا العمر ما اجمل الاحساس بحاله الرضا ... والشعور بالالفه مع الاخرين ...


.. كل الحب ..

[ود المامون]

[QUOTE=بابكر مخير;555190][B][COLOR="DarkGreen"][SIZE="5"]الحبوبة
هذه الشخصية التي نعمنا في طفولتنا بوجودها
لمن تقالدك تتشمشم فيك بمحبة وحنية خالصة

زز



الحبوبات ..
اه .. يادكتور
الحبوبه .. مشتقه من الحب ..
وانا تربيه حبوبات ...
.. و ...
.. هبشتني في اللحم الحي ...

لكن بمشي .. وبجيك صادي .. لانه ... يتعين علي اول ان
.. ( اترس ) ... تحسبا للفيضان ..لان منسوب ..... ( بحر الموده )
.. عالي
و لو .. انكسر .. ترس .. الذكريات .. حا يجرفنا .. فيضان الحنيه ..
و نغرق ..
وحا يشيلونا .. ( للطواري )

..اصلو ما في شي كاتلانا .. غير ..( العمته ) ..و ,...
( الشمه ) ..و .. ( العصره ) .. واللبده بقربهم .. تحفنا هذه الهاله .. من الحب.. والعاطفه

..و بالتاكيد ...يا دكتور
.. نتاج تربيه الحب .. دي
.... شخصيه عاطفيه ..
.. تتبع قلبها وعاطفتها .. في كل امور حياتها ...تتاثر بالذكريات .. وتسيل
.. دموعها ..عندما تحركها العواطف ...

.. بجيك صادي

.. كل الحب ..

[بابكر مخير]

.... شخصيه عاطفيه ..
.. تتبع قلبها وعاطفتها .. في كل امور حياتها ...تتاثر بالذكريات .. وتسيل
.. دموعها ..عندما تحركها العواطف ...
.. بجيك صادي
.. كل الحب ..

قولك يابا الفوق دآ..
في ذِكرهو بيطابق زولن ظنيتهو إتنينتنا نتشارك في معزتهو..
زولن رقيق الحواشي وقوله أصلن ما بفوت الذوق..
كلامهو عذب، أسهل من السلسبيل بنبلع وأحلى من سلسبيل الجنان..
أكتب وأنا أسطر من هنا ليين هنووووك وبرضك ما بلحق...
دحن شوف جنس دآ :cool:
(ابرق ببسمتك التى لو اشرقت ..
.. ما اختار اهل الارض شمسا غيرها ...
.. وهى التى من اجلها قد اطفئت نار المجوس ..
.. وهى التى نحيا عليها فى زمان القحط .. والدم .. والهزائم ..)

https://www.alkhaleej.ae/%D9%85%D9%84%D8%AD%D9%82/%D8%A7%D9%84%D8%B4%D8%A7%D8%B9%D8%B1-%D8%A7%D9%84%D8%B3%D9%88%D8%AF%D8%A7%D9%86%D9%8A-%D8%B9%D8%A7%D9%84%D9%85-%D8%B9%D8%A8%D8%A7%D8%B3-%D9%86%D9%88%D8%B1-%D9%84%D9%80-%D8%A7%D9%84%D8%AE%D9%84%D9%8A%D8%AC-%D8%A7%D9%84%D8%AB%D9%82%D8%A7%D9%81%D9%8A-%D8%A3%D9%86%D8%A7-%D8%A7%D9%84%D8%AC%D9%85%D9%87%D9%88%D8%B1-%D8%A7%D9%84%D8%B0%D9%8A-%D8%A3%D8%AE%D8%A7%D8%B7%D8%A8%D9%87.
راجيك تصد وريتك تلكع... :cool::cool:

[ود المامون]

[QUOTE=بابكر مخير;548786]http://www.sudanyat.org/vb/uploaded/851_1577109476.jpeg
[B][COLOR="DarkGreen"]
أ
المرة التانية كان جانا برضك يوم أحد السير بول مكارتني في الحقيقة جابتهو بتهو ظنيت إسمها تشيلسي اللهي كانت زبونة مستديمة. أها برضك عنظتزت الرباطاب فوتت عليا أتصور معاهو..


>>>>


كبيرنا .. دكتور بابكر

نهايه اسبوع سعيد ....





الذين صافحتهم ... يشبهون الالهه .... في الميثولوجيا الاغريقيه
اولا
الراس تافاري هيلاسلاسي ... نسل بلقيس .... اهل جامايكا يعتبرونه ... الها ... وان بلاده هي ارض الميعاد ... زار جامايكا وهطلت الامطار ... واهل جامايكا كان ما بخافو ... الكضب .. قالوا شاهدو اثار المسامير علي كفه عندما رفع كفه للتحيه ... واحرج البابوات في الفاتيكان وخلاهم يتضايرو ...

دحين يادكتور .. انت صافحت .. هذا الاله .. هل شاهدت اي اثر للمسامير علي كفه !!!!


ثانيا

بول ماكارتني
كاتب نصوص وايات .. ديانه ... البيتلز التي اجتاحت كل الكره الارضيه ...كالزلزال .. ملؤ العالم صخب وضجيج ... وثقافه ... وهوس ... وانقذوا العالم من الملل
وفي حمي .. الاجتياح التي انتظمت كل العالم ... قال كبيرهم في تصريحه الشهير ...في الستينات

We are more popular than Jesus ……..
غايتو يادكتور هم موجودين الي الان !! واهو .. جون لينون .. وشعار اغنيته
Imagine
Above us only sky
يزين مطار جون لينون في ليفربول ...

دحين يادكتور .. وقت الاله ده دخل مطعم الماندولا السوداني .. وضرب الشطوط ... كان توثق للكلام ده بالصور ..
كان الان مطعم الماندولا .. مقصد ومحجه ... للمهوسين من كل العالم ...
وان منطقه

Westbourne grove

سوف تصبح اشهر من

Notting Hill Carnival

اليوم الجمعه .. المائده كانت .. الكسره والمفروكه ... قلت لصديق .. بان بول ماكارتني .. ضرب كسرتنا دي بالمفروكه ... نظر لي بكل اشفاق وقال لي .. ياسيد .. انت رجعت لي ايام .. الهيبز .. والهلوسه .. تاني !!!

الثالت

جواهر لال نهرو
ده الاله ... الذي ... اخترع الهند .. بعد كلام ونستون تشرشل داك ... بان الهند حاله جغرافيه ...

والاله ده ... في باندونغ .. استغني عن منديل حبيته الابيض .. و كتب عليه .. اسم السودان .. باللون الاحمر ... لما الاونطجيه كانو عايزين ياكلو بعقلنا حلاوه !!!.....

مرفق فيديو لزياره نهرو للسودان

نحتاج منك
تدينا
Long shot / wide shot
كما يقول اهل السينما ... وهذا يعني اظهار المشهد بكامله والبيئه المحيطه به ....
و ...شعورك .. وانت تصافحهم .. و هيئه هولاء االاساطير علي الطبيعه ...
وهل احجامهم الجسمانيه علي الطبيعه ... تتطابق تماما .. ما شاهدناه في شاشات التلفزه ...

دعوه لتنشيط الذاكره ... عشان .. نقطع لسان ... سموره

!!!







كل الحب ...






https://www.youtube.com/watch?v=GBimuwfHYJk

[بابكر مخير]

نحتاج منك
تدينا
Long shot / wide shot...........
دعوه لتنشيط الذاكره ... عشان .. نقطع لسان ... سموره


إتا يابا دعيتني في شأن أنشط ذاكرتي. لكنك فرملتني بي "سمورة"....... باقي هي بترصد ولا طيارة الآواكس وإن إستوجب الأمر تلقى قاذفات (بي 29) عندها جاهزة وتلحق الزول هيروشيما.. وقدراتها فايتة مارجريت كاميل، إن لمت في طرف خيت تهرول ولا رابحة الكنانية وتوصلهو بي ضبانتهو وطبعن دي المقدرات الصعبة أنهو الزول بخفي نفسه تحت مسميات عديدة.. أنقر غير سمرآ. تاني منهو ;)..
أها أنا حأتبرع وأديها طرف خيت. ما هو أصلهو الشطارة في محاربة الجواسيس أنك تديهو طرف خيت وأهي وتشغلهم بيهو وحتى الإف بي آي ظاتهم يلفوا بيهو وما يقدروا يفهموا حاجة..
شوف بقآ يا سيدي ندخل في لب الموضوع وطرف الخيت......
الحاجة البستغرب ليها أنهو البعض بيمز باللب واللب هو أنواع؟؟
اللب الأسمر والبنقول ليهو الجُرم ودآ كان مشهور خالص بين رواد دآر الرياضة بأمدرمان. أما اللب الأبيض فهو مشهور جدا في مصروبسموهو التسالي وعند الباعة تلقاهو مقومنهو ذي الإهرامات وينادوا "آزئز، أبيض يا أبيض" وعند أهل الشام الأكثر شهرة هو لب القرع (القطين). بتذكر في طفولتنا للترغيب في قبول طبيخ القرع أنهو بيقولوا الرسول صلى الله عليه وسلم كان بيحبهو. قال دعا رسول الله صلى الله عليه وسلم رجلاً، فانطلقت معه فجيء بمرقة فيها، فجعل رسول الله صلى الله عليه وسلم يأكل من هذا الدباء ويعجبه. (عن انس بن مالك رضي الله عنه، قال دعا رسول الله صلى الله عليه وسلم رجلاً، فانطلقت معه فجيء بمرقة فيها، فجعل رسول الله صلى الله عليه وسلم يأكل من هذا الدباء ويعجبه). طبعن بالأمهرية دبآ هي القرع...
يا زول عمك سرح فأخير نرجع لي لب الموضوع بدون تسالي :). لكن بالشوتات ال Long shot/wide shot..
أنواع الشوتات والكنا بنسمع عنها "منتهى البراءة:eek:" هي التكيلا والإسلوفافيتسا وB 52 وفي واحدة إسمها البازوكآ، دي شمومة سآكت تروح الزول...
في زمن كان مسموح بيهو ياهو الأبيض ضميرك هو أساس وسيد الشوتات في السودان وحتى الفودكآ ما كانت معروفة..
سمعت أنهو لمن طرح موضوع بيع الخمور والمطالبة بحظرها في المجلس التشريعي الأول. طالب بعض الأعضاء بأن الأمر يترك لصلاحيات المجالس البلدية وهي التقرر ما بين السماح بالبيع وبين عدمه.. يعني موضوع شربهو كان يعوم ما بين (منافع ومضار)...
منتهى الإعتزاز بالإبنة الصديقة عفاف

http://www.sudanyat.org/vb/uploaded/851_1618189040.jpg

[بابكر مخير]

مرة أتذكر وفي مجلس وعامل فيها أني ناقشها للطيش وفهم وفلسفة وشئ لا تعرفهو علماني ولا رؤية دينية فاسفية على طريقتي. يعني المهم فيهو تساؤلات وإجابات إستغرب لها البعض وتحفظ على التعليق فيها بعض أخروكان بين الحضور السيدة الفضلى حسب سيدها بدري.
بين السطور يبدو أن بعض الروؤى ما كانت مهضومة خالص ليها وعلقت بقولة ظريفة. إن شاء الله بنحضر اليوم التقعد تفتي لينا فيهو وتنصح وتبقى فيهو مولانا..
إتذكرت الحكاية دي حسي لمن لاحظت أنهو الناس تتداول مسميات ولمن ترجع لي معانيها في اللغة. بتكون أبعدها أعمق من الفهم السطحي يعني مثلن قول حكاية "الصلاة" هل ممكن تكون هي لحظات صفاء "الصلة" بين العبد وربه مع الإحتفاظ بوجوب أوقاتها وطبعن برضك في من يقول أنهن الذكرن في القرآن عددهن غير البيمارسهو الناس وخاصة صلاة العصر التي بعضهم يقول أنها المعروفة بالصلاة الوسطى وأنهو بعض العلماء مع وضوح أن الصلوات كما ذكر في القرآن مربوطات بتوقيت محدد منها الفجر والوقت الفاصل بين الصبح وام بعدها والوقت الفاصل بين الضوء والظلام وكدآ يعني.. كما أنههو الصلاة ما بس هي شية مسلمين بس ولا أول ما شرعت مع الإسلام فمن قبل اليهود والنصارى كانوا بيصلوا.
ومثلن التسبيح هو ما بس الحركة في والعدد سواء بالأصابع أو المسبحة. فمن وذي ما بتقال (من نلفلة القول) أن كلمة سبح تعنى أكثر. وهنا بفتكر المقصود هو الإكثار في ذكر المولى بأيتها صورة من الصور وما شرطن الصورة المتعارفة عامة وهذه الممارسة من الحاجات برضك المشتركة مع الديانات التانية لو تلاحظ المسيحيين في الفاتيكان شايليين السبح وبتذكر أيام الدراسة الجامعية في تشكوسلوفاكيا كنا بنمر بي اليونان وشئ تلاحظة بشدة وإتا قاعد في واحدة من القهاوي المرصوصة حول ميدان أمونييا. أنهو كتيرين من الرجال شايلين سِبح وطوالي يسبحوا بيها وبرضك أتذكر في بيروت على الرووشة نفس المنظر وكانوا كلهم مسيحيين..
والله أعلم

[بابكر مخير]

هي دي ماشة لي وين؟؟
زمن شفع كان الحاكم العام وهو خواجة ومستعمر ولكن كمان كنا شايفين السيدين كما أنهم هم بالنسبة لينا السودانيين هم أكبر من الخواجة الحاكم إداريا. لأنهم سودانيين وشخصياتهم متجمع حواليناها السودانيين بشقيهم الأوسع والأكبر (ختمية وأنصار) وغير كدآ كانوا هم الإتنين أصحاب الحل والربط..
كبرنا شوية والحاكم العام بقى هو رئيس الوزراء وهو سوداني وبرضك السيدين هم الأقوى وهم أصحاب الحل والربط..
وكمان كبرنا تاني ومن رئيس الوزراء! الحاكم بقآ ضابط في الجيش وبي هيبتهو لأنهو هو كان القائد العام وطبعن الجيش حسب المعروف أنهو جسم وطني خالص، لا يظهر ميل لا نحو أي من السيدين ولكن كمان وبما أنهو طائفة مهنية غير صاحبة سند شعبي فكان لابد لها أن تعمل على إضعاف عظمة السيدين لتكسب قواتها. لكن كانت قوتهم أشد وصامدة أمام هذا التحدي ومع مجموعات متنوعة من قطاعات الشعب وهي طائفية المزاج أيدلوجية المذاهب ومن غير أصحاب الإنتماء لجماعات السيدين وإن كان معظمهم أصحاب أوصل مرتبطة بالسيدين. أُزيح الحاكم العسكري..
يذكر أنهو حتى في فترة وما قبل فترة حكم الحاكم العام. كان السيدين نظموا مواليهم وأتباعهم في تشكيلات سياسية داعمة لرؤية أحد السيدين واللذان كان بينهم إختلاف نحو مستقبل البلد هل يحافظ على التاج المصري كسلطة أعلى أم يتخلى من الحاكم العام الخواجة وأتباعهو من أهل التاج..
ثم كبرنا ونضجنا أكثر وهنا بدأت روح الشباب تؤثر على إنتمائتنا فكان الواحد يبقى على بينة من أمرهو سياسيا وأن يختار بين حزبي السيدين أو يتجه نحو واحدة من الطوائف الأيدلوجية "كما أذكر أنهو عبد الرحمن فرح قال خوفا من أنهو يوصف بالبيبسي فقد إحتار الإتجاه الإسلامي" وقد إخترت الحزب الذي لي به روابط تأريخية وأسرية وثقافية. (بتذكر أخواني الكبار الزاملتهم في دراستي الجامعية، كانوا يطلقوا عليا قولة رجعي)..
وأنا في هذه المرحلة العمرية عادت الحياة لمسار ما بعد الحاكم الخواجة وما تبعها من حكم رئيس الوزراء السوداني والحاكم العسكري لحاكم هو رئيس وزراء.
لكن طائفة العسكر ما هان عليها أن يحكم البلاد غيرهم وهذه المرة لم يكن له هيبة قائد حاكم ولكن من الرتب الوسطية وحكم بسطوة ودكتاتورية لكن الشعب أزاحهو وعاد رئيس وزراء ليحكم..
في سن العمر الوسطي تحالفت فئة بسيطة مع طائفة المزاج الأيدلوجي الإسلامي وجاء مرة ثالثة حاكم عسكري..
هذه الدوامة الما معروف ماشة لي وين. أستنفدت من العمر الكثير فشاب الشعر ووهن الجسد وذبل الرأي..
بعضهم يقول العبرة في الخواتيم. لكن مع الحاصل دآ أنهو الخواتيم حتكون ثالثة الآثافي..

[بابكر مخير]

في أيام وأوقات الشدة..
منقول وعن الرواة أن عمر بن الخطاب في سنيين المجاعة أوقف حد القطع والله أعلم بذلك)..
ومنقول أيضا أن الرسول كان يضحي بكبشين واحد لآل بيته والاني للمسلمين...
الحبيب بورقيبة عمل الحكاية دي برضك؟؟
الكرونا هذا الوباء..
غسيل اليدين بصورة متواصلة، لبس الكمامة، التباعد هذه من المتطلبات الأساسية للتصدي لها..
كما يوصى بأن يكثر الناس في شراب السؤال..
وهنا السؤال ونحن في هذا الشهر الكريم؟؟؟

[بابكر مخير]

http://www.sudanyat.org/vb/uploaded/851_1619693582.jpg

مّا نَعى الناعي كُلَيباً أَظلَمَت
شَمسُ النَهارِ فَما تُريدُ طُلوعا
علم شامخ رفرف في سماء شرطة السودان
سعادة الفريق عبد الله حسن سالم

كان لي معاهو الله يرحمه حادثتين.. في 1977 أعددت دراسة عن ظاهرة تعاطي البنقو في العاصمة القومية وكان محتاج فيها لي تفرغ. طلبت من مديري المباشر ووافق ورفعها لي مدير المباحث وكتها ولكنه ما وافق فما كان من ديري المباشر وأخي لاحقا دكتور حاكم إلا أن عرض الأمر على سعادة الفريق عبد الله فوافق ووجه بأن تقدم في المؤتمر العربي الثالث الذي عقد في الخرطوم وقد شرفني شيخي وأخي دكتور حاكم بأن أخذ هذه الدراسة كمرجع في طرح الدكتوراة بتاعهو. الصورة الفوق لي سعادتهو ومعه من ضمن ممن في الصورة دكتور أيا تونج وزوجها أرثر تونج مدراء المجلس الدولي ضد الأدمان والكحول منظمي المؤتمر.. التانية كنت لقضاء أمر ما في مباني رئاسة الشرطة وإذا بي وجه لوجه مع سعادتهو وفي حينها أظلمت الدنيا أمامي وتمنيت لو إتفجت الواطة وبلعتني ولا الأقيهو وفي ذهني قصة شقيق الرائد بيرم حين أمر سعادتهم بي إيقافه لأنهو ما كان لابس الكاب وأنا دآك وكتها قاصي القميص نص كم والبنطلون شارلستون ما دآك جراب البندقية البتفصل عن عابدين عوض والكآب كان وارد مصر ما البتصرف من المخازن. وبهتا أنهو بعد حيتهو التحية العسكرية مدآ ليا يدهو مصافحا وكتها وقعت الطامة الكبرى حسب تقديري؟ وأنا لابس الساعة في اليد اليمنى مع المصافحة بيد اليسرى مسك الساعة وقال ليا: ذي الأنانيا 😳 وإبتسم وأنا في وكتها شفتا في تلك البسمة "يوفُونَ بِالنَّذْرِ وَيَخَافُونَ يَوْماً كَانَ شَرُّهُ مُسْتَطِيراً".. بي قدرة قادر ووصلت المختبر وجري فوق للمعمل وأمني النفس بلحظات هدوء وسكينة وأن يجف فيها عرقي المتطبب كشلالات نياجارا قبل أن يراني أحد لأني وقتها كنت أشبه بالموتى من للأحياء المرعوبين. وحدث ما حدث؟؟ هول وصاقعة وقعت في رأسي دخل فراش رئيسي المباشر وقال ليا: سعادتهو حاكم عايزك ضروري.. أووووبس ومعناها الفاس وقع في الراس.. دخلتا وكان هناك نفر من قادة الأدلة منهم سعادة العقداء محمد يوسف وعمر ساوي والحكمدار عبد الرحيم عبد القادر والذي تحت نضارتهو السوداء شفتا حزن دفين على ما سيحدث لي.. بادرني شيخي حاكم قائلا: يا مخير المدير قال عايزك. ليييه عندك فكرة؟؟.... إرتخت عضلاتي أرجلي وتخلت عن مسئوليتها في دعمي على الوقوف وتنهدت متحشجرا وحكيت القصة بحذافيرها وهنا شعرت الأخوة من قبل هؤلاء الحضور حين تعاطفوا معي على الخير والوعد الجميل بأن فترة الحبس ستكون في غرفة المناوبة وبأنهم سيتعاونوا معي في أن أتسرق مرة مرة كدآ للبيت وفي حالة الوهن التي كانت أوضح من شمس السودان الساعة إتناشر ظهرا وفي فصول لا فيها مطر ولا حتى سحابية واحدة. وجه سعادتهو حاكم عمنا يحي كبير السواقيين أن يأخذني بعربية الإدارة ويستنى وطبع الإفتراضية أنهو حيجيبني للحبس "الإيقاف".. وصلتا وفي مكتب مدير مكتب المدير العام شايف خواجات وحاجات وكميرات ودنيا. إفتكرت أني حانتظر الي أن يفضى ليا سعادتهو وياخدني سولو لكن مدير المكتب قال ليا: أدخل المدير مستنيك 🤔... الله يعني حتكون محاكمة معروضة في وسائل الإعلام.. تماسكت وحييت وقبل كدآ كنت ملصتا الساعة بلا أنانيا ولا بلا حركات مسلحة... قال سعادتهو: يا مخير الجماعة الخواجات ديل بيعملوا في انسايكلوبيديا عن أزياء الشرطة في العالم، فإتا ياخدوا ليك صورة عن لبس الضباط وشوف من صف الضباط والجنود نفرين كمان عشان يصوروهم.. إنزاح الهم وكان أن تمت المهمة ووضعت في انسايكلوبيديا وشفتا منها صورة عند أحد الضباط في شرطة دبي عام 1990...


http://www.sudanyat.org/vb/uploaded/851_1619693657.jpg

[بابكر مخير]

الجار قبل الدار
قالوا قصة المثل دآ: أحدهم ضاقت بيهو فقام عرض على جارهو في البيت الهو ساكن فيهو بمبلغ أكتر من السعر. قام الجار واجهو بحقيقة السعر. فرد صاحبنا المتضايق وقال ليهو: أنا في الحقيقة ختيت فوق تمن البيت، كمان تمن حسن جيرتك...
أيام الطفولة عشنا مع الوالدين في أمدرمان وبين الأهل من أنصار الإمام المهدي وخلفاءه ودآ. ما بين حي الأمراء شرق يعني بالعربي الفصيح "العباسية" فكنا من السعداء بأننا ننسب للعباسية تلك البقعة الجميلة ومن بعدها لحي الأمراء غرب وهي ممكن تسميها العرضة غرب وكذلك منطقة زاخرة بالعظماء والمشاهير..
أيام الصبا عشنا مع الوالدين في الخرطوم شرق شارع عثمان دقنة وهي منطقة سكن موظفي الدولة من مدنيين وعسكريين وشرطة وقوات نظامية. كان الوالد حينها كبير الصيادلة في وزارة الصحة. وكذلك فترة زمن كان الوالد في مشواره، البدء في إنشاء كلية الصيدلة جامعة الخرطوم حسب توجيهات الزعيم أزهري.
ثم إنتقلنا للسكن في 10 شارع الجمهورية حين أصبح الوالد عميد لكلية الصيدلة وهناك تنوعت جيرتنا ما بين موظفي الحكومة وأساتذة الجامعة حيث تناوب العديدن منهم وكان أن حظينا نحن الأبناء بكم من الصداقات.
صعب أن أقول من كان أقرب الي القلب فهم كلهم كانوا إخوة وأبناء خالات وأعمام مما وثق عرى الصداقة فقد كن الأمهات كالأسرة الواحدة وكان الأباء كإخوة أشقاء للوالد..
كان مستر أحمد عبد المجيد (طبيب الأسنان وله مؤلفة عن سرطان الفك) والخالة حياة قريبين لنا كالأم والاب وذريتهم كانوا أشقاء..
غيب الموتى بعض من الأفراد من الأسرتين الشقيقتين وفضل البعض الأخر يعيش تلك الأيام الجميلة والذكريات الحلوة. الي أن جاء الناعي لينعى وفاة أخي الأصغر سيف اليزل أحمد عبد المجيد..
إنا لله وإنا اليه راجعون وله الرحمة والمغفرة

الرفيق قبل الطريق
"إذ يقول لصاحبه لا تحزن إن الله معنا"
وهنا يذكر أننا في الحياة دي ذي الماشين لينا في طريق والمشي فيها للزول براهو موحشة وصعبة فأحسن أنهو يكون بي رفقة. والرفقة أنواع..
رفقة درب جمعتك بيها ظروف خارجة ذي ما تقول المدرسة وهناك ترافق ليك زول ولا شلة.
رفقة حياة ودي هي في الأصل شراكة بين إتنين فيها متطلبات ووفاق وتنازلات وهي قدر ما قوية إلا أنها بسمك الخيط إن شداها طرف إتقطعت.
رفقة واجب وهي قول مثلن بين الدياشة
رفقة بين صاحب العمل والشغال معاهو ودي بتربطها المصلحة
ولا رفقة كدآ براها ناتجة من إعجاب أو رغبة ودي عمرها محدود
:eek:

[بابكر مخير]

أخونا أحمد طه
فرع ليهو بوستن ظريف وتداخلتا فيهو..
وحفاظن على حقوق ملكيته على بوستيهو وحتى ما أكون ضيف ثقيل..

بواصل الحديث هنانا...
الساعة دي يعني أقول عشقتها وبقت معاي مدة وليها ذكرى عزيزة ............. وأنا في لندن لمن هاجرتا ليها (لاجئ) فكرت في الجمعية بتاعت مكافحة المخدرات وسط الجاليات العربية (أنسان) وكتا بساكيك في الموضوع مع ناس ويستمنستر وتشيلسي وكينغستون... إستمرت ذي كم شهر. مرة وبتونس مع بنيتي زوبة مالك عن الموضوع وهي لاحظت الساعة. فقالت ليا: يا خال كدي ساعتك دي بشكلها العجيب دآ. ختها ولو عندك ساعة تانية ألبسها.. ما سمعت رأيها وما ظنيتني كنت ناوي لو لا أنهو تاني يوم الصباح وأنا ماشي أتلويق مع الخواجات عن موضوعي. ضربتا الساعة دون قصد في درابزين السلم وإنكسر قزازها فرجعتا ولبست الساعة التانية وهي كانت هدية من أخي الحبيب عبد الوهاب مكي. أول ما وصلت المكتب المفروض أخد منهو الموافقة على الجمعية قابلني "جون بيفرلي" وهو المسئول وأخبرني بالموافقة وقد كان "أنسان"..

[بابكر مخير]

إن قلنا نصنف الكُبر وسط الطبقات الإجتماعية التلاتة.
العليا والوسطى والدنيا
نلقاهو متربع في العليا وخانة البرجوازية برتياح. ما بيهم إن كان هي ولا هو من ياتهو درجة إقتصادية، عامل من البروليتاريا جيوبهو خاوية ولا تاجرن مريش خزاينهو راوية ولا حتى خوجة، دكتور، مهندس ولا محامي سمعتهو واسعة وصيتهو داوي..
لمن تكبر تلقى الناس تديك مقامن عالي ورفيع وتعاملن وديع!؟
في الجلوس يقدموك للكرسي المريح. إن كان للباص ناوي الركوب تلقآ الخلق ذي البدي قاردات (bodyguard) متلببينك وبرفقة ماسكنك وكأنك لوح يماثل قزاز الكريستال خايفين عليك من الإطاحة وبعدين كسر الرجل ولا الحوض وطولت في المشفى الرقاد.
حتى في الأكل بيكون منقى بي عناية، يدخل ساهل ويخرج برتياح وإن كان البطن كركبت قدام الجميع يقابلوها بي سماح حتى لو العطر من بين الثنايا منهو فاح..
يا أخي دآ حتى العالم كلهو بيقدم هذه الشريحة (المكلفة) في البداية. شوف حت لمن بدوا اللقاح ما قالوا أولن شطرن تكون غني ومرتاح ولا مليونيرن مرطبن سواح وماشي في البلاد سواح. قالوا من هم فوق الستين ويعني ناس السبعين وتمانيين ولي المية فبراح. عربات التسلآ وذاتيت القيادة ما ياها أصلن تتوافق مع قدرات الكُبار، الريموتات مقصودة بي الإتآ قاعد وتدير الأمور من بعيد ما تحتاج تتحرك وإتا تبقى ساكن ودي أصلن حقت الكُبار وشوف في التقنية بتاعت التلفونات ممكن تكبر في الفناطي (fonts) لمن الشاشة بالكآآآد تشيل حرفين..
يابا هو شنهو الما عملوهو جديد وما المقصود بيهو راحة الإنسان..
مش ياها دي عيشة البرجوازية..
بلا شيوعية بلا لمة..
بتذكر أيام القراية في تشكوسلوفاكيا.
نقوم الصبااااااااااح ويكون عندك معمل بيبتدي الساعة ستة صباحا وقدام الكلية كان في حانة وبتفتح من بدري وكل يوم من دآك الوكت تلقى العمال بيضربو ليهم بربور وشوت بتاعت إسلوفوفيتسا يروقوا بيها بعد شفت المساء وهم في طريقهم لي بيوتهم وكان بتذكر متوسط العمر ياهو ما بين العقدين الخامس والسادس.. لكن كمان للحق كانوا برضك برجوازيين لي ناس العالم التالت مرتاحيين. لا هم سكن ولا تعليم ولا علاج..
إبقو طيبين وما تشيلو همن كبير
الكُبر فيهو الكتير من المزايا والماضاقهو ربنا يديهو الصحة والعافية ويضوقهو.
لكن كمان ما أكضب. فيهو كتير من الأوجاع ما بتنعرف إلا لمن الزول يضوقهو

[أحمد طه]

الكُبر فيهو الكتير من المزايا والماضاقهو ربنا يديهو الصحة والعافية ويضوقهو.
لكن كمان ما أكضب. فيهو كتير من الأوجاع ما بتنعرف إلا لمن الزول يضوقهو


و لذيذُ الحياةِ أنفَسُ في النفس و أشهى من أن يملَّ و أحلى
و إذا الشيخُ قال أفٍّ فما ملَّ حياةً ، و إنّما الضَّعفَ ملاّ
آلةُ العيشِ صِحّةٌ و شبابٌ .. فإذا ولّيا عن المرءِ ولىّ
(المتنبي)

[بابكر مخير]

و لذيذُ الحياةِ أنفَسُ في النفس و أشهى من أن يملَّ و أحلى
و إذا الشيخُ قال أفٍّ فما ملَّ حياةً ، و إنّما الضَّعفَ ملاّ
آلةُ العيشِ صِحّةٌ و شبابٌ .. فإذا ولّيا عن المرءِ ولىّ
(المتنبي)

جدك وجدنا بابكر بدري عنهو قصة إنحكت كم مرة. المهم في مرة من المرات قصد وزير المعارف المصرية وفي حينها كان طه حسين قاصد يطلب مدرسيين وكان مكتب الوزير في الطابق الأول وما في أسانسير. حينها جدك بابكر بدري كان يشكو من (السيتيكآ) ورجلهو مالماهو شديد. قام ضربها بي يدهو وقال ليها: لو تنقطعي ياني الطالع بيك..
القصد يابا الطموح والعزيمة والإصرار عوامل إن إتوفرت الشيخ ما بيقول أفٍّ لكن بيرجع بالحياة ويركب آلة العيش وصحة الشباب..
يعني يبقى مكينيكي ويغير الشنابر ويعمر المكنة واللهم أننا صايميين يا "كوكي" ولا شنهو...
وإن شاء الله أحمد طه يكون عارف أننا بعض مرات الصواميل براها بنتحلج وياهو دآ الكُبر ظاااااااااتهو ;);)

[بابكر مخير]

كل ما تقدم الإنسان منا في العمر إزداد مخزونه من الذكريات و الحكايا و الحكم ، و هكذا أنت ، ربنا يديك الصحة و طولة العمر

بتذكر الجلوس في المراحل الدراسية الأولى، الكتاب والإبتادائي.. في الفصول أنهو كل إتنين بيشاركوا جلسة وهي المعروفة بالكنبة وتتكون دكة للجلوس، ملحق بها تربيزة مستطيلة من طابقين العلوي في منتصفهو المحبرة والسفلي بتحشر فيها شنطة القماش الفيها كتبك..
كانت الكتابة بريش رأسها من الحديد ومقبضها خشبي تغمس في المحبرة والتي أخذت الإسم من سائل الحبر وهي على مفهوم شجرة التبلدي يخزن الحبر فيها. بعضهم من أبناء الحلتهم متيسرة كانوا بيجبوا معاهم تبلدياية من القزاز ملئ بحبر "الباركر" الفاخر وبدل الريشة حقت الذينا كل شوية تغمس الريشة في المحبرة كان ياهو قلم التروبن طبعن فكرتهو أنهو مستودع لحفط الحبر السائل (قلم النافورة) يسهل إنسياب الحبر لرأس القلم الذي هو بنفس شكل راس الريشة ويعجل عملية الكتابة ودي كان نقطة إيجابية للمرتاحي أسياد أقلام الحبر..
وقصة الريشة ليها ميزة وفي نفس الوكت نقص؛
الريشة إستعمالها بجود الكتابة لأنهو الزول لابدن يتعامل معها بمهنية عالية وإلا مليت الكراس والكنبة وهدومك بالحبر وجلوطآ الدنيا وعليه أبو لسانيين (واحد من الأسماء التي تطلق على سوط العنج الذي يستعمل كأدة للعقاب، يعني لو قالوا ليك نضف الحتة وإن شاء الله ألحسها مش أخف)..
من الأشياء البتذكرها أنهو الكراسات كانت أنواع مخصصة لإستعملات ما يكتب فيها على الأسطر والسطر هو خط يمتد بالعرض من ذي نص سنتمتر من حافة الصفحة. بتاع اللغة العربية مخطط وبين كل خط وخط ذي قول سنتمتر وكراس الإنجليزي تلقى الكراس مسطر بي خطين بيناتهم ذي قول أقل من نص سم ويفصلهم ذي سم من الخطيين اللاحقات، كراس الرسم صفحة بيضاء دون خطوط وبتاع الحساب دآك التقول قميص كاروهات مربعات سااهي.
والكراسات مختلفة غير الغرض كمان النوعية، في كراسات ورقها ذي الكّرِب ووحدات التقول دمورية وفي ديل بالذات يستوجب التعامل معاهم بحرفية عالية ومهنية متميزة لو كنت بتكتب بي ريشة لأنهو ذي البزرعو والحرف غير أنهو بيبقى bold كمان بيكون ليهو ظلال. ناس التروبن ما بيعانوا من دي المشكلة...
وعلي الهامش كان عندنا جدي مجذوب مالك وهو أصلن قاضي شرعي لمن نزل المعاش فتح ليهو "مكيتبة" كدآ في طرف بيتهو وما من ناحية الشارع النسبين رئيسي، لا في الزقاق الذي بالكاد أتنين يمشوا فيهو متلاصقيين الكتفين (يعني فكرة تخالط الحبكانة! الظروف الهندسية للزقاق ظاتها ما بتسمح) فكنا نتمول من هذه المكتبة والتي كانت لينا أطفال العائلة من تلاميذ، ذي التكية (طبعن التكية هي المكان الذي تقعد فيهو وترقد فيهو ودون ما تدفع مقابل المادي "شيخ بابكر بدري في كتاب تأريخ حياتي ذكر تكية الزبير باشا في القاهرة").
رحم الله جدي مجذوب ورحم الله زوجته الخالة عديلة (الست) فهو كان من عندهو بيدينا لكن في أكتر الأحيان كانت الست بتسهل لينا "سلب" المكتبة غير أنهو أسطى يوسف كان في كتير من الأحيان يقف سدا ضد الروبري (robbery) التي كنا نمارسها بتلذذ..
إييييييييك كانت أيام

[بابكر مخير]

اللّـهُمَّ وَأَسْأَلُكَ بِرَحْمَتِكَ وَطَولِكَ وَعَفْوِكَ وَنَعْمائِكَ وَجَلالِكَ وَقَديمِ اِحْسانِكَ وَاِمْتِنانِكَ اَنْ لا تَجْعَلَهُ آخِرَ الْعَهْدِ مِنّا لِشَهْرِ رَمَضانَ حَتّى تُبَلِّغَناهُ مِنْ قابِلٍ عَلى اَحْسَنِ حالٍ وَتُعَرِّفَني هِلالَهُ مَعَ النّاظِرينَ اِلَيْهِ وَالْمُعْتَرِفينَ لَهُ في اَعْفى عافِيَتِكَ وَاَنْعَمِ نِعْمَتِكَ وَاَوْسَعِ رَحْمَتِكَ وَاَجْزَلِ قِسَمِكَ يا رَبِّي الَّذي لَيْسَ لي رَبٌّ غَيْرُهُ لا يَكُونُ هذَا الْوَداعُ مِنّي لَهُ وَداعُ فَناءِ وَلا اخِرَ الْعَهْدِ مِنّي لِلِقاءِ حَتّى تُرِيَنيهِ مِنْ قابِلٍ في اَوْسَعِ النِّعَمِ وَاَفْضَلِ الرَّجاءِ وَاَنَا لَكَ عَلى اَحْسَنِ الْوَفاءِ اِنَّكَ سَميعُ الدُّعاءِ .

[imported_نادر المهاجر]

اللهم آمين يالله . نسال الله ان يبلغك مرادك بقدر روحك الطيبة ، ويحفظك بحفظه الجميل وهو القادر علي ذلك .

[بابكر مخير]

شوف بالله مع الكُبر كيف تشوف كتير.
آلتين عشتا تطورهم بصورة مذهلة..
التلفون بتذكر زمان كان تلفونا ياهو دآ الأسود مكون من سماعة يربطها مع الجهاز الأساسي سلك كهربائي مغطى بنسيج قطني وكان حسب ذاكرتي أنهو السلك دآ يصبغ عليه لونيين الرمادي والأخضر، أما السماعة الجسم الأساسي فهن مصنوعات من مادة تشعر بأنها خليط بين البلاستيك والسيرميك وعلى واجهة الجسم الأساسي قرص معدني فضي اللون وفيهو فتحات في مقاس أصبع اليد. (ما أكتر وصف الصورة تحت).
بعد التلفون دآ وعلى نفس الشكل لكنهو من البلاستيك وألوانهو عديدة، شئ أخضر وأحمر وحتى البمبي "السيكسي" فيهو.
عشنا وعايشنا طيارة الداكوتا والفوكرز والكومت والكونكورد والطيارات العسكرية
عشنا كمان البنطون والقطر البيمشي بالفحم وعربات الكآرو البجرها الحمار والبجرها الحصان أو البغل.
عشنا وشفنا تمثال غردون وكمان برضك لمن إتشال وكذلك كتشنر وإتعاملنا بالتعريفة المقدودة في نصها وكان بتجيب شئ والقرش المرسوم فيهو الفارس الراكب جمل والطرادة الحمراء وهي قيمة المشوار من الخرطوم لأمدرمان وبي العكس وركبنا الترماج..
ومن بعدها أنتقلنا لمعايشة العربيات من ديك البدوروها بي المنفلة لغاية سيارات التسلا.
عشنا والحمد لله دآ كلهو لغاية ما حسي إحنا ظاتنا بقينا للحركة محتاجيين منفيلة ما الركب إلا ركازات (دكتور أبراهيم العجب وهو دكتور عظام مشيت ليهو قام صرف ليا دواء شراب لكنهو معبء في إسكوانات كل واحدة ذي بوصتيين والدايمتر ذي أقل من نص بوصة وهو من أولائك الداترة الحلويين ذي ناس علي كوباني ودكام وحسن نور الجليل الله يرحمهم وهو ربنا يطيل في عمرهو يحفظ ليهو صحته وعافيته، نظرتا ليهو بأن أكل الكوارع ما بيفيد، قال ليا خلاص قول دي شوربة كوارع وبتسندك)
https://www.youtube.com/watch?v=lkLgdzQIgeg
و
https://www.youtube.com/watch?v=gQyL1p0P-ZE

[بابكر مخير]

السماء بضيائها والجنة بنعيمها والنجوم بعددها والشمس والقمر. فيهن وفيهم الجمال والكمال، خلقن وخلقوا رحمة ومغفرة، فرح وسعادة، من عند الإله عز وجل أجر بعد حساب كما فيهن وفيهم، الحياة والممات والبزخ.
لا يكتفن ولن ولا يكتفوا ولو الي يوم الدين بل يقولن نريد نحن فهل من مزيد..
اليوم صعدت روح كان ضيائها يملاء ويفيض، تغيب إنسان أقل ما يوصف به؛ أنه عزيز، غادر دنيانا الفانية ملاك حيث كان دوما بين الملائكة أن يكون.
دكتور إدريس أحمد الحاج
لا بكائي ولا دمعي سيشفى غليلي ولا كلامي وأسطري يعرضا حالي.
شقيقي الحبيب، أخي وصديقي، مطببي ومعالجي.
كنت دوما في دعائي لك وتمنياتي الصادقة لك بالشفاء.
إن لم يستجاب لي ذلك فيا رب الكون وربي، يا صاحب العيش الأبدي، يا الله ويا واحد، يا رحمن ويا رحيم، يا قوي ويا لطيف بإسمك وبإسم كل من ترتضيه من الخلق أجمعين.
ألهم أنت ربه وخلقته وأنت رزقته وأنت هديته لدينك الحنيف وأنت قبضت روحه وأنت الأعلم بسرها وعلانيتها. جئتك اليوم طالبا الشفاعة له أن تغفر ذنوبه وقدر إحسانه جازيه إحسانا وقدر خيره أغدق عليه الخير في جنات النعيم.
https://www.youtube.com/watch?v=NmI8y5x6cYA

[بابكر مخير]

"fragility" كلمة بالإنجليزي عكست واقع الإنسان مع الكُبر..
العاطفة تعكس هذه الكلمة. تشوف مشهد في التلفزيون قدر ما كان عاطفي دموعك ترترت، تسمع خبر محزن وعيونك تنزف سيل منهمر من الدموع والغريبة أنهو يقولوا ليك: مع الكُبر العيون تدمع دون سبب وذلك ناتج عن جفاف العين وما علينا هم أدرى في علمهم.
الشدة في الجسم برضها تعكس معنى هذه الكلمة.
مع الكُبر لا بينفع تجديد ولا بينفع إعادة تجميع ولا ترميم وإن الزول حاولهو ياهو شوية سنين وترجع ريمة لي قديمها وكأنك يا باذيد ما غزيت. قلتا تزرع سنون يبتدي الفك يضعف ما هو طبيعي الكالسيوم في الجسم دوبك بسند العظام الأساسية نا كرعين وحوض. أها يقولوا ليك المسامير الماسكة السنون إنحلجت وإلا تزرع فك كامل بي ضروسهو. وقصة العظام والكبار قصة. بس أبقى ينكسر عضم لن يكون هذا نهاية القصة علاجه، لا بل بداية السفرة التي قد تؤدي لعالم الأبدية المنشود. هذا الكسر يجبر على تقليل الحركة وبعض مرات يعيق الحركة ويجعلها مستحيلة مما يعني الرقاد في السرير ودآ ياها موية في الرئتين وتقرحات و و و و..
هشاشة وضعف ووهن، هن ياهن ال fragility مع ومن وبي الكُبر

[ود المامون]

من الخرطوم لأمدرمان وبي العكس وركبنا الترماج..


.....


دكتور مخير
لك كل الحب ...
عيد سعيد .. وكل عام وانت بخير
وربنا يحميك ... و يحفظك من كل مكروه ...

قلت لي .. .. القطر البمشي بالفحم ...
انت جوفك ياكل اللهيب ...
وانا جوفي بياكلو اللهيب ...

ده قطر .. ( زروق ) .. ام واحد غيرو .. ...!!

ما حا اقول ليك ...انت حضرت زمن .. الريال المجبدي ... ولا الخمسه
قروش الميري ...

لكن اكيد تكون ضمن الشباب الذين كانو يقفون امام مبني البوسته ... ليسمعو الاغاني التي كانت ثبثها الاذاعه السودانيه عبر ... مكبرات الصوت



https://www.youtube.com/watch?v=8OlFcn-PYOc


و .. اذا الرجل الظاهر في الفيديو هو الامام عبدالرحمن المهدي .. عند افتتاح Electric Tram علي جسر النيل الابيض .... قطع شك انت موجود معاهو ...
معناها ياحبيب .. انت ركبت من محطه .. ( برمبل ) ... ومريت .. ( بالضبطيه ) .. عند .( سبيل سلاطين باشا ) ...
ونزلت عكس اتجاه الترماج في ( الكشات ) .. ...!!!


... كل الحب ...

[بابكر مخير]

[QUOTE=سيد احمد محمد علي المامون
بابكر
دعوه لتنشيط الذاكره
[/QUOTE]
ود المأمون الحبيب
من ذاكرتي والغريبة أنها ما طرأت على ذاكرة أيتها واحد من المؤرخين لي أمدرمان أن ذكّرَ إجزخانة أمدرمان (لصاحبها الصيدلي إبراهيم قاسم مخير وقد أفتتحت في ما بين 1938 او 1940) وهي أول صيدلية في السودان يملكها ويعمل فيها صيدلي سوداني وهي في الناصية الشمالية المقابلة لقهوة ود الأغآ وغرب نادي الخريجين وجنوب أوقاف المسجد الكبير بأمدرمان. كانت هن إتنين إجزخانة لطفي ولم يكن هو صيدلي وربما كانت الأولى وموقعها شرق (التمنة) بتاعت البوليس وجنوب حي العدني ومقابلة الجزء الشمالي من الجامع الكبير وكان له السبق أيضا في إفتتاح أول مخازن أدوية في كوستي وسنار..
أوقاف الجامع الكبير في أمدرمن كان فيها دكاكيين متنوعة من أبرزها "أرونط" وهو يبيع المشاريب الروحية.. سودان زمان فات العلمانية أشواط ;)

[بابكر مخير]

إجزخانة أمدرمان
من بواكير الإجزخانات في أمدرمان..
في شارع السوق، الكورنر الجنوبي للمسجد العتيق بأمدرمان وتقابلها قهوة ود الأغآ جنوبا وغربها نادي الخريجين وهي شرقها مجموعة من المحلاات التجارية حسن صالح خضر حيث كانت تباع عجلات الرآلي ومحل نضارات العم مهدي أبراهيم.
تأسست في العام ما بين 40-1938 (ما متذكر التأريخ تمام).
هي أول صيدلية يكون مالكها صيدلي سوداني كامل الدسم وهو وشقيق روحه بروفسير يوسف بدري أول صيادلة سودانيين.
الصيدليات في أمدرمان كانت صيدلية لطفي وكن المسئول الأول فيها العم لطفي وأكاد لا أبالغ لو قلت أني أذكرهو بنظارته الغامقة وقميص محشي ورجل متكامل الهندام وكان في الخرطوم صيدلية قرنفلي وصاحبها العم قرنفلي والذي عملت في واحد من مجموعات شركات الأدوية تحت ملكيته (ميدجونسون وهي تابعة لي بريستول مايرز وكان الصيدلي المسئول فيها أخي الأكبر دكتور صلاح إبراهيم وزاملة فيها شقيق الروح عثمان الشيخ الرجل الجميل الوسيم ونجم من نجوم جبل الأوليا) وكانت هناك مخازن أدورية مرهج وهي لم تكن بصورة الصيدليات التقليدية ولكنها تشابه مجموعات "Boots" في المملكة المتحدة.
كان لصيدلية أمدرمان منفذان أحدهم وهو الرئيسي فاتح في شارع السوق والتاني شارع نادي الخريجين (أفتكر هو شارع الأطباء وكان من أشهر العيادات للدكتور أحمد "النسيان" وهو طبيب أطفال مشهور وهناك برضك بتذكر يحي بابكر عندهو عيادة لاحقا في نفس الشارع)..
صممت الإجزخانة على نفس طراز الصيدليات في العالم. أرفف فيها العقاقير ("قصة مكررة" في 77 قدمت مقترح للشرطة بفتح إجزخانة تعاونية اسوة بتلك بتاعت السكة حديد في عطبرة ولم تجد قبول ولمن طلبت نسخ المشروع الكنتا قدمته، قال سعادة الفريق إسماعيل عطية: يعني يا مخير ما ممكن تكتب غيرهو ما هو ذي دكان اليماني وحسي بفتكر أنه سعادتهو كما من شاف مستقبل الحتبقا عليه في وكتنا الحاضر). غير الرفوف هناك معمل وهو شبهته بي المطبخ في مطعم المندولآ لندن من حيث أنه الدينمو الفاعل وفيه يتم تحضير أغلب الأدوية (أتذكر بوفسير أحمد عبد المجيد مرة زارنا في مندولآ لندن وكنت وكتها بطبخ وبعد إنتهيت عشان أمشي معاهو نتونس. قال ليا: باله ذي مستر أحمد عبد العزيز يعقوب في غرفة العمليات، يكمل العملية ويخلي المريض لمساعدهو عشان يقفل الجراح وإتا حسي خلاص ملصتا البالطو وسبت لمساعد الطباخ إكمال المهمة)..
أذكر أن المدخل الرئيسي ناحية شارع السوق كان تحت فرندة واسعة ممكن تخت فيها طربيزة بعدد من الكرآسي وكتير من الأوكات تعمر بأصدقاء الوالد يعني ذي نظام قعدة قهوة ود الأغآ في الفرندة الغربية للقهوة وكان من الشخصيات أكثرهم طرفة ومسجل في موثوقات أمدرمان بأنه من أعظم ظرفاء أمدرمان العم أحمد والذي إشترى الإجزانة لاحقا حين تفرغ الوالد للعمل في وزارة الصحة كبير الصيادلة ومن بعدها حسب طلب صديقه السيد إسماعيل الأزهري أن يبدء مع بروفسير دآرس في إنشاء كلية للصيدلة بجامعة الخرطوم..
أتذكر في من أتذكر العم العبادي والد الأشقاء بشير ومصطفى وغيرهم والسيد إسماعيل الأزهري الذي كان إن مرض أو مرض له شخص يأتي للوالد ليحضر له دواء.
أول من عمل في الإجزخانة العم مبارك شعروني وأخر (عفوا وله المحبة في شصة وإن كان أن خانتني الذاكرة ولكن شكله لا زال أمام أعيوني)..
تبع إجزخانة أمدرمان. إفتتاح مخازن أدوية كوستي وكان المسئول التام عنها شقيق الوالد العم العزيز عيسى الطاهر مخير ومن بعد ذلك مخازن أدوية سنار وكان المسئول التام هناك مبارك شعروني..
إن جادت عليا الذاكرة ببعض أخر عن إجزخانة أمدرمان، بلحقهو....

[بابكر مخير]

أول من عمل في الإجزخانة العم مبارك شعروني وأخر (عفوا وله المحبة في شصة وإن كان أن خانتني الذاكرة ولكن شكله لا زال أمام أعيوني)..


إتذكرت الإسم الأول لكن للأسف فقط (سليمان)..
له العتبى حتى يرضى

[بابكر مخير]

لكل منتج فترة الصلاحية..
تأريخ الإنتاج وتأريخ الإنتهاء.. ذي يعني القوسين البيحيطوا بين الكتابة (واحد مع البداية والتاني يعلن عن الإنتهاء)
وكل منتج بيتكون من عناصر (مش بتاعت الكمياء. لا أشمل) ونفس الحال ينطبق على الإنسان..
السنون، الركب، القدرة والمقدرة.
يعني حتى الروح هي بين قوسين تأريخ الولادة وتأريخ الوفاة..
مكنة العربية بتديك إنزار تقبل ما تنتهي فترة صلاحيتها، تطلع دخنة، ترترت في المشي، تكسر ركب، البطارية ديمة ضعيفة..
حتى الردمية بعد فترة من الزمن تبقآ دقداق وشارع الظلط برضك فترتهو محدودة تلقاهو بقآ كلهو حفر..
الموية دي في أنهر تلقاها جفت ذي الدموع مع الكُبر تجف وتبقى ياهو لي "الأرتيفيشيال تيرز" عشان العيون ما تتقرح وتنزف وتغمض بالمرة وحتى الأطراف إن ما وقفت من العطاء ياها البتضمر والباطن بيبقى جايط ذي نوع البروستاتا تبقى منفلتة وتقفل مجاري.
الشهية برضها ليها expiry date تنعدم حتى من أهم الإحتياجات ناس أكل ومأكلة، الأضان طبلتها تبقى مهرية ذي الفي سماعات الساوند سيستم ديك الشكلها ذي المن حاجة كدآ تشبه الورق معمولة..
ياهو دآ البيعملهو الكُبر في الإنسان لمن فترة الصلاحية تكون بقت :(

[بابكر مخير]

السعادة في الكُبر هي شيتن دفين حلاتهو لمن يجي ويكبر ويحصل. عكس الذاكرة التي مع الكبر تضعف وتوهن الي أن تتلاشى وهذا يؤكد حدوثه العلم. فالعقل الذي هو كالمخزن للأحداث البتحصل والأسماء البتذكر والمشاهد التي تمر تبدا ذي البتعتعت وتنفد فعاليتها وبرضك البحصل للمخ والمخيخ أنهو تأريخ صلاحيتهم يقرب لحينه..
الذاكرة هي تراكم للجميل والقبيح وهي سجل فيهو الأبيض والأسود. شئ وأشياء حلو إجترارها وتانية مؤلمة ومحزنة وتعيسة.
أما السعادة فهي مع الكُبر تقوى وتبقى شيتن يملآ الفارق الكانت مالياهو الذاكرة وهو أنهو الكمياء البتدور في كل أعضاء الجسم البتأدي لذبولها وقرب إنتهاء صلاحيتها تؤثر إيجابا على العقل فتذهِب وتمحو بقدرة ما كل قبيح ومحزن من جيوب العقل العديدة وتبقي فقط الجميل المفرح..
السعادة كما يعرفها البعض منقول من "جراحة الروبوت" بأنها:
(السعادة من المفاهيم التي ترتبط بالرضا والراحة؛ حيث تجد النفس البشرية الهدوء وراحة البال التي يلجأ إليها الناس من مثيرات العالم الخارجي الصاخبة والمليئة بالحروب والصراعات، فالسعادة هي مفهوم من غير الممكن رؤيته ولمسه، بل يظهر على الفرد الذي يعيش داخل محيطها، ومن الممكن تعريف وشرح مفهوم السعادة لغةً على أنّها بموقع الاسم الذي يُعبّر عن الفرح والابتهاج وكل ما يُدخل ويزرع الفرح والسرور على النفس البشرية)..
يبقى ما من السعادة أنك تعيش بدون وجع دماغ بتاع زمان كان (المترسبات التي تحفظها الذاكرة)..
إتصور لمن تكبر تبقى ليك مكانة فيها الناس منهم البحترمك لي سنك ومنها البعطف عليك لي كُبرك ومنها البتحملك لي عمرك ومنهم الما بيتعدى عليك لوهن جسدك..
تسعد بما كنت وأعطيت وفعلت حال أنك كنت بتعمل السمح ومع الذاكر البتتمحي كمان بتسعد بأنك زولن تاني وما بتتذكر مساؤك..
بتسعد بي شوف الدنيا كشئ جديد ما همها وغمها ذهب مع ريح الذكرى المر وتسعد بأن تشوف حوالينك ناس. هم منك وهمهم عليك وخيرهم ليك..
تسعد بأنك تعيش الجنة في دنياك بحلاوة الملايكة الحواليك من جنآ وذريتهم. تسعد بأنك أثريت البشرية بزيادة تعداد وأنهو بي وراك أنواع من الجينات.
تسعد بأنك عشتا وبأنك قربتا من العيشة في مكانة تانية، تسعد بأنك حتركب السفين للحاق بناسن حلويين وناسن كريمين..
ياهآي دي السعادة الما بتتلقي إلا مع الكُبر :cool::cool:

[بابكر مخير]

الليقنة واحدة من متلازمات الكُبر..
تمسك تلت وتعجن بلا إنقطاع لي درجة تبقى ممجوج
تبقى ذي القرادة لاصق وأنت غير مرغوب فيك
تكون وهمان أنك شئ في الوكت التكون فيهو بقيت عدم
ذي قول هنا مثلن..
تكتب وكأنك لو ما كتبتا خلاص. ما في شيتن تاني بينقري
تواظب علي الحكاية وتراهو ما في زولن مهببو ليك
يعني حسي وذي ما قلتا..
هنا
من دغش الرحمن لين أخر الليل وبعض مرات الليل بالصباح والنهار لاحقات بعض وإتا قاعد في الكرسي مع قعاداتك العضامن بقن بارزات وقدامك اللابتوب ونور شاشتهو خلاااااااااص ويتختف الباقي من الستة (مقاس النظر التش 6 على 6) ويدينك من حد الكتف يترجفن وينعكس مباشرتن على الأصابعين الخرجن من طوعك.. عاااااادي بدل الميم نون وبدل الياء باء والغين والفاء يتداخلوا في رباط ولا زيجة المسيحيين حتى الموت يفرق..
ولااااااااااا حياة لمن تنادي..
أفتكر الواحد ليقنة كبرهو يوجها توجه تاني ما هو هنا
بقت غير ذات معنى
جلد الناس تخن وبقت القرادة ما معبرة :(:(

[عكــود]

شيشك يا قمندان!
البوست ده قراءه أكتر من 155 ألف وأكيد ناس كتار متابعنو، أعضاء وغير أعضاء، وأنا منهم.

دحين يا حبيب، واصل عشانا وعشاهم ولا يصيبك الإحباط .
صحيح في تقصير مننا، بس العشم في الكبير .. كبير.

[بابكر مخير]

قبل حداشر سنة
سودانيات كانت عجيبة
تفرح تلقاهم كلهم لي فرحك طايرين فرح
تدبرس وتلقاهم ليك عون، يشيلوك بي محنة ويحضنوك بي حنان لمن تفك.
هاكم مثال..

http://sudanyat.org/vb/showthread.php?t=10234

[عكــود]

قبل حداشر سنة
سودانيات كانت عجيبة
تفرح تلقاهم كلهم لي فرحك طايرين فرح
تدبرس وتلقاهم ليك عون، يشيلوك بي محنة ويحضنوك بي حنان لمن تفك.
هاكم مثال..

http://sudanyat.org/vb/showthread.php?t=10234

يا سلااااام يا بكور !

البوست القديم طوّف بي في سماوات الجمال

[بابكر مخير]

زمان ومكان وذكريات
طفل شافع في حي الأمراء والبيت فاتح على شارع الأربعين.. الشارع ممهد وزلط، فيهو حركة عربات ودراجات نارية وهوائية.. للذي فاتهو فالدراجات النارية هي الموترسيكل وبتذكر أيام الطفولة الأولى، كربيت وهو من أصول إغريقية على ما أعتقد وعندهو محل في زقاق صغير لصيانة عربات "ميكانيي" جنوب شرق إجزخانة أمدرمان وشرق قهوة ود الآغا وهذا الزقاق يعبر من جنوبا سينما أمدرمان الوطنية وممتد قدام محل كربيت يقطع (حاليا) شارع الأطباء وفي ناصيتهو نادي الخريجين حتى يصل مفترق شوارع منها البيمشي للشنقيطي ومنها غربا نحو التمارة وشرقا للشجرة ليين بيت المال وهنا معلم من معالم أمدرمان في زمنا وهي المحطةة الوسطى بتاعت أمدرمان والتي توازها المحطة الوسطى بالخرطوم وبحري كان مركزها قدام سينما الوطنية بحري. كان وكنا إحنا بنسميهو عم كربيت قوي البنية وبعض الأساطير تتكلم على أنهو لمن غير لستك العربية ما بيحتاج لي رافعة لأنهو بيد واحدة بيرفع العربية وبالتانين يفك الصواميل موتورهو دآ لمن يدورهو يفوت صوتهو علوا صوت زئير أسد جنينة الحيوانات بعد المغرب وقبل العشاء.. سكان الخرطوم شرق والخرطوم عموم والخرطوم غرب وتلاتة يسمعهوا كل يوم وظنتهو دآ بيكون إمتن قبل ما يدوهو يأكل ويكون جعان أو بعد ما أكل وشبع . كان كل سوق أمدرمان الصباحية يعرف أنهو كربيت جاء والمساء لمن يسمع الصوت أنهو خلاص مشآ.
الموترسيكل التاني الذي طاريتهو ساكت لي يوم الليلة تصم إضنيا هو حق الخال الحبيب عبد الله ود العم وهو في شبابه وكان يستلذ دوما أنهو يجي بيت جدي العم حيث كان يكن أولا الي أن إنتقل الشباب لي بيت العزابة "بيت جدي العم والذي كان مقابل لي سكن شخصيتين معروفين في الوسط السياسي والإجتماعي من ناحية "بيت الزعيم" وفي الوسط الطبي العم دكتور سليمان بسيوني وهو طبعن من يهود السودان". قولنا
يستلذ لمن يجي البيت والمقابل لبيت جدي الخضر أنهو يكون الوقت وكت الغدآ والجميع في تربيزتي الغدآ. الأولى للجد خضر وممن حضر من الذكور والتانية مع الحاجة زينب ميرغني وبناتها والصغار.
خلاص إستنوا عبد المامون أهو جآ.. وكأنهو عبد الله يقصد بي حكتهو دي. أنا جيت إستنوني بالغدآ...
قلنا ودراجات هوائية وهنا أكيد من معالم سوق أمدرمان محلات العم محمد صالح خضر وعجلات الرآلي وتنافسها عجلات الفيليبس.. ولي حادثة شهيرة في أني يوم كنت راكب عجلة أخي قاسم بدري وهنا القول الحق في أني صدمتا الترماج فالترماج خط سيرهو محدد في القطبان لا يحيد عنهم لا يمنا ولا يسارا فأكيد من الخطاء نقول أنهو زول صدمهو الترماج لأن الخطاء من الطرف التاني ما الترماج والمثل بيقول: خاتي البلآ ولا الوقع فيهو...

[عبدالحكيم]

الليقنة واحدة من متلازمات الكُبر..
تمسك تلت وتعجن بلا إنقطاع لي درجة تبقى ممجوج
تبقى ذي القرادة لاصق وأنت غير مرغوب فيك
تكون وهمان أنك شئ في الوكت التكون فيهو بقيت عدم
ذي قول هنا مثلن..
تكتب وكأنك لو ما كتبتا خلاص. ما في شيتن تاني بينقري
تواظب علي الحكاية وتراهو ما في زولن مهببو ليك
يعني حسي وذي ما قلتا..
هنا
من دغش الرحمن لين أخر الليل وبعض مرات الليل بالصباح والنهار لاحقات بعض وإتا قاعد في الكرسي مع قعاداتك العضامن بقن بارزات وقدامك اللابتوب ونور شاشتهو خلاااااااااص ويتختف الباقي من الستة (مقاس النظر التش 6 على 6) ويدينك من حد الكتف يترجفن وينعكس مباشرتن على الأصابعين الخرجن من طوعك.. عاااااادي بدل الميم نون وبدل الياء باء والغين والفاء يتداخلوا في رباط ولا زيجة المسيحيين حتى الموت يفرق..
ولااااااااااا حياة لمن تنادي..
أفتكر الواحد ليقنة كبرهو يوجها توجه تاني ما هو هنا
بقت غير ذات معنى
جلد الناس تخن وبقت القرادة ما معبرة :(:(


د. بابكر مخير .... تحايا عطرات وتجلة ..

نحن عايشين نتابعك وموضوعك وهذا الثقيل .. ففيه استراحات نستريح عندها ..
ونمضي وتمضي ... اللحظات من اياماتنا واعمارنا لتصبح من الماضي ..
فلا يدب اليأس في نفسك ولا تجعل الدبرسة تمنعك من الحكي الجميل...
فامض ... ولملم شتاتاتك من الماضي ليستنير بها متابعيك ... ومشاهديك ..

وهنا تأمل الكلمات واللحن من ... شتات الماضي : والرائع جدا عثمان حسين ..

كحافز لك د. بابكر مخير ....

https://www.youtube.com/watch?v=hfpXaJsreF0

[بابكر مخير]

يا حكومة سلام (الرجل الحكيم عبد الحكيم)
من الأقوال: يكبر وتكبر مصايبهو..
هذه المصايب ذات نوعيين. واحد منها طبيعي وهو أن فترة الطفولة تلك التي يكون فيها الإنسان ذي الكسة بالموية؛ لا تغلط عليك ولا توسخ إيديك..
بتذكر زمان وإحنا أطفال نتشوق للذهاب للحوش (بيت جدي بابكر والذي ورثه الخال يوسف وبدوره سمح للمكتبة المركزية أن تستعملهو لي نشاطاتها وللأسف أنهو لا هي قدرة تستمر ولا قدرت تحافظ على المبنى لتردهو لصاحبه بالشكل الإستلمتهو بيهو) كانت الهفة لي قطفة خالتي هدي وهي متنوعة رغم أساسها الواحد وهو كسرة بخيتة البتشبه عِمة الكرب ناصعة البياض، ناعمة الملمس وشفافة ذي ورق (الرزلة أو الزيقزاق). كانت القطفة (الكسرة بالموية) إما بالبصل والطماطم، ملح ورشة كمون وفوقها عطنة زيت سمسم تشتم رأئحته من على بعد مترات وتشوفهو ذي سريان موية النيل الأزرق نازل من الهضبة الأثيوبية وكانت الخالة هدى دايمن تختهو لينا في صحن لو تخت فيهو طفل وليد يتوهدو براحة أكتر من داخل أحشاء أمهو. نأكل لمن نتخم وكانت هذه الميزة أنهو صخب الشفع ينقطع ويدي فرصة للسيدات في أن يتونثن في جو هادئ. كانت الفكرة أنهو الكمية تكون كبيرة لأنهو ودي يمكن كل من يستمتع بصحن الفول عند أبو العباس والعشرة العظام يعرف أنهو الملحق ديمة ما بيكون ذي الطلب الأصلي ودآ كان الهدف في أنهو ما نحتاج نطلب وصلة الما حتكون ذي الصحن الأول "كانت ذكية. بديهي ما هي بت الشيخ بابكر بدري". القطفة النوع التاني تقدم مع أول وصولنا للحوش في العصرية كدي يعني. وكانت ياها الكسرة السمحة ظاااااتها بس معطونة في موية ومرشوش عليها سكر بمقياس أبدن ما بزيد ولا ينقص التقول "هِّدية" (كما كانن ينادنها أخياتها الكُبار) صيدلانية ذي أخوها يوسف، الطعم لي حسي في لساني لكن دي مشكلتها أنها بالسكر ودي معناها طاقة فشوف بقآ كمية كانوا الأحفاد والجري والنطيط الي أن يهبتوا بي ديك بتاعت الزيت البشبه النيل الأزرق.
كانت دي فترة الطفولة قبل النشوء للمراحل العمرية القادمة وهنا تبتدي تظهر المصايب وأولها القراية ويقال: القراية أم دق.. دي كان ياهو المفهوم الأكثر إنتشارا في وسط الذكور منا.. قرآن حفظ وتسميع ودق، حساب وجداول ضرب وضرب ودق، إملاء وأخطاء إملائية ودق، حفظ الشعر وعدمهو ومعناها دق، الإسبيلينغ ومعاني الكلمات الإنجليزية وعدم معرفتها ياهو الدق (بتذكر كان عندنا مدرس لغة إنجليزي يا زول لابس ليك الشورت والجزمة السوداء اللامعة وشراب أبيض "التقول مفتش قيط" ونضارة سوداء حتى في الفصل "واحد من الأشقياء مننا عرف السبب وأنهو العيون بيكونن حمر" يومتها حكمة معاها وظنيتهو الليل كلهو كان بيدبر في مكيدة عشان يجلد بيها الفصل كلهو وتفتق ذهنه وحسب يمكن الفي رأسهو أنهو يسألنا "A" - يعني ديك البتتقال a boy, a man- معناها شنهو.. ظنيتهو لو جابوا برناد شو ولا حتى سيبويه ما حيقدرواز وكان أن فاز بمقصده. الفصل كلهو إتجلد وبقت الحصة دق ودق)
وختامها مسك فمع الكُبر حقنا دآ؟؟
المصايب الغير طبيعية فلا عد لها ولا تعداد ويمكنك أن حدث كما تشاء وأذكر كل ما يمكن أن يخطر على ذهن بشر من شرور أو من صنايع الجان

[عبدالحكيم]

مساء الخير / د. بابكر

النفس وحديثها ...

د. كثيرا ما اتحدث مع نفسي ...
تحدثني ربما طبيعي ...
ولكن أحدثها ... كثيرا ما يضحكني واحيانا يبكيني ...
...لأشياء تحدث يوميا صباحا وما اكثرها ومساءا ...
ومنها مثلا وكل صباح تتكرر وانت خارج للعمل وانت لحالك عزابي يعني بعد ان جهزت من حاجات كيت وكيت فتحت باب البيت (الشقة ) وخرجت وقفلت متوجه وصلت العربية ( السيارة) .. شغلتها أو قبل تشغيلها ها نسيت .. محفظة ...
تلفون ..
وجابت لها كمامة كذلك ..
وو..حاجيات وترجع تاني افتح اقفل .. المشهد ده يتكرر كل يوم ما السبب ؟ ياهو الكبر ... يا لطيف تلطف ... ويكون حديثي لنفسي ..يعني لازم تعملها كل يوم يا ... ( وصف ما ..)
الله يكون في عونك ..
وهكذا ...
فهل يحدث أن تحدث نفسك كما لو كانت شخص آخر ... ؟

ربما نشاركك بها ... ثم نتوقف حتى لا نخرب عليك الموضوع وهذا الثقيل .. وكلها بسببه ....


في الحديث ... قال اللهُ عَزَّ وجَلَّ -وقَولُه الحَقُّ-: إذا هَمَّ عبدي بحَسَنةٍ فاكتُبوها له حَسَنةً، فإنْ عَمِلَها، فاكتُبوها له بعَشرِ أمثالِها، وإذا هَمَّ بسَيِّئةٍ فلا تَكتُبوها، فإنْ عَمِلَها فاكتُبوها بمِثلِها، فإنْ تَرَكَها -ورُبَّما قال: فإنْ لم يَعمَلْ بها- فاكتُبوها له حَسَنةً، ثمَّ قَرأ: {مَنْ جَاءَ بِالْحَسَنَةِ فَلَهُ عَشْرُ أَمْثَالِهَا} [الأنعام: 160].

عندما تحدث النفس العبد يهم بالحسة أو بالسيئة ....

فيحصل يا يعمل ويا لا يعمل .. حسنة أو سيئة فيجازى بما عمل كما في الحديث عن رب العزة ..

وأنت تحدث لك أمور منها الحسن ومنها السيئ .. ما انت بشر ...فيا تصمت وتندمس ويا يكون عندك رد فعل حسب العملة بفتح العين ( وليس ضمها ) ... ورد الفعل ده ... تصرف تعمله ...
تصرف يفرح وتؤجر عليه وآخر يهوي بك الى ... والعياذ بالله ..
واحيانا يكون رد كما لو كانت هذه النفس بشر امامك ــ ماهي نفس ــ
فتكافئها بيا ايتها المطمئنة ..
ارجعي راضية مرضية ..

أو تلومها لماذا فعلتي كذا وترجع . فلا تعودي يا ايتها اللوامة ..

أو تزجرها بتعنيف لدرجة وصفها يا ... الفعلتي وتركتي .. يا الأمارة بالسوء ... يا ...

قصة عمر بن الخطاب مع جابر ..
عن جابر بن عبدالله رضي الله عنه أنه قال: رأى عمر بن الخطاب لحمًا معلقًا في يديّ فقال: ماهذا يا جابر؟ قلت اشتهيت لحمًا فاشتريته، فقال عمر: أو كلما اشتهيت اشتريت ياجابر، أما تخاف هذه الآية ( أَذْهَبْتُمْ طَيِّبَاتِكُمْ فِي حَيَاتِكُمُ الدُّنْيَا) سورة الأحقاف آية (20) .

فيا دكتورالشاهد :ــ

انه قبل يومين وانا خارج من العمل مررت على مطعم وقلت خد لك فيليه السمك .. على الأقل جاهز وتغير شويه من حاجاتك القاعد تعملها دي ... وده حديث نفسي ..

فجأة ما كان مني إلا أن رديت عليها يا ايتها نفسي أمال الفي التلاجة المعمول ده مين ال حياكلوا ؟
أمشي بلا فيليه بلا ... واوعي تاني تشتهي حاجة وفي غيرها ..
وضغطت بنزين وزودت السرعة وهاك يا تلاجة .. فضحكت ..

https://www.youtube.com/watch?v=kdaCSAtN9ck

[بابكر مخير]

انه قبل يومين وانا خارج من العمل مررت على مطعم وقلت خد لك فيليه السمك .. على الأقل جاهز وتغير شويه من حاجاتك القاعد تعملها دي ... وده حديث نفسي ..
فجأة ما كان مني إلا أن رديت عليها يا ايتها نفسي أمال الفي التلاجة المعمول ده مين ال حياكلوا ؟
أمشي بلا فيليه بلا ... واوعي تاني تشتهي حاجة وفي غيرها ..
وضغطت بنزين وزودت السرعة وهاك يا تلاجة .. فضحكت ..


حاكم الحكمة، الحبيب عبد الحكيم
والشقة بعد ما ضوها وحياتها وروحها
شدن الرحال عائديين، سالمين ومعافيين الي بلد الضباب ليبعثوا فيها من نورهن وحيويتهن.
مدون وجيجآ :cool:
أبني والهو أخويا في حسبة القرب وحبيبن تب(مع أنهو مريخابي)، لصقتا فيهو لصقتن شديدة ما بس لصق "صمغ" لكنها حقت لحمتن شحماااانة، من لذتها بتنبلع، ما تنمدغ ياهو هو ظاتهو "محمد الطيب مالك".
معايا ومعاهو. إن طلعتا وإن نزلتا. أمس وكانهو قراء الكلام.. ومن حوش السمك جاب ليهو ميكس قريل ودآك يا نص كيلو قشرة البياض الفرايد اللاهو أصفر تقول تشبهو بالعسجد ولا برتقالي تقول لون الغروب والشمس واقعة تشوفها من كوبري أمدرمان وإتا تعاين تقول تشوف بيت المال.
لهطتا وإحساسي أنهو دآ السمك تاني ما بيكون ظاتهو الباكلهو؟؟ إلا ياهو دآك المعرروفين بيهو ناس بلدن ذي ما كانا زمان بيتقال لينا "بلد الخرتيت" هم كمان ينقال ليهم بلد الفيش أند تشيبس.. باقي الباقيات ليا أيام وأقول لي هنا... بآي بآي

[بابكر مخير]

زنقة كلب في طاحونة وقفلت بابكر بسبب الكرونا..
عايز أسافر، أرجع أشوف وليداتي وأحفادي..
أحاضنينهم وأطايبهم وأشبع روحي منهم..
قالوا.. الكرونة سادة الطريق
عاملة ضيق
للقادر والما بطيق..
طيب الصرفة..
عشان تسافر إلا تعمل طوافة (لأنه سفر مباشر من هنا ما متوفر فتزور بلاد وتسيب بلاد)
في كم بلد... وإلا في الهوتيل بالغسب تتم الضيافة.. (هناك في لندن تقعد على حسابك بي مبلغ وقدرهو وتدفع حق الفحص بتاع الكرونة وبرضهو على حسابك)
لكن ما في الفنادق مكلفة إلا لي زولن صاحب صرافة.. (كم مية جني إسترليني كدآ)
الرووووووووووووووووووووووب :(:(:(
كيف الخلاص:mad::mad::mad::mad:

https://www.youtube.com/watch?v=wyieY3dyb8k

[بابكر مخير]

صفات متشابها بس في الأخير طبزوها؛
صحن السلطة والسودان.
إتنينتهم صفاتهم متلونات ومتنوعات..
في صحن السلطة تلقى الجرجير أخضر غامق والخس بلونه الأخضر الفاتح والعجور برضك ذيهو والخيار ضهرو دآكن الخضار وباطنهو حليبي بي لمسة خضارن هادئ والبصل الأخضر والأبيض وحتى الأحمر الهندي اللو قشرهو في مدني عينك تدمع في أمدر وكأنهو النيل بيجي شايلهو مع الطمي وتلقى الطمام مرة لونهو أحمر دامي ومرة تلقاهو بصفرتن غالب عليها البرتقالي وهو أنواع منها لحم البقر ودي كبيرة ومليانة لحم ومنها زمان أول ما إبتدى تهجين الطماطم البيسموهو الروثمان ومنها الشيري الهو صغنوني في زمن زمان كانت بتعرف بالندورة يعني لمن يرسلوك زنك الخضار ما في حاجة إسمها طماطم. ياها بس البندورة ومفروشة في الواطة على شوال خيش ومرشوشة بي موية لزوم الترطيب من هجير النهار. في السلطة دخلت محسنات كما تطور وتفرنج مكونها ومن المحسنات رشة شمار وليمون من الأصفر الكبير الحجم وفي ليمون البرازيلي البدون بذرة أو الليمون الهندي الصغير الكلهو بذور لكن نكهتو تتميز على التانيين وكمان رشة خل التفاح لأنه نكهتو حنينة ما ذي دآك بتاع البصل ;) وكمان في الصحن دآ حتت من الجذر وناس بتديهو بنجر ومن المستجدات لصحن السلطة إضافة بعض من الفواكه والغالب هو التفاح يا دآ الفرنسي جامع لوني الأحمر والأصفر متمازجات بلمسة ريشة فنان أو التفاح الأخضر. التفاح اللبناني حلو شديد في طعمه ذي كلام أهل بلدهو وعشان كدآ ما بيحفز إضافتهو. التشكيلة دي مكملة لي بعضها في المذاق والمزاج.
أها السودان دآك ما يهو برضك فيهو الأخضر وفيهو الأحمر والأبيض والأسمر والكحلي وكمان خاتف اللونيين (بعضهن لون اليد لون والوش لون) وفيهم الشكلهو ذي الأوربي وفيهم الأصهو شامي وأفريقي المقاطع والملامح وفيهم الرطاني وفيهم الكلامهو أمدرماني وعربي جوبا وقول هدندوة ولهجة فولاني..
ياهو ذي صفات السلطة لكن بس؟؟
التوليفة تب مافي

[بابكر مخير]

كل شئ ممكن يتجمل.
الشكل، المعنى، المفهوم ونحن الجلآكين من البديهي أن نسعد حين نُجمل من قبل الأخرين.. المعروف عن الأحباش أنهم شعب يملك من الجمال ما يفيض عن الحاجة فيقوم يوزع ما يزيد عن حاجتهو لكل مخلوق سواه. فمثلا!!
تلتقي إحداهن قوامها ملفوف، وجهها فوق الحسن، عيونها، شفاها، بشرتها، وفوق ذلك تأدبها وهي شابة بت التسِئّتآشُر سنة تقول ليك "يني كونجو" وهي تعني يا جميلي..
تلتقي "زلمي" وبلكنته العربية النااااعمة يحدثك؛ أهلين أبو الشباب وهذه تكفي أن تبعث فيك روح همدت من فترة.
غير تجميل البشر هناك تجميل في التعامل بين الناس، الخواجات فايتيننا في هذا قرون، فهم يستعملون كلمة شكرا في كل حالات التعامل حتى أصعبها. ممكن من تعاليم عيسى عليه السلام...
من إنجيل لوقآ "مَنْ ضَرَبَكَ عَلَى خَدِّكَ فَاعْرِضْ لَهُ الآخَرَ أَيْضًا، وَمَنْ أَخَذَ رِدَاءَكَ فَلاَ تَمْنَعْهُ ثَوْبَكَ أَيْضًا."
التجميل عند العرب بعض الأحيان يأتي مبالغ فيه..
فحتى الموت بعضهم يجمل هذا الحدث المحزن وبعديد من الأقوال؛
غيبه الموت، إختاره المولى لجواره، تعيش إتا وغير ذلك ....
لكن كمان هناك منهم من تتغلب عليه طبيعة الصحراء الجافة والشديدة قساوة فممكن يقول ليك: هُلِك

[بابكر مخير]

باب يجيك منهو الريح؟
سدهو إستريح....
زمن الصغرة والطفولة البريئة، كان شارع يكون فيهو كلاب تتفاداهو حتى وإن تطلب الوصل للمكان المقصود مسيرة يوم بي حالها. وعليه فأغلب الأزقة والشوارع الفرعية كانت في حساب المحرمة، يعني ساكن في شارع الأربعين وقصاااد دكان جعفر وماشي حوش آل ميرغني في الهاشماب... ما أقربها مسافة لو شاققتا بي حي الأمراء أو دلفت جهة الخور. بالكتير من تمانية لي تسع دقايق بي نوع المشي دآك التقيف في شجرة من فروع أشجار السدر وتتصيد النبق بالحجارة أو تلقط من بقايا ما تركه غيرك من نبالة. أو تمر ليك بي بيت فيهو نخلة دوم أو شجرة تمر هندي فروعها متدلية لزوم الإثارة والفتنة.
وفي أحيان أخرى هناك مانع أشد فتكا من كلاب الحلة وهو الأطفال من الذين في عمرك أو أكبر. فهم يترصدوا كل دخيل يعبر أراضيهم وكأنهم خاتين فيها لافتة
وييييييييلك لو لم تزعن لهذه التعليمات. فبيت الأشباح أهون. يعني مش دق وشريط ملابس يتموها ليك بسيرة وزفة تنطبع في ذاكرتك حتى لو في كبرك أصبحت سينا المصارع ولا محمد علي كلآي..
ثالثة الآسافي أن يكون في الحلة الإتا حتعبرها ساكن أحد مدرسيك أو أساتذتك. يشوفك وإتا بعد معركة الكرمك ملابسك مشرطة ونفسك قاطع من الجري وأنك قدامهو لا تسير ببطء إكرام وإجلال له. أكييييييييد بكرآ سيتحفك بعذاب يكمل وجبة الأمس الدسمة والتي شبعت فيها ضرب وركل وشلاليت. طبعن كل ما كنت رياضي (أثلتيك) كان نصيبك من الضرب أقل.. يعني تفكها جرية وبي نفس واحد ذي "كآنتي بتاع تشيلسي" من أولاد فريق العمايا ولا الهاشماب تحت.. أو واحد من أهلك الكوبار يكون طالع من البيت وإتآ في سباق المارثون وما تنتبه ليهو وأكيد ما بتنتبه وإتا مقدم على حرب مع مقاتلي قبائل الفايكنز الأشداء مجتمعة، وهو يكون أخد على خاطرهو وطوالي دربهو عديييييييل لبيتكم ليبدي إمتعاضه من سؤ السلوك وكيف أنهو لم أسلم وأُحيي وأقبل اليد وهو يقبل الرأس ويدخل يدهو في الجناح أم جكو وينفحك بقطعة حلاوة أو تمرة.. يشتكيك لأنك حرمتهو من هذه المتعة. هذه لم نكن نعرف معناها المعناة من حرمانها إلا حسي لمن بيقينا نحنا محلهم..
المهم أنا كانت دوما رحلتي التي كان لها أن تكون لأقل من عشر دقايق وعملا بالمثل البيقول.. باب يجيك من الريح سدهو وإستريح كان خط سيري حتى دون الإستعانة بي (قوقل ماب) رغم طوله لكنهو أمين وسالك وزيادة في ضمان الحماية أنهو بيمر بي قدام القسم في شارع العرضة وبعدها شارع الموردة جنوبا لييين الحوش..
أها يبقآ الحقيقة الثابتة أنك كل مكان يكمن ليهو فيهو خطر، حدث أو منتزظر بتتفاداهو وأنا أمس لي شقاوتي مرقتا من الأوضة ماشي المطبخ أظبط ليا كباية شآهي ولم أنتبه أنهو البلاط مبتل وفجاءة وكأني من أبطال القفز بالزانة أعلو عاليا (من أدهش الأشياء أنك بتكون عايش هذه اللحظة ولكنك بلا سيطرة) وأتخما في البلاط الصلب وغايتهو في وكتها الحمد لله الرأس ما ضرب الأرضية ولكن الحيطة والهي أكثر حنية من الرخام..
حسي حاجتين إتنين مسببات ليا وجعة وهول؛ أولهم أخف من التاني وهو بعض الرضوخات والألم والثاني الأكثر إرهاب وهولا.. أني كيييييف تاني أمر من الحتة دي. الذي فيها علامة تحظر من المرور.....

http://www.sudanyat.org/vb/uploaded/851_1623371468.png

[ناصر يوسف]

أها يبقآ الحقيقة الثابتة أنك كل مكان يكمن ليهو فيهو خطر، حدث أو منتزظر بتتفاداهو وأنا أمس لي شقاوتي مرقتا من الأوضة ماشي المطبخ أظبط ليا كباية شآهي ولم أنتبه أنهو البلاط مبتل وفجاءة وكأني من أبطال القفز بالزانة أعلو عاليا (من أدهش الأشياء أنك بتكون عايش هذه اللحظة ولكنك بلا سيطرة) وأتخما في البلاط الصلب وغايتهو في وكتها الحمد لله الرأس ما ضرب الأرضية ولكن الحيطة والهي أكثر حنية من الرخام..
حسي حاجتين إتنين مسببات ليا وجعة وهول؛ أولهم أخف من التاني وهو بعض الرضوخات والألم والثاني الأكثر إرهاب وهولا.. أني كيييييف تاني أمر من الحتة دي. الذي فيها علامة تحظر من المرور.....

http://www.sudanyat.org/vb/uploaded/851_1623371468.png

حبيبنا د. بابكر مخير

تحية و احتراما

سلامتك يا حبيب

إنتبه لنفسك

[بابكر مخير]

لا يخفى عن قريب وصديق أو قاصي بعيد ممن قرآ شيتن من قولي البكتبهو بقصد أو دون معنى. مدي رعبي، خوفي، كرهي من حاجة إسمها ركوب الطيارة. حتى لو من هنا لي البحرين الفيها من التئكؤوف إلي اللاندين 45 دقيقة بي قليل مطابتها وقصر مسافتها. أييييش بالك تكون الطيارة بتأخد من الساعات ما يقارب عدد ساعات العمل التي تنص عليها المواثيق الدولية ويطبقها أصحاب العمل الأمينين وتطبقها فقط تلك المؤسسات البتخاف ربها. أكييييد ما مؤسسات الإنتاج في أمريكا الجنوبية والذين يعملوا في زراعة وتصنيع ما هو خطر ومضر (looool). ومن الدقايق ما يقل بقليل عن اليوم الدراسي وهي إن كانت تقاس بما يجري في غرفة العمليات الجراحية فهي تتعدى الكثير من العمليات الكبيرة إلا أنها تساويها في إحتمالات الخطورة، فيا غرق يا جيت حازمها..
يعني يا الإخوة رايت؟ كان لزومهو شنهو ما هو كم من مسافر من زمان ركب الإنعام وقطع بيها الصحارى وضرب بيها عباب المياه من محيطات واسعات وبحار أمواجها متراطمات وأنهر وخيران "قبل ما يتعمل خور أبعنجة كان الناس عارفيين أنهم في حالات الضرورة القصوى ياهو ممكن مريكب صغونية كدآ، حسي قال ليك كوبري هههههه. غايتهو إلا تغوص تحت الموية عشان تقول تمشي فوقهو"(طبعن التعبير دآ حسي عصر الخلق عصرة شديدة، الحكومات تقول ليك ما تسافر لي وين إلا في حالات الضرورة القصوى، يعني حسي بالله عليكم جونسون دآ لمن يقول الكلام دآ ويقصد دول الخليج العربي بقصد لعدم إنتقال فيروس الكرونة، مش ببالغ. ممالك وإمارات ودول في كتير من الاحيان تتساوى فيها نسب الشفاء مع معدل الإصابات أو تقل قليل)..
مالهو السفر بالقطارة والعربات وخليهو يكون كدآري عديييييل كدي. مش برضهو لابد من صنعاء وإن طال السفر.. العجلة في شنهو. غايتهو إلا ياهو الشيطان أبو العجلة بس قاصد يهيص بالذي كدي ويجبر للسفر بالطيارة..
طبعن مجنب بي جآي كم سنة لا الخرطوم الحبيبة ولا لندن ست السبع ساعات بالسفر بعيدة..
برضي بشوف نفسي محظوظ فإتصور هناك البسافر من هنا لي أستراليا وقال سياحة عشان يشوف الكنجارو ولا يكرمج في شواطيها ذات الموج العالي ولا أمريكا يزور ديزني لاند، يا أخي قرب المسافة وأختصر في ساعات السفر وأبقآ "مشي لي باريس" ولا دآك الإداري الماشي يتعاقد مع سانتشيز في سانتياقو..
بعضهم يقول ليك أشرب زيت الخروع ولا غسل بي صابون ولا في ناس يتكلموا عن الشيح وإمساك البطن مع أنهو في ماهو أكيد وأنجع ودون إستعمال لا عقاقير طبيعية ولا كيميائية مستحضرة في المختبرات (ما أهو المختبرات جابت الكرونة)..
بكل بساطة بس فكر في أنك تسافر بي طيارة حتى لو من أبوظبي لي مصفح، من محطة قطار الأنفاق كوينس ووي لي الأخرى بييزوتر أو من الجوهرة الزرقاء لي حفرة الدخان ;);)

[بابكر مخير]

ظنيتهو في قولة، بتقول: الميت فاقد روحهو..
هي تعبير ما شرطن يكون للموت الأحمر دآك... ما برضك النوم يعرف بأنهو الموت الأصغر،، الغياب ظنيتهو برضك نوع من الموت.. شجرة تغيب منها الزقاية، تشوفها تموت ترج الزقاية ترجع ليها الحياة من تاني..
زول غاب ولا زول طراهو ولا هببهو ليهو.. ما في زول فقدهو لكن هو الإفتقد الناس ويبقى ينطبق عليهو؟؟؟
فاقد روحهو..
اللهم أرحمنا في حياتنا وأعفة عنا في دنينا هذه. اللهم تقبلنا بعد مماتنا في رحابك، مرضي عنا، مغفور لخطايانا فانت الغفار الرحيم...

[بابكر مخير]

ظنيتهو في قولة، بتقول: الميت فاقد روحهو..
هي تعبير ما شرطن يكون للموت الأحمر دآك... ما برضك النوم يعرف بأنهو الموت الأصغر،، الغياب ظنيتهو برضك نوع من الموت.. شجرة تغيب منها الزقاية، تشوفها تموت ترج الزقاية ترجع ليها الحياة من تاني..
زول غاب ولا زول طراهو ولا هببهو ليهو.. ما في زول فقدهو لكن هو الإفتقد الناس ويبقى ينطبق عليهو؟؟؟
فاقد روحهو..
اللهم أرحمنا في حياتنا وأعفة عنا في دنينا هذه. اللهم تقبلنا بعد مماتنا في رحابك، مرضي عنا، مغفور لخطايانا فانت الغفار الرحيم...

دي جرسة زولن ضربتهو الكرونة.. ظنيتها دي الهندية ولا متحورة تانية... النتيجة إيجابي.. الأعراض ما شئ.. بعد تلاتة يوم حمى خفيفة وصداع لي فترة قصيرة.. اليوم البعدهو عادي والاكسجين تمام.. الحمد لله وسبحان الله.. فحصتا عشان السفر وبقآ لا سفر ولا شئ... كرونة أبو أصفاد وحظر في مركز الإمارات الميداني.. خلو بالكم يا شباب وربنا يغطيكم. الموجة الحسي دي ظنيتها بالهواء تنتشر.

[بابكر مخير]

قرينا روميو وجولييت وتاجوج والمحلق، قصص رومانسية فوق العقول.. حب بين إتنين حين شعر أحدهم بأن فراق حبيبه قرب.. إنشطر قلبهو وإنفجر وسمعت ضرباتهو من بعد. وحب جهجو الفارق الطبقي وتقبل المجتمع وحتى عدم التقيم للقديم الذي في باطنه المعرفة والخبرة. الفراق حآر وهو درجات وأنواع وأشكال.
فراق وقتي وفرق أبدي، فراق قسري وفراق توافقي، فراق يراعي المصالح وفراق يأتي على الأخضر واليابس لا مهموم ولا يبالي..
فراق الأحبة وفراق الأعداء، فراق أفراد الأسرة عن بعض بسبب الزواج أو سبب العمل أو الفراق الما بعده إجتماع....
بعضهم قال ليا: تكون الكرونة دي جات عشان تمسكك، أبو ظبي ما عايزة تفكك تمشي منها، محبتن فيك..
فلتا ليهو.. إلا بي مضرة، ما بس لو لولحت ليا بي عقد عمل فيهو سكن وألباقي بي بطني سآكت... ما بمشي...
وهنا يبقآ دآ فراقن ليها على مضض وبالم وجرح عوير :(:(

[بابكر مخير]

إختلال المفاهيم حدث ولا حرج..
من أحدثها والتي ظهرت مع الكرونة.. أنك تكون إيجابي جدا في حياتك ونشيط وعندك طموح (ًهينو لي حكاية العمر، ما الشباب روح) وتجتهد بكل ما أوتيت من قدرات، جسدية ونفسية لتحقق حلم being negative.
تشعر بإنهزامية وصدمة أقوى من بتاعت أخر رئيس وزراء عهد الأنقاذ الما لحق يعملها لمن عملها حمدوك.
تشعر بإكتئاب وضعف شديدين لمن تجيك نتيجة الفحص بي سي آر موجب.. إتصور أنك تكون إيجابي لتحظى بأن تكون سلبي..

[بابكر مخير]

حسي بقآ إلا شيتن مكتوب عليهو عضوي حتى تقول تثق فيهو. ما الجداد طعمهو هرمون عشان يشحم وحجمه يكبر والبقر زقهو بنسلين عشان اللبن يكون لونقلايف، الأكل دآ للفول الكنا زمان نستلذ بيهو إن جآي من السليم ولا سهول إنجلترا ولا بلغاريا والتي كانت تشكل سلة الغذا لدول المعسكر الشرقي الكان مستعمر الإتحاد السوفيتي البلشفي أو مزارع الأحصنة المستانغ في أمريكا (ما الفول بتاعنا دآ أصلهو عرفوهو أنهو زوادة للحصين). كان إن خلااص قالوا يزيدهو شيتن براني ببيقآ ياها الشطة الحمراء، بعدها بقوا يفندكو الشطة الخضراء ومعاها توم وليمون. لكن الجان عمل الفيرشن بتاعتهو براهو ويرمي ليك فيهو سليدين تلاتة بذنجان أسود مغلي وما بيهرس الفول على العكس من أبو العباس والعشرة العظام وهم طبعن البهارات التي تضاف لصحن الفول، وتقول ليا ممكن تتوضح الخيط الأحمر من الأبيض الغير مغشوش. أكيد حتى فولاية واحدة سليمة في الصحن ما بتقدر تلقاها إلا تجيب ناس الدهب ديك بي غرابيلهم يلقوا ليك واحدة وأكيد ما عرق عشان تقول تتبعهو...
خلاصة القول...
الكركم دخل عالم التزييف في دنيا السمك الفرايد ودجاج البوست وكل من أكلات يتطعمها الزول أولا بي لونها وبعدها رائحتها وأخيرا بطعمها.
ماجي كانت قد سبقت الكركم في دنيا تزييف خاصيات الأطعمة لما لها من رائحة تسطح برائحة تلامس خشاشيم الأنف بنعومة تغريد طيور القبابر التي يسمع عذوبة تغريدها ويصعب شوفها. ولكن مع التأريخ يسجل الفلفل الحار سبق على كل محسنات الطعام.
إن كانت الكريمات والفاونديشنات والمبيضات وحمامات الشمس الإصطناعية بتاعت الفوق نفسجية. فإن الحناء هي السابق الأول وحتى أنها سبقت التاتو في إضافة جماليات بنقوش ورسومات وبدايتها من الأكف الي أن وصلت هي والأزمى "دي جمع زمام وكدآ يعني" الي مناطق شبه محرمة وخاصة بالغة الخصوصية..
الكرم لا طعم ولا رائحة تميزه غير لونه الذي يدي إنطباع لمن يضاف للسمك الفرايد أنهو لونهو ذهبي مائل للبرتقالي مع أنهو والله زمان كانت وجبتنا المفضلة في الجي أم أتش، مع عمر العبيد هي فيش فينقر وكان لونهو ذهبي براق دون كركم ويتلاءلاء جذابا وأخاذ مع ضعف الإضاءة في المكان لزوم إنجاز عمل فني يفهمه العامليين في المسارح وإستديوهات التصوير بقصد إبقاء هدوء يسبق العاصفة.. ما جي أم أتش كمان في كلام......

[بابكر مخير]

وجاااااااااات الحزينة تفرح! ما لئتش مطرح...
بإنجاز لم يحققه منتخب السودان حتى وإن فاز على ليبيا أو تطور أكثر ليهزم البرازيل (يا أخونا والله كونتي بذكرني بي شواطين وخاصة لمن دخل بيليه فتيل في مبارتهم مع الهلال في تأريخ جميل) إنتصرت نسبيا على الكرونة وهزمتها في عقر واحدة من المؤسسات العظيمة في الحرب على الكرونة مستشفى الإمارات الميداني فإعترف فريق الحكام بأن هذا إنجاز ولو شوية كان أخدتا فيهو بتاع الشجاعة من الدرجة الأولى 1976... صديقي أحمد الزبير عن عطاء وشجاعة غير مسبوقة بين رجالات الشرطة منحه نميري وسام الشجاعة من الدرجة الأولى وأنا عن أني إتخارجتا من موتة أكيدة وفي نفس المكان الذي قدم أحمد الزبير ما إستحق عليه الوسام. لم يهن على نميري إلا وأن يمنحني نفس الوسام والحكمة أنه بعد عام وشئ تمت تصفية الأجهزة الأمنية والجيش من لهم إنتماء سياسي بحزب الأمة أو بكيان الأنصار، أذكر أنهو أخي الحبيب أحمد النور وهو الرجل الصالح الطيب، تخارج من تلك الإحالات والتقيته بعد ما رجعت من تمانية سنوات غياب وكان مدير مكتب مدير عام الشرطة...
رغم هذا الإنجاز على الكرونة كنت مستعد أني أحتفل وأيتها إحتفال؟؟ يبدآ من هنا ولييين التنكر... لكن تأتي الرياح بما لا تشتهي السفن..
إذ حدث ما حدث؟؟؟
القصة وكما هي؛ مع أني مرتين سلبي، إلا أني لا زلت تحت العلاج وحبوب الأنتيفايرس لمدة يومين أخرين وبعدها صورة الأشعة وخلو الرئتيين من الإصابة حينها سيتم الإفراج عني... يبقآ لسة قاعديين في مكاننا... نتأنس بيننا مع الممرضيين والممرضات (😜) وبين إفتراش السرير والخلو بالنفس وقاعد الكرسي والسرحان في الماضي وحلو الذكريات وإجترار جراح فراق الأحباء اللذين سبقونا وهموا عالقيين بصورة دائمة في قلب المهاد (المخيخ)

[بابكر مخير]

في مثل هذه الساعات وقبل إتنين وتلاتين عاما ميلاديا. وأنا في متواجد في جو أسري مفعم بالجمال للأحتفاء بزواج ميمون جمع أسر وقبائل في شخصين إثنين وأستميحك أخي إبراهيم أن أقدم ذكرها قبلك ولست تقديما يمس عظمتك عندي وهي بنت أختي الحبيبات من شقيقي إبراهيم الكوباني.. كنت بهذا الحدث وكل ذلك الجمع، سعيد ومنتشي وزادني فرحة خبر زفه لي سيد مبارك المهدي وزير الداخلية حينها بأن إلحاقي بدفعتي قد تقرر وأنهو وقع عليه هذا الصباح ومحفوظ بلا شك في أحد أدراج مدير عام الشرطة للمباشرة والتنفيذ..
أنتهت سهرتي تلك الليلة وعدت الي المنزل وكالطفل أترقب يوم السبت حيث تنتظرني أخيرا، الأزبليطة قدحها صقر وفوقه ثلاث نجوم وهو ما كان عليه دفعتي كمال حسن ومعتصم كريم ومحمد عبد الرحيم جاه النبي وهو أيضا حال بيتي فوعائه محمد الذي بلغ من العمر حينها خمسة أيام وكما حبب اليه يوم تعلم الحديث أن قال عن نفسه "بيت الراجل" فهو الوعاء الذي يجمع إخياتهو التلاتة مدينة وزينب وأمنة..
نمت وكان يوم على غير عادات أيام الخميس لمن يكون عرس في بداية أيام الخرف. فلا كتاحة ولا مطر ولكن للأسف كان هناك ما هو أسوء وأقسى... كان إنقلاب الإنقاذ..
إستيقظت في الصباح الباكر من يوم الجمعة المباركة عادة إلا تلك يوم 30 يونيو 1989 فقد كانت جمعة شئوم.. لم المذياع هو نفسه ولا الشارع في شكله المعتاد.. فتحت باب الحوش وقلتا أطقس فهناك شئ غير عادي.. من الجهة المقابلة كان عاصم صلاح قدام باب بيتهم وهاهو بكور (أبو بكر عبد المجيد الامير يعقوب) يؤشر مستفسرا... عرفنا وبعد لحظات معدودات وفي السودان لا تتأخر الحقيقة أن تطل برأسها وينكشف المغطى.. إنه إنقلاب.. فاجعة، صدمة، مصيبة أم قدر الله إنصب علينا.. فنحن كانت الديمقراطية في حوزتنا وقابضين عليها بأيدينا ولكننا كسابق عهدينا. لم نصونها ولا كما قال سيد صادق عليه الرحمة قدرنا نوصلها الميز..
مواصلة...........

[بابكر مخير]

مواصلة...........
وتنادينا وقررنا بكور وشخصي أن تكون وجهتنا البيت الكبير فهناك خيوط الحقيقة تكون مجتمعة لتوصلنا لحقيقة الأمر. كنا أيامي المسئول عن الشباب بحزب الأمة بتكليف من القيادة وبرغبة من السيدة سارة الفاضل عليها الرحمة كلها أمينة التنظيم في الحزب، أن أكلف بهذه المهمة بعد أخي الزهاوي ابراهيم مالك عليه الرحمة نحن مجموعة أظلمها إن قلت متجانسة فهي كانت أكثر من ذلك. كانت مجموعة تشكل جسدا واحد وأتذكر من الإنجازات التي لقت إعجاب وتقدير أخونا فضل النور المدير التنفيذي حينها لحزب الأمة القومي هو الإحتفال الذي كنا قد نظمناه إحتفاء بوفود الشباب العرب، فكان يوم تأريخي من حيث الإخراج فكان تصوير لمجد السودان في ثورته التي إقتلعت جذور الدولة العثمانية بثورته المهدية وكان الحضور قد إستمتع بصوت بادي محمد الطيب يشدو بأناشيد وطنية جميلة، كان هناك شباب الأنصار والخيل وكان الحضور مشرف وللتأريخ أذكر أن لمسات أخي الحبيب عليه الرحمة الأستاذ الطيب ميرغني شكاك كانت ظاهرة. فهو كان دوما النجاح في إخراج إحتفالات الأحفاد السنوية بيوم الذكرى وكان هو إحتفائية عودة الأمام عبد الرحمن مشافى..
كنا جسد واحد وأتذكر أني كنت قد أطلقت عليهم أسماء أحتفظت بها لنفسي ولكن الان وبعد الثلاثين العجاف يمكن البوح بها. ولكن راحت الأسماء فعذري الشديد ولكهم أعتذر وأتأسف أني خنت حفظ أسمائكم الغالية. كانت الأميرة وهي زينب تلك الأنصارية سمراء اللون جميلة المحيا، السيدة وهي كانت الأخت الحبيبة مريم بت الأمير نقد الله ود مدني، الدينمو وكانت هي تلك الأنصارية التي كان تنظيم المرأة يتجاذبها منا لإحيائه كما كانت لنا القلب النابض (والله يما إسمك في طرف لساني) مدير المطافئ وكان هو الفاضل آدم فكان لبق في حديثه وحذق في تعامله، فما كان من شباب الحزب من الأقاليم يأتون ثائرون ساخطون وإلا كان الفاضل بهم كفيل، يقضي حوائجهم ويحسن مراضاتهم، بكور ومحمد البشري هؤلاء كان لهم ميزة غير إخوتهم، فكان لقرب مساكننا، الكثرة في لقائتنا وكان محمد بيننا ميسور الحال فكان له سيارة فكان ركوبنا...
لم أستمر في القيام بأعباء تلك المهمة لسبب ما حدث في تحالف الحزب مع الأخوان في تشكيل حكومة من الطرفيين. كان بكري عدلي ومادبو وكان عبد المحمود وبعض من قيادات وأعضاء، كوادر ومحبي الحزب قد سائهم ذآك الحدث فجمد منهم من جمد جهودهو في الحزب وبعضهم ذهب الي أبعد من ذلك بأن شق عصا الطاعة. كنت من أولائك الذي أثروا التجنيب وبعد أن صارحت سيدة سارة بذلك وكأني بها كنت بغير رضاء لما حدث والله أعلم..
ذآك اليوم كان أول أيام عودتي بروح شخص منظم عليه واجب أن يؤديه فذهبنا بكور وشخصي لمحمد البشرى في منزله ومنها توجهنا الي البيت الكبير (دار الحزب)..
هالني هناك منظر ما ظنيتني أقدر أوصفهو لكن حأقولهو... خالي يوسف ماسك بوابة دار الحزب الشرقية ودموعه منهمرة وسمعته يردد؛
"خلاص السودان إنتهى والديمقراطية ما ليها قومة بعد دآ"....
بعدها جاء أحدهم من الداخل وفتحلنا الباب، مع بكور ومحمد بشرى بدا شباب الحزب في التوافد وفي وكقتها كان لنا الأمر أكتر من واضح.. هذا الإنقلاب هم من الأخوان فهذه من شيمهم كبعض من الكلاب التي تعض اليد التي تحسن اليها...
أصدرنا أول بيان معارض لهذا الإنقلاب يصدر من تنظيم سياسي حزبي أو نقابي وطبع من عدد لا باس به ونشط العديد من كوادرنا في توزيعه تحت إشراف الأميرة زينب.. وهنا جاء الي إنتباهنا أن الإنقلابية قد فات عليهم لجهل بالتنظيم أو ضعف مصاحب لإنقلابهم أن يصدروا بيان في الإذاعة وكاد أليوم أن ينتصف، فرأيت أن نقوم بحركة يمكن أن تفشل هذا الإنقلاب في أن لا يصل منفذوه الي الشعب السوداني وأن تقطع الكهرباء من الإذاعة والتلفزيون فيسقط في يديهم هذا العنصر وفي نفس الوقت يمكن قيادات الأحزاب والمنظمات الهمل المدني والنقابي من تنفيذ ما كان قد أتفق عليه في ميثاق الدفاع عن الديمقراطية...
تحركنا أولا لممثلي حزب الامة القومي في نقابة الكهرباء مدينة أمدرمان وبعد أن إستعان الأبناء محمد وبكور بمعارفهم حددنا مواقع سكن بعضهم والتقيناهم. إلا أنهم كانوا بذاك الإنضباط الذي قدر ما أفسدنا فكرتنا فقد أنجح إنقلاب الكيزان، فعذرهم أن قرار مثل هذا لا يمكن أن يصدر إلا من مركزية النقابة بالعاصمة. إذن فالنرجو أن يمتعنا الله بوقت زيادة وأن يعمي بصر وبصيرة الإنقلابييون ويستمروا في تأخير إذاعة بيانهم الأول حت تتمكن المركزية من الإجتماع وتقرر سحب سكينة الكهرباء (مع أنهو حسي ظنيتهو القرار دآ بيكون عند عامل لمن يسحب السكينة ويضلم ربوع أمدر وكل العاصمة الومية ولا طلبة تذاكر للإمتحانات ولا أطفال ينوموا تحت المكيفات).. لم نستسلم وأنا صلتي بالنقابين كانت من خلال الزميل شبلي وبيتهم جمب ناس عبد الله خليل وكان هو الأخر في حالة من الإنزعاج ولم يصل لا هو ولا نحنا معاهو لي حل.. وكان النقابات ومن خلفها تلك القيادات من شيوعية وبعثية كانت لها رؤية أخرى ولكن الله أفسدها عليهم وعلينا كلنا. هم ما نجح إنقلابهم ولا وصلوا للسلطة وإحنا ياهو، إنكسر امرق وأتشتت اللقاط...........
نواصل

[بابكر مخير]

بعد الإحباط الإتملينابو ما فضل لينا إلا نطقس ونشوف قياداتنا، سيد صادق أسر أن يختفي وأن يقود المعارضة بنفسه بعد أن هُزمت وثيقة الدفاع عن الديمقراية في أول نزال لها. مع سيد صادق ذهب العديد من قيادات الحزب وبعد أيام بدت الأخبار تتوارد غير سارة، فقد القي القبض على قادتنا وأودع جلهم السجن..
زالة غشاوة التضليل التي مارسها الكيزان من عيون قيادات الأحزاب والنقابات التي كانت معشمة أنهو الإنقلاب حقها وذلك بحملة الإعتقالات الواسعة التي قامت بها. فبدوا يتنادوا في ما بينهم وكان لنا حزب الأمة نصيب في المشاركة المتقدمة لتكوين التجمع. كانت البداية طبية ومحصورة في شباب يسارهم ويمينهم مع وسطهم بدوا في إجتماعات نشطة وكان لدكتور مستر أحمد التجاني اليد العليا فهو من فتح قلبه ومكتبه لهم وفي نظري كان هو عراب تلك المجموعة، بلا خوف أو رهبة وبتحمل كامل للمسئولية فتح مكتبه بمستشفى الخرطوم التعليمي ليكون تلك الدوحة التي إستظل فيها ناس دكتور الفاتح عبد السيد وسيد عبد الله وتجاني أبو قصيصة وبقادي جونير والخال إبراهيم بدري وسورابي وكم من شباب وشيب مثلي جمعهم حب الوطن والعمل للخروج به من وئدته هذه ومن خلاله اللقاءات تلك كان هناك تواصل نشط أيضا بين العديد من الشيوعيين ومجموعات نقابية وقد ما كانوا هموا يبحثون عن شركاء للعمل المعارض كان هناك من يحثون عنهم وعن أمثالهم والتقيت مع بعض منهم الدكتور مأمون وبنت الخالة العزيزتين نعمات مالك وأقول من أول أيام كان هناك توافق على أن يكون جسم يجمع المعارضة بعد أن الظروف أزالت قناع الكذب عن إنقلاب الكيزان..
أذكر أنه كان ذي إجماع بين هؤلاء أن يكون وجود حزب الأمة ممثل في قيادي من تلك الأسماء التي لها وقع ورنيين وبديهي أن في مثل هذه العمل "تحت الأرض" أن يتوفر فيه الثقة المتبادلة وتلك تقوى دوما بتعدد العمل المشترك بينها. فكان الطلب أن يمثل حزب الأمة في الإجتماعات الرسمية القادمة بواحد من العم إدريس البنا، العم صلاح عبد السلام الخليفة، عبد الرحمن عبد الله نقد الله "الحاج نقد الله"..
أوصلت هذا للسيدة السارة الفاضل أمينة التظيم في حزب الامة القومي وهي تكاد أن كانت الوحيدة المتوفرة من قيادات أمانات الحزب. كانت وقتها طريحة المستشفى العسكري وكما هو دوما حال مثل أولائك الإنقلابيين أنهو ربنا بيعمي بصرهم في كتير من الاوقات. ففي نفس المكان الذي كانت سيد سارة راقدة، كان هناك واحد من قيادات الشرطة في نفس الجناح وما كان هناك تشديد في الزيارات له ولكل ممن هم في الجناح، فعليه كانت وسيلة التواصل مع أمين التنظيم متوفرة..
طلبت مني السيدة أمينة التنظيم، نسبة لغياب الأعمام البنا وصلاح (يوبي) في المعتقل. أن علي التواصل مع الحاج نقد الله فهو الوحيد المتواجد في الخارج والطلب منه أن يواصل اللقاءات مستقبلا..
أتذكر ومعايا إتنينتهم رفقاء التحرك محمد بشرى وأبوبكر عبد المجيد.. ذهبنا للحاج في بيتهم والذي أعرفه جدا منذ أيام الصبا وإحنا طلبة في الثانوية ونشاطاتنا الحيوية وكيف أننا كثير من المرات كنا نستمتع بالخروج بالعربة الفولجا خاصة الوالد عبد الله نقد الله.
لم أستطيع مع تعدد ذهابي للقاءه أن ألتقي الحاج وكانت الأخت الصغير السارة هي من التقي دوما وأنه "أخوك ينام متأخر بعد التهجد ليلا" "أخوك الأيام دي القرحة قايمة عليهو وعشان كدآ بيريح شوية" وكان دوما الوعد بأنه سيعرف بالأمر وسيكون رده جاهزا لطلب سيدة سارة..
حين كثر ترددي وإحساسي بأن الحاج لسبب يعرفه هو لم يكن راغب فالإستجابة، قررت أن أكاشف السيدة أمينة التنظيم بعدم الجدوى لملاحقة الحاج وأننا في الحزب يحق لنا تقديم من نراه قادر على هذا العمل التنسيقي ولا أن يملى علينا من يمثنا. وافقت سيدة السارة علي الكلام ولكنها قالت ندخل هذا للسيد صادق والذي وقتها كان في كوبر على أن يقرر ممن معه الشخص الذي يكون الممثل. كنتا انا بين فسحة الحزب في أن من يكلف من يراه وبين إستعجال الطرف التاني في تحديد ممثل الحزب لحضور الإجتماعات،،،، بتذكر الزهاوي كان من بين الناس الإتواصلت معهم ليكون هو المختار ولكنه لم يكن يبدي حماسة.. أخونا الدومة كان متحس ولكن على ما أعتقد أنه أعتقل...
نواصل...

[بابكر مخير]

عاينت في الواصفات المفروض تكون متوفرة في الشخص المفروض يتحمل مهمة الربط بين الحزب والمجموعة البتسعى لجمع شمل الشعب في جبهة تعمل على إسقاط الإنقلاب وبالسرعة الواجبة قبل أن يتمكن،،، ((قبل ما أنسى،،، أذكر أخونا التوم عليه الرحمة كان كل ما نتلاقى في مناسبة وكانت أغلبها غدوة كآربة عندهو مشعلناها قراصي وبواحد من ملحات السيدة الفضلى زوجته والتي من هنا أشكرها على حسن ضيافتها لنا وبصدر رحب دوما وهي منشرحة وفرحة وأخونا التوم ما بيرحمها من كترة ضيوفهم، كان ديمة يرفع من معنوياتنا ويقول: ظنيت قبل ما نغسل يدينا يجينا الخبر يقول أرجعوا البلد بقت أمان... من الأقول التي سمعتها منقولة، حديث أخوانا الشوعيين عن فترة إستمرار هذا الإنقلاب، فكانوا يقولوا؛ أنهو ذي لوح التلج بيدوب براهو. أكيد ما بقصد أنهو الناس تركن من همة العمل الجاد ولكن أنهو سهل أن "تخمد" برودتهو ويفطس، كما أن البعض شبه الإنقلاب بأنهو وآهي ذي بيت العنكبوت وإن كان القول صآح في ضعفهو، لكن كمان أثبت أنهو بنفس القدر من الحنكة التي صمم بيها بيت العنكبوت فجعله واهي الشكل ولكنهو متماسك فحكم تلاتين سنة))...
المواصفات التي يجب توفرها عديدة ومتعارفة ولكن أنا كنت عندي إضافة واجبة أن تراعى وهي التي دوما ما تغيب عن متمرسي العمل المتخفي من ساسة ونقابيين "على نظام شغل البوليس في under cover".. المهم بعد ما خلاص إنزنقتا في تأخير حزبنا والخوف أن ما نكون في قيادة الركب حيث مكاننا المفروض، أننا نبقى جايين نلحق الركب، فإقترحت على السيدة السارة الفاضل أمينة التنظيم وحلقة الوصل بين قيادات وقواعد وناشطي الحزب ممن هم أحرار في التحرك، أني لي شخص غير كل الشروط المستوجب توفرها من كل النواحي السياسية مضاف اليها عنصر أهم بأنهو بكل حال لست في القوائم المعتادة بالنسبة لأنظمة الأمن الشمولية، فطلبت مني تسميته وقد كان وقالت ليا ندخل الاسم للقيادة داخل السجن لتقرر. جاء الرد سريعا ومباركا لتسمية المهندس أحمد إبراهيم قاسم "كوريآ" كممثل للحزب في الإجتماعات التأسيسية الأولية للتجمع الوطني "الداخل"..
أتذكر أول ما قابلنا هو الموافقة على ديباجة تكوين التجمع وفي المقدمة كان هنا في نص أخفى كم هائل من الإدانة لحزبنا وأتذكر أننا وقفنا بحزم ضده "من أغرب الأشياء، أن البعض من كل الإتجاهات كان يقول ما معناه، مشوهو بي شكلهو دآ وأصله بعديين الحاجات حتتغير، لكننا كمجموعة كانت تعمل ضمن التجمع أصرينا بأن كل كلمة تكون في الديباجة تكون ملزمة حين التوافق على التوقيع وحصل بيناتنا شد وجذب الي أن نجحنا في "إستئصال" ما كان فيهو مأخذ على حزبنا...
من ناحية الوصول بالحزب لمكانته المرموقة فالحمد لله كنا قد أصبنا موقعا متميزا في الداخل وبنفس الروح كنا بإجتهاد تام من قبل مجموعة الحزب في القاهرة على العهد.. أذكر عمنا عبد الحميد صالح الأب الروحي والأخ العزيز دكتور فضل الله علي فضل الله وكم من الشباب الطلاب في جامعات مصر والذي كانوا نشاط غير منقطع.. في القاهرة كان عمل الحزب بالقدر المادي المستطاع من تبرعات أعرق الأسر الأنصارية بالقاهرة آل عثمان صالح وبدعم عمنا عبد الحميد والدعم الأكبر من دكتور فضل الله ولا أنسى الدعم القادم من السعودية "مع الخرف الواحد بعتذر للإخوة في السودية لكن بتذكر منهم أبراهيم مادبو" لكن بعد خروج أخونا مبارك الفاضل المهدي أخذ العمل الحزبي شكلا مختلفا، (لكل حدث يذكره الحديث في حينه ووقته)..
نشطنا مع الإتحاديين بقيادة زين العابدين الهندي، إلا أن كان لنا خلاف جوهري معهم في شأن حركة الزعيم جون قرنق ورؤياهم تجاه جنوب السودان وإحتمالية الفصل، كنا على تناغم مع القيادة الشرعية ومع عديد من الشخصيات القومية المستقلة مثل الأستاذ فاروق أبو عيسى والدكتور أمين مكي مدني، كنا من الداعميين للجنة حقوق الإنسان التي فكر فيها هذان السيدان وعملنا مع إخوتنا الإتحاديين في فكرة فتح أمنيستي إنترناشونال السودان في المهجر ولكن مكتب لندن وأظن على رأسه كان أحد الإخوة السودانيين أفشل لنا الجهد الجهيد بجهد قليل.....
أذكر قبل الهجرة، كنا على تنسيق واسع مع بعض الأحباء من الأنصار لنكون على إستعداد لأي إحتمالات ومنهم أذكر عمنا فضل علي وتيراب آدم والوكتها الشاب الجميل المرح محمد عبد الله (مرافق شخصي لسيد صادق وسائقه الخاص)....

[بابكر مخير]

نرجع لتلك المجموعة التي شارك أحمد كوريآ نشاطه معها. لم يكن بيننا مكان للحديث والونسة في أمر تلك المجموعة وعن من يمثل ياتهو جهة، لكن كنت أعرف أن المرحوم خاتم عدلان كان ممثلا للحزب الشيوعي (قبل أن ترك أحدهم الأخر) وأن المحامي سيد كان عن الإتحاديين ووقتها الأكثر بروزا كان هو شق مولانا آي الوطني الديمقراطي وأن مجموعة الشريف زين العابدين أغلبهم هجر البلاد الي مصر والتقيت بمجموعتهم الجميلة "الأخيار منهم" صديق الهندي، مضوي الترابي، بكري الرجل النشط إجتماعيا وواسع الصلات ولكنه ما كان سياسيا بنفس المكانة.. أتذكر الأخ الحبيب أحمد الفرجوني كان يسكن في ضيافة الشريف زين العابدين في نفس السكن الذي يسكنه بكري مما فتح ليا فرصة أني التقيته واعجبت به ولي حسي أكن ليهو مودة خاصة. وهناك مجموعة كانت روابطها قوية من أيام معارضة النميري مع الشريف حسين الهندي وكانت تقيم لندن منهم الوسيلة وجلال الدقير.
كان بيناتنا نحن حزب الامة القومي في القاهرة صلاة وروابط جيدة مع مجموعة الشريف زين العابدين وحتى بعد ما جاء مبارك المهدي وفتح مكتب القاهرة أسترة صلاتنا بهم الأقوى ويمكن من الأسباب القوة تلك العلاقة هو حسبما كنت أحس وشايفهو، أنهو أخونا مبارك المهدي ما زولهم أو أنهو التعامل بالنسبة ليهم معاهو صعبة وخاصة أنهو ليهو علاقات قوية مع جون قرنق واليساريين (هنا الواحد يمكن يثمن الإلتزام المتوارث عند الإتحاديين أنهم ناس وسط ولا يميلون لأهل اليسار، شيتن بتوافق معاهم فيهو).
كانت المجموعة التي تشكلت كأساس للتجمع في السودان حذرة جدا في تحركاتها وهذا ما جعلهم يعملوان ولي فترة طويلة دون أن تبتدي أجهزة الإنقلاب الأمنية تتبعهم واللقاء القبض على بعضهم.. أذكر من نوادر أحمد كوريا وهو المعروف دوما بخفة الظل والحديث الحلو الغير ممجوج ونحنا نتكلم عن الأخطار البتقابل الناس البينخرطو في عمل سري ذي دآ، أنه قال ليا: غايتهو لو مسكوني والله ولا بستني لمن يدوني حتى كف، طوالي بقول ليهم، أنا ما عندي شئ.. دآ بابكر.... ولكن الحمد لله مرة أيامهو على أحسن وجه وأمن وأمان الي أن بدآ اخونا عبد الله الدومة أفتكر تحمل المهمة...
أيضا في وسط قيادات الحزب والكوادر النشطة بدت حملة إعتقالات وكشوفات القائمة السوداء في نقاط الحدود. عرفت من بعض شباب الحزب أني من الدايرنهم في نفس الأيام كان أخونا سيد نصر الدين المهدي طلب أن أرافقه في الهجرة للقاهرة وكانت بالنسبة ليا فرصة أني الحق أتخارج.. هي من ناحية هروب من المسئولية الأسرية والإلتزام في العمل السري.. لكن برضك المعادلة يمكن أن تطوى وتتلوي لممصالح الأخرى...
من الشخصيات التي تعاملت معها أيام نشاطاتنا في إصدار بيانات بإسم الحزب، باشمهندس أحمد البشير وهو كان مدير وحدة المباني في المعمار وعندهو سكرتيرتهو سيدة جليلة تسكن بحري، ساعدونا في الطباعة على الإستنسيل في غرفة الطيب فاروق وفي سكن شقيقي فاروق الطيب ميرغني في حي الهاشماب.. الإسنتسيل والورق للطباعة كان المورد الرئيسي لينا فيهو الخال أحمد محمد بدري من مكتبة أسلاف وهي كانت ملتقى ناس جميلة من البشر، مع أنهو الخال هلالابي لكان من الناس الديمة بي هناك جاد الله جناح المريخ المزعج. طبعا الخال وأحنا في المعمة دي سافر ووحشن بينا ولمن إتلاقينا تاني في لندن... ما بنسى أخونا برمة وزوجته وهم الإستلموا في المرحلة اللاحقة موضوع الطباعة في مطبعة الأحفاد. كان السيد العميد يوسف بدري يعلم بالأمر ولكنهو بحكمته يغض الطرف وفي نفس الوقت يدعم بشكل قوي. أتذكر أنهو عين في الأحفاد كم من السواقيين والحرس من أهلنا الأنصار والذي كان لنا معهم بعض الصلات "قصدي مجموعة العم فضل وتيراب" وواصل عميدنا الحالي نفس المسيرة الكريمة والوطنية.
ونواصل

[بابكر مخير]

أذكر من نوادر أحمد كوريا وهو المعروف دوما بخفة الظل والحديث الحلو الغير ممجوج ونحنا نتكلم عن الأخطار البتقابل الناس البينخرطو في عمل سري ذي دآ، أنه قال ليا: غايتهو لو مسكوني والله ولا بستني لمن يدوني حتى كف، طوالي بقول ليهم، أنا ما عندي شئ.. دآ بابكر....
أتذكر أني مريت بي إمتحان جد صعب وخاصة لي زول خرطومي، طق حنك وتنظير.. فكان مع مجموعة ناس عم فضل علي فكروا في أنهم مجموعة لا يستهان بي عددها وتملك إمكانيات مواجهة عسكرية تجاه مجموعة الكيزان الإنقلابية.. فليييه ما نقوم بي تحرك وأنهم متأكدين الغلبة نصيرتهم.. طبعن أنا زول في الشغلة دي ما عندي الدراية والمعرفة فطوالي لسيد نصرالدين وأنهو هو نائب رئيس الحزب وله تأريخ في العمل المعارض العسكري وتجربة في أيام ليبيا، يضاف الي ذلك الحب الذي كانت تملكه له هذه المجموعة والثقة الكبيرة.. بدينا الإجتماعات في نادي بابكر بدري بالأحفاد والعميد عليه الرحمة كان يراقب تحركنا هذا وأتذكر مرة قال ليا؛ فكرة كويسة، لأنهو في الأحفاد مخارج كتير. بتقدروا تشردوا منها...
الحصل أنهو المجموعة دي قالوا أنهم عايزين نقسم علي كتاب الله والخاين الله يخونهو.. (هنا إتذكرتا قولة كوريآ وأنا والله لا أخفيكم سر. أنهو تلك المجموعة كل واحد فيها مجاهد أشوس، قلبه من حجر ويده كالصخر، عيونه تنفث لهبا وجسمه بهامة جبل، حتى لمن كنت أسلم عليهم بشعر بأن يدي صدمت فولاذ) وأنا سرحان في هذه القولة المرهبة المفزعة، إذ عم فضل يقدم ليا المصحف وأني أنا أحلفهم. فطنة جدي بابكر يوم واقعة كرري وكيف إتلطخ بدماء الجرحى الجمبهو، ماثلتها قولا.. فقلت لعمي فضل،، أنا ما متوضي أخير إتا يابا فضل.. يا حليلهو راجل عظيم وعلى نية أهلي الأنصار الطيبين الصداقيين.. بدآ مع المجموعة القسم على كتاب الله....
بعد مدة بدت تلك المجوعة تقع في قبضة أجهزة الأمن، بتذكر أني مرة وكما أخاف الكضب مع بكور ومحمد بشرى مشينا زرناهم في في مكان حجزهم.. ما متذكر كيف قدرنا لذلك...
بتذكر أول يوم لمن مشينا للعم فضل في أمبدة، سألناهو لييه هم ما في إستراحة سيد صادق وأنهو الأيام السابقة كان ذي في إستنفار في وسط المجاهديين وعددهم في الإستراحة لا يقل عن العشريين.. أتذكر أنهو قال وأحلف على أن هذا ما سمعته.. جانا سيد عبد الرحمن فرح وصرفنا يوم الخميس وقال نمشو بيوتنا.. السيد عبد الرحمن فرح كان هو على رأس جهاز الأمن التنفيذي وفي الحزب... بتذكر مرة شفتهو في حقلة في التلفزيون، ما متأكد قبل أو بعد الإنقاذ وقال؛ أنهو في الثانوي كان أقرب للإسلاميين تنظيما وأنهو أحزاب الوسط كانت تسمى بالبيبسي...
المهم بعد ما عرفتا أني في القوائم المطلوبة العودة لقصة سفري للقاهرة وسعادة المقدم محمد صالح (السنجك) والتجمع والشيوعيين وسفرة تشكوسلوفاكيا...
نواصل

[بابكر مخير]

كنت في الشرطة معروف بإسم مخير وممكن تكون الحكاية راجعة أنهو من آل مخير إتنين سبقوني كضباط، الأول صديق مخير وهو كان وصل لرتبة مساعد مدير الشرطة وأخد فترة طويلة في كلية الشرطة أول بدايتها وهي كانت في نفس المكان الحسي فيهو مباني الجمعية التأسيسية، ظنيتهو حيكون هو مقر التشريعي إن ربنا سهل الأمور.. والتاني كان علي مخير وتوفي وهو في رتبة الحكمدار وكان في عطبرة وزملاهو من الشخصيات المميزة في الشرطة علي حسن وأبراهيم أحمد وهم أول المبعوثيين من الشرطة خارجيا وكان ذلك لألمانيا.. حكاية الشهرة بإسم مخير، سهلت عليا قصة سفري من السودان مع أنه إسمي كان في القائمة السوداء، فالحصل أنهو مع سيد نصر الدين المهدي تقرر أن نسافر الي جمهورية مصر وأنا إتأخرت لأنهو قرار حكومة الإنقلاب حظر السفر لمجموعات كبيرة من المهنيين وأنا مهنتي صيدلي يعني مقفلة من جميع الأبواب، قائمة سوداء ومهني... المهم إتحممتا وإدممدمتا ومشيت جوازات الخرطوم ومعاي باسبورتيي وقلتا أجرب... المهم لقيت في الكاونتر جنابهو الرائد أفتكر وكتها محمد صالح (سنجك وشلوخهو ما شاء الله، سيماهم على وجههم) وإحنا كنا تزاملنا في سنة 76 في دورة ضباط الجوازات والأدلة الجنائية بكلية الشرطة، فطلبت منهو يساعدني في شأن قريبي صيدلي وعايز يسافر مصر والمطلوب تأشيرة خروج... أيامها كان حق الزمالة أمر ليهو قدسيتهو.. فكتر خيرهو شال الجواز وعمل اللازم إلا أنهو عاين للصورة وقال ليا... يا مخير دآ ما إتا ذاتك.. قلتا ليهو كيف يعني أنا، يا أخي دآ قريبي وصيدلي ما شايف المهنة، المهم هو كان أصلن ختم التأشيرة وشكرته وسافرت... إلتقيته مرة تانية وفي زنقة جواز سفر، لمن جواز سفري كان إنتهت صلاحيته والمفروض نسافر لتشكوسلوفاكيا، فمشيت بقصد أني أجد في الجوازات ضابط ذي محمد صالح بيقدر الزمالة وأجدد الباسبورت كتامي.. ربك رب الخير ويكون محمد صالح بي شلوخهو الشايقية هو نفسهو وبرضك في الكاونتر.. شافني وسلام ويا مخير! كيف مرقتا.. قلتا ليهو والله الأهم من دآ كلهو عايز أجدد جوازي لأني مسافر أوربا، قال ليا: والله بختك ومسك الباسبورت وعاين.. دآ باسبورتك، قلتا ليهو نان منهو ما شايف الصورة. أخدني على أخر الكاونتر وقال ليا؛ يعني دقستني في الخرطوم وفي الوكت دآ كان معاهو الختم وكتب ليا التجديد في الباسبورت وختمهو.. وقال: لكن يا مخير كنا إتا وأنا ما تعرف اليحصل لينا شنهو لو كان أمرك إنكشف... ودعتهو ولا زلت أحتفظ ليهو بكل المودة والإحترام والشكر الجزيل...
سفرة تشكوسلوفاكيا،
يا أخوانا الكُبر لمن يلعب بي ذاكرتك، بيختك في مواقف باااايخة، يعني بتذكر أحد الضباط النشيطين وهو من أوائل الذين عملوا على تكوين القيادة الشرعية إتصل بي بواسطة شخصية عزيزة وإلتقينا وبعدها تقوت علاقتي بسعادتهو عبد العزيز خالد وكمان سعادة الفريق عبد الرحمن سعيد وبوصفي ضابط شرطة فيعني نظامي وكنت معهم بالتعاون التام وعملت مع عبد العزيز خالد في فتح قنوات تواصل مع سفارات المملكة المتحدة ومملكة السويد والتي كان قد ساعدني فيها شوقي بدري ومعرفتهو هو وبابكر العبيد وعبد الخالق مالك بي صلتهم بالسفير السويدي حينها في القاهرة (أتذكر ساعدني كتير في إخراج تأشيرات زيارة لبعض الناس ولمن بقيت مسافر لي إنجلترا، هديت ليهو على الله كاملة بي سروالها) وكانت الفاكهة الكبيرة التي قطفناها هي من علاقتنا بالسفير يأن بوري نائب السفير التشكوسلوفاكي والقائم بالأعمال حينها في القاهرة والذي كان لفترة طويلة قد عمل في سفارتهم بالسودان ولذلك كان لأخي عبد المنعم سعد الدين ياسين الفضل الأكبر في ما أنجزنا مع يان بوري لعلاقتهم هو وإميل عزيز وحسن قسم "دوشة" "عبد المنعم سعد الدين صاحب صيدلية سعد الدين وصاحب محل فيديوهات في الخرطوم السوق العربي هو كان أحد معتقلي بيوت الأشباح مع دكتور نصر (صيدلية الأم).. والقصة أنهو كانت أيام مفوضات حكومة الإنقلابيين مع قرنق وبواسطة أخونا أمير عبد الله خليل قد تسرب شريط عن هذه المفاوضات ونسبة لصلة الأخوة والزمالة التي كانت تجمع عبد المنعم مع أمير عبد الله خليل فقد وصل لعبد المنعم والذي عمل منهو نسخ وبطريقة ما وصل الأمر لبتاعين الأمن وقبض على عبد المنعم.....
نواصل

[imported_عبدو منصور]

تجربه باذخه
أستمتاع لهذا السرد الجميل
وفى الانتظار


متعك الله بالصحه والعافيه

[بابكر مخير]

تجربه باذخه
أستمتاع لهذا السرد الجميل
وفى الانتظار
متعك الله بالصحه والعافيه
شكرا ليك يابا
أهي حكاوي، عشناها ومحطات منها كانت للإستراحة ومنها كانت وقفات صعبة وحارة... شردونا ولكن رحمة الله أوسع فمسحت الغبن وأضفت عليه رحمة، وأزالت الوجع وعطرتهو لطفا.. تجربة الحمد لله وشكرا لشعبنا البطل... أزاح الطاغية ونحن اليوم نتنسم حرية. أريتنا يابا نبقى عليها ... ناس الإنتقالية يوصولوها الميز وعلى قول سيد صادق تكون "مستدامة"..
تعرف يابا مع الكُبر ما تعرف القلب بيصيبهو شنهو.. تبقى متسامح ولا إضينة ما تعرف..
إن سألوني؟؟
بقول لناس البشير... رجعوا لناس قروشها، الفات التاني دآك أصلهو صعب يرجع وبعدها بنعتقكم كشيطان عرف قدره، يعيش ديمة وضميرهو يأكل فيهو...

[بابكر مخير]

وإحنا في تواصلنا مع يان بوري، جاء وفد وزاري كبير من تشكوسلوفاكيا ووكتها كان أمرهم قد حسم في أمر فصل الدولة الي إتنين وهم التشيك والأسلوفاك يعني قريب من قصتنا والتي ما زال أمرها قائم على نتائج المفاوضات بين الحكومة وقرنق..
طيب الناس ديل وأنا عشت عندهم سبع سنيين وكنتا شايف حالهم، تكامل في الصناعة وتقارب في الغة وتداخل حدودي وأسر مشتركة، بهذا الهدوء والرضاء وصولوا لي معادلة ودون حروب وعدائيات إعلامية أنهو يفضوا الزيجة بالتي هي أحسن..
وكان هذا هو المدخل لحكومة تشكوسلوفاكيا أننا نأخد فكرة عن العملوهو عكس الحصل بين دول يوغسلافيا وين كانت الحروب الإثنية بين صربيا وكوسوفو.. أتذكر تواصنا مع ناس التجمع وبما أننا القيادة الشرعية القمنا بالإتصالات الأولى ولم نتعامل مع الأحزاب من منطلق التجمع هو الوعاء والقيادة الشرعية هي الجهة القومية ووعدنا بإستضافة وفد وأنهو هناك العديد من الأمور تضمنها جدول الأعمال.. تكون الوفد من الفريق عبد الرحمن سعيد، دكتور أمين مكي مدني، العميد عبد العزيز خالد والدكتور حمودة عبد الرحمن وشخصي. أتذكر من الأشياء المحزنة ومضحكة في نفس الوكت، أنهو كنت في زيارة لمكتب أخونا مبارك المهدي في القاهرة وأنا جالس مع صلاح جلال الذي هو ودكتور بولاد والأستاذ حسن أحد الحسن كانوا دعامات هذا المكتب، إتصل الأخ الأكبر التجاني الطيب وهاجم صلاح جلال هجوم شديد أنهو كييييف إتوا يا ناس حزب الأمة تنظموا ليكم سفرة لي تشكوسلوفكيا وما تشاورونا فيها.. صلاح وهو شخصيته مطبوعة على الهدوء. قال لي التجاني، أهو بابكر مخير معاي هنا وهو من الناس الاقوا التشيك "وهذا المصطلح الذي يطلق على التشيكوسلوفك ويمكن دآ الحزآ في قلب السلوفاك وشافهو تهميش وقالوا ننفصل:D، أكيد ما كدآ لكن الأمر ليهو أبعاد عديدة".. هدوء صلاح جلال لم ينفع ويمكن زاد من هيجة التجاني وأول ما قالها ليا؛ إتا قايل روحك بتعمل شنهو؟؟ حركات حزب الامة... يا زول أداني تمام وقلتا ليهوأولن تبادي الوفد دآ ما فيهو زول من حزب الأمة ولا الأحزاب التانية أللهم دكتور حمودة وهو نقابي وزولكم عديييل، تانين الباقيين عساكر ودكتور أمين وإتوا أكيد ما عليكم عليهو مأخذ.. إنتهينا من الدش الساخن وأنا أتذكر علقتا لي صلاح بأنهو الشيوعيين نسوا أنهو تشكسلوفاكيا بقت ما شيوعية ولا هو لساتهم شاعريين بأنهم أسيادها..
المهم الوفد سافر وكنا الحمد لله نشر مظهرا عدآ شخصي فقد كنت بلحية وبنطلون كوردروي بني وغيارهو جينزي أزرق وجكتا ما تعرف توصفها.. لكن سبحان الله الشكل دآ هو الأكسبنا مصداقية عند التشيك "المرة دي فعلن الإسم لأنهو في الإجتماع كان مع وزير الخارجية التشيكي"..
الحصل أنهو في الإجتماع دآ كانت حاضراهو مسئولة ملف السودان في الإدارة الأفريقية "أو كما تسمى".. فكان الوزير كل شوية يعاين ليا وقام إتلفت على المسئولة عن ملف السودان وقال ليها بالتشيكي والذي أنا سبحان الله لي حسي "تش" فيهو؛ يعني الوحيد البيوري أنهم "ثوار" دآ أبو دقن ولابس جاكتا،،، قمت إبتسمت عفويا وهي طوالي لفتت نظرهوا لي أني درست عندهم وبعرف اللغة، ضحك وأنا رديت عليهو وقلتا.. إحنا ما ثوار بمفهوم ناس تشي جيفارا، نحن معارضيين للنظام هناك ونعم فينا فصيل محارب ولكن قيادتهم هي الفي الوفد والمقصودين الفريق والعميد عبد العزيز..
كانت إقامتنا شئ جميل وإنقسم الوفد لمجموعات. كان الإتصال بالجهات التالية، الجيش وهم وعدوا في حالة الحوجة المساعدة في مستشفى ميداني، إذاعة وهنا قالوا أنهم ما بيقدروا يوفروها مجان ولكن بيساعدوا لأنها شركة هي البتصنعها وتم الإتفاق أن توفر المعارضة مبلغ محدد من المال وترك أمر المتابعة على ما أتذكر لفيصل فضل وكذلك تمت الموافقة على تخصيص بعثات دراسية للسودان تشرف على توزيع الفرص المعارضة "التجمع الوطني بشقيه العسكري (القيادة الشرعية) و المدني (النقابات والاحزاب)"
في أمر الإذاعة عرفت أن الأمر تمخض فولد فارا وأن البعض حاول أن يحصل على كومشن فيهو أما عن البعثات فقد إستفاد منها أبناء بعض من القيادات العسكرية..
نواصل

[بابكر مخير]

قبل نواصل... نرجع لي طلآشة الكُبر...
من الأول قلتها ليكم..
اللسان في الكبر بيترآ من كل مقاييس الذوق ويرمي الدراب ذي ما القدراني ماشي في شارع زلط المطر طيرت الإسفلت منهو وبس بقى على الحصى والبيقع من الحيطة في الخريف البترمي قشرتها لما تكون ما "إتزبلت".
شيتن يفلع وشين يخلع...
القصة وما فيها؟؟
حيطة الفيسبوك، هي من ناحية إعلام أوسع لي سودانيات وتخليد لذكرى الخالد خالد إجابياتها تب ما فيها نضم، لكنها كمان الخوف أنها تجذب العضوية لي هناك ويبقى السمي، هو اليورث إرث "خلودي"..
يعني لو حيطتنا البي هناك دي، ما قفلت الدري لي ضيوفن جديدين للبيت الكبير ودآ ياهو بفتكر العملوها راجينهو تبقى فعلن زيادة لكن الخوف تمشي قدر الفي البيت الحيطة تفرقهم حوش ديل وحوش دلك..
دحن البشوفهو...
نوف لينا حل...
وياها دي مبادرة ذي الت حمدوك..
لا حل ولا ربط..
بس فكرة وبطرحها
مع المحبة الخاصة لكل عضو والغيرة الزايدة لي سودانيات دوت نت:cool::cool::cool::cool:

[بابكر مخير]

مع الكُبر العزيمة بتنخ
أمسك شوف حسي..
كم من الزمن إنقطعتا من بوستي دآ..
ما هو شنهو جهجهة السفر والضغوطات في فتيش السكن والإستقرار..
نخيت عدييييييل والعزيمة بقت ذي العربية، عادمها مشروط وكربيترها مسدود وعصايت جيرها مرخية وطارت كلتشيها بقت ملسآ ودركسونهاإتحلج والعربية تكون مفروض تطلع ليها تل..
ما في عزيمة للمواصلة..
غايتهو ربنا يهون ونتحل عشان نعمل عمرة ونبقى ذي اللاندروبل الجديد من الورقة وطالع جبل عامر ويجي راجع بي دهب من الحديث والذكريات..
نشوفكم في وكتها :cool:

[عبدالحكيم]

تحية صباحية ...

في الليلة الظلماء يفتقد البدر ...

سَيَذْكُرُني قَوْمي إذا جَدّ جدّهُمْ، " وفي الليلة ِ الظلماءِ ، يفتقدُ البدرُ "
فإنْ عِشْتُ فَالطّعْنُ الذي يَعْرِفُونَه و تلكَ القنا ، والبيضُ والضمرُ الشقرُ
وَإنْ مُتّ فالإنْسَانُ لا بُدّ مَيّتٌ وَإنْ طَالَتِ الأيّامُ، وَانْفَسَحَ العمرُ
ولوْ سدَّ غيري ، ما سددتُ ، اكتفوا بهِ؛ وما كانَ يغلو التبرُ ، لو نفقَ الصفرُ
وَنَحْنُ أُنَاسٌ، لا تَوَسُّطَ عِنْدَنَا، لَنَا الصّدرُ، دُونَ العالَمينَ، أو القَبرُ
تَهُونُ عَلَيْنَا في المَعَالي نُفُوسُنَا، و منْ خطبَ الحسناءَ لمْ يغلها المهرُ
أعزُّ بني الدنيا ، وأعلى ذوي العلا ، وَأكرَمُ مَن فَوقَ الترَابِ وَلا فَخْرُ

نفتقد هذا المعين من التجارب الحياتية ...
هدية الصباح يا دكتور ...

https://www.youtube.com/watch?v=C20Vs7vAFuk

[بابكر مخير]

تحية صباحية ...

في الليلة الظلماء يفتقد البدر ...


حكوم
لو جنوب حلفا يبقى الوكت عندك سحر، يعني بعد الفرح والمرح والسمر
وإن شرق البحر الأحمر الفجر عليك ضوهو خير
وإنا ليا أنا..
ياهو الليل وضلامهو ما إنجلى
وهيهات إن يفج ضلامهو بدرن ساطع..
قطع شك ما بيكون :(:(:(

https://www.youtube.com/watch?v=zG8K37UKuW8

[بابكر مخير]

الغربة، إدمان..
أمسك عندك،
القراية في تشكوسلوفاكيا
الشغل بعد فترة 3 سنين في السودان، بقآ في دولة الإمارات،
وبعد تلاتة سنين تاني في السودان، العيشة في بريطانيا
الشغل تاني في الإمارات
العيشة في بريطانيا..
شوف بقآ!؟
الناس السجاير البنسون ولمن ما يتلقي ياهو القولدلييف ولا البرنجي "الحكمة في ناس يقولوا ليك البرنجي أحسن من البنسون ظاتهو"
أنواع السجاير في السودان قبل زمنا حتى ظاتهو كان أشهرها (بليرز نيفي كت) وهو في علبة صفيح وكان ما أخاف الكضب أقول لونها أصفر وبعدين تسيد الموقف الروثمان الي أن ظهر البنسون وسيطر على أمزجة السودانيين وبقآ هو المتملك الساحة.. بتذكر كنت بحضر ليا في شغل لي مجلسي وستمنستر وكنسينقتون أند تشيلسي عن الشيشة في لندن والمهم في دراسة يعني أثارت إنتباهي عن الهوكآ (الشيشة أو الأرجيلة) وأنهو السيدات بدن إستعمالها بصورة واسعة في الفترة الأخيرة والدراسة ربطت الحكاية دي بأن النساء بيجدن فيها نوع من السلطنة؛ طبعن الرابط بين السلطنة والشيشة أنهو لو الناس تلاحظ في كتير من الصور بتاعت الشيشة القديمة أنهو شكل سلطان عثماني هو البيشربها والغريبة أنهو بعض الدراسات بتربط شراب الشيشة بشرق آسيا والبعض بيربطها بأفريقيا..
السجاير زمان في السودان كان من البضائع المرغوبة عند أهلنا المصريين سواء عامليين في السودان أو في زيارات وأنواعه كثيرة، قلنا الروثمان والنسون والكنت وكان يمتاز باللون الأبيض بي علبتهو والسجارة كلها حتى الفلتر، كان في لكي إسترايك وأتذكر شوقي بدري في ظنيتهو السبعينات ولا بداية التمنينات كان وكيل لي نوع من السجاير للأسف ما متذكر إسمهو...
أنا ربطتا إدمان الغربة بي السجاير لأنهم الإتنين وكتهم حلويين لكن بيتمكنوا من الإنسان بالجد..
مرض، تعب، عزلة والمشكلة الأكبر..
أنك عااااااارف المضار لكن ما بتقدر بي هينة تسيبهم..
يعني لو ربنا مدآ في العمر ما بستغرب أني تاني إغترب.. ما هو السجاير هادي (من هد، يهد مش هدى، يهدي) الزول وبرضك مواصليين....

http://www.sudanyat.org/vb/uploaded/851_1630114135.pdf

[بابكر مخير]

الكُبر والعادة
وذي ما قلنا مرارا وتكرارا..
كل شئ بِقدم وهنا شئ عجيب في هذه الدنيا..
البشر والمخلوقات الحية جميعها إن كبرت أو تقدم بها الزمن أو العمر. بتفقد الكتيير.
أمسك مثلن، الشجر من نبتة صغيرة يافعة وخضرتها ناقعة وفاتحة وسيقانها يا دوبك شايلات الفوقها، لي طول وعرض والسيقان أخشوشنن وإتملن قشر. بالله شوف يعني التبلدياية وهي لساتها نبتة شافعة تتدارآ ووتوارآ من قولت شيتن حي ماشي يجي يدوسها ويفرطق خنانها لي حسي شيتن هآن قدر("هآنقدر" واحدة من الكلمات غير معروف الأصل وعشان كدي مسكينة يتيمة ولا أصل ولا فصل. إلا زولن يكون عارف معناها. وعليه من السهل أن يتعدى الشخص على تفسيرها وتحليلها والفلسفة فوقها. وأنا بفتكر أنها من كلمتين مختصرتين "ها = هذا" "قدر =القدر ككمية أو مقاس" وما في زول يسألني عن النون. لكناه يمكن من باب "التطريب" ذي نغمة حلوة يعني).
يبقى مع الكُبر بتتغير المظاهر الخارجية وكذلك الداخلية أو الباطنية وذكرنا الكتير منها مثل، الترهلات والإخشوشان وبهتان النورة والتحطب "ما هو الروماتزم دي شنهو"..
يبقى الشئ أو المخلوق بينتهي إما موت أو تلاشي وإنقراض (حسي كدي سؤال؟؟ هل برضهو البشر حينقرضوا ويتلاشو ذي ما كتير من الحيوانات بتنقرض "وحيد القرن" يا حليلهو إنقرض من كوهو إنهو شعار جمهورية السودان وإستعيض عنه بي صقر الجديآن وبرضهو في طريقهو لي الإنقراض وبي طريقة حكومة حمدوك دي؟ ظنيتهو السودان حيستمر ف الإنقراض، بعد الجنوب، النيل الازرق وجنوب كردفان وهلما جرآ. طبعن وحيد القرن كان الشعار وفي العملات كان المطبوع الجمل وكان العلم أزرق وأصفر وأخضر والرئيس الأستاذ أزهري ورئيس الوزراء اللواء عبد الله خليل والمحامي المحجوب وسيد صادق ومن بعدها جاطت)..
المهم أنهو العادات هي من الأشياء القليلة البتحافظ على قوامها مع الإنهيارات الجسدية خارجية أو باطنية البتحصل مع الكُبر..
وعشان كدي المثل بتاع.. من ساب عادتهو قلة سعادتهو تجسيد حقيقي لما سيؤل له الحال إن ترك الإنسان عادتهو وهو بقدرة المولى عز وجل أنهو جعل منها شيئا لا يشيخ مع شيخوخة الإنسان..
أهآ شوف جنس دي..
كانت متعودة؟؟
دايمن ;);)
http://www.sudanyat.org/vb/uploaded/851_1630217656.png

[بابكر مخير]

أتذكر مرة مشيت السودان قبل زمنن طوييييييييل والتقيت بعض ممن هم في عمري..
إن هن كنت أشوف فيهن الجمال مجتمع، تفاصيل الوش وهندمة اللبس وهيبة الوجود، سلامة القامة والإعتدال والإستقامة..
وإن هم.. كنت لمن اشوفهم برجع البيت محبط. ففيهم كانت الرجولة تبرز أجساد متراصة العضلات وفي الوجه رسمت أقوى لوحات الشدة والبئس والصوت كان حين يهمس تسمعه يجلجل على بعد كيلومترات (كنت عايز أكتب أميال لكني شوفتها مبالغة:smile:)...
مرت الأيام بلياليها وفصولها من خريف هجم حتى عليهن وعليهم،، فأغرق البسمة والضحكة كنهر القاش حين يهجم على المدن المبتهجة في الشرق وشتاء جفف الأخضر ليحوله يابس، خشن الملمس بعد أن كان عند بعضهن حرير ونعم جلدهم هموا بعد أن كان خشن رجولي كامل..
وفي المرات الشفتهم فيها دي... كنت برجع البيت وطوالي أقيف قدام المرآيا، فرح وسعيد بأنهو خريفي ما كان قاسي والشتاء عدآ على خير وأنهو الموسم الغاب عنهم عندي أتغنابو..
يا ربيع الدنيا
https://www.youtube.com/watch?v=wyW6nN7sEb4

[بابكر مخير]

أتذكر مرة تعرضتا لي ليلة تأبين والدي أبراهيم قاسم مخير.. وأنهو العميد يوسف بابكر بدري. خاطب الأطباء وقال ليهم... كرمو دكتور حليم (والمقصود هو دكتور عبد الحليم محمد أو أبو الطب كما يطيب دوما لدكتور أحمد حسب الرسول الكوقلي بأن يطلق عليه هذا الإسم) وهو عايش ما تبقوا ذي أخوانكم الصيادلة وتنطبق عليكم قولة أهل الغرب؛ جلابة شكارين تُرب...
كان قبل كم يوم قليلات.. ذكرتها لأخي محمد المهدي عبد الوهاب (أحد دعامات وقامات الحزب الشيوعي إن ما بين كل السودانيين فهو قطعا في لندن) وذلك عند إحتفاء الشيوعيين أو كما يحلو لهم دوما التخفي تحت مسمى الديمقراطيين (التقول إحنا ما هم البلشفيين) بالأخ راشد سيد أحمد (طبعن راشد حالهو حال الكثير من السودانيين في انهو "على سنة أبائهم" فوالده كان كذلك)...
المهم ورغم الإختلاف بيناتنا.. لكن للحق سعدت منهم وفرحتا لي راشد وأعتزيت بأن هناك نخوة حية ولم تمت... وعليهو فرعتا ليا بوست في الفيسبوك شاكراً لهم....
https://www.facebook.com/babiker.mukhayer.1/posts/4333508960098092

[بابكر مخير]

أخي الحبيب علي عبد الرحيم، رسل ليا وتساب (مفرود Forwarded) وهو عن شخصية أمدرمانية عظيمة.. ربطه مع الوالد كلية غردون وإلتقى مع الوالد ثانية في إجزخانة أمدرمان حيث كان من رواد منتداها الصغير في الفرندة الفاتحة على الناحية الغربية من وقف الجامع الكبير.. هذه الناصية الجنوبية كانت تنتهي في إجزخانة أمدرمان وبتبتدي من الجامع الكبير (العتيق) في الناحية الشمالية وهذا الوقف كان كبير لدرجة أنه وسع أنواع عديدة من صنوف التجارة. كان فيهو أرونط ومن الناحية الداخلية كان الشلاقمة (عبد الله شلقامي) كانت فيهو باتا (بي شراباتها) ...
الرسالة كانت؛
"حكايات امدرمانية
باشمهندس احمد داؤود احد ظرفاء امدرمان ويعرفه اهل امدرمان القديمة جيدا ، كانت لاحمد داؤود صيدلية في سوق امدرمان موقع الجامع الكبير ووقتها كان سكان امدرمان يعرفون بعضهم جيدا ، فكان يستلم روشتة الدواء ويقوم بسؤال طالب الدواء (انت ود فلان) وهو العارف بظروف الاسر في مدينة امدرمان فيعطيه الدواء ويقول له (امشي وسلم على ابوك) كان احمد داؤود يكتب على ظهر الروشته عثمان صالح او الشنقيطي وهكذا كان اغنياء امدرمان يدفعون ثمن علاج الفقراء ، كل ذلك كان بحدث في صمت ولم يعرف الناس في مدينة امدرمان هذا السر الا بعد ان تحدث به احمد داؤود في اخر ايامه رحم الله احمد داؤود واثرياء امدرمان الذين كانت تعطي يمينهم ما لاتعلم شمالهم
كونوا بخير اهلي في امدرمان"
يمكن نسبة لي إرتباطي الوطيد بإجزخانة أمدرمان وذكرياتي الجميلة فيها والأشقاء الكبار مبارك شعراني وسليمان وأتذكر تلك القارورة البنية اللون وهي ممتلئة بعصير السكر المعقد وهو غير إستعماله في تحضير دواء الكحة فقد كان لي فيهو مارب أخر. فهو يضاف لي كورية الزبادي من قهوة ود الآغا...
كنت بعض المرات أجلس في "التل" طاولة الحساب وبتذكر كان في كتير من الأحيان الوادل يجنبي عشان ياعامل مع إستلام استحقاق الدواء.. أتذكر أنهو إن لم يكن هو فكان واحد من أشقائي الكبار مبارك أو سليمان...
مرة كنت ذكرتها ما عارف هنا ولا في بوست وثقت فيهو بعض الأشياء عن الوالدة والوالد عن سجلات إجزخانة أمدرمان التي حرقها الوالد عند رحوله من بيت الجامعة المخصص له ولأسرته بشارع الجمهورية بالخرطوم.. وكانت هي ملفات ضخمة عن إستحقاقات الإجزخانة من العديد من الشخصيات الكبيرة..
على قول الوالد؛ ما هي قروش وإنحرقت...
العم الحبيب أحمد داؤد كان شارك الوالد في إجزخانة أمدرمان لبعض الوقت وحين تحول الوالد لوزراة الصحة باع نصيبه للعم أحمد وذلك من مبداء أن هو في نفس المجال مما يتعارض وقيم الوظيفة الحكومية...

[بابكر مخير]

أّيك أو عيك بالدارجي
وهي في الحالتين تصرف للمبالغة..
زولن طول وغاب وزاد في الغياب، أها لمن تلقاهو...
تقول عييك بتاعتنا الدارجة ديك..
دحن حسي غبتا ولمن فتحتا الصفحة دي لقيت المواضيع ولا "أَيْكُ" وهي غير الأّيك والمقصود بيها في المعاجم (الشَّجَرُ المُلْتَفُّ الكثيرُ) وهي بالدارجي متعارف عليها غابة..
في الخرطوم على ضفاف النيل الأبيض الشرقية هناك غابة والغريب في الغابة دي؟ أنك بالليل تشوف النجوم بكل وضوح وفي النهار، أشعة الشمس تلهبك مباشرة فوق رأسك في عدد الصفق في الغابة دي يكاد يكون متوزع بعدل على رأس كل شجرة ما بين تلاتين لي خمسين صفقة وبرضها غابة حين في الوسطى والثانوي، أساتذتنا درسونا أنهو الغابات هي الاشجار الكثيفة وأنه في بعضها يصعف الفصل بين النهار والليل..
الغابات الدرسونا ليها مثل الأمازون ولايكيا في كينيا وكمان غابات الملايو لكن ما إحنا وعادتنا الفشخرة وتضخيم الاشياء. على قول الراحل المقيم شاعرنا سيد أحمد الحردلو؛ تقول منو، تقول لي شنو...
وبعد عييكن ماها هينة وما طويلة... أهو رجعتا ولقيت سودانيات وعيني باردة...
أقلامها سنينة، قولها سمح، كتابها محافظيين على الإسهامات وكمان تميزت بالوان زاهية..

[ناصر يوسف]

وبعد عييكن ماها هينة وما طويلة... أهو رجعتا ولقيت سودانيات وعيني باردة...
أقلامها سنينة، قولها سمح، كتابها محافظيين على الإسهامات وكمان تميزت بالوان زاهية..



حبيبنا الجميل دكتور بابكر مخير
تحية و احتراما و عميق الشوق

ستبقى سودانيات على الدوام تلكم ال ( غابة ) وريفة الظلال بل قل الحديقة يانعة الأزهار طال ما مثلك يعمرها على الدوام

محبتي التي تعلم

[بابكر مخير]

المعروف أنه مع إزدياد العمر؛ يتوسع أفق الرؤية عند الشخص، بعض الخصال منها ما هو أصلن جواهو بس ما لقى فرصة ينكشف وهنا دي نقول أنه أخرج كوامن دفينة ومنها أيضا مكتسبة مع التجارب البيكون خاضها والأمور الجديدةعليهو البيكون عايشها..
ودي الفترة الممكن تكون في ما بين الخمسينات والستينات من العمر.. ما قبل ذلك لساتهو ما بيكون النضوج إكتمل وما بعد ذلك بتكون عوامل التعرية (Erosion) قد أثرت على التمالك والتقيم عند الإنسان..
بتذكر الناظر محمد الأمين ترك (الأب أو كما يقول الخواجات "سينير")، كان بي صداقة مع الوالد وهو راجل تعامله كان فعلن حق زول كبير، لطيف، محب، كريم وهنا قصدي ما تقييم شخصه ومقارنتهو بي إبنه، لكن المقصود؛ ترك تقريبا دفعة الوالد "بفتكر أنهو كان أصغر" وأنا ياني بي عمري دآ فلا بدن أنهو وليد المرحوم الناظر ترك،،، دآ يكون برضك أصغر مني ويمكن بي فارق أكبر من دآك البين والدي ووالدهو.. يعني المفروض يكون في الحقبة العمرية بتاعت الضوج الفكري بي تميزاتها من قومية الي تحمل مسئولية والي أخرهو...
البرهان برضك بنطبق عليهو ما جآ عن نضوج "الناظر" ترك الحسي دآ... في الفترة دي ومع حجم المسئولية وكِبر حجمها المفروض أنهو الناتج يكون أعظم وأقيم...
طيب ما لهم، هم كدي..
تقول تلقى ليك مبرر.. تتوه...
إلا تِرك دآك الياهو عندهو أجندة مفروضة عليهو وطمعان ومستنى المكافأة، البرهان الكنت بحلم بأنه يكون زولن واعي وغنِّم من كنوز العمر ما يؤهله لكسب ثقتي (يعني زولي) أصدم بيهو؟؟ ضحالة في الفكر، حتى أنه كاد أن يتفوق على "الكباشي" سواء في مرحلة قريب من تِرك...

يا أخوانا . هل ممكن سودانا دآ يتصلح حاله وياهم ديل ناسهو.. ود الفكي دآك ياهو لساتهو صغير وبي جهلتهو؟؟ في عّمهُ سّاءر

[بابكر مخير]

قلتها قبل كدي، إلا قولتها طوااااااااالي في إضنيآ...
قولة سيدي خليفة المهدي، لمن يانا السودانيين "زمان ولا حسي يانا ظاتنا" ناقين وشاكيين وداعيين عليهو.. في الصلاة بعد صلى بيهم وقف وخطب... وما معناهو؛ إتوا إلا ياهو الخليفة كىّ والخليفة كىّ.. نان إن قلتوا كدي. ما فيكم زولن يشيل حربتآ يبعجني بيها (يريحني منكوو)...
دحن الحالصل حسي في البلد دآ.. ما أخير أنهو الواحد يموت ويرتاح من جنس لخبطة وعدم مسئولية...
مكون شنهو ومكون شنهو وبيناتهم ناس بس باقية، المديدة حرقتني..
ناس نظرية المؤامرة روحهم والفتنة زادهم واللخبطة شأنهم..
أخر موضة؟؟
قالوا القائمة السوداء للمنوعيين من السفر فيها صلاح مناع.. طيب الزول دآ ما في كلام كتير تحت تحت عنهو وعادي ممكن يكون يتمنع لغاية ما يوضح أمرهو،،، مش قبل كدي إتحجز في مطار القاهرة الدولي ولا ويين ما عارف...
بتاع السيادي الشاب الوسيم محمد دآ أكان إتمنع بكون بي سبب، لأنهو قوله أشتر وبتاع لخبطة ذي ما ولعها بين العسكري والمدني ما ظنيت في بلد بتدورهو..
خالد دآ والله ليهم حق بعد فضحتهو بتاعت السفة، الزول دآ إستهلاك محلي ذي سفتهو بتاعت ود عماري دييك...
وحقهو القائمة السوداء برضك تتوسع شوية ويما في ناس مفروض تشملهم...

[عبدالحكيم]

وجاء في حديث أسامة بن شريك أنه قال: قالت الأعراب: يا رسول الله ألا نتداوى؟ فقال: ((نعم، يا عباد الله تداووا، فإنَّ الله لم يضع داءً إلا ووضع له شفاءً أو دواءً، إلا داءً واحدًا، فقالوا: يا رسول الله، وما هو؟ قال: الهـــرم)).

سلام دكتور ............................... وينك ...

أصبحت شيخًا أرى الشخصين أربعةً
والشخصَ شخصين لمّا شفّني الكِـــبَرُ
لا أسمع الصدر حتى أستـــــــدير له
وحـال بالسمـع دوني المنظرُ العــسِرُ
وكنت أمشي على الرجلـــين معتدلاً
فصرت أمشي على ما تُنبتُ الشــجر

[بابكر مخير]

السفاهة في الكًبر شينة وطبعن تعريف السفاهة متفاوت ..
ممكن تكون سوء تصرف والأتيان بي حاجات ما مستحبة في المجتمع فيقولوا سفيه، الزول المخهو فاضي ويقوم يتكلم في مجتمع بي قولن أشتر، الناس بتسفهو.. وحتى السفاهة ظاتها درجات، في السفيه بأخلاقيات سيئة وفي سفيه بعجز إجتماعي وفي سفيه شكلا وسفيه مضمونا يعني سفاهتهو في لسانهو قول وبصورة عفوية ودي سفاهة عابرة: في سفاهة الصغر ودي نتاج عوامل فيزيولوجية يعني ياهو جاية مصاحبة لطور مراهقة، إلا الشينة وما بتلقي ليها عذر، ياها سفاهة الكُبر وحتى لا تنحصر السفاهة في مفهوم قلة الأدب وسوء التصرف المربوط بالأشكال الجنسية، ذكرنا فوق سفه الشخص الذي لا يعرف أن يتحدث وحين يتحدث يطربق ويقولو قول زولن بهيم، فيُسفه وهو الفعل الجآي منهو الإسم "سفيه"...
المهم في القصد أنهو الحالة الحسي في البلد وحاصلة دي، وتعامل عدد من السفراء ورئيسة دبلوماسيتهم مع البرهان بأنهو سافهينوا وبهذا يكون البرهان سفيه ولسوء حظه أنه في عمر يصنف بأنهو كِبر وهنا ينطبق عليه وصف؛ سفاهة الكُبر

[بابكر مخير]

في حاجات ما كانت بتخطر على بال الزول. أحداث بفتكر أنها غير طبيعية وبناء عليه بيبتدي يأخد الأمر أنهو محتاج لعلاج...
يومي على الله لمن أصحى الصباح وأمشي أتغسل في حوض غسيل الوش وكل ما أرفع رأسي أحس بشئ يضربني فوق الجبهة وفي مقدمة الرأس.. آآآخ وبعدها أكمل المهمة الصباحية..
سألت الدكتور وطبعا عشان الكوفيد 19 ياهو المقابلة مختصرة علي التلفون.
سألني، يعني بعد الضربة دي بتشعر بي دوخة ولا في محلها في ورم ولا دم... ومن متين بتشعر بالضربة الفي رأسك دي... رديت عليهو أنهو الضربة البحس بيها هي بس لحظتها وما بشعر بأي آثار ولا حتى في المرآية ما بشوف حاجة تعني أني ضربتا رأسي..
قال ليا نشوف تلاتة يوم وبعدها ممكن نحتاج نعمل ليك رنيين مغنطيسي ونشوف في حاجة في الرأس ولا كدآ، لكني عايزك بعد ما تغسل وجهك، أرجع ليك خطوتين تلاتة قبل ترفع رأسك...
الدكتور دآ يا أمتنا أنهو شاطر ومقددها أو أنهو حصل ليهو أمري دآ وبناء الخبرة، زيادة على المعرفة..
المهم الصباح مشيت الحمام وغسلتي ووشي وقبل أرفع رأسي تذكرت تعليمات الدكتور ورجعتا كمان بدل خطوة إتنيين..
أهااا اليوم دآ ولا شعور بالخبطة ولا يحزنون وتاني يوم نفس العملية ونفس الراحة من الضربة واليوم التالت والدكتور ضرب ليا تلفون ورديت عليهو أني نفس التعليمات مارستها والخبطة الفي الراس ما عاد لها أثر أو وجود..
ضحك وذي ما قلت ليكم هو يا شاطر أو مجرب.. قال ليا المشكلة أنهو في بعض الشقق بيكون الدولاب المعروف بالإجزخانة مختوت فوق حوض غسيل الوجة وعلى مستوى منخفض، فلمن الزول يرفع رأسه بيتخبت فيهو..
إتذكرتا طوالي قصة الزول دآك القالوا بيراجع دكتور العيون بصورة شبه يومية ويحكي ليهو أنهو كل ما يشرب كباية الشاي الصباح بيشعر بحاجة بتطبزهو في عينو اليمين.. الدكتور إتحير وبدآ يشعر بأن هناك مشكلة في طريقة تناول الزول دآ للشاي، فقدم ليهو شاي متكامل الأركان ذي إنقلاب البرهان، براد وسكرية وملعقة وقال ليهو إتفضل أشرب شاي معاي...
الطلع شنهو يا سيدات والسادة.. أنهو صاحبنا بعد ما يسوط السكر في الكباية، بيخلي الملعقة في الكباية وعليه بتطعنهو في عينهو...
هذا هو حال عبد الفتاح البرهان..
هناك في ما في حاجة غلط حصلت لكنهو بيشعر بيها فلو روق المنقة أكيد بيعرف أنهو الغلط من تصرفاتهو هو والمكون العسكري، ناس كباشي والعطآ...
كدي برااااحة رجعها لي يوم 24 اكتوبر وأعد حياتك من هذه النقطة وهنا من جديد بتلقآ العلاج :p:p

[بابكر مخير]

العمر والأحداث. الإتنين ديل ذي الشحمة والنار، تشم الشياط الهو أشد بأسا من ريحة البمبان ويبقا معشعش في المناخير ومتعلق في الشعيرات التي كل ما ذاد العمر زاد عددهن بشكل مطرد وكأنها تستعجل أخذ جائزة الفورملا ون من منافسيها الشعر الذي يطول ويغزر من الحاجب والذي ينتشر في حافة الأذنين. لا يلاحظ هذا إلا من تجاوز في العمر متاريس السبعين.
الإحتراق الحاصل بين العمر والأحداث فاق ريحة اللساتك البقت أيقونة للثورة وأدمنها عسكر المرتدين، ناكثي العهد فتلقاهم ينجذبوا ليها كما الذباب لقطعة حلاوة لكوم. رائحة شياط أقسى هوادة من كتاحة التاتشر وهي في أزقة إمدرمان مثيرة غبار أجعص جعيص يشعره كُتل من سفاية التراب الأحمر والذي يقدر بعض الجيلوجيين تميزه بإحتواءه لكم هائل من الحديد والذي تفاعل مع موية المطرة وأوكسجين الهواء تحت حرارة الشمس البتضرب الضب لتسيح مخهو.. القولة دي ممكن تنضاف للأوصاف التي تطلق على الحالة العايشنها حسي دي في السودان، من دفين العسكر التوم هجو وجبرين وأمثالهم.
بشيشكم علينا يا خلق وبقينا ما بنتحمل يا برهان وحمدوك....
وعلى قول دآك بتاع تونس..
هرمنااااااا :(:(

[بابكر مخير]

في عالم الدعايات الفي التلفزيون..
أنهو يجيبوا ليك لقطات مثلً لي كديسة صغيرونية وحلوة، تنونو.. أها وتكون دي دعاية بتاعت زيت عربيات..
ما في رابط أبدن وظنيتهو هنا بيت القصيد، أنه دي حاجة تشغلك ولمن تشوف كديسة صغيرة بتتذكر زيت العربيات دآ أو لمن تشوف جالون بتاع زيت عربيات بتتذكر النوع دآ الدعايتهو كانت الكديسة...
قالوا؛ الراجل مريح ومقرش وعندهو. رسل ولدهو أوربا عشان يقرى، أها الولد بي قروش أبوهو البرسلا ليهو، هجآ ومجآ وكمل اللهو وعن البلد وأبوه صرف النظر وضرب السهو. لا جواب منهو لي أبوهو بيرسل ولا معلومة عن البيعمل فيهو راضي ليهو يوصل..
الأبو ضرب خماسيهو في سداسيهو وقال؛ يمشي يشوف ولدهو..
وحاتك لقاهو البنطلون جراب بندقية وناصل لمن مبين ال underware والوشم صفقة نبات القنب قدر الهقلة مرسومة في الكتف اليمين، ما طبعن الموضة أنهو يكون تي شيرت بي حمالات..
عاين لي الزول عشان يتوكد الخلقة. اولد قال لي أبوهو: Hi dady..
دي شنهو يا ولد العاملهو دآ.. قرايتك التلاتة سنين وينها..
قال ليهو.. ما إتا رسلتني وأنا لي حسي بجرب في الكليات ياتها البتنفع معاي. لكن فرح أمي. الحمد لله عرستا وجبتا ليا ولد..
أها حسي الموضوع الفوق دآ...ذي الداعاية ديك.
ما منهو قصد ... بس حبيت أذكركم بالبوست دآ :eek:

[بابكر مخير]

يوم أمس كان له أن يمضى وكانه من الأيام عادية ومندرج ضمن أيام السبت ذات الطعم الخاص كعطلة نهاية الإسبوع والذي بقدرة قادر أضحى هكذا في كل دول العالم. حين كان زمان وفي زمنن ما غابر. يوم الخميس في كل الدول المسلمة هو بداية عطلة نهاية الإسبوع والجمعة هي العطلة الرسمية والتي برضك بقدرة سلطة بقت نص يوم عمل وتم تقنين عطلة الإسبوع على الطريقة الخواجية (سبت، أحد)..
ولكن كان يوم الأمس لي بطابع خاص جداً؟؟
كان بداية عطلة نهاية الاسبوع وكعادة كل الناس العاديين "المقصود العندهم شغل وأسبوع عمل ما عطالة" هو يوم الراحة فعندك ممكن تساهر ما يفرق مع إختلاف أنواع السهر وما تنشغل بي صحيان بدري والمشي للشغل فتنوم ملء جفونك (بتزيد من قوة الذاكرة). وعلى هذا المبداء قفلت صوت جرس التلفون ومشيت على السرير بعد سهرة ما كانت طويلة في النت ونمت، نوم ما متواصل فمعا العمر دآ؟؟ كضااااب البيقول ليك نام التمنية ساعات الموصوفة في كتب الطب..
صحيت على الساعة 12 وتلت ظهرا (صحيت دي المقصود بيها قمت من السرير بعد قضاء الساعات الموصوفة بأني راقد نايم) وطبعا أول شئ بتعمله وإتا في حالة جلوس في طرف السرير، أنك تشوف التلفون لتبدا تتعايش مع الكون الحوالينك وتشوف الحبان من أهل وصحبان كيفنهم.... لقيت كمين إتصال بالوسائط وبالتلفونات العادية من أبوظبي ولسة بفرك في عيوني، الشاشة تضوي أنهو في محادثة...
خير إن شاء الله جبرة (حمادة) في شنهو يا ربي؟؟؟
جاني صوتهو وخلفية صوت بكاء حآآآآر...
قال ليا: إتا يا زول تمام..
إستغربتا وأنا المفروض أسالهو لأنهو كان حاسي قبل كم إسبوع...
أنا كويس.. لييه..
جبرة: يا أخي أخوك يوسف تعبان شديد وقال أنك؟؟
متا :eek:
لا الحمد لله أنا حسب العوامل المعروف من إنعكاسات سالبة للكُبر، بعتبر نفسي FIT...
هنا كانت لمسة الحزن الساقم تملكتني.. ما عشان الخوف من الموت... أبدن فالبرهان بعث في النفس كم هائل من اليقين بعد كتلهو لهؤلاء الشباب اليافعيين، فما بالك ونحن أولائك الذين بلغوا من العمر عتية، كان الحزن أنك حتفقد الناس الجميلة الحوالينك وبرضك حزنان على البعض من الناس ديكا الفراقك ربما يحزنهم. وهذا إحساس تملكني وكان وقتي جداً. وبعد دقائق معدودات تغلب على هذا الحزن. الفرح الجامح حين بدآ التلفون يرن وإجيب عليه وقبل أن تنتهي المحادثة تكون الأخرى في الإنتظار وأخريات مستنيات دورهن..
كان الأحباء فرحين حين علموا بعدم صدقية المعلومة وأني ما متا ولا أني برد على التلفون لأني بقيت بعاتي، بعثت من بعد موت....
بعضهم تمنى لي العمر المديد وبعضهم مشكور على أنهو مدح فيني صفات يمكن هم شايفنها وأنا غايبة عني..
فرح بالجد أنهو هناك من سيدعي لك خيرا لأنك كنت عندهم إنسان وأتمنى أنهم سيكونوا الأغلبية التي تدعوا لك وتغطى على أولائك ممن سيدعوا عليك..
وهكذا مضى أمسي
يوم فيه عشت فرحن جامح وحزنن ساقم...

[عكــود]

يوم أمس كان له أن يمضى وكانه من الأيام عادية ومندرج ضمن أيام السبت ذات الطعم الخاص كعطلة نهاية الإسبوع والذي بقدرة قادر أضحى هكذا في كل دول العالم. حين كان زمان وفي زمنن ما غابر. يوم الخميس في كل الدول المسلمة هو بداية عطلة نهاية الإسبوع والجمعة هي العطلة الرسمية والتي برضك بقدرة سلطة بقت نص يوم عمل وتم تقنين عطلة الإسبوع على الطريقة الخواجية (سبت، أحد)..
ولكن كان يوم الأمس لي بطابع خاص جداً؟؟
كان بداية عطلة نهاية الاسبوع وكعادة كل الناس العاديين "المقصود العندهم شغل وأسبوع عمل ما عطالة" هو يوم الراحة فعندك ممكن تساهر ما يفرق مع إختلاف أنواع السهر وما تنشغل بي صحيان بدري والمشي للشغل فتنوم ملء جفونك (بتزيد من قوة الذاكرة). وعلى هذا المبداء قفلت صوت جرس التلفون ومشيت على السرير بعد سهرة ما كانت طويلة في النت ونمت، نوم ما متواصل فمعا العمر دآ؟؟ كضااااب البيقول ليك نام التمنية ساعات الموصوفة في كتب الطب..
صحيت على الساعة 12 وتلت ظهرا (صحيت دي المقصود بيها قمت من السرير بعد قضاء الساعات الموصوفة بأني راقد نايم) وطبعا أول شئ بتعمله وإتا في حالة جلوس في طرف السرير، أنك تشوف التلفون لتبدا تتعايش مع الكون الحوالينك وتشوف الحبان من أهل وصحبان كيفنهم.... لقيت كمين إتصال بالوسائط وبالتلفونات العادية من أبوظبي ولسة بفرك في عيوني، الشاشة تضوي أنهو في محادثة...
خير إن شاء الله جبرة (حمادة) في شنهو يا ربي؟؟؟
جاني صوتهو وخلفية صوت بكاء حآآآآر...
قال ليا: إتا يا زول تمام..
إستغربتا وأنا المفروض أسالهو لأنهو كان حاسي قبل كم إسبوع...
أنا كويس.. لييه..
جبرة: يا أخي أخوك يوسف تعبان شديد وقال أنك؟؟
متا :eek:
لا الحمد لله أنا حسب العوامل المعروف من إنعكاسات سالبة للكُبر، بعتبر نفسي FIT...
هنا كانت لمسة الحزن الساقم تملكتني.. ما عشان الخوف من الموت... أبدن فالبرهان بعث في النفس كم هائل من اليقين بعد كتلهو لهؤلاء الشباب اليافعيين، فما بالك ونحن أولائك الذين بلغوا من العمر عتية، كان الحزن أنك حتفقد الناس الجميلة الحوالينك وبرضك حزنان على البعض من الناس ديكا الفراقك ربما يحزنهم. وهذا إحساس تملكني وكان وقتي جداً. وبعد دقائق معدودات تغلب على هذا الحزن. الفرح الجامح حين بدآ التلفون يرن وإجيب عليه وقبل أن تنتهي المحادثة تكون الأخرى في الإنتظار وأخريات مستنيات دورهن..
كان الأحباء فرحين حين علموا بعدم صدقية المعلومة وأني ما متا ولا أني برد على التلفون لأني بقيت بعاتي، بعثت من بعد موت....
بعضهم تمنى لي العمر المديد وبعضهم مشكور على أنهو مدح فيني صفات يمكن هم شايفنها وأنا غايبة عني..
فرح بالجد أنهو هناك من سيدعي لك خيرا لأنك كنت عندهم إنسان وأتمنى أنهم سيكونوا الأغلبية التي تدعوا لك وتغطى على أولائك ممن سيدعوا عليك..
وهكذا مضى أمسي
يوم فيه عشت فرحن جامح وحزنن ساقم...
الله يطول عمرك في طاعته ويمتعك بالصحة والعافية ومحبة خلقه فيك يا إنسان يا جميل.

[بابكر مخير]

https://m.facebook.com/story.php?story_fbid=4871485689633747&id=100003170927319

[بابكر مخير]

من الردين الفاتن في البوست دآ..
هناك درس أساسي لو الناس إنتبهت ليهو، ما ظنيتهو في زول بيسقط في إمتحان الحياة الفانية. بل بالعكس بيكون إجتهد في الواجب المنزلي للمرحلة الجاية حيث الحساب الأعظم...
أنا في عز نومي، لقيت أنهو العالم قيامتهو قايمة وأني متا.. بي السهولة والبساطة دي.. اليوم في شأن وباكر في ولا مكان..
هل الموضوع دآ واضح لي ناس متزاحميين في الدنيا دي وأنهو كل واحد، مش بس بعافر عشان يعيش وقدر الرزق البكفيهو..
لا!!
هو عايز كل شئ. الرزق بأيتها صورة من الصور وبأي طريقة من الطرق.. بالنهب والسلب، بالعنف والضرب، بالقوة والسطوة يعني أخنق فطس..
إتصور يا حميدتي ولا البرهان وكائن ما كان.
تبقآ عليك حكايتي بس ما معلومة مغلوط، تبقى حقيقتن وإتا في نومك ما تنحظ ذيي وتصحى عشان تكون الحكاية قصة وبي وشوشها الإتنين القبيح المحزن والجميل المفرح..
ما تقوم وتبقى عليك واحدة وبس واحدة.. أنك حقيقي متا..
وتبقى لبناة في خشوم الناس تلوكها، فيهم البتأفف من طعمها وتنضاق أمر من اللبان الضكر وفيهم البيمص حلاوتها ذي "الشكليت" ويتفها في الأرض وتخالط السفة المبذوقة في التراب والتي حتى الجداد يترفع عن إلتقاطها.. يعني إتصور الجداد البيوصوفوا بي رفقته شيتن قبيح (البباري الجداد بوديهو الكوشة)..
ممكن تلقى البعض والبيتمسكوا بي طباعنا ويذكروك بسيرة حسنة من باب أذكروا حسنا موتاكم أو من طبعنا "جلابة شكارين ترب"...
إنتهى....
____________
بمناسبة قرب رمضان وتصوموا وتفطروا على خير..
فمن الأشياء البتذكرها في طفولتي وكانت مخيفة ويمكن تركت فيني وفي الكتيرين ممن يتذكرها أثر نفسي..
هو النباه..
ففي أيام رمضان والقصد تنبيه الناس بأن وقت الإمساك قد أزف وأنهو صلاة الفجر على الأبواب (بين الإمساك والفجر، قدر خمسين أية حسب حديث عن النبي عليه الصلاة والسلام ولكن لم تحدد هذه الآيات وطولهاgoood) كان ينادي المعتدلون منهم "اصحي يا نايم وحد الدايم" أما التانيين ديك البيخوفوا الملائكة حتى فكان ندائهم "المووووووت،،، أطراء الموت يا نايم".

[بابكر مخير]

صننننن، عزلة وصنة، عدم حركة وصنة، سكات وصنة..
لا عين بتنفتح،
لا إحساس بنحس
لا يدن بتتحرك
ولا رجلن بتترفع
أخر حاجة كانت محسوسة ومشيوفة
هي كانت قبل النومة دي..
البحصل كلهو مؤجل لي حين الصاخة وهي الحاجة الوحيدة البتنسمع في نومة الصنننننن..
نومنا العادي دآ؟ فيهو أحاسيسك بتكون علي الهبشة، صوت عالي بصحيك، نورن ضوآ في وشك بصحيك...
هناك لو الشمس نزلوها في وشيك ولا سماعة ساوند سيستم بي الف ومتين واط في أضانك ما بتنسمع...
نومنا العادي، فيهو بتحلم والحلم أنواع.. ما الدماغ صاحي ما ميت وهو البنشط ليك إعادة أحاداث حصلت أو ما حصلت ولكنها بتكون مرئية ذي حكايات الإفتراضيات بتاعت برامج الكمبيوتر..
دآك ما فيهو جنس دآ...
بعضهم ممكن بيكون رجع من نومة الصنننن دي..
لكن ما ظنيتهو بيتذكر التجربة. قهو ذي البيكون إنضرب بي مثيل الجاهز دآك بتاع فيلم Men in Black البيمسح الذاكرة...
تجربة خوضانا الواقعي، أكيييييييييد بيكون مختلف بالكامل من الإفتراضي والذي يبنى على حسابات البشر وما دايمن حسابات البشر صايبة يعني ذي قولي دآ هو إفتراضي من حالتة كانت معلومة مغلوطة خلتني أسرح كدي..
يعني لو جد ما ظنيتني كان بلقى فرصة أوصل البيحصل شنهو في النومة الصنننن دي:confused::confused:

[بابكر مخير]

مع الكُبر اللفحي بيكتر.
هو أصلهو الزول سمعهو بيبقى ما الياهو وإتا أصلن ذي ما قلنا قبال كدي القلب بيرهف،، أها تسمع قولة فلان وقبل ما تتوكد من الحاصل شنهو تنط وطوالي فكرك بيمشي سلبي. ما هو شنهو وعلى قول دكتور أبراهيم بدري (حينما يتغير معني الفرح والحزن ولا تنتظر ماليس اتي) والتفكير بنحصر في ما هو أتي. فبيبقى القول: حصل ليهو شنهو.. مع انه القصة لو صبرت ممكن تكون خبرية أنهو كسب اليانصيب ونغوش..
أول أمس لفحتا ليا كلام عن زولن عزيز إتوفى وطوالي يا مؤمن يا مصدق بالإحساس السلبي صدقتا وأطلقت العنان لي قلمي.. عزاء بي وصفهو وبما أني بيا دمن من الشمالية (رباطابي) مصدر من يعرفوا في غرب السودان بالجلابة. فمدحت وشكرتا قدر ما أسعفتني الذاكرة من معجم اللغة العرببية..
شوف يعني ومعا إنهو مفروض في حكاية الموت دي أتريس شوية بعد تجربتي الخاصة وموتي الخبرها إنتشر في أبوظبي.. وهناك بقآ الجلابة شكروا تربتي بالجد مع أني كنت معاهم لي اتناشر سنة وما سمعتا مجاملة ساكت إتمدحتا..
أها ذي ما قلتا لفحت الكلام وحزنتا وعزيت ولسة أنا في الفيسبوك، يدخل عليا أخ الزول اللفحتا أنهو إتوفى وقال ليا: يا أخي أخوي حي وعايش...
أها طوالي لحقت سحبت عزائي وفي الدسكتوب بتاع اللابتوب فتحتا ليا فايل جديد وحفظت فيهو الكتابة. ربنا يديم للجميع صحتهم لكن إمكن أحتاج للعزاء في يوم تاني..
ما يندرآ:eek:
سؤال جانبي؟؟
الأيقونة بتاعت اليوتيوب لإرفاق ملف مالها إختفت

[بابكر مخير]

في الكُبر المتلازمات ما بيلزمن حدودهن
إن قولتا يانا خلاص عرفنا،،
كل شترة وشترة معانها عدم توفيق منهن..
كل مرة تجيك وحدة جديدة ما ذي سابقاتها ولا ها ذيهن..
مثلن يعني مثلن ذي دي....
تتلبس وتطقم وقدر السبيبات الفي الراس تلمهن
تعاين نظرة عابرة، إلا وترد؟ ترجع تعاين من تاني وتقول تتوكد، الشايفهو دآ جد ولا "عيوني كعبات".
اليليييييلة :eek::eek:
دآ شنهو دآ...
البنطلون ما لهو مخطط تخطيطن أشتر ذي شترتي...
لا لا ما معقول!!
أتاريهو بنطلون البيجامة،، ال لو لا المريا،،
كان مرقت بيهو وضربت بيهو الحوامة..
كنت ببقى ضحكة
ما ظنيتهو أبقى ضحكة......
لأنهو كل البشوف المشية خطوة فوق التانية وتلقاها متكعبلة والوشيش كضومهو مترهلة..
بيسامح وممكن كمان يقول..
دآ؟
الزمن فرندقس والكُبر غلاب..
يكون الزول دآ في أيام صباهو..
لمن يمشي بخب التقول خيلن في مضمار السباق
وإن إتكلم بس أسدن زئر
حتى إن ضحك عواميد الكهرباء يتهزن ولا قطر عطبرة (دور حديدهو)...
ياهو دآ الحال...
أخويا سبب فتاحن البوست دآ...
الدبلوماسي الرقيق أبراهيم عبد المنعم ومن حكمهو التي أسعد بي لفحيها (قلناها اللفحي متلازمة من متلازمات الكُبر) وصف هذه الحالة الغير معروفة الوصف (الكُبر).. أنك شاعر بالكُبر أتى عليك، قرضك ونشفك لكن العقل لساتهو عايش ويوسوس ليك في أضانك ويضحك عليك ويقول.. ها يا زول قول الحمد لله إتا ماك حق زماااااااااان دآك ظاتهو ما في شيتن إتغير. لكن الحقيقة تتجلى في قول دكتور أبراهيم ود العم؟؟؟.
حينما يتغير معني الفرح والحزن ولا تنتظر "ماليس أتي" وهنا بيت القصيد وحقيقة أن العبارة الصادقة جدن.. فشنهو يعني هو الأتي؟؟
هل هو أو معقول؟؟
السنون تقوم من تاني بعد ما وقعن. أكيد لا ما هن ما سنون اللبن عشان يتعوضن. الركبة تنجبر ككيف والسوائل قطت والعضام إنبرن وبقن يحكن في بعض لمن تسمع صوتهن التقول تبشيرة الاستاذ في السبورة.
الشعر البدون حوجة لي حلاق بقى الراس زلط.
العيون دمعتن سايلة وقالوا دآ الجفاف بتاع الكُبر.
يعني شيتو أشتر تب الكُبر ما هو المعروف الجفاف معانهو عدم السوائل لكن في الثقيل القصة بتنعكس..
شترة للطيش